ജീവനുറങ്ങുന്ന ഏറുമാടങ്ങൾ

ചി​ന്ന​ക്ക​നാ​ലി​ലൂ​ടെ ന​ട​ന്നു​നീ​ങ്ങു​മ്പോ​ൾ ഏ​റു​​മാ​ടം​പോ​ലെ കു​റേ കു​ടി​ലു​ക​ൾ കാ​ണാം. ആ​ന​യെ പേ​ടി​ച്ച് വീ​ടി​ന് മു​ക​ളി​ൽ കു​ടി​​ൽ കെ​ട്ടി​യും ഏ​റു​മാ​ട​ങ്ങ​ളി​ലും താ​മ​സി​ക്കേ​ണ്ടിവ​രു​ന്ന അ​വ​സ്ഥ​യാ​ണ് ഇ​വ​ർ​ക്ക്. പേ​ടി​യി​ല്ലാ​തെ ഇ​വ​രൊ​ന്നു​റ​ങ്ങി​യി​ട്ട് നാ​ളു​ക​ൾ ഏ​റെ​യാ​യി...

ഇ​ന്ന് ആ​ന വ​രു​മോ? മ​ര​ക്കൂ​ട്ട​ങ്ങ​ൾ​ക്കി​ട​യി​ലൂ​ടെ ഇ​രു​ട്ട് അ​രി​ച്ചി​റ​ങ്ങു​മ്പോ​ഴേ​ക്കും കു​ഞ്ഞു​ങ്ങ​ളു​​ടെ ചോ​ദ്യം തു​ട​ങ്ങും. ഉ​ള്ള വ​റ്റ് വാ​രി​ത്തി​ന്ന് കു​ഞ്ഞു​ങ്ങ​ളോ​ടൊ​പ്പം ഉ​റ​ങ്ങാ​ൻ കി​ട​ന്നാ​ലും ഉ​റ​ക്കം വ​രി​ല്ല. നെ​ഞ്ചി​നു​ള്ളി​ൽ ഒ​രു വി​ങ്ങ​ലാ​യി​രി​ക്കും നേ​രം വെ​ളു​ക്കും​വ​രെ. ചെ​റി​യ അ​ന​ക്കം കേ​ട്ടാ​ൽ പോ​ലും കു​ഞ്ഞു​ങ്ങ​ളെ നെ​ഞ്ചോ​ടു​ചേ​ർ​ത്തുപി​ടി​ച്ച് ശ്വാ​സം​പോ​ലും വി​ടാ​തെ ഇ​രി​ക്കും. പേ​ടി​യാ​ണ് ഞ​ങ്ങ​ളു​ടെ ഉ​ള്ളി​ൽ, രാ​വും പ​ക​ലും. എ​ല്ലാ രാ​ത്രി​ക​ളി​ലും കു​ടി​ക്ക് ചു​റ്റും ആ​ന​ക​ളു​ണ്ടാ​കും. ഇ​ട​ക്ക് തു​മ്പി​ക്കൈ നീ​ട്ടി വീ​ടി​ന​ക​ത്തേ​ക്ക് വ​രും. ഒ​ന്നും ചി​ന്തി​ക്കാ​നു​ള്ള സ​മ​യം പോ​ലും ത​രി​ല്ല. എ​ല്ലാ​വ​രെ​യും കൂ​ട്ടി അ​വി​ടെ​നി​ന്ന് ഓ​ടി​മാ​റ​ണം, ഇ​രു​ട്ടാ​യാ​ലും മ​ഴ​യാ​യാ​ലും.

