വയസ്സ് 120; സ്മാർട്ടാണ് കുഞ്ഞീരുമ്മ

വ​ളാ​ഞ്ചേ​രി (മ​ല​പ്പു​റം): നാ​ലാം ത​ല​മു​റ​യി​ലെ കു​ഞ്ഞു​മ​ക്ക​ളെ സ്നേ​ഹി​ക്കാ​നും താ​ലോ​ലി​ക്കാ​നും ഭാ​ഗ്യം ല​ഭി​ച്ച ലോ​ക മു​ത്ത​ശ്ശി കു​ഞ്ഞീ​രു​മ്മ ഈ ​വ​യോ​ജ​ന ദി​ന​ത്തി​ലും ഹാ​പ്പി​യാ​ണ്, സ്മാ​ർ​ട്ടാ​ണ്. മ​ല​പ്പു​റം ജി​ല്ല​യി​ലെ വ​ളാ​ഞ്ചേ​രി​ക്ക​ടു​ത്ത് എ​ട​യൂ​ർ പൂ​ക്കാ​ട്ടി​രി ആ​ൽ​പ​റ്റ​പ്പ​ടി ക​ല​മ്പ​ൻ​വീ​ട്ടി​ൽ എ​ത്തി​യാ​ൽ 120 പി​ന്നി​ട്ട മു​ത്ത​ശ്ശി സ്നേ​ഹ​ത്തി​ൽ ചാ​ലി​ച്ച മ​ന​സ്സോ​ടെ നി​ങ്ങ​ളെ സ്വീ​ക​രി​ക്കും, നി​ലാ​വു​ദി​ച്ച പു​ഞ്ചി​രി​യോ​ടെ.

120 വ​ർ​ഷ​വും 120 ദി​വ​സ​വും പൂ​ർ​ത്തി​യാ​ക്കി​യ കു​ഞ്ഞീ​രു​മ്മ​ക്ക് ലോ​ക​ത്ത് ആ​രെ​യും പേ​രു ചൊ​ല്ലി വി​ളി​ക്കാം. പ്രാ​യം​കൊ​ണ്ട് ലോ​ക​ത്ത് ജീ​വി​ച്ചി​രി​ക്കു​ന്ന എ​ല്ലാ​വ​ർ​ക്കും മീ​തെ​യാ​ണ് ഈ ​ആ​ഗോ​ള മു​ത്ത​ശ്ശി.

ആ​ധാ​ർ കാ​ർ​ഡ് അ​നു​സ​രി​ച്ച് 1903 ജൂ​ൺ ര​ണ്ടി​നാ​ണ് ജ​ന​നം. ലോ​ക​ത്തി​ലെ ഏ​റ്റ​വും പ്രാ​യം​കൂ​ടി​യ വ്യ​ക്തി​യാ​യി ഗി​ന്ന​സി​ൽ ഇ​ടം നേ​ടി​യ സ്പെ​യി​നി​ലെ 116കാ​രി​യാ​യ മ​രി​യ ബ്രാ​ൻ​യാ​സ് മൊ​രേ​ര​യെ​യും മ​റി​ക​ട​ക്കു​ന്നു കു​ഞ്ഞീ​രു​മ്മ. ഇ​പ്പോ​ഴും ന​ന്നാ​യി ക​ണ്ണു​കാ​ണും, ചെ​വി​കേ​ൾ​ക്കും.

