റോൾപ്ലേ മത്സരം: അഭിനയിച്ചുനേടി വെണ്ണല സ്കൂളിലെ അന്തർസംസ്ഥാന വിദ്യാർഥിനികൾ

കൊ​ച്ചി: സ​ർ​ക്കാ​ർ സ്കൂ​ളു​ക​ൾ​ക്കാ​യി എ​ൻ.​സി.​ഇ.​ആ​ർ.​ടി സം​ഘ​ടി​പ്പി​ക്കു​ന്ന റോ​ൾ പ്ലേ ​മ​ത്സ​ര​ത്തി​ൽ ജി​ല്ലാ​ത​ല​ത്തി​ൽ വി​ജ​യി​ക​ളാ​യ​ത് അ​ഞ്ചം​ഗ അ​ന്ത​ർ സം​സ്ഥാ​ന വി​ദ്യാ​ർ​ഥി സം​ഘം. വെ​ണ്ണ​ല ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ​ഠി​ക്കു​ന്ന യു.​പി, പ​ശ്ചി​മ ബം​ഗാ​ൾ എ​ന്നി​വി​ട​ങ്ങ​ളി​ൽ​നി​ന്നു​ള്ള ഒ​മ്പ​താം ക്ലാ​സ് വി​ദ്യാ​ർ​ഥി​നി​ക​ളാ​ണ് സം​സ്ഥാ​ന​ത​ല മ​ത്സ​ര​ത്തി​ന്​ തെ​ര​ഞ്ഞെ​ടു​ക്ക​പ്പെ​ട്ട​ത്.

ബം​ഗാ​ളി​ൽ​നി​ന്നു​ള്ള എ​ൽ. കാ​ജ​ൽ, സാ​ഗ​രി​ക മൈ​ത്തി, യു.​പി സ്വ​ദേ​ശി​ക​ളാ​യ അ​നു​ഷ്ക പ​സ്വാ​ൻ, രേ​ണു സ​ഹാ​നി, പൂ​ർ​ണി​മ സ​ർ​ക്കാ​ർ എ​ന്നി​വ​രാ​ണ് വി​ജ​യി​ക​ൾ. സ്കൂ​ളി​ലെ മ​ല​യാ​ളം അ​ധ്യാ​പ​ക​നും നാ​ട​ക​പ്ര​വ​ർ​ത്ത​ക​നു​മാ​യ സി.​എ​സ്. വി​ഷ്ണു​രാ​ജാ​ണ് ആ​റ്​ മി​നി​റ്റു​ള്ള റോ​ൾ​പ്ലേ സം​വി​ധാ​നം ചെ​യ്ത​ത്. സ്കൂ​ളി​ലെ റോ​ഷ്നി പ​ദ്ധ​തി വ​ള​ന്‍റി​യ​ർ കെ.​ആ​ർ. രാ​ജ​ല​ക്ഷ്മി​യും സ​ഹാ​യ​വു​മാ​യെ​ത്തി.

എ​ൻ.​സി.​ഇ.​ആ​ർ.​ടി​യു​ടെ കൗ​മാ​ര വി​ദ്യാ​ഭ്യാ​സ പ​ദ്ധ​തി​യു​ടെ ഭാ​ഗ​മാ​യാ​ണ് ഇം​ഗ്ലീ​ഷി​ലോ ഹി​ന്ദി​യി​ലോ റോ​ൾ​പ്ലേ അ​വ​ത​രി​പ്പി​ക്കു​ന്ന മ​ത്സ​രം സം​ഘ​ടി​പ്പി​ക്കു​ന്ന​ത്. കൗ​മാ​ര​ക്കാ​രാ​യ വി​ദ്യാ​ർ​ഥി​നി​ക​ൾ​ക്കു​നേ​രെ​യു​ണ്ടാ​വു​ന്ന ലൈം​ഗി​കാ​തി​ക്ര​മ​ത്തെ എ​ങ്ങ​നെ സ്വ​യം പ്ര​തി​രോ​ധി​ക്കു​മെ​ന്ന സ​ന്ദേ​ശം പ​ങ്കു​വെ​ക്കു​ന്ന​താ​യി​രു​ന്നു ഇ​വ​ർ തെ​ര​ഞ്ഞെ​ടു​ത്ത വി​ഷ​യം. ഉ​പ​ജി​ല്ല മ​ത്സ​ര​ത്തി​നു​ശേ​ഷം ക​ഴി​ഞ്ഞ​ദി​വ​സം കു​റു​പ്പം​പ​ടി ഡ​യ​റ്റി​ൽ ന​ട​ന്ന ജി​ല്ല മ​ത്സ​ര​ത്തി​ലും ഇ​വ​ർ ഒ​ന്നാ​മ​തെ​ത്തി.

ഒ​ക്ടോ​ബ​ർ 14ന് ​തി​രു​വ​ന​ന്ത​പു​രം എ​സ്.​സി.​ഇ.​ആ​ർ.​ടി.​യി​ൽ ന​ട​ക്കു​ന്ന സം​സ്ഥാ​ന​ത​ല മ​ത്സ​ര​ത്തി​ൽ ഒ​ന്നാ​മ​തെ​ത്തു​ക​യെ​ന്ന ല​ക്ഷ്യ​വു​മാ​യി പ​രി​ശീ​ല​ന​ത്തി​ലാ​ണ് ടീ​മെ​ന്ന് അ​ധ്യാ​പ​ക​ൻ വി​ഷ്ണു​രാ​ജ് പ​റ​ഞ്ഞു. സ്കൂ​ളി​നോ​ട് ചേ​ർ​ന്നു​ള്ള പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളു​ടെ മ​ക്ക​ളാ​ണ് ഒ​മ്പ​ത് ബി ​ക്ലാ​സി​ൽ പ​ഠി​ക്കു​ന്ന ഇ​വ​രെ​ല്ലാം. ക​ഴി​ഞ്ഞ​വ​ർ​ഷം സ്കൂ​ളി​ൽ ചേ​ർ​ന്ന പൂ​ർ​ണി​മ ഒ​ഴി​കെ മ​റ്റെ​ല്ലാ​വ​രും ചെ​റി​യ ക്ലാ​സ് മു​ത​ൽ വെ​ണ്ണ​ല സ്കൂ​ളി​ൽ പ​ഠി​ക്കു​ന്ന​വ​രാ​ണ്.