നാലു വർഷം, ആറു മാസം, ഒരു ദിവസം....പ്രതിസന്ധികളെ പൊരുതിത്തോൽപിച്ച് ജസീല തിരിച്ചെത്തി

ക​ൽ​പ​റ്റ: ‘പ്രി​യ​രേ ഏ​റെ നാ​ളു​ക​ൾ​ക്ക് ശേ​ഷം, കൃ​ത്യ​മാ​യി പ​റ​ഞ്ഞാ​ൽ നാ​ലു വ​ർ​ഷം ആ​റു മാ​സം ഒ​രു ദി​വ​സം, ഞാ​ൻ ഇ​ന്നു തി​രി​ച്ച് എ​ന്റെ പ്രി​യ​പ്പെ​ട്ട പൊ​ലീ​സ് ഡി​പാ​ർ​ട്ട്മെ​ന്റി​ൽ ജോ​ലി​ക്ക്‌ പ്ര​വേ​ശി​ക്ക​ക​യാ​ണ്.

പൊ​ലീ​സി​ൽ വ​ന്നി​ട്ട് 17 വ​ർ​ഷ​ങ്ങ​ൾ ക​ഴി​യാ​റാ​വു​ന്നു. കൂ​ടെ സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ ആ​യി പ്ര​മോ​ഷ​നും ല​ഭി​ച്ചു​വെ​ന്ന സ​ന്തോ​ഷവാ​ർ​ത്ത​യും പ​ങ്കു​വെ​ക്കു​ന്നു. 2019ൽ ​മു​ഖ്യമ​ന്ത്രി​യു​ടെ പൊ​ലീ​സ് മെ​ഡ​ൽ ല​ഭി​ച്ചി​ട്ടും അ​ത് നെ​ഞ്ചോ​ട് ചേ​ർ​ത്ത് യൂ​നി​ഫോ​മി​ൽ അ​ണി​യാ​ൻ ഇ​ന്നു​വ​രെ​യാ​യി​ല്ല എ​ന്ന സ​ങ്ക​ട​വും ഇ​തോ​ടെ ഇ​ല്ലാ​താ​വു​ന്നു.

പ്ര​തീ​ക്ഷ കൈ വി​ടാ​തെ മു​ന്നോ​ട്ട് ന​ട​ക്കു​ക, വി​ജ​യം സു​നി​ശ്ചി​തം. ഈ ​വ​ലി​യ കാ​ലം അ​തി​ജീ​വി​ക്കാ​ൻ കൂ​ടെ ക​ട്ട​ക്ക് നി​ന്ന​വ​രെ ഹൃ​ദ​യ​ത്തോ​ട് ചേ​ർ​ത്ത് ദൈ​വ​ത്തി​നു ന​ന്ദി പ​റ​ഞ്ഞ് ഞാ​ൻ വീ​ണ്ടും നി​ങ്ങ​ളി​ലേ​ക്ക്...​ അ​പ​ക​ട​വും രോ​ഗ​ങ്ങ​ളും അ​തി​ജീ​വി​ച്ച് നീ​ണ്ട​കാ​ല​ത്തി​നു​ശേ​ഷം ജോ​ലി​യി​ൽ പ്ര​വേ​ശി​ക്കാ​ൻ ക​ഴി​ഞ്ഞ സ​ന്തോ​ഷം പ്രി​യ​പ്പെ​ട്ട​വ​ർ​ക്ക് ​ വാ​ട്സ്ആ​പ്പി​ൽ പ​ങ്കു​വെ​ച്ച് തി​ങ്ക​ളാ​ഴ്ച ജോ​ലി​യി​ൽ ക​യ​റി​യ സ​ന്തോ​ഷം പ​ങ്കി​ടു​ക​യാ​ണ് സീ​നി​യ​ർ സി​വി​ൽ പൊ​ലീ​സ് ഓ​ഫി​സ​റാ​യ കെ.​ടി. ജ​സീ​ല.

2006ൽ ​ക​ൽ​പ​റ്റ പൊ​ലീ​സ് സ്റ്റേ​ഷ​നി​ൽ കോ​ൺ​സ്റ്റ​ബി​ളാ​യാ​ണ് മു​ട്ടി​ൽ സ്വ​ദേ​ശി​നി ജ​സീ​ല​യു​ടെ ക​രി​യ​ർ തു​ട​ങ്ങു​ന്ന​ത്. ജോ​ലി​ക്കി​ട​യി​ലാ​ണ് കെ.​പി. അ​ഭി​ലാ​ഷി​നെ പ​രി​ച​യ​പ്പെ​ടു​ന്ന​തും വി​വാ​ഹം ക​ഴി​ക്കു​ന്ന​തും.

2019 മാ​ർ​ച്ചി​ൽ അ​ഭി​ലാ​ഷ് ജോ​ലി ചെ​യ്യു​ന്ന ക​ണ്ണൂ​രി​ലെ ധ​ർ​മ​ട​ത്ത് പോ​യി മ​ട​ങ്ങു​മ്പോ​ൾ ജ​സീ​ല ക​യ​റി​യ കെ.​എ​സ്.​ആ​ർ.​ടി.​സി ബ​സി​ലേ​ക്ക് സ്വ​കാ​ര്യ ബ​സ് ഇ​ടി​ച്ചുക​യ​റി. ത​ല​യ​ടി​ച്ചു വീ​ണ ജ​സീ​ല​യു​ടെ ഇ​രു​കാ​ലു​ക​ളും ഒ​ടി​ഞ്ഞു. എ​ല്ലു​ക​ൾ പൊ​ടി​ഞ്ഞ അ​വ​സ്ഥ​യി​ലാ​യി. അ​ഭി​ലാ​ഷി​ന്റെ പ​രി​ച​ര​ണ​ത്തി​ൽ ജീ​വി​തം മു​ന്നോ​ട്ട് പോ​കു​ന്ന​തി​നി​ടെ ക​ഴു​ത്തി​ൽ ഒ​രു മു​ഴ​യു​ടെ രൂ​പ​ത്തി​ൽ അ​ർ​ബു​ദം എ​ത്തു​ന്ന​ത്.

കീ​മോ​യു​ടെ​യും മ​രു​ന്നു​ക​ളു​ടെ​യും ദു​രി​ത​കാ​ലം. അ​തി​നി​ടെ മ​രു​ന്നു​ക​ളു​ടെ പാ​ർ​ശ്വ​ഫ​ല​മാ​യി വൃ​ക്ക​രോ​ഗ​വും. ഒ​മ്പ​തോ​ളം ശ​സ്ത്ര​ക്രി​യ​ക​ളും വേ​ണ്ടി​വ​ന്നു. നീ​ണ്ട വ​ർ​ഷ​ത്തെ ചി​കി​ത്സ​ക്കൊ​ടു​വി​ൽ ഇ​തെ​ല്ലാം അ​തി​ജീ​വി​ച്ചാ​ണ് ജ​സീ​ല വീ​ണ്ടും ജോ​ലി​യി​ൽ പ്ര​വേ​ശി​ച്ച​ത്. പു​ത്തൂ​ർ​വ​യ​ൽ ജി​ല്ല ഹെ​ഡ് ക്വ​ാർ​ട്ടേ​ഴ്സി​ലെ സീ​നി​യ​ർ സി​വി​ൽ പൊ​ലീ​സ് ഓ​ഫി​സ​റാ​യാണ് ജോ​ലി​യി​ൽ തി​രി​കെ ക​യ​റി​യ​ത്.