പേപ്പർ ക്രാഫ്​റ്റ്​ ഡോക്ടർ

ചെ​ങ്ങ​മ​നാ​ട്: പേ​പ്പ​ർ ക്രാ​ഫ്റ്റി​ന്‍റെ അ​ന​ന്ത​സാ​ധ്യ​ത​ക​ളു​ടെ പ​ണി​പ്പു​ര​യി​ലാ​ണ് ഡോ.​ഫ​ർ​ഹാ​ന സ​ലാം. അ​ത്താ​ണി അ​സീ​സി സ്കൂ​ളി​ൽ പ്രൈ​മ​റി ക്ലാ​സി​ൽ പ​ഠി​ക്കു​മ്പോ​ൾ അ​ധ്യാ​പി​ക റോ​സി​ലി​യാ​ണ് ക്രാ​ഫ്​​റ്റ്​ നി​ർ​മാ​ണ​ത്തി​ന്‍റെ ആ​ദ്യ​പാ​ഠം പ​ക​ർ​ന്നു ന​ൽ​കി​യ​ത്. അ​ന്ന് ഉ​പ​ജി​ല്ല സ്കൂ​ൾ ശാ​സ്ത്ര​മേ​ള​യി​ൽ ത​ത്സ​മ​യ ഫ്ല​വ​ർ മേ​ക്കി​ങ് മ​ത്സ​ര​ത്തി​ൽ എ ​ഗ്രേ​ഡോ​ടെ ഒ​ന്നാം​സ്ഥാ​ന​വും ല​ഭി​ച്ചു.

അ​ന്നു​മു​ത​ലാ​ണ്​ പേ​പ്പ​ർ ക്രാ​ഫ്​​റ്റ്​ നി​ർ​മാ​ണ​ത്തോ​ട്​ ഇ​ഷ്ടം കൂ​ടി​യ​ത്. ചെ​ങ്ങ​മ​നാ​ട് ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ് വ​ണ്ണി​ന്​ ചേ​ർ​ന്ന​പ്പോ​ൾ രോ​ഗം മൂ​ലം ഒ​രു മാ​സ​ത്തോ​ളം വീ​ട്ടി​ലി​രി​ക്കേ​ണ്ടി​വ​ന്നു. അ​​ന്ന്​ പ​ഴ​യ ​ക​ര​കൗ​ശ​ല പാ​ഠ​ങ്ങ​ൾ ഫ​ർ​ഹാ​ന പൊ​ടി ത​ട്ടി​യെ​ടു​ത്തു.

ആ​ക​ർ​ഷ​ണീ​യ​മാ​യ പേ​പ്പ​ർ ക്രാ​ഫ്​​റ്റു​ക​ൾ നി​ർ​മി​ച്ചാ​ണ്​ ​ നി​രാ​ശ​യു​ടെ​യും വി​ര​സ​ത​യു​ടെ​യും ആ ​നാ​ളു​ക​ളെ മ​റി​ക​ട​ന്ന​ത്. ബി.​ഡി.​എ​സി​സ്​ ഫ​ലം വ​രാ​റാ​യ സ​ന്ദ​ർ​ഭ​ത്തി​ൽ കോ​വി​ഡ് ബാ​ധി​ച്ചു. അ​ന്നും തു​ണ​ക്കെ​ത്തി​യ​ത് ഈ ​ക​ര​വി​രു​താ​ണ്. പു​തി​യ രീ​തി​ക​ൾ അ​ഭ്യ​സി​ക്കാ​നും ഇ​ക്കാ​ല​ത്ത്​ സാ​ധി​ച്ചു.

ചെ​ങ്ങ​മ​നാ​ട്ട്​ ആ​രം​ഭി​ച്ച 'സ്മൈ​ൽ വേ' ​ഡെ​ന്‍റ​ൽ ക്ലി​നി​ക്കി​ൽ അ​ഞ്ചു​മാ​സം മു​മ്പാ​ണ് ജോ​ലി​ക്ക് ചേ​ർ​ന്ന​ത്. ഒ​രു വ​ർ​ഷ​മാ​യി സോ​ഷ്യ​ൽ മീ​ഡി​യ​യി​ൽ 'Dr.florist' എ​ന്ന പേ​രി​ൽ ഫ​ർ​ഹാ​ന​യു​ണ്ടാ​ക്കി​യ വി​വി​ധ ക്രാ​ഫ്റ്റു​ക​ൾ പ്ര​ദ​ർ​ശി​പ്പി​ച്ച് വ​രു​ക​യാ​ണ്. ജോ​ലി​യു​ടെ​യും ര​ണ്ട് വ​യ​സ്സു​ള്ള മ​ക​ൻ സെ​യ്ത്​ ബി​ലാ​ലി​നെ പ​രി​പാ​ലി​ക്കു​ന്ന​തി​ന്‍റെ​യും തി​ര​ക്കൊ​ഴി​ഞ്ഞ സ​മ​യ​മ​ത്ര​യും ക്രാ​ഫ്റ്റ്​ നി​ർ​മാ​ണ​ത്തി​നാ​ണ് ചെ​ല​വ​ഴി​ക്കു​ന്ന​ത്. പ​ഠി​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്കാ​യി വാ​ട്സ്​​ആ​പ്പി​ൽ ക്ലാ​സു​ക​ളും സം​ഘ​ടി​പ്പി​ക്കു​ന്നു​ണ്ട്.

ക്രാ​ഫ്​​റ്റ്​ ആ​ൽ​ബം, ക്രാ​ഫ്​​റ്റ്​ ഫ്രെ​യിം അ​ട​ക്ക​മു​ള്ള​വ നി​ർ​മി​ച്ചു​കൊ​ടു​ക്കു​ന്നു. കൊ​ച്ചി പ​ന​മ്പി​ള്ളി ന​ഗ​റി​ൽ ഞാ​യ​റാ​ഴ്ച ആ​രം​ഭി​ച്ച സീ​സ​ൺ എ​ക്സി​ബി​ഷ​നി​ൽ പ്ര​ദ​ർ​ശ​ന​ത്തി​നും വി​ൽ​പ​ന​ക്കു​മാ​യി സ്റ്റാ​ൾ തു​റ​ന്നി​ട്ടു​ണ്ട്. തൃ​ശൂ​ർ കൂ​ർ​ക്ക​ഞ്ചേ​രി വ​ടൂ​ക്ക​ര ക​ല്ല​യി​ൽ ഇ​ഹ്സാ​ന്‍റെ ഭാ​ര്യ​യാ​യ ഫ​ർ​ഹാ​ന നെ​ടു​മ്പാ​ശ്ശേ​രി ബ്ലോ​ക്ക് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി ചെ​ങ്ങ​മ​നാ​ട് തേ​നാ​റ്റി​ൽ ടി.​കെ. അ​ബ്ദു​ൽ സ​ലാ​മി​ന്‍റെ​യും സൗ​ദ​യു​ടെ​യും മ​ക​ളാ​ണ്.