പ​ക​ൽ വ​ഴി​യി​ലെ​ല്ലാം ആ​ന​ക​ൾ കാ​ണും. ആ​ന​ക​ളെ പേ​ടി​ച്ച് പ​ല​പ്പോ​ഴും ജോ​ലി​ക്ക് പോ​കാ​ൻ പ​റ്റി​ല്ല. എ​ന്തെ​ങ്കി​ലും ന​ട്ടു​മു​ള​പ്പി​ച്ചാ​ൽ​ത​ന്നെ അ​വ​യെ​ല്ലാം ആ​ന ന​ശി​പ്പി​ക്കും. ഈ ​പ​രി​സ​ര​ത്തെ കൃ​ഷി​യി​ട​ങ്ങ​ളെ​ല്ലാം ആ​ന ന​ശി​പ്പി​ച്ചു​ക​ഴി​ഞ്ഞു. ജീ​വി​ക്കാ​ൻ മാ​ർ​ഗ​മ​ല്ല, എ​ന്ത് ചെ​യ്യ​ണ​മെ​ന്നും അ​റി​യി​ല്ല... ഇ​ടു​ക്കി ചി​ന്ന​ക്കനാ​ൽ ചെ​മ്പ​ക​ത്തൊ​ഴു​കു​ടി​യി​ലെ മ​ണി​ക​ണ്ഠ​ൻ പ​റ​ഞ്ഞു​നി​ർ​ത്തി. ഇ​ത് മ​ണി​ക​ണ്ഠ​ന്റെ മാ​ത്രം ജീ​വി​ത​മ​ല്ല. ര​ണ്ടു​പ​തി​റ്റാ​ണ്ടു​കാ​ല​മാ​യി ചി​ന്ന​ക്ക​നാ​ലി​ലെ എ​ല്ലാ​വ​ർ​ക്കും പ​റ​യാ​നു​ള്ള​ത് ഇ​തു​ത​ന്നെ​യാ​ണ്. ആ​ന​ക്ക​ലി​യി​ൽ ഈ ​ഗ്രാ​മ​ത്തി​ലെ നി​ര​വ​ധി​പേ​ർ ഇ​തി​നോ​ട​കം കൊ​ല്ല​പ്പെ​ട്ടു. ആ​ന​യി​ൽ​നി​ന്ന് എ​ങ്ങ​നെ ജീ​വ​ൻ ര​ക്ഷി​ക്കാം എ​ന്ന ചി​ന്ത​യി​ലാ​ണ് ഇ​വ​രു​ടെ ഓ​രോ ദി​വ​സ​വും തു​ട​ങ്ങു​ന്ന​തു​ത​ന്നെ. അ​വ​രു​ടെ ജീ​വി​ത​ങ്ങ​ളി​ലൂ​ടെ.

കൗ​തു​ക​മ​ല്ല ഇ​വി​ടെ, നെ​ഞ്ചി​ടി​പ്പ്

മൂ​ന്നാ​റി​ലെ​ത്തു​ന്ന സ​ഞ്ചാ​രി​ക​ളു​ടെ ക​ണ്ണു​ക​ൾ​ക്ക് എ​ന്നും ദൃ​ശ്യവി​രു​ന്നൊ​രു​ക്കു​ന്ന ഇ​ട​മാ​ണ് ചി​ന്ന​ക്ക​നാ​ൽ. പു​ല്‍മേ​ടും ക​ണ്ണെ​ത്താദൂ​രം വി​ശാ​ല​മാ​യി​ക്കി​ട​ക്കു​ന്ന തേ​യി​ല​ത്തോ​ട്ട​ങ്ങ​ളും കൊ​ച്ച​രു​വി​ക​ളും ചി​ന്ന​ക്ക​നാ​ലി​ന്‍റെ മ​നം മ​യ​ക്കും കാ​ഴ്ച​ക​ളാ​ണ്. ന​ട​ന്നുനീ​ങ്ങു​ന്ന ആ​ന​ക്കൂ​ട്ട​വും സ​ഞ്ചാ​രി​ക​ളി​ൽ ആ​വേ​ശം നി​റ​ക്കും. എ​ന്നാ​ൽ, ഇ​വി​ടത്തെ ഗ്രാ​മീ​ണ​ർ​ക്ക് ഈ ​ആ​ന​ക​ൾ ഒ​രു പേ​ടിസ്വ​പ്ന​മാ​ണ്. രാ​വെ​ന്നോ പ​ക​ലെ​ന്നോ ഇ​ല്ലാ​തെ ത​ങ്ങ​ളു​ടെ വീ​ടു​ക​ളും ഒ​പ്പ​മു​ള്ള​വ​രു​ടെ ജീ​വ​നും കൊ​മ്പി​ൽ കോ​ർ​ത്തെ​ടു​ക്കാ​നെ​ത്തു​ന്ന ആ​ന​ക​ളെ ഭ​യ​ന്നാ​ണ് ഈ ​മ​നു​ഷ്യ​രു​ടെ ജീ​വി​തം.

