'അൻഷി' എന്ന മിസ്​ ബട്ടർഫ്ലൈ

അൻഷി അനീഷിന് അഭിനയം കുട്ടിക്കളിയല്ല. 11ാം വയസിൽ യു.എ.ഇ മന്ത്രാലയങ്ങളുടെ പരസ്യത്തിൽ വരെ എത്തിയിരിക്കുകയാണ്​ കണ്ണൂർ കാപ്പാട്​ സ്വദേശി അനീഷി​െൻറയും ജീനയുടെയും മകൾ അനീഷയുടെ അഭിനയ പാടവം. അതുകൊണ്ടും തീർന്നില്ല. മോഡലിങ്​, പെയിൻറിങ്​, ജിംനാസ്​റ്റിക്​സ്​, സ്വിമ്മിങ്​, ക്ലാസിക്കൽ ഡാൻസ്, റോളർ സ്​കേറ്റിങ്​, ഹുലാഹൂപ്പിങ്​​...അങ്ങിനെ സ്വന്തമായൊരു കുഞ്ഞു കരിയർ കെട്ടിപ്പടുക്കുകയാണ്​ ഈ ആറാം ക്ലാസുകാരി. യു.എ.ഇയിലെ രണ്ട്​ മന്ത്രാലയങ്ങളുടെയും ഇത്തിഹാദി​െൻറയും പരസ്യത്തിൽ അഭിനയിക്കാനുള്ള ഭാഗ്യവും ഈ മിടുക്കിയെ തേടിയെത്തിയിരിക്കുകയാണ്​.

ഏഴാം വസയിൽ അമൃത ടി.വിയിലെ 'അപരിചിത' എന്ന സീരിയലിലൂടെയാണ്​ അഭിനയ രംഗത്തേക്ക്​ കടന്നുവരുന്നത്​. 100 എപ്പിസോഡുള്ള സീരിയലിൽ മുഴുനീള കഥാപാത്രം. ആസ്​റ്ററി​െൻറ ബ്രോഷർ മോഡലായാണ്​ യു.എ.ഇയിലെ തുടക്കം. ​പിന്നീട്​ ഒരുപിടി മികച്ച സ്​ഥാപനങ്ങളുടെ മോഡലായ അൻഷി ഏറ്റവും ഒടുവിൽ അഭിനയിച്ചത്​ യു.എ.ഇ വിദ്യാഭ്യാസ മന്ത്രാലയത്തി​െൻറ പരസ്യത്തിലാണ്​. സ്​കൂളിലേക്ക്​ മടങ്ങിയെത്തുന്ന കുട്ടികൾക്ക്​ ആത്​മിവശ്വാസം പകരാൻ തയാറാക്കിയ പരസ്യത്തിൽ മുഖ്യ കഥാപാത്രമാണ്​. വൈകാതെ ഈ വീഡിയോ പുറത്തിറങ്ങുമെന്ന്​ പ്രതീക്ഷിക്കുന്നു. ആദ്യമായല്ല സർക്കാർ പരസ്യത്തിൽ തലകാണിക്കുന്നത്​.