യു​വ ത​ല​മു​റ പോ​ലും ജീ​വി​ത​ശൈ​ലീ രോ​ഗ​ങ്ങ​ൾ​ക്ക് അ​ടി​പ്പെ​ട്ട് മ​രു​ന്നി​ൽ അ​ഭ​യം തേ​ടു​മ്പോ​ൾ കു​ഞ്ഞീ​രു​മ്മ​ക്ക് ഭ​ക്ഷ​ണ​ത്തി​ന് പ്ര​ത്യേ​ക നി​ഷ്ക​ർ​ഷ​യി​ല്ല. ഏ​ത് ഭ​ക്ഷ​ണ​വും ക​ഴി​ക്കും. കു​റ​ച്ചു​വ​ർ​ഷം മു​മ്പ് വീ​ണ് പ​രി​ക്കേ​റ്റ​തി​നാ​ൽ ച​ക്ര​ക്ക​സേ​ര​യി​ലാ​ണ് വീ​ട്ടി​ലെ സ​ഞ്ചാ​രം. മ​ക്ക​ളും മ​ക്ക​ളു​ടെ മ​ക്ക​ളും അ​വ​രു​ടെ​യും മ​ക്ക​ളു​മൊ​ക്കെ​യാ​യി അ​ഞ്ചാം ത​ല​മു​റ​യി​ലേ​ക്ക് പ്ര​വേ​ശി​ക്കാ​നി​രി​ക്കു​ക​യാ​ണ്.

ഔ​പ​ചാ​രി​ക വി​ദ്യാ​ഭ്യാ​സ​മി​ല്ല. സ്കൂ​ളി​ലൊ​ന്നും പോ​യി പ​ഠി​ച്ചി​ട്ടി​ല്ല, ഓ​ത്തു​പ​ള്ളി​യി​ൽ പോ​യി​ട്ടു​ണ്ട്. കു​ട്ടി​ക്കാ​ല​ത്ത് ന​ട​ന്ന ബ്രി​ട്ടീ​ഷ് വി​രു​ദ്ധ ക​ലാ​പ​ങ്ങ​ളു​ടെ നേ​രി​യ ചി​ത്ര​ങ്ങ​ളു​ണ്ട് മ​ന​സ്സി​ൽ. പാ​ട​ത്ത് ആ​ടി​നെ മേ​യ്ക്കു​ന്ന​തി​നി​ടെ വെ​ടി​യൊ​ച്ച കേ​ട്ടും കു​ന്ത​വു​മാ​യി വ​രു​ന്ന​വ​രെ ക​ണ്ടും ഓ​ടി​യൊ​ളി​ച്ചി​ട്ടു​ണ്ട്. ഓ​ർ​മ​ക​ളെ​പ്പ​റ്റി ചോ​ദി​ച്ച​പ്പോ​ൾ കു​ഞ്ഞീ​രു​മ്മ നൂ​റ്റാ​ണ്ട് പി​ന്നോ​ട്ട് പോ​യി. ബ്രി​ട്ടീ​ഷു​കാ​ർ​ക്കെ​തി​രെ ഖി​ലാ​ഫ​ത്ത് സ​മ​ര​കാ​ല​ത്ത് ഉ​പ്പാ​പ്പ​യെ പി​ടി​ച്ചു​കൊ​ണ്ടു​പോ​യ​തും നാ​ലു​മാ​സ​ത്തി​നു​ശേ​ഷം വി​ട്ട​യ​ച്ച​തും ഓ​ർ​ത്തെ​ടു​ത്തു.

17ാം വ​യ​സ്സി​ലാ​യി​രു​ന്നു വി​വാ​ഹം. പ​രേ​ത​നാ​യ ക​ല​മ്പ​ൻ സെ​യ്താ​ലി​യാ​ണ് ഭ​ർ​ത്താ​വ്. 12 പ്ര​സ​വ​ത്തി​ലാ​യി 13 മ​ക്ക​ൾ. അ​തി​ൽ ജീ​വി​ച്ചി​രി​ക്കു​ന്ന​ത് ര​ണ്ട് ആ​ൺ​മ​ക്ക​ളും ര​ണ്ട് പെ​ൺ​മ​ക്ക​ളും മാ​ത്രം. ഇ​ള​യ മ​ക​ൻ പ്ര​വാ​സി​യാ​യ മു​ഹ​മ്മ​ദി​ന്റെ കു​ടും​ബ​ത്തോ​ടൊ​പ്പ​മാ​ണ് ഇ​പ്പോ​ൾ താ​മ​സം.