പ​ന്നി​യാ​ർ, ത​ല​ക്കു​ളം, ബി.​എ​ൽ റാം, ​വ​ണ്ണാ​ത്തി​പ്പാ​റ, ആ​ന​യി​റ​ങ്ക​ൽ, സി​ങ്കു​ക​ണ്ടം, സി​മ​ന്റ് പാ​ലം, 301 കോ​ള​നി എ​ന്നി​വി​ട​ങ്ങ​ളി​ലാ​ണ് കാ​ട്ടാ​ന​ശ​ല്യം രൂ​ക്ഷം. കൃ​ഷി​യി​ട​ത്തി​ൽ ത​മ്പ​ടി​ച്ച കാ​ട്ടാ​ന​ക്കൂ​ട്ട​ത്തെ കാ​ട് ക​യ​റ്റാ​നു​ള്ള ശ്ര​മ​ത്തി​നി​ടെ ദി​വ​സ​ങ്ങ​ൾ​ക്കുമു​മ്പാണ് ചി​ന​ക്ക​നാ​ൽ ടാ​ങ്ക് കു​ടി സ്വ​ദേ​ശി ക​ണ്ണ​ന് ജീ​വ​ൻ ന​ഷ്ട​മാ​യ​ത്. ക​ണ്ണ​ൻ കൃ​ഷി​യി​ട​ത്തി​ൽ പോ​യി മ​ട​ങ്ങിവ​രു​ന്ന​തി​നി​ടെ ടാ​ങ്ക്കു​ടി വ​ണ്ണാ​ത്തി​പ്പാ​റ​ക്കു സ​മീ​പം ഒ​മ്പതം​ഗ കാ​ട്ടാ​ന​ക്കൂ​ട്ട​ത്തി​ന്റെ ആ​ക്ര​മ​ണ​ത്തി​നി​ര​യാ​വു​ക​യാ​യി​രു​ന്നു.

വീ​ടി​ന് മു​ക​ളി​ൽ കു​ടി​ൽ കെ​ട്ടു​ന്ന​വ​ർ

മ​നു​ഷ്യ​നെ​ന്നോ വീ​ടെ​​ന്നോ ആ​ന​ക​ൾ​ക്ക് നോ​ട്ട​മി​ല്ല. മു​ന്നി​ൽ കാ​ണു​ന്ന​തെ​ല്ലാം അ​വ നി​ലം​പ​രി​ശാ​ക്കും. ഇ​വി​ടെ എ​ല്ലാ​വ​ർ​ക്കും കോ​ൺ​ക്രീ​റ്റ് വീ​ടു​ക​ളു​ണ്ട്. എ​ന്നാ​ൽ, മ​ന​സ്സമാ​ധാ​ന​ത്തോ​ടെ ഒ​രു ദി​വ​സം​പോ​ലും അ​തി​നു​ള്ളി​ൽ കി​ട​ന്നു​റ​ങ്ങാ​ൻ സാ​ധി​ച്ചി​ട്ടി​ല്ല. കോ​ൺ​ക്രീ​റ്റ് വീ​ടു​ക​ൾ​ക്ക് മു​ക​ളി​ൽ ഏ​റു​​മാ​ടം​പോ​ലെ കു​റേ കു​ടി​ലു​ക​ൾ കാ​ണാം. ആ​ന​യെ പേ​ടി​ച്ച് വീ​ടി​ന് മു​ക​ളി​ൽ കു​ടി​​ൽ കെ​ട്ടി താ​മ​സി​ക്കേ​ണ്ടിവ​രു​ന്ന അ​വ​സ്ഥ​യാ​ണ് ചി​ന്ന​ക്ക​നാ​ലി​ലെ കു​ടി​ക​ളി​ൽ താ​മ​സി​ക്കു​ന്ന​വ​ർ​ക്ക്.

