കു​രു​ന്നു കൈ​ക​ളി​ൽ ശാ​സ്ത്രം ച​ലി​ച്ചു

എം.​എം. മു​സ്ത​ഖീനും മ​ർ​വാ​ൻ അ​നീ​സും ഇ​ല​ക്ട്രി​ക് വീ​ൽ ബോ​റോയുമായിഇ​രി​ങ്ങാ​ല​ക്കു​ട: കൈ​വി​ര​ലു​ക​ള്‍ തീ​ര്‍ത്ത വി​സ്മ​യ​ങ്ങ​ളും പാ​ഴ്‌​വ​സ്തു​ക്ക​ളി​ല്‍ വി​രി​ഞ്ഞ അ​ല​ങ്കാ​ര​വ​സ്തു​ക്ക​ളും കു​ട്ടി​ശാ​സ്ത്ര​ജ്ഞ​ന്മാ​രു​ടെ ക​ണ്ടു​പി​ടി​ത്ത​ങ്ങ​ളും ഇ​ളം​ത​ല​മു​റ​യു​ടെ കു​ഞ്ഞു​കു​ഞ്ഞു നി​ര്‍മാ​ണ മാ​തൃ​ക​ക​ളു​മാ​യി ജി​ല്ല ശാ​സ്ത്രോ​ത്സ​വ​ത്തി​ന് ഇ​രി​ങ്ങാ​ല​ക്കു​ട​യി​ല്‍ തു​ട​ക്കം.

പാ​ഴ്‌​വ​സ്തു​ക്ക​ള്‍കൊ​ണ്ട് ഉ​പ​യോ​ഗ​പ്ര​ദ​മാ​യ നി​ര​വ​ധി വ​സ്തു​ക്ക​ളാ​ണ് കു​രു​ന്നു​ഭാ​വ​ന​യി​ല്‍ രൂ​പം​കൊ​ണ്ട​ത്. ശാ​സ്ത്ര​വും ഗ​ണി​ത​വും ഭാ​വ​ന​യും ഒ​ത്തു​ചേ​ര്‍ന്ന​പ്പോ​ള്‍ കു​രു​ന്നു​ക​ള്‍ വി​രി​യി​ച്ച വി​സ്മ​യ​ങ്ങ​ള്‍ കാ​ഴ്ച​ക്കാ​രി​ലും അ​തി​ശ​യ​വും അ​ഭി​മാ​ന​വു​മു​ണ്ടാ​ക്കി. സ്കൂ​ള്‍ ശാ​സ്ത്രോ​ത്സ​വ​ത്തി​ന്റേ​യും എ​ക്‌​സ്‌​പോ​യു​ടേ​യും ഉ​ദ്ഘാ​ട​നം ഇ​രി​ങ്ങാ​ല​ക്കു​ട ഗ​വ. ഗേ​ള്‍സ് ഹ​യ​ര്‍ സെ​ക്ക​ന്‍ഡ​റി സ്കൂ​ളി​ല്‍ ടി.​എ​ന്‍. പ്ര​താ​പ​ന്‍ എം.​പി നി​ര്‍വ​ഹി​ച്ചു.

ഇ​രി​ങ്ങാ​ല​ക്കു​ട ഗ​വ. ബോ​യ്‌​സ് സ്കൂ​ളി​ല്‍ വൊ​ക്കേ​ഷ​ന​ല്‍ എ​ക്‌​സ്‌​പോ സ​നീ​ഷ് കു​മാ​ര്‍ ജോ​സ​ഫ് എം.​എ​ല്‍.​എ ഉ​ദ്ഘാ​ട​നം ചെ​യ്തു. ഇ.​ടി. ടൈ​സ​ണ്‍ എം.​എ​ല്‍.​എ മു​ഖ്യാ​തി​ഥി​യാ​യി. മു​നി​സി​പ്പ​ല്‍ ചെ​യ​ര്‍പേ​ഴ്‌​സ​ൻ സു​ജ സ​ഞ്ജീ​വ്കു​മാ​ര്‍ അ​ധ്യ​ക്ഷ​ത വ​ഹി​ച്ചു.