യു.എ.ഇ ആരോഗ്യമന്ത്രാലയത്തി​െൻറ രണ്ട്​ പരസ്യത്തിലും മുഖ്യകഥാപാത്രമായി. ഓഡിഷൻ നടത്തിയായിരുന്നു തെരഞ്ഞെടുപ്പ്​. കഴിഞ്ഞ വർഷം അബൂദബി ടൂറിസത്തിനായി അഭിനയിക്കാൻ അവസരം ലഭിച്ചെങ്കിലും കോവിഡ്​ എത്തിയ​േതാടെ ഷൂട്ടിങ്​ നടന്നില്ല. 2019ലാണ്​ ഇത്തിഹാദി​െൻറ 'ഗോ യുവർ ഓൺ വേ' എന്ന പരസ്യത്തിലേക്ക്​ അവസരം തേടിയെത്തിയത്​. ഏപ്രിലിൽ ഷാർജ ടി.വിയുടെ 'ഇന്ത്യ' എന്ന ഡോക്യുമെൻററിയിൽ അഭിനയിക്കാനുള്ള ഭാഗ്യവും ലഭിച്ചു. പ്രശസ്​ത ലബനീസ്​ ഗായിക മിറിയം ഫെയേഴ്​സി​െൻറ മ്യൂസിക്​ വീഡിയോ ആൽബത്തി​െൻറ ഭാഗമാകാൻ കഴിഞ്ഞത്​ ഏറ്റവും വലിയ നേട്ടങ്ങളിൽ ഒന്നാണ്​. കഴിഞ്ഞ ദിവസം എക്​സ്​പോയുടെ ഉദ്​ഘാടന ചടങ്ങിലെ ശ്രദ്ധാകേന്ദ്രമായിരുന്ന മിറ സിങ്​ എന്ന പെൺകുട്ടിക്കൊപ്പമായിരുന്നു ഈ ആൽബം. നിരവധി സ്വകാര്യ സ്​ഥാപനങ്ങളുടെയും മോഡലാണ്​ അൻഷി.

അഭിനയത്തിനപ്പുറം

ഷാർജ അവർ ഓൺ ഇന്ത്യൻസ്​ ഹൈസ്​കൂളിലെ ഈ കൊച്ചുമിടുക്കി ഒന്നാന്തരം ചിത്രകാരികൂടിയാണ്​. അടുത്തിടെ അൻഷി വരച്ച ആഫ്രിക്കൻ വനിതയുടെ പെയിൻറിങ്​ 'മാഗ്​സോയിഡ്​' എന്ന മാഗസിനിൽ വന്നിരുന്നു. അക്രലിക്​ പെയിൻറിങാണ്​ ഇഷ്​ട മേഖല. 2018ൽ കോഴിക്കോട്​ നടന്ന 'മിസ്​ ഫോ​ട്ടോജനിക്​ ജൂനിയർ മോഡൽ ഇന്ത്യ' ആയി തെരഞ്ഞെടുക്കപ്പെട്ടു. ഇതി​െൻറ ഫൈനൽ ദുബൈയിൽ നടന്നപ്പോഴും വിവിധ രാജ്യങ്ങളിലുള്ളവരെ മറികടന്ന്​ ഒന്നാമതെത്തി. ഇതോടൊപ്പം 'മിസ്​ ബട്ടർ​ൈഫ്ല ഓഫ്​ ജൂനിയർ മോഡൽ വേൾഡു'മായി തെരഞ്ഞെടുക്കപ്പെട്ടു.

ആശാ ശരത്തി​െൻറ ദുബൈയിലെ ഇൻസ്​റ്റിറ്റ്യൂട്ടിലാണ്​ ഭരതനാട്യം പരിശീലിച്ചിരുന്നത്​. ബിജു ധ്വനി തരംഗിനൊപ്പം സെമി ക്ലാസിക്കൽ നൃത്തവും ഡി ഫോർ ഡാൻസ്​ ഫെയിം റമീസിനൊപ്പം ഹിപ്​ഹോപ്​ ഡാൻസും ആദർശ്​ നായർക്കൊപ്പം ബോളിവുഡ്​ ഡാൻസും പരിശീലിക്കുന്നു. സമാ സ്​പോർട്​സാണ്​ നീന്തൽ പരിശീലന തട്ടകം. മലയാളി പെൺകുട്ടികൾ അധികം പരിശ്രമിക്കാത്ത ജിംനാസ്​റ്റിക്കിലും അൻഷി കൈവെക്കുന്നു. മാതാവ്​ ജീന മോഡലും ചിത്രകാരിയുമാണ്​. പിതാവ് ആർ.കെ.​ അനീഷ്​ ദുബൈ സ്​നൈഡർ ഇലക്​ട്രിക്​ എന്ന സ്​ഥാപനത്തിൽ എൻജിനീയറാണ്​.