ആ​ന​യു​ടെ ശ​ബ്ദം കേ​ട്ടു​തു​ട​ങ്ങു​മ്പോ​ൾ​ത​ന്നെ കു​ഞ്ഞു​ങ്ങ​ളെ​യും പ്രാ​യ​മാ​യ​വ​രെ​യും വീ​ട്ടു​കാ​രെ​യു​മെ​ല്ലാം വീ​ടി​ന് മു​ക​ളി​ലെ ഷെ​ഡി​ൽ ക​യ​റ്റും. ആ​ന അ​വി​ടെ​ത്തന്നെ ത​മ്പ​ടി​ച്ചി​രി​ക്കു​ന്ന സ​മ​യ​മാ​ണെ​ങ്കി​ൽ വൈ​കു​ന്നേ​രം ആ​റു​മ​ണി ക​ഴി​ഞ്ഞാ​ൽ ഷെ​ഡ്ഡു​ക​ളും ഏ​റു​മാ​ട​ങ്ങ​ളു​മാ​ണ് പി​ന്നെ അ​ഭ​യ​കേ​ന്ദ്രം. ക​ഴി​ക്കാ​നു​ള്ള​തെ​ല്ലാം എ​ടു​ത്ത് സ​ന്ധ്യ​യാ​കു​ന്ന​തി​ന് മു​മ്പുത​ന്നെ കു​ടി​​ലി​ലെ​ത്തും.

ഇ​തി​നി​ട​യി​ൽ ആ​ന​വ​ന്നാ​ൽ പ​ട​ക്കം പൊ​ട്ടി​ച്ചും പാ​ട്ട​കൊ​ട്ടി​യു​മെ​ല്ലാം ഭ​യ​പ്പെ​ടു​ത്തി ഓ​ടി​ക്ക​ണം. വീ​ട് കോ​ൺ​ക്രീ​റ്റ് ആ​ണെ​ങ്കി​ലും അ​തി​നു​ള്ളി​ൽ കി​ട​ന്നു​റ​ങ്ങാ​ൻ സാ​ധി​ക്കി​ല്ല. വീ​ട്ടി​ന​ക​ത്തേ​ക്ക് ഇ​വ തു​മ്പി​ക്കൈ നീ​ട്ടി ക​യ​റി​വ​രും. അ​ല്ലെ​ങ്കി​ൽ വീ​ടി​ന്റെ ഭി​ത്തി​ക​ൾ ഇ​ടി​ച്ചി​ടും. വീ​ടി​ന​ടു​ത്ത് കാ​ട്ടാ​ന വ​രു​​ന്നു​ണ്ടോ എ​ന്ന് ചെ​വി​യോ​ർ​ത്താ​ണ് ഓ​രോ രാ​ത്രി​യും ത​ള്ളി​നീ​ക്കു​ക. വീ​ടി​ന​ക​ത്ത് കി​ട​ന്നു​റ​ങ്ങി​​യ​പ്പോ​​ഴെ​ല്ലാം ആ​ന​യി​ൽ​നി​ന്ന് ജീ​വ​നും​കൊ​ണ്ട് ഓ​ടി​യി​റ​ങ്ങി ര​ക്ഷ​പ്പെ​ട്ടി​ട്ടു​ള്ള​വ​രാ​ണ് അ​ധി​ക​വും.

അ​രി​ക്കൊ​മ്പ​ൻ ഇ​ല്ല, പ​ക​രം

ഒ​റ്റ​ക്കും കൂ​ട്ട​മാ​യും എ​ത്തു​ന്ന ആ​ന​ക​ളെ തി​രി​ച്ച​റി​യാ​ൻ വ​ന​പാ​ല​ക​ർ​ക്ക് പ്ര​യാ​സ​മാ​ണെ​ങ്കി​ലും നാ​ട്ടു​കാ​ർ​ക്ക് തി​രി​ച്ച​റി​യാം ത​ങ്ങ​ളെ ആക്ര​മി​ക്കാ​നെ​ത്തു​ന്ന​വ​രെ. ച​ക്ക​ക്കൊ​മ്പ​നും മു​റി​വാ​ല​നു​മൊ​ക്കെ അ​ങ്ങ​നെ വ​ന്ന പേ​രു​ക​ളാ​ണ്. അ​രി​ക്കൊ​മ്പ​നെ 2023 ഏ​പ്രി​ൽ 29നാ​ണ് മ​യ​ക്കു​വെ​ടിവെച്ച് പി​ടി​കൂ​ടി കാ​ടു​ക​ട​ത്തി​യ​ത്. റേ​ഷ​ൻ ക​ട ത​ക​ർ​ത്ത് അ​രി ഭ​ക്ഷി​ച്ചി​രു​ന്ന​തി​നാ​ലാ​ണ് അ​രി​ക്കൊ​മ്പ​ൻ പേ​ര് വ​ന്ന​ത്. അ​തി​നു​ശേ​ഷം മേ​ഖ​ല​യി​ൽ ച​ക്ക​ക്കൊ​മ്പ​ന്റെ ശ​ല്യം രൂ​ക്ഷ​മാ​യി.