ആ​ദ്യ​ദി​നം പി​ന്നി​ടു​മ്പോ​ൾ 932 പോ​യ​ന്‍റു​മാ​യി കൊ​ടു​ങ്ങ​ല്ലൂ​ർ ഉ​പ​ജി​ല്ല​യാ​ണ് ഒ​ന്നാ​മ​ത്. തൃ​ശൂ​ർ വെ​സ്റ്റ് 860 പോ​യ​ന്‍റു​മാ​യി ര​ണ്ടാ​മ​തും 853 പോ​യ​ന്‍റു​മാ​യി ആ​തി​ഥേ​യ​രാ​യ ഇ​രി​ങ്ങാ​ല​ക്കു​ട മൂ​ന്നാം സ്ഥാ​ന​ത്തു​മാ​ണ്. സ്കൂ​ളു​ക​ളി​ൽ 265 പോ​യ​ന്‍റു​മാ​യി പ​ന​ങ്ങാ​ട് എ​ച്ച്.​എ​സ്.​എ​സാ​ണ് ഒ​ന്നാ​മ​ത്. ചെ​ന്ത്രാ​പ്പി​ന്നി എ​ച്ച്.​എ​സ് 199 പോ​യ​ന്‍റു​മാ​യി ര​ണ്ടാ​മ​തും ചാ​ല​ക്കു​ടി എ​സ്.​എ​ച്ച്.​സി.​ജി.​എ​ച്ച്.​എ​സ്.​എ​സ് മൂ​ന്നാ​മ​തു​മാ​ണ്.

ബു​ധ​നാ​ഴ്ച എ​ച്ച്.​എ​സ്.​എ​സ് വി​ഭാ​ഗം ത​ത്സ​മ​യ നി​ർ​മാ​ണ മ​ത്സ​ര​ങ്ങ​ളും പ്രോ​ജ​ക്ട് മ​ത്സ​ര​ങ്ങ​ളും ടീ​ച്ചി​ങ് എ​യി​ഡ് മ​ത്സ​ര​ങ്ങ​ളു​മാ​ണ് ന​ട​ക്കു​ക. സ​മാ​പ​ന സ​മ്മേ​ള​നം വി.​ആ​ർ. സു​നി​ൽ​കു​മാ​ർ എം.​എ​ൽ.​എ ഉ​ദ്ഘാ​ട​നം ചെ​യ്യും.

അ​ർ​ബാ​ന ജെ​റ്റ്...വി​ത്ത് സ​സ്പെ​ൻ​ഷ​ൻ...

ത​ങ്ങ​ളു​ടെ ത​ണ്ണീ​ർ​മ​ത്ത​ൻ ദി​ന​ങ്ങ​ളി​ൽ മു​സ്ത​ഖീ​നും മ​ർ​വാ​നും ആ ​തീ​രു​മാ​ന​മെ​ടു​ത്തു. അ​ധ്വാ​നി​ക്കു​ന്ന​വ​ർ​ക്കും ഭാ​രം ചു​മ​ക്കു​ന്ന​വ​ർ​ക്കും ത​ങ്ങ​ളാ​ൽ ക​ഴി​യാ​വു​ന്ന​തെ​ന്തെ​ങ്കി​ലും ചെ​യ്തു​കൊ​ടു​ക്ക​ണം. അ​ങ്ങ​നെ അ​വ​ർ ‘മാ​താ ജെ​റ്റ്’ പോ​ലെ സ​സ്പെ​ൻ​ഷ​നും നാ​ലാ​ൾ​ക്ക് ഉ​പ​കാ​ര​പ്ര​ദ​വു​മാ​യൊ​രു വ​ണ്ടി​യു​ണ്ടാ​ക്കി.

