ഈ ക്യു.ആർ കോഡിനപ്പുറം ചേർന്നിരിപ്പുണ്ട്​ അഖില

കൊ​ല്ലം: ഒ​രു​പാ​ട്​ ക​ഴി​വും അ​തി​ലേ​റെ സ്വ​പ്ന​ങ്ങ​ളു​മു​ണ്ടാ​യി​രു​ന്നൊ​രു പെ​ൺ​കു​ട്ടി പെ​​ട്ടെ​ന്നൊ​രു ദി​വ​സം പ്രി​യ​പ്പെ​ട്ട​വ​രി​ൽ​നി​ന്ന്​ അ​ക​ന്നു​പോ​യി. തി​രി​ച്ചു​വ​രാ​നാ​കാ​ത്ത ലോ​ക​ത്തേ​ക്ക്​ അ​വ​ൾ പോ​യി എ​ന്ന്​ വി​ശ്വ​സി​ക്കാ​ൻ മാ​താ​പി​താ​ക്ക​ൾ​ക്കും സ​ഹോ​ദ​രി​ക്കും കൂ​ട്ടു​കാ​ർ​ക്കും ആ ​നാ​ടി​നും ഇ​നി​യും ക​ഴി​ഞ്ഞി​ട്ടി​ല്ല.

അ​വ​ൾ ബാ​ക്കി​യാ​ക്കി പോ​യ ഒ​രാ​യി​രം ഓ​ർ​മ​ക​ൾ ഇ​ന്നും അ​വ​രു​ടെ മ​ന​സ്സി​ൽ നി​റ​ഞ്ഞി​രി​പ്പു​ണ്ട്. ആ ​ഓ​ർ​മ​ക​ൾ ക​ൺ​മു​ന്നി​ൽ എ​ന്നെ​ന്നും കാ​ണാ​ൻ, അ​വ​ളെ എ​ന്നും ചേ​ർ​ത്തു​നി​ർ​ത്താ​ൻ വി​ങ്ങു​ന്ന ഹൃ​ദ​യ​ങ്ങ​ളി​ൽ തോ​ന്നി​​യൊ​രു ആ​ശ​യം ഇ​ന്ന്​ ഡി​ജി​റ്റ​ൽ ലോ​ക​ത്ത്​ അ​വ​ൾ​ക്കാ​യി നി​ത്യ​സ്മാ​ര​ക​മാ​യി മാ​റി​യി​രി​ക്കു​ന്നു. സെ​മി​ത്തേ​രി​യി​ലെ ക​ല്ല​റ​യി​ൽ പ​തി​ച്ചി​രി​ക്കു​ന്ന ക്യു.​ആ​ർ കോ​ഡി​ലൂ​ടെ അ​ഖി​ല റെ​ജി എ​ന്ന 22കാ​രി അ​ങ്ങ​നെ എ​ന്നും പ്രി​യ​പ്പെ​ട്ട​വ​രു​ടെ വി​ര​ൽ​തു​മ്പി​ലെ​ത്തും.

വാ​ള​കം ആ​ക്കാ​ട്ട്​ റെ​ജി വി​ലാ​സ​ത്തി​ൽ ക​ളി​ചി​രി​ക​ൾ നി​ല​ച്ചു​പോ​യ​ത്​ 2022 ഡി​സം​ബ​ർ 30ന് ​ആ​ണ്. ആ ​വീ​ട്ടി​ൽ റെ​ജി​യു​ടെ​യും മി​നി​യു​ടെ​യും മ​ക​ളും അ​നി​ജ​യു​ടെ അ​നി​യ​ത്തി​യു​മാ​യി സ്​​നേ​ഹം നി​റ​ച്ചി​രു​ന്ന അ​ഖി​ല ​നാ​ട്ടു​കാ​രു​ടെ​യും പ്രി​യ​പ്പെ​ട്ട​വ​ളാ​യി​രു​ന്നു. ചെ​റി​യ ത​ല​വേ​ദ​ന​യും പ​നി​യു​മാ​യി എ​ത്തി​യാ​ണ് ചെ​ന്നൈ ബാ​ലാ​ജി മെ​ഡി​ക്ക​ൽ കോ​ള​ജി​ലെ കാ​ർ​ഡി​യ പെ​ർ​ഫ്യൂ​ഷ​ൻ കോ​ഴ്‌​സ് അ​വ​സാ​ന വ​ർ​ഷ വി​ദ്യാ​ർ​ഥി​നി​യാ​യി​രു​ന്ന അ​ഖി​ല​യെ മ​ര​ണം കൊ​ണ്ടു​പോ​യ​ത്.

