സ്വ​പ്ന​ത്തി​ലേ​ക്ക് ചി​റ​കു​വി​രി​ച്ച് ഗോ​പി​ക; ത​ണ​ലൊ​രു​ക്കി ഗോ​പാ​ല​നും ശാ​ന്ത​യും

കാ​ളി​കാ​വ്: പ്ര​തി​കൂ​ല ജീ​വി​ത സാ​ഹ​ച​ര്യ​ങ്ങ​ളോ​ട് പോ​രാ​ടി​യ സ്രാ​മ്പി​ക്ക​ല്ലി​ലെ ഗോ​പി​ക​യു​ടെ ഇ​നി​യു​ള്ള പോ​രാ​ട്ടം നാ​ട് അ​റി​യു​ന്ന ന​ല്ലൊ​രു ഡോ​ക്ട​റെ​ന്ന സ്വ​പ്നം. നീ​റ്റ് പ​രീ​ക്ഷ​യി​ൽ കേ​ര​ള റാ​ങ്കി​ൽ 6905ാം റാ​ങ്ക് നേ​ടി​യ ഗോ​പി​ക തൃ​ശൂ​ർ ഗ​വ. കോ​ള​ജി​ൽ എം.​ബി.​ബി.​എ​സി​ന് പ്ര​വേ​ശ​നം നേ​ടി​ക്ക​ഴി​ഞ്ഞു.

ചോ​ർ​ന്നൊ​ലി​ക്കു​ന്ന കു​ഞ്ഞു കൂ​ര​ക്കു​ള്ളി​ലി​രു​ന്നാ​ണ് ഈ ​മി​ടു​ക്കി ത​ന്റേ​താ​യ ലോ​കം വെ​ട്ടി​പ്പി​ടി​ച്ച​ത്. പു​ല്ല​ങ്കോ​ട് സ്രാ​മ്പി​ക്ക​ല്ലി​ലെ മ​ങ്ക​ട ഗോ​പാ​ല​ൻ-​ശാ​ന്ത ദ​മ്പ​തി​ക​ളു​ടെ മ​ക​ളാ​ണ്. ശ​രി​ക്കൊ​ന്ന് ഇ​രു​ന്ന് വാ​യി​ക്കാ​നോ പു​സ്ത​ക​ങ്ങ​ൾ അ​ടു​ക്കി വെ​ക്കാ​നോ പോ​ലും സൗ​ക​ര്യ​മി​ല്ലാ​ത്ത വീ​ട്ടി​ൽ​നി​ന്നാ​ണ് ഗോ​പി​ക​യു​ടെ നേ​ട്ടം.

മാ​താ​പി​താ​ക്ക​ളു​ടേ​യും അ​ധ്യാ​പ​ക​രു​ടേ​യും പ്രോ​ത്സാ​ഹ​ന​വും നാ​ട്ടു​കാ​രു​ടെ പ്ര​ചോ​ദ​ന​വും ക​രു​ത്താ​ക്കി​യാ​ണ് ഈ ​മി​ടു​ക്കി സ്വ​പ്ന​ത്തി​ലേ​ക്ക് കു​തി​ക്കു​ന്ന​ത്. വ​ലി​യ ആ​ർ​ഭാ​ട​ങ്ങ​ളൊ​ന്നു​മി​ല്ലെ​ങ്കി​ലും ടാ​പ്പി​ങ് തൊ​ഴി​ലാ​ളി​യാ​യ ഗോ​പാ​ല​നും കൂ​ലി​പ്പ​ണി ചെ​യ്യു​ന്ന ശാ​ന്ത​യും മ​ക​ളു​ടെ സ്വ​പ്ന​ങ്ങ​ൾ​ക്ക് ചി​റ​കു​വി​രി​ക്കാ​ൻ അ​ക്ഷീ​ണ പ്ര​യ​ത്ന​ത്തി​ലാ​ണ്.

പ​ത്തി​ലും പ്ല​സ്​​ടു​വി​ലും എ​ല്ലാ വി​ഷ​യ​ങ്ങ​ളി​ലും ഗോ​പി​ക എ ​പ്ല​സ് നേ​ടി​യി​രു​ന്നു. ഒ​രു വ​ർ​ഷം പെ​രി​ന്ത​ൽ​മ​ണ്ണ​യി​ലെ പ​രി​ശീ​ല​ന​കേ​ന്ദ്ര​ത്തി​ൽ എ​ൻ​ട്ര​ൻ​സ്​ പ​രി​ശീ​ല​ന​ത്തി​ലാ​യി​രു​ന്നു. ഗോ​പി​ക​യു​ടെ പ​ഠ​ന മി​ക​വും ജീ​വി​താ​വ​സ്ഥ​യും ക​ണ​ക്കി​ലെ​ടു​ത്ത് ട്യൂ​ഷ​ൻ ഫീ​സ് പൂ​ർ​ണ​മാ​യി അ​വ​ർ ഒ​ഴി​വാ​ക്കി.

ഹോ​സ്റ്റ​ൽ ഫീ​സി​ൽ ഗ​ണ്യ​മാ​യ ഇ​ള​വും ന​ൽ​കി. ഫ​ലം വ​ന്ന​തോ​ടെ ഗോ​പി​ക​യു​ടെ പ്ര​തീ​ക്ഷ​ക​ൾ​ക്ക് ചി​റ​ക് മു​ള​ച്ചു. ഈ ​മാ​സം 15ന് ​ആ​രം​ഭി​ക്കു​ന്ന ഒ​ന്നാം വ​ർ​ഷ എം.​ബി.​ബി.​എ​സ് കോ​ഴ്സി​ന് തൃ​ശൂ​ർ മെ​ഡി​ക്ക​ൽ കോ​ള​ജി​ലേ​ക്ക് പോ​കാ​നു​ള്ള ത​യാ​റെ​ടു​പ്പി​ലാ​ണ് ഗോ​പി​ക. പ്ല​സ്ടു വി​ന് പ​ഠി​ക്കു​ന്ന ഗോ​ഹി​ത്, എ​ട്ടാം ക്ലാ​സി​ൽ പ​ഠി​ക്കു​ന്ന അ​ർ​ച്ച​ന എ​ന്നി​വ​ർ സ​ഹോ​ദ​ര​ങ്ങ​ളാ​ണ്.