ഇ​തു​ക​ണ്ടാ​ൽ വേ​ണ​മെ​ങ്കി​ൽ ‘അ​ർ​ബാ​ന ജെ​റ്റ്’ എ​ന്ന് വി​ളി​ക്കാം. സം​ഗ​തി സിം​പ്ൾ. അ​ർ​ബാ​ന​യെ അ​ൽ​പ​മൊ​ന്ന് അ​ഴി​ച്ചു​പ​ണി​ത് പി​റ​കി​ലേ​ക്ക് ര​ണ്ട് ച​ക്ര​ങ്ങ​ൾ ഘ​ടി​പ്പി​ച്ചു. പി​ന്നെ ഇ​ല​ക്ട്രി​ക് സ്കൂ​ട്ട​റി​ന് സ​മാ​ന​മാ​യി എ​ൻ​ജി​നും അ​ത് പ്ര​വ​ർ​ത്തി​പ്പി​ക്കാ​ൻ 48 വോ​ൾ​ട്ട് ബാ​റ്റ​റി​യും ഘ​ടി​പ്പി​ച്ചു.

കൈ​യി​ൽ ആ​ക്സി​ല​റേ​റ്റ​റും ബ്രേ​ക്കും കൊ​ണ്ടു​വ​ന്നു. അ​ഞ്ചു മ​ണി​ക്കൂ​ർ ചാ​ർ​ജ് ചെ​യ്താ​ൽ 250 കി​ലോ വ​രെ ക​യ​റ്റി 65 കി​ലോ​മീ​റ്റ​ർ​വ​രെ ഓ​ടി​ക്കാം. കൈ​ക്ക് ഭാ​രം തോ​ന്നാ​തി​രി​ക്കാ​ൻ മു​ൻ​ച​ക്ര​ത്തി​ൽ സ​സ്പെ​ൻ​ഷ​നു​വേ​ണ്ടി ഷോ​ക്ക് അ​ബ്സോ​ർ​ബ​ർ ഘ​ടി​പ്പി​ച്ചു. ഒ​രാ​ൾ​ക്ക് പോ​കാ​വു​ന്ന ച​വി​ട്ടു​വ​ഴി​യി​ലൂ​ടെ​യു​ൾ​പ്പെ​ടെ ഭാ​ര​വും വ​ഹി​ച്ച് പോ​കാം.

ഇ​ല​ക്ട്രോ​ണി​ക്സി​ൽ മ​ർ​വാ​ന്‍റെ ക​മ്പം കേ​ട്ട​റി​ഞ്ഞ അ​യ​ൽ​വാ​സി​യും ഫാം ​ഉ​ട​മ​യു​മാ​യ ഷാ​ഹു​ൽ ഹ​മീ​ദാ​ണ് ഇ​ങ്ങ​നെ​യൊ​രു വാ​ഹ​നം ഉ​ണ്ടാ​ക്കാ​ൻ സ​ഹാ​യി​ക്കാ​മോ എ​ന്ന് ചോ​ദി​ച്ചെ​ത്തി​യ​ത്. പി​ന്നെ പ​രീ​ക്ഷ​ണ​മാ​യി. കി​ട്ടാ​വു​ന്ന​തെ​ല്ലാം ഓ​ൺ​ലൈ​നി​ലൂ​ടെ വാ​ങ്ങി. 50,000 രൂ​പ​യാ​യി നി​ർ​മാ​ണ ചെ​ല​വ്.

വാ​ഹ​നം ഇ​ഷ്ട​പ്പെ​ട്ട ഷാ​ഹു​ൽ ഹ​മീ​ദ് അ​ത് വാ​ങ്ങു​ക​യും ചെ​യ്തു. പെ​രി​ഞ്ഞ​നം ആ​ർ.​എം.​വി.​എ​ച്ച്.​എ​സ്.​എ​സ് ഓ​ട്ടോ​മൊ​ബൈ​ൽ ര​ണ്ടാം വ​ർ​ഷ വി​ദ്യാ​ർ​ഥി​യാ​ണ് മു​സ്ത​ഖീ​ൻ. ഇ​ല​ക്ട്രോ​ണി​ക് ബൈ​ക്കും സൈ​ക്കി​ളും മു​മ്പ് ഉ​ണ്ടാ​ക്കി​യി​ട്ടു​ണ്ട് ഈ ​മി​ടു​ക്ക​ൻ. ഒ​ന്നാം വ​ർ​ഷ വി​ദ്യാ​ർ​ഥി​യാ​യ മ​ർ​വാ​ൻ അ​റ​ബി സം​സാ​രി​ക്കു​ന്ന റോ​ബോ​ട്ട് ഉ​ണ്ടാ​ക്കി ശ്ര​ദ്ധ നേ​ടി​യി​രു​ന്നു.