‘അ​ഖി​ല വി​ട​പ​റ​ഞ്ഞ​ത്​​ വി​ശ്വ​സി​ക്കാ​ൻ പ​റ്റാ​ത്ത സ്ഥി​തി​യി​ൽ അ​വ​ളെ എ​ന്നും ഒ​പ്പം ചേ​ർ​ത്തു​നി​ർ​ത്താ​നാ​യി എ​ന്തെ​ങ്കി​ലും ചെ​യ്യ​ണ​മെ​ന്ന്​ തോ​ന്നി. അ​ങ്ങ​നെ​യാ​ണ്​ ഒ​ന്നാം ച​ര​മ​വാ​ർ​ഷി​ക​വേ​ള​യി​ൽ മോ​ളു​ടെ സ്മ​ര​ണ​ക​ൾ നി​റ​ച്ച്​ വെ​ബ്​​സൈ​റ്റ്​ ഉ​ണ്ടാ​ക്കി​യ​ത്. ആ ​വെ​ബ്​​സൈ​റ്റി​ലേ​ക്കു​ള്ള ക്യു.​ആ​ർ. കോ​ഡ് പു​തു​ക്കി​പ്പ​ണി​ത​ ക​ല്ല​റ​യി​ൽ ചേ​ർ​ത്തുെ​​വ​ച്ചു. മാ​ർ​ത്തോ​മ രൂ​പ​ത​ക്ക്​ പ്ര​ത്യേ​കം ക​ത്ത്ന​ൽ​കി അ​നു​മ​തി വാ​ങ്ങി​യാ​ണ്​ ചി​ത്ര​ത്തി​നൊ​പ്പം ക്യു.​ആ​ർ കോ​ഡും പ​തി​ച്ച​ത്. എ​ന്നും പു​തു​മ​ക​ൾ ഇ​ഷ്ട​പ്പെ​ട്ടി​രു​ന്ന മോ​ളെ ഞ​ങ്ങ​ൾ ചേ​ർ​ത്തു​നി​ർ​ത്തി​യ​തും അ​ങ്ങ​നെ വ്യ​ത്യ​സ്ത​ത​യി​ലൂ​ടെ​യാ​യി’ ​-മാ​താ​വ്​ മി​നി പ​റ​യു​ന്നു.