ച​ക്ക എ​വി​ടെ ക​ണ്ടാ​ലും അ​ത് പ​റി​ച്ച് ക​ഴി​ക്കു​ന്ന​തി​നാ​ൽ ച​ക്ക​ക്കൊ​മ്പ​നും ആ ​പേ​രുകി​ട്ടി. ക​ഴി​ഞ്ഞ ജ​നു​വ​രി 26ന് ​ബി.​എ​ൽ റാ​മി​ലെ കൃ​ഷി​യി​ട​ത്തി​ൽവെ​ച്ച് സൗ​ന്ദ​ർ​രാ​ജ​ൻ എ​ന്ന ക​ർ​ഷ​ക​നെ കൊ​ല​പ്പെ​ടു​ത്തി​യ​ത് ച​ക്ക​ക്കൊ​മ്പ​നാ​യി​രു​ന്നു. 2022 മാ​ർ​ച്ച് 30ന് ​സി​ങ്കു​ക​ണ്ടം സ്വ​ദേ​ശി ബാ​ബു മ​രി​ച്ച​തും ച​ക്ക​ക്കൊ​മ്പ​ന്റെ ആ​ക്ര​മ​ണ​ത്തി​ലാ​യി​രു​ന്നു. മു​റി​വാ​ല​ൻ കൊ​മ്പ​ൻ എ​ന്ന ഒ​റ്റ​യാ​നും ചി​ന്ന​ക്ക​നാ​ൽ മേ​ഖ​ല​യി​ൽ ഭീ​ഷ​ണി ഉ​യ​ർ​ത്തു​ന്നു​ണ്ട്. കാ​ടി​റ​ങ്ങി​യ പി​ടി​യാ​ന​ക്കൂട്ട​മാ​യി​രു​ന്നു ക​ണ്ണ​ന്റെ ജീ​വ​നെ​ടു​ത്ത​ത്. ‘കൊ​ക്കി​പ്പി​ടി’ (കൊ​ക്കോ എ​ന്ന ശ​ബ്ദം കേ​ൾ​പ്പി​ക്കു​ന്ന​തി​നാ​ൽ) എ​ന്നു​വി​ളി​ക്കു​ന്ന പി​ടി​യാ​ന നേ​തൃ​ത്വം ന​ൽ​കു​ന്ന സം​ഘ​മാ​ണെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

ആ​റു​വ​ർ​ഷം, ഏ​ഴു​കൊ​ല

ചി​ന്ന​ക്ക​നാ​ലി​ൽ ആ​റു വ​ർ​ഷ​ത്തി​നി​ടെ ഏ​ഴുപേ​രാ​ണ് കാ​ട്ടാ​ന​ക​ളു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​ത്. 2024 ജ​നു​വ​രി 26ന് ​കൃ​ഷി​യി​ട​ത്തി​ൽ ജോ​ലി ചെ​യ്യു​മ്പോ​ൾ ച​ക്ക​ക്കൊ​മ്പ​ൻ ഒ​റ്റ​യാ​ന്റെ ആ​ക്ര​മ​ണ​ത്തി​ൽ ചി​ന്ന​ക്ക​നാ​ൽ ബി​.എ​ൽ റാം ​സ്വ​ദേ​ശി​യാ​യ വെ​ള്ള​ക്ക​ല്ലി​ൽ സൗ​ന്ദ​ർ​രാ​ജ​നാ​ണ് മ​രി​ച്ച​ത്. കൊ​ച്ചു​മ​ക​നൊ​പ്പം കൃ​ഷി​യി​ട​ത്തി​ൽ ജോ​ലി ചെ​യ്യു​മ്പോ​ഴാ​ണ് സൗ​ന്ദ​ർ​രാ​ജ​നെ ച​ക്ക​ക്കൊ​മ്പ​ൻ ആ​ക്ര​മി​ച്ച​ത്. 2024 ജ​നു​വ​രി എ​ട്ടി​ന് തോ​ണ്ടി​മ​ല പ​ന്നി​യാ​ർ എ​സ്റ്റേ​റ്റി​ൽ തേ​യി​ല​ക്കൊ​ളു​ന്ത് നു​ള്ളാ​ൻ പോ​യ തോ​ട്ടം തൊ​ഴി​ലാ​ളി സ്ത്രീ ​കാ​ട്ടാ​ന​യു​ടെ അ​ടി​യേ​റ്റു മ​രി​ച്ചു.