ഓമനത്തം നിറച്ച് ആ​ട്ടു​തൊ​ട്ടി​ൽ....

ആ​ശാ​രി​പ്പ​ണി പ​ഠി​ച്ചി​ട്ടി​ല്ല, ചി​ല​തെ​ല്ലാം ക​ണ്ട് പ​രി​ച​യി​ച്ചി​ട്ടു​ണ്ടെ​ന്ന് മാ​ത്രം. എ​ന്നി​ട്ടും റോ​ഷ് രാ​ജി​ന്‍റെ ആ​ട്ടു​തൊ​ട്ടി​ലി​ന്‍റെ ഓ​മ​ന​ത്തം കു​റ​ഞ്ഞി​ല്ല. കൊ​ച്ചു ത​ച്ച​നേ​ക്കാ​ൾ കൈ​വ​ഴ​ക്ക​ത്തോ​ടെ റോ​ഷ് രാ​ജി​ന്‍റെ കൈ​ക​ളി​ൽ ഇ​ണ​ങ്ങി കൊ​ട്ടു​ളി​യും മ​ര​ച്ചു​റ്റി​ക​യും. ഏ​ണി, ചി​ര​വ, ഡെ​സ്ക്, പ​ഴ​യ വീ​ട്ട​ക​ങ്ങ​ളി​ലെ ഇ​രി​പ്പി​ട​മാ​യ മ​ര​പ്പ​ല​ക ഇ​തി​നെ​ല്ലാം ഒ​രു ത​ച്ച​ൻ നി​ർ​മി​ച്ച​തി​നോ​ളം ഉ​റ​പ്പു​ണ്ട്.

മാ​ർ​ക്കി​ടാ​നെ​ത്തി​യ നി​രീ​ക്ഷ​ക​ർ ക​യ​റി ഇ​രു​ന്നും മ​റി​ച്ചി​ട്ടു​മെ​ല്ലാം ഉ​റ​പ്പും നി​ർ​മാ​ണ​വും പ​രി​ശോ​ധി​ക്കു​മ്പോ​ൾ ഒ​രു ചെ​റു​ചി​രി​യോ​ടെ റോ​ഷ് രാ​ജ് നി​ൽ​പ്പു​ണ്ടാ​യി​രു​ന്നു.

ഉ​പ​ജി​ല്ല മേ​ള​യി​ൽ ആ​ട്ടു​തൊ​ട്ടി​ൽ ഉ​ണ്ടാ​യി​രു​ന്നി​ല്ല. ത​ന്‍റെ നി​ർ​മാ​ണ​ത്തി​ൽ അ​ൽ​പം ഓ​മ​ന​ത്തം വേ​ണ​മെ​ന്നോ​ർ​ത്ത​പ്പോ​ഴാ​ണ് എ​ന്നാ​ൽ ഒ​രു ആ​ട്ടു​തൊ​ട്ടി​ൽ​ത​ന്നെ പ​ണി​യാ​മെ​ന്ന് തീ​രു​മാ​നി​ച്ച​ത്. കൈ​പ്പ​മം​ഗ​ലം ഗ​വ. ഫി​ഷ​റീ​സ് വി.​എ​ച്ച്.​എ​സ്.​എ​സ് കൊ​മേ​ഴ്സ് വി​ദ്യാ​ർ​ഥി​യാ​ണ്.

വീ​ട് നി​ർ​മാ​ണ തൊ​ഴി​ലാ​ളി​യാ​യ രാ​ജേ​ഷി​ന്‍റെ​യും റീ​ജ​യു​ടേ​യും മ​ക​നാ​ണ്. ര​ണ്ട് മ​ണി​ക്കൂ​റി​നു​ള്ളി​ൽ മ​ര​ക്ക​സേ​ര​യും മേ​ശ​യും ടീ​പ്പോ​യി​യും മാ​ത്ര​മ​ല്ല സിം​ഗ്ൾ കോ​ട്ട് ക​ട്ടി​ൽ​വ​രെ ത​യാ​റാ​ക്കി. എ​ച്ച്.​എ​സ് വി​ഭാ​ഗ​ത്തി​ൽ ചേ​ർ​പ്പ് സി.​എ​ൻ.​എ​ൻ ബോ​യ്സ് ഹൈ​സ്കൂ​ളി​ലെ കെ.​എം. അ​ദ്വൈ​ത് കൃ​ഷ്ണ​നാ​ണ് ഒ​ന്നാം സ്ഥാ​നം.

