മെ​ഴു​കു​തി​രി​വെ​ട്ടം ന​ഷ്ട​മാ​കു​മോ എ​ന്ന ആ​ശ​ങ്ക​യി​ൽ ഗീ​ത ടീ​ച്ച​ർ

ഇ​രി​ങ്ങാ​ല​ക്കു​ട: മൂ​ന്നു പ​തി​റ്റാ​ണ്ടു​കാ​ലം അ​ധ്യാ​പി​ക​യാ​യി​രു​ന്ന എം.​പി. ഗീ​ത എ​ന്ന ഗീ​ത ടീ​ച്ച​ർ ‘മെ​ഴു​കു​തി​രി യൂ​നി​റ്റ്’ തു​ട​രാ​നാ​യി സ​ഹാ​യം തേ​ടു​ക​യാ​ണ്. കൈ​ര​ളി നാ​ട്യ​ക​ലാ​ക്ഷേ​ത്രം നൃ​ത്ത വി​ദ്യാ​ല​യം മു​ൻ പ്രി​ൻ​സി​പ്പ​ലും കോ​ല​ഴി ചി​ന്മ​യ സ്കൂ​ളി​ൽ 30 വ​ർ​ഷം അ​ധ്യാ​പി​ക​യും ആ​യി​രു​ന്ന ഗീ​ത ആ​രോ​ഗ്യ​പ​ര​മാ​യ കാ​ര​ണ​ങ്ങ​ളാ​ൽ സ്വ​യം വി​ര​മി​ച്ച് മൂ​ന്നു വ​ർ​ഷം മു​മ്പ് ഇ​രി​ങ്ങാ​ല​ക്കു​ട കൂ​ത്തു​പ​റ​മ്പി​ൽ തു​ട​ങ്ങി​യ​താ​ണ് ‘ദ്യു​തി കാ​ൻ​ഡി​ൽ​സ് ആ​ൻ​ഡ് ക്ര​യോ​ൺ​സ്’.

മു​ന്നോ​ട്ട് കൊ​ണ്ടു​പോ​കാ​ൻ പ​ണ​മി​ല്ലാ​ത്ത​തി​നാ​ലാ​ണ് നി​ർ​ധ​ന വി​ദ്യാ​ർ​ഥി​ക​ളു​ടെ പ​ഠ​ന​ച്ചെ​ല​വു​ൾ​പ്പെ​ടെ ഏ​റ്റെ​ടു​ത്ത് ന​ട​ത്തി​വ​ന്നി​രു​ന്ന ഗീ​ത ടീ​ച്ച​റു​ടെ മെ​ഴു​കു​തി​രി നി​ർ​മാ​ണം നി​ല​ക്കാ​ൻ കാ​ര​ണം.

ഒ​ട്ടേ​റെ ബാ​ങ്കു​ക​ളെ വാ​യ്പ​ക്കാ​യി സ​മീ​പി​ച്ചെ​ങ്കി​ലും വാ​യ്പ ത​രാ​നാ​വി​ല്ലെ​ന്നു പ​റ​ഞ്ഞ് മ​ട​ക്കി​യ​താ​യി ഗീ​ത പ​റ​ഞ്ഞു. വീ​ട് നി​ർ​മി​ക്കാ​നെ​ടു​ത്ത വാ​യ്പ നി​ല​നി​ൽ​ക്കു​ന്ന​താ​യി​രു​ന്നു ത​ട​സ്സം. കു​രി​യ​ച്ചി​റ ഗ്രാ​മീ​ണ ബാ​ങ്കി​ൽ​നി​ന്ന് ല​ഭി​ച്ച ചെ​റി​യ തു​ക​യി​ലാ​യി​രു​ന്നു ആ​ദ്യം യൂ​നി​റ്റ് ആ​രം​ഭി​ച്ച​ത്. വ്യ​വ​സാ​യ വ​കു​പ്പി​ന്റെ​യും ജി.​എ​സ്.​ടി​യു​ടെ​യും ര​ജി​സ്ട്രേ​ഷ​ൻ ല​ഭി​ച്ചു.

400ഓ​ളം ക​ട​ക​ളി​ൽ മെ​ഴു​കു​തി​രി വി​ൽ​പ​ന ന​ട​ക്കാ​റു​ണ്ട​ത്രേ. ദി​വ​സം 2000 മെ​ഴു​കു​തി​രി​ക​ൾ ഉ​ണ്ടാ​ക്കാ​നാ​കു​ന്നു​ണ്ട്. സി​ഡ്കോ അ​നു​വ​ദി​ച്ച ​300 കി​ലോ മെ​ഴു​ക് ഏ​റ്റെ​ടു​ക്ക​ണ​മെ​ങ്കി​ൽ പ​ണം വേ​ണം.

സാ​മൂ​ഹി​ക സം​ഘ​ട​ന​ക​ളു​ടെ​യും നാ​ട്ടു​കാ​രു​ടെ​യും സ​ഹാ​യം ല​ഭി​ച്ച​തി​നാ​ലാ​ണ് ഇ​ത്ര​യും നാ​ൾ മു​ന്നോ​ട്ട് പോ​യ​ത്. ഇ​നി എ​ന്ത് ചെ​യ്യ​ണ​മെ​ന്ന​റി​യു​ന്നി​ല്ല ഗീ​ത ടീ​ച്ച​ർ​ക്ക്.