ഏതിരുളും തോൽക്കും, മായ ടീച്ചറുടെ സ്വപ്​നങ്ങൾക്ക്​ മുന്നിൽ

തൊ​ടു​പു​ഴ: മാ​യ ടീ​ച്ച​ർ മ​നോ​ഹ​ര​മാ​യി പ​ഠി​പ്പി​ക്കു​മ്പോ​ൾ ശി​ഷ്യ​ർ​ക്ക്​ മു​ന്നി​ൽ അ​റി​വി​ന്‍റെ പു​തി​യ വെ​ളി​ച്ചം പ​ട​രും. അ​വ​രു​ടെ ശ​ബ്​​ദ​ങ്ങ​ളി​ലൂ​ടെ അ​ത്​ തി​രി​ച്ച​റി​യു​​ബോ​ൾ ആ ​അ​ധ്യാ​പി​ക​യു​ടെ ക​ണ്ണു​ക​ളി​ലെ ഇ​രു​ട്ട്​ സ​ന്തോ​ഷ​ത്തി​​നും ആ​ഹ്ലാ​ദ​ത്തി​നും വ​ഴി​മാ​റും. ക​ഴി​ഞ്ഞ എ​ട്ട്​ വ​ർ​ഷ​ത്തി​നി​ടെ അ​ക​ക്ക​ണ്ണി​​ന്‍റെ ഊ​ർ​ജം​കൊ​ണ്ട്​ ആ​യി​ര​ങ്ങ​ൾ​ക്ക്​ അ​റി​വ്​ പ​ക​ർ​ന്ന മാ​യ, വി​ദ്യാ​ർ​ഥി​ക​ൾ​ക്കും സ​ഹ​പ്ര​വ​ർ​ത്ത​ക​ർ​ക്കും മാ​യാ​ത്ത ദൃ​ഢ​നി​ശ്ച​യ​ത്തി​​ന്‍റെ പ്ര​തീ​ക​മാ​ണ്.

തൊ​ടു​പു​ഴ കാ​ഞ്ഞി​ര​മ​റ്റം ഗ​വ. ഹൈ​സ്​​കൂ​ളി​ലെ മ​ല​യാ​ളം അ​ധ്യാ​പി​ക​യാ​ണ്​ എ.​എം. മാ​യ. ജ​ന്മ​നാ പൂ​ർ​ണ​മാ​യും കാ​ഴ്​​ച​ശ​ക്​​തി​യി​ല്ലാ​ത്ത മാ​യ​യു​ടെ ജീ​വി​തം അ​തി​ശ​യി​പ്പി​ക്കു​ന്ന അ​തി​ജീ​വ​ന​ത്തി​​ന്‍റേ​ത് കൂ​ടി​യാ​ണ്. പ്രാ​ര​ബ്​​ധ​ങ്ങ​ൾ ഏ​റെ നി​റ​ഞ്ഞ​താ​യി​രു​ന്നു വീ​ട്. അ​തു​കൊ​ണ്ട്​​ത​ന്നെ പ​ഠി​ച്ച്​ ന​ല്ലൊ​രു ജോ​ലി നേ​ട​ണ​മെ​ന്ന​ത്​ വാ​ശി​യാ​യി. ബി.​എ. മ​ല​യാ​ള​വും ബി.​എ​ഡും പാ​സാ​യ​തി​ന്​ പു​റ​മെ ജോ​ലി ല​ഭി​ച്ച​ശേ​ഷം വി​ദൂ​ര​വി​ദ്യാ​ഭ്യാ​സം വ​ഴി ബി​രു​ദാ​ന​ന്ത​ര ബി​രു​ദ​വും സ്വ​ന്ത​മാ​ക്കി.

താ​ൻ പ​ഠി​പ്പി​ക്കു​ന്ന കു​ട്ടി​ക​ൾ പ​രീ​ക്ഷ​ക​ളി​ൽ ഉ​ന്ന​ത​വി​ജ​യം നേ​ടി​യ​പ്പോ​ൾ മാ​യ സ്​​കൂ​ളി​​ന്‍റെ​ത​ന്നെ അ​ഭി​മാ​ന​മാ​യി. സ്​​കൂ​ളി​ലെ വി​ദ്യാ​രം​ഗം ക​ലാ​സാ​ഹി​ത്യ വേ​ദി, ലൈ​ബ്ര​റി എ​ന്നി​വ​യു​ടെ​യെ​ല്ലാം ചു​മ​ത​ല മാ​യ​ക്കാ​ണ്. സി​ല​ബ​സ്​ മാ​റു​ന്ന ഘ​ട്ട​ത്തി​ൽ പാ​ഠ​ഭാ​ഗ​ങ്ങ​ൾ ഓ​ഡി​യോ രൂ​പ​ത്തി​ലാ​ക്കി മ​ന​സ്സി​ലു​റ​പ്പി​ക്കും.