ഭ​ക്ഷ​ണം പ​ഴ​കി​യോ, ഫോ​സ് ഫോ​ഡ് റോ​ബോ പ​റ​ഞ്ഞു​ത​രും; ഭ​ക്ഷ്യ​സു​ര​ക്ഷ​യും ഭ​ക്ഷ​ണ വി​ത​ര​ണ​വുമായി റോബോ

ഇ​രി​ങ്ങാ​ല​ക്കു​ട: പ​ഴ​കി​യ ഭ​ക്ഷ​ണം തി​രി​ച്ച​റി​യാ​നും ന​ല്ല ഭ​ക്ഷ​ണം വി​ത​ര​ണം ചെ​യ്യാ​നു​മാ​യി ഫോ​സ്‌​ഫോ​ഡ് റോ​ബോ അ​വ​ത​രി​പ്പി​ച്ച് അ​രി​മ്പൂ​ര്‍ ഹ​യ​ര്‍ സെ​ക്ക​ൻ​ഡ​റി സ്കൂ​ൾ പ​ത്താം ക്ലാ​സു​കാ​രാ​യ ബി​ബി​ന്‍ എം. ​മാ​ര്‍ട്ടി​നും ഡാ​നി​യേ​ല്‍ എ. ​സി​ജോ​യും. ഫോ​സ് ഫോ​ഡ് റോ​ബോ ഹോ​ട്ട​ലു​ക​ളി​ല്‍ സ്ഥാ​പി​ച്ചി​ട്ടു​ണ്ടെ​ങ്കി​ല്‍ ഭ​ക്ഷ​ണം പ​ഴ​കി​യ​താ​ണോ ഭ​ക്ഷ്യ യോ​ഗ്യ​മാ​ണോ എ​ന്ന് റോ​ബോ ഡി​സ്​​പ്ലേ​യി​ലൂ​ടെ കാ​ണി​ച്ചും ത​രു​മെ​ന്ന​ന്നും ഈ ​വി​വ​രം റോ​ബോ ത​ന്നെ ഫു​ഡ് ഇ​ന്‍സ​പെ​ക്ട​ര്‍ക്ക് അ​യ​ച്ചു​കൊ​ടു​ക്കു​ക​യും ചെ​യ്യും.

പ​ര​സ​ഹാ​യം കൂ​ടാ​തെ ഹോ​ട്ട​ലു​ക​ളി​ലും ആ​ശു​പ​ത്രി​ക​ളി​ലും റോ​ബോ ഭ​ക്ഷ​ണം വി​ത​ര​ണം ചെ​യ്യും. ഹോ​ട്ടു​ക​ളി​ല്‍നി​ന്ന് പു​റ​ത്തേ​ക്ക് ഭ​ക്ഷ​ണം വി​ത​ര​ണം ചെ​യ്യു​ന്ന​തി​നു​ള്ള ഡ്രോ​ണും ഇ​വ​ര്‍ വി​ഭാ​വ​നം ചെ​യ്തി​ട്ടു​ണ്ട്. ചെ​ല​വ് വ​ള​രെ കു​റ​ഞ്ഞ രീ​തി​ലാ​ണ് ഇ​തി​ന്റെ രൂ​പ​ക​ൽ​പ​ന. ഫോ​സ് ഫോ​ഡ് റോ​ബോ ഭ​ക്ഷ​ണ​ശാ​ല​ക​ളി​ല്‍ സ്ഥാ​പി​ച്ചാ​ല്‍ മാ​ത്ര​മേ ഹോ​ട്ട​ലു​ക​ള്‍ക്ക് ലൈ​സ​ന്‍സ് ന​ല്‍കൂ എ​ന്ന വ്യ​വ​സ്ഥ​യു​ണ്ടെ​ങ്കി​ൽ ഭ​ക്ഷ്യ​വി​ഷ​ബാ​ധ നി​യ​ന്ത്രി​ക്കാ​ന്‍ സാ​ധി​ക്കു​മെ​ന്നാ​ണ് വി​ദ്യാ​ര്‍ഥി​ക​ള്‍ പ​റ​യു​ന്ന​ത്.