ചി​ത്ര​ര​ച​ന​യും ഡാ​ൻ​സും അ​ഭി​ന​യ​വും സം​ഗീ​ത​വും ഏ​റെ ഇ​ഷ്ട​പ്പെ​ട്ടി​രു​ന്ന അ​ഖി​ല​ക്ക്​ രാ​ഷ്ട്രീ​യ​വും സാ​മൂ​ഹി​ക പ്ര​വ​ർ​ത്ത​ന​വു​മെ​ല്ലാം പ്രി​യ​പ്പെ​ട്ട​വ​യാ​യി​രു​ന്നു. www.akhilaammuzz.in എ​ന്ന വെ​ബ്​​സൈ​റ്റി​ൽ ചി​ത്ര​ങ്ങ​ളും വി​ഡി​യോ​ക​ളും വ​ഴി പ്രി​യ​പ്പെ​ട്ട​വ​ർ അ​ഖി​ല​യു​ടെ ഓ​ർ​മ പു​തു​ക്കു​ന്ന​തി​നൊ​പ്പം പു​തി​യ ആ​ളു​ക​ളും അ​വ​ളെ പ​രി​ച​യ​പ്പെ​ടു​ക​യാ​ണ്. മ​ക​ളു​ടെ കൂ​ടു​ത​ൽ ചി​ത്ര​ങ്ങ​ളും വി​ഡി​യോ​ക​ളും എ​ല്ലാ വ​ർ​ഷ​വും പോ​സ്റ്റ്​ ചെ​യ്ത്​ വെ​ബ്​​സൈ​റ്റ്​ അ​പ്​​ഡേ​റ്റ്​ ചെ​യ്യാ​മെ​ന്നും കു​ടും​ബം ക​രു​തു​ന്നു. ചെ​ന്നൈ​യി​ലെ പ​ഠ​ന​ത്തി​ന്‍റെ ഇ​ട​വേ​ള​യി​ൽ നാ​ട്ടി​ൽ ഓ​ടി​യെ​ത്തു​മ്പോ​ൾ വ​ണ്ടി​യു​മെ​ടു​ത്ത്​ നാ​ടി​നാ​യി ഓ​ടി​യെ​ത്തു​ന്ന മി​ടു​ക്കി​ക്ക്​ മ​റ്റൊ​രു നി​ത്യ​സ്മാ​ര​കം കൂ​ടി മാ​താ​പി​താ​ക്ക​ൾ ഒ​രു​ക്കി.

അ​വ​ളു​ടെ പേ​രി​ൽ അ​ഞ്ച്​ കു​ടും​ബ​ങ്ങ​ൾ​ക്ക്​ ത​ണ​ലാ​യി വീ​ടു​വെ​ക്കാ​ൻ വ​സ്തു ന​ൽ​കി​യാ​ണ്​ മ​ക​ളെ അ​വ​ർ വീ​ണ്ടും അ​ന​ശ്വ​ര​യാ​ക്കി​യ​ത്. ‘അ​ഖി​ല​യു​ടെ പ​ഠ​നം പൂ​ർ​ത്തി​യാ​ക്കാ​നും വി​വാ​ഹം ന​ട​ത്താ​നും ഞ​ങ്ങ​ൾ​ക്ക്​ ക​ഴി​ഞ്ഞി​ല്ല. ചെ​റു​പ്രാ​യ​ത്തി​ൽ ഈ ​ലോ​ക​ത്തെ എ​ല്ലാ രേ​ഖ​ക​ളി​ൽ നി​ന്നും പേ​ര്​ മാ​ഞ്ഞ്, മ​ര​ണ​സ​ർ​ട്ടി​ഫി​ക്ക​റ്റി​ൽ മാ​ത്രം ആ​യി അ​വ​ളെ മ​റ​വി​ക്ക്​ വി​ട്ടു​കൊ​ടു​ക്കാ​ൻ ഞ​ങ്ങ​ൾ​ക്ക്​ ക​ഴി​യി​ല്ലാ​യി​രു​ന്നു. പാ​വ​​ങ്ങ​ളെ ത​ന്നാ​ലാ​കു​ന്ന വി​ധം സ​ഹാ​യി​ച്ചി​രു​ന്ന, ഇ​നി​യും ഏ​റെ ചെ​യ്യാ​ൻ ആ​ഗ്ര​ഹി​ച്ചി​രു​ന്ന മോ​ളു​ടെ മ​ന​സ്സ്​ ഉ​ൾ​ക്കൊ​ണ്ടാ​ണ്​ ഞ​ങ്ങ​ൾ വ​സ്തു ന​ൽ​കി​യ​ത്. എ​ത്ര കൊ​ല്ലം ക​ഴി​ഞ്ഞാ​ലും ആ ​കു​ടും​ബ​ങ്ങ​ൾ അ​വ​ളെ ഓ​ർ​ക്കും’- മി​നി​യു​ടെ വാ​ക്കു​ക​ൾ ശ​രി​െ​വ​ച്ച് എ​വി​ടെ​യോ ഇ​രു​ന്ന്​ അ​ഖി​ല​യും ചി​രി​തൂ​കു​ന്നു​ണ്ട്.