പ​ന്നി​യാ​ർ സ്വ​ദേ​ശി പ​രി​മ​ള​യാ​ണ് മ​രി​ച്ച​ത്. 2022 മാ​ർ​ച്ച് 30ന് ​സൂ​ര്യ​നെ​ല്ലി സി​ങ്കു​ക​ണ്ട​ത്ത് കൃ​പാ​ഭ​വ​നി​ൽ ബാ​ബു​വി​നെ​യാ​ണ് വീ​ടി​നു സ​മീ​പം കാ​ട്ടാ​ന ആ​ക്ര​മി​ച്ച​ത്. ച​ക്ക​ക്കൊ​മ്പ​ൻ, ബാ​ബു​വി​ന്റെ ഇ​ട​തു​കാ​ലി​ൽ പി​ടി​ച്ച് പൊ​ക്കി നി​ല​ത്ത​ടി​ക്കു​ക​യാ​യി​രു​ന്നു. ഗു​രു​ത​ര​മാ​യി പ​രിക്കേ​റ്റ ബാ​ബു ത​ൽ​ക്ഷ​ണം‍ മ​രി​ച്ചു. ചി​ന്ന​ക്ക​നാ​ൽ അ​പ്പ​ർ സൂ​ര്യ​നെ​ല്ലി​യി​ൽ ത​ങ്ക​രാ​ജും കൊ​ല്ല​പ്പെ​ട്ടു. ക​ട​യി​ൽ പോ​കു​മ്പോ​ൾ ത​ങ്ക​രാ​ജ് കാ​ട്ടാ​ന​യു​ടെ മു​ന്നി​ൽ​പ്പെ​ടു​ക​യാ​യി​രു​ന്നു. 2018 ജൂ​ലൈ മൂ​ന്നി​ന് ചി​ന്ന​ക്ക​നാ​ൽ സി​ങ്കു​ക​ണ്ടം 301 കോ​ള​നി​യി​ൽ ക​ല്ലാ​ർ പെ​ട്ടി​മു​ടി ത​ങ്ക​ച്ച​നും കാ​ട്ടാ​ന​യു​ടെ ആ​ക്ര​മ​ണ​ത്തി​ൽ മ​രി​ച്ചു. ബ​ന്ധു​വി​ന്‍റെ വീ​ട്ടി​ൽ ഫു​ട്ബാ​ൾ മ​ത്സ​രം ക​ണ്ട​ശേ​ഷം മ​ട​ങ്ങു​മ്പോ​ൾ കാ​ട്ടാ​ന​ക്കൂ​ട്ട​ത്തി​ന്റെ മു​ന്നി​ൽ​പെ​ടു​ക​യാ​യി​രു​ന്നു. ഇ​തുകൂ​ടാ​തെ കാ​ട്ടാ​ന​യു​ടെ ആ​ക്ര​മ​ണ​ത്തി​ൽനി​ന്ന് ത​ല​നാ​രി​ക്ക് ര​ക്ഷ​പ്പെ​ട്ട​വ​രും നി​ര​വ​ധി​യാ​ണ്.