പി​ന്നീ​ട്​ പു​തി​യ സി​ല​ബ​സ്​ വ​രു​ന്ന​തു​വ​രെ എ​ല്ലാം മ​നഃ​പാ​ഠ​മാ​ണ്. ക​വി​ത​യും ക​ഥ​ക​ളു​മെ​ല്ലാം നി​റ​യു​ന്ന ക്ലാ​സ്​ കു​ട്ടി​ക​ൾ എ​ത്ര നേ​ര​വും കേ​ട്ടി​രി​ക്കും. ഭ​ർ​ത്താ​വും നാ​ല്​ മാ​സം പ്രാ​യ​മാ​യ കു​ഞ്ഞു​മ​ട​ങ്ങു​ന്ന കു​ടും​ബ​ത്തി​​ന്‍റെ കാ​ര്യ​ങ്ങ​ളും ഇ​തോ​ടൊ​പ്പം മ​റ്റാ​രു​ടെ​യും സ​ഹാ​യ​മി​ല്ലാ​തെ മു​ന്നോ​ട്ടു​കൊ​ണ്ടു​പോ​കു​ന്നു. വീ​ട്ടി​ലെ എ​ല്ലാ ജോ​ലി​ക​ളും മാ​യ സ്വ​ന്ത​മാ​യി ചെ​യ്യും.

ഭ​ർ​ത്താ​വാ​ണ്​ രാ​വി​ലെ മാ​യ​യെ സ്​​കൂ​ളി​ൽ എ​ത്തി​ക്കു​ന്ന​ത്. ഒ​രു​വ​ട്ടം പോ​യാ​ൽ പി​ന്നീ​ട്​ ആ ​ക്ലാ​സ്​​മു​റി​യും പ​രി​സ​ര​വു​മെ​ല്ലാം മ​നഃ​പാ​ഠ​മാ​ണ്. ശ​ബ്​​ദം​കൊ​ണ്ട്​ ഓ​രോ കു​ട്ടി​യെ​യും തി​രി​ച്ച​റി​യും. പ​ഴ​യ ശി​ഷ്യ​ർ ഇ​ട​ക്കി​ടെ കാ​ണാ​നെ​ത്തും. പ​ത്താം​ക്ലാ​സ്​ പ​രീ​ക്ഷ​യ​ടു​ത്ത​പ്പോ​ൾ തോ​ൽ​ക്കു​മെ​ന്ന്​ ഭ​യ​ന്ന്​​ പ​ഠ​നം നി​ർ​ത്താ​​നൊ​രു​ങ്ങി​യ വി​ദ്യാ​ർ​ഥി​യെ കു​റ​ഞ്ഞ ദി​വ​സം​കൊ​ണ്ട്​ പ​ഠി​പ്പി​ച്ച്​ ന​ല്ല മാ​ർ​ക്കോ​ടെ വി​ജ​യി​പ്പി​ക്കാ​നാ​യ​ത്​ അ​ധ്യാ​പ​ക ജീ​വി​ത​ത്തി​ലെ മ​റ​ക്കാ​നാ​വാ​ത്ത​ ഓ​ർ​മ.

സ​ഹ​പ്ര​വ​ർ​ത്ത​ക​രും വി​ദ്യാ​ർ​ഥി​ക​ളും ഭ​ർ​തൃ​വീ​ട്ടു​കാ​രും ന​ൽ​കു​ന്ന പി​ന്തു​ണ​യാ​ണ്​ ത​​ന്‍റെ ശ​ക്​​തി​യും വെ​ളി​ച്ച​വു​മെ​ന്ന്​ മാ​യ പ​റ​യു​ന്നു. ട്രാ​വ​ൽ ഏ​ജ​ൻ​സി ന​ട​ത്തു​ന്ന ഭ​ർ​ത്താ​വ്​ നി​ർ​മ​ൽ സെ​ബാ​സ്​​റ്റ്യ​നും കാ​ഴ്​​ച ശ​ക്​​തി​യി​ല്ല. എ​ങ്കി​ലും മാ​യ​യു​ടെ സ്വ​പ്​​ന​ങ്ങ​ൾ ഇ​രു​ൾ മൂ​ടി​യി​ട്ടി​ല്ല. അ​വ​​ക്കി​പ്പോ​ഴും ന​ക്ഷ​ത്ര​ത്തി​ള​ക്ക​മാ​ണ്. ഹ​യ​ർ സെ​ക്ക​ൻ​ഡ​റി അ​ധ്യാ​പി​ക ആ​കു​ക എ​ന്ന​താ​ണ്​ അ​ടു​ത്ത ആ​ഗ്ര​ഹം.