സ്ത്രീ​ക​ൾ​ക്ക് മു​ന്നി​ൽ ‘ആ​ളാ​വേ​ണ്ട’... കി​ട്ടും ക​ന​ത്ത ‘ഷോ​ക്ക്’

സ്ത്രീ​ക​ൾ​ക്ക് മു​ന്നി​ൽ ആ​ളാ​വേ​ണ്ട... ഒ​റ്റ​ച്ച​വി​ട്ടി​ൽ കി​ട്ടും ക​ന​ത്ത ഷോ​ക്ക്. അ​നു​വാ​ദ​മി​ല്ലാ​ത്ത സ്പ​ർ​ശ​നം മു​ത​ൽ നോ​ട്ടം​വ​രെ സ്ത്രീ​ക​ൾ പൊ​തു​യി​ട​ങ്ങ​ളി​ൽ നേ​രി​ടേ​ണ്ടി​വ​രു​ന്ന ദു​രി​ത​ങ്ങ​ൾ ദി​നം​പ്ര​തി ച​ർ​ച്ച​യാ​കു​മ്പോ​ഴാ​ണ് ഇ​തി​നൊ​രു പ​രി​ഹാ​ര​മാ​യി ഒ​രു ഉ​ൽ​പ​ന്നം നി​ർ​മി​ക്കാ​ൻ പെ​രി​ഞ്ഞ​നം ആ​ർ.​എം.​വി.​എ​ച്ച്.​എ​സ്.​എ​സി​ലെ ഇ.​എ. സൂ​ര്യ​ദേ​വും സി​നാ​ൻ പി. ​സി​ദ്ദീ​ഖും ഇ​റ​ങ്ങി​പ്പു​റ​പ്പെ​ട്ട​ത്.

സ്ത്രീ ​സു​ര​ക്ഷ​ക്ക് ചെ​രു​പ്പി​ന്‍റെ രൂ​പ​ത്തി​ൽ ഒ​രു ഉ​ൽ​പ​ന്നം നി​ർ​മി​ച്ച് സാ​മൂ​ഹി​ക വി​രു​ദ്ധ​ർ​ക്ക് ഷോ​ക്ക് ന​ൽ​കി​യി​രി​ക്കു​ക​യാ​ണ് ഇ​രു​വ​രും. ചെ​രു​പ്പി​ൽ ഘ​ടി​പ്പി​ക്കു​ന്ന ഒ​രു​സ്പാ​ർ​ക് ജ​ന​റേ​റ്റ​റാ​ണ് ഈ ​ഉ​ൽ​പ​ന്ന​ത്തി​ലെ പ്ര​ധാ​ന ഘ​ട​കം. 230 വോ​ൾ​ട്ട് ചാ​ർ​ജ് ചെ​യ്യാ​വു​ന്നൊ​രു ബാ​റ്റ​റി​യും സ്വി​ച്ചും ഇ​തി​ലു​ണ്ട്. ആ​രെ​ങ്കി​ലും ഉ​പ​ദ്ര​വി​ക്കാ​ൻ വ​ന്നാ​ൽ കാ​ലു​കൊ​ണ്ടു​ത​ന്നെ സ്വി​ച്ച് ഓ​പ​റേ​റ്റ് ചെ​യ്യാം. അ​ക്ര​മി​യെ ചെ​രു​പ്പി​ന്‍റെ അ​ടി​ഭാ​ഗം വെ​ച്ച് ഒ​ന്നു തൊ​ട്ടാ​ൽ​മ​തി ഷോ​ക്ക​ടി​ക്കും. വെ​റും 399 രൂ​പ​ക്ക് ഇ​ത് വി​ൽ​ക്കാ​ൻ ക​ഴി​യു​മെ​ന്ന് ഇ​രു​വ​രും പ​റ​യു​ന്നു.