ചി​ന്ന​ക്ക​നാ​ലി​ലെ സം​ഘ​ർ​ഷം

സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ വ​ന്യ​ജീ​വി ആ​ക്ര​മ​ണ​മു​ള്ള പ​ഞ്ചാ​യ​ത്താ​ണ് ചി​ന്ന​ക്ക​നാ​ൽ. 2002ലാ​ണ് ഇ​വി​ടെ പു​ന​ര​ധി​വാ​സ​പ​ദ്ധ​തി ന​ട​പ്പാ​ക്കി​യ​ത്. 2003 അ​വ​സാ​ന​ത്തോ​ടെ മ​നു​ഷ്യ​നും കാ​ട്ടാ​ന​ക​ളും ത​മ്മി​ലു​ള്ള അ​തി​ജീ​വ​ന​യു​ദ്ധം ആ​രം​ഭി​ച്ചു. പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ൽ പ​ക​ൽ പോ​ലും കാ​ട്ടാ​ന​ക​ൾ ഇ​റ​ങ്ങി ന​ട​ക്കു​ന്ന​ത് പ​തി​വ് കാ​ഴ്ച​യാ​ണ്.

കൃ​ഷി ന​ശി​പ്പി​ക്കു​ന്ന​തി​നൊ​പ്പം ആ​ളു​ക​ളെ കാ​ട്ടാ​ന ആ​ക്ര​മി​ക്കു​ക​യും ചെ​യ്യും. ചി​ന്ന​ക്ക​നാ​ലി​ൽ ആ​ർ.​ആ​ർ.​ടി​യു​ടെ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നു​ണ്ടെ​ങ്കി​ലും എ​ല്ലാ മേ​ഖ​ല​യി​ലും അ​വ​ർ​ക്കും ഓ​ടി​യെ​ത്താ​ൻ ക​ഴി​യാ​ത്ത സ്ഥി​തി​യാ​ണ്. വ​ന്യ​ജീ​വി ആ​വാ​സ മേ​ഖ​ല​ക​ളു​ടെ വി​ഘ​ട​ന​വും ടൂ​റി​സം ഉ​ൾ​പ്പെ​ടെ​യു​ള്ള പ്ര​വൃ​ത്തി​ക​ളി​ലൂ​ടെ മ​നു​ഷ്യ​രു​ടെ സാ​ന്നി​ധ്യം കൂ​ടു​ന്ന​തും മ​നു​ഷ്യ-വ​ന്യ​ജീ​വി സം​ഘ​ർ​ഷം കൂ​ടാ​ൻ കാ​ര​ണ​മാ​യി.

വ​ന്യജീ​വി​ക​ളു​ടെ പ​ര​മ്പ​രാ​ഗ​ത സ​ഞ്ചാ​ര പാ​ത​ക​ളും ആ​ന​ത്താ​ര​ക​ളും ത​ട​സ്സ​പ്പെ​ടു​ത്തു​ന്ന​ത് വ​ന്യ​മൃ​ഗ​ങ്ങ​ളി​ൽ അ​സ്വ​സ്ഥ​ത സൃ​ഷ്ടി​ക്കു​ന്നു​വെ​ന്നാ​ണ് ചൂ​ണ്ടി​ക്കാ​ട്ടു​ന്ന​ത്. വ​ന​ത്തോ​ട് ചേ​ർ​ന്നു​ള്ള ജ​ന​വാ​സ മേ​ഖ​ല​ക​ളി​ൽ കൃ​ഷി ചെ​യ്യു​ന്ന വി​ള​ക​ൾ ഭ​ക്ഷ​ണ​മാ​ക്കു​ന്ന​തി​നും പ്രാ​യാ​ധി​ക്യം, പ​രി​ക്ക്, അ​സു​ഖ​ങ്ങ​ൾ എ​ന്നി​വ മൂ​ലം ഇ​ര​പി​ടി​ക്കാ​ൻ ബു​ദ്ധി​മു​ട്ടു​ള്ള മാം​സ​ഭു​ക്കു​ക​ളാ​യ മൃ​ഗ​ങ്ങ​ൾ വ​ള​ർ​ത്തുമൃ​ഗ​ങ്ങ​ളെ ഇ​ര​യാ​ക്കു​ന്ന​തും വ​ന്യ​മൃ​ഗ​ങ്ങ​ൾ ജ​ന​വാ​സ മേ​ഖ​ല​യി​ൽ എ​ത്തു​ന്ന​തി​ന് കാ​ര​ണ​മാ​കു​ന്നു.

.