മേരി, 180 പേരുടെ 'അമ്മ'

അ​മ്പ​ല​പ്പു​ഴ: പ്രാ​യ​ത്തി​ന്‍റെ അ​വ​ശ​ത​ക​ൾ അ​ല​ട്ടു​ന്നു​ണ്ടെ​ങ്കി​ലും ശാ​ന്തി​ഭ​വ​ൻ മ​ക്ക​ളു​ടെ 'മേ​രി​യ​മ്മ'​ക്ക് വി​ശ്ര​മം അ​സാ​ധ്യ​മാ​ണ്. സ്‌​നേ​ഹം മാ​ത്ര​മാ​ണ് പ്ര​തി​ഫ​ല​മെ​ന്ന് ഉ​റ​പ്പാ​ക്കി രാ​പ്പ​ക​ൽ അ​ഗ​തി​ക​ൾ​ക്കാ​യി അ​വ​ർ അ​ധ്വാ​നി​ക്കു​ന്നു. 25 വ​ർ​ഷ​മാ​യി മു​ട​ങ്ങാ​തെ അ​ന്തേ​വാ​സി​ക​ൾ​ക്ക്​ ഭ​ക്ഷ​ണം ഒ​രു​ക്കു​ന്ന​തി​നൊ​പ്പം അ​വ​രു​ടെ സം​ര​ക്ഷ​ണ​ത്തി​നും മ​റ്റ്​ കാ​ര്യ​ങ്ങ​ൾ​ക്കും മേ​രി​യ​മ്മ ത​ന്നെ​യാ​ണ്​ മു​ന്നി​ലു​ണ്ടാ​വു​ക.

പു​ന്ന​പ്ര പ​റ​വൂ​രി​ൽ തോ​ട്ടു​ങ്ക​ൽ അ​ര​ള​പ്പ​ൻ-​സാ​റാ​മ്മ ദ​മ്പ​തി​ക​ളു​ടെ ര​ണ്ടാ​മ​ത്തെ മ​ക​ളാ​ണ് മേ​രി. 65 വ​യ​സ്സാ​യി. അ​ച്ഛ​നും അ​മ്മ​യും മ​ത്സ്യ​ത്തൊ​ഴി​ലാ​ളി​ക​ളാ​യി​രു​ന്നു. കു​ടും​ബ​ത്തി​ലെ ദുഃ​ഖ​ങ്ങ​ളും ദു​രി​ത​ങ്ങ​ളും വി​ശ​പ്പി​ന്‍റെ വി​ല​യും അ​നു​ഭ​വി​ച്ചാ​ണ് വ​ള​ർ​ന്ന​ത്. അ​തു​കൊ​ണ്ടു​ത​ന്നെ ശാ​ന്തി​ഭ​വ​നി​ൽ ത​ള​ർ​ന്നെ​ത്തു​ന്ന​വ​രു​ടെ വി​ശ​പ്പി​ന്‍റെ വി​ളി അ​ടു​ക്ക​ള​യി​ൽ നി​ൽ​ക്കു​ന്ന മേ​രി​യു​ടെ ചെ​വി​ക​ൾ അ​തി​വേ​ഗ​മ​റി​യും.

1974 ലാ​ണ് മാ​ത്യു ആ​ൽ​ബി​നു​മാ​യു​ള്ള വി​വാ​ഹം. വി​വാ​ഹ​ശേ​ഷ​മു​ള്ള കു​ടും​ബ ജീ​വി​ത​ത്തി​നി​ട​യി​ലും നി​ര​വ​ധി പ്ര​തി​സ​ന്ധി​ക​ൾ നേ​രി​ടേ​ണ്ടി​വ​ന്നി​ട്ടു​ണ്ട്. അ​വി​ടെ​യും ത​ള​രാ​തെ മ​ക്ക​ളെ പോ​റ്റാ​ൻ ഒ​റ്റ​ക്ക് ജീ​വി​ത​ത്തോ​ട് പൊ​രു​തി. കൈ​വി​ടാ​തു​ള്ള പ്രാ​ർ​ഥ​ന​യാ​ണ് ത​ന്നെ പ്ര​തി​സ​ന്ധി​ക​ളി​ൽ ത​ള​ർ​ത്താ​തി​രു​ന്ന​തെ​ന്ന് മേ​രി പ​റ​യു​ന്നു.

പു​ല​ർ​ച്ച അ​ടു​ക്ക​ള​യി​ൽ ക​യ​റി​യാ​ൽ 180ഓ​ളം പേ​ർ​ക്കു​ള്ള പ്ര​ഭാ​ത​ഭ​ക്ഷ​ണം രാ​വി​ലെ എ​ട്ടോ​ടെ ത​യാ​റാ​ക​ണം. ഉ​ച്ച​ഭ​ക്ഷ​ണം ഒ​രു മ​ണി​ക്ക് പാ​ത്ര​ങ്ങ​ളി​ൽ വി​ള​മ്പി​യി​രി​ക്കും. മീ​നോ ഇ​റ​ച്ചി​യോ ഊ​ണി​നൊ​പ്പം നി​ർ​ബ​ന്ധ​മാ​യും ഉ​ണ്ടാ​കും. മീ​നും ഇ​റ​ച്ചി​യും ക​ഴി​ക്കാ​ത്ത​വ​ർ​ക്ക് ശു​ദ്ധ​മാ​യ പ​ച്ച​ക്ക​റി ക​റി​ക​ളും ഉ​ണ്ടാ​കും. ഇ​തി​നു​ശേ​ഷം ര​ണ്ടു​മ​ണി​ക്കൂ​റോ​ളം മാ​ത്ര​മാ​ണ് വി​ശ്ര​മം. അ​ടു​ക്ക​ള​യോ​ട് ചേ​ർ​ന്ന സ്റ്റോ​ർ മു​റി​യി​ലെ ഒ​റ്റ​പ്പ​ല​ക ബെ​ഞ്ചി​ലാ​ണ് മ​യ​ക്കം.

പി​ന്നീ​ട് നാ​ലു​മ​ണി​ക്കു​ള്ള ചെ​റു​ക​ടി​യും ചാ​യ​യും ന​ൽ​കാ​നു​ള്ള ഒ​രു​ക്ക​ങ്ങ​ൾ​ക്ക് എ​ഴു​ന്നേ​റ്റാ​ൽ എ​ട്ടു​മ​ണി​ക്കു​ള്ള അ​ത്താ​ഴ​വും വി​ള​മ്പി​യ​ശേ​ഷ​മേ ആ ​ദി​വ​സ​ത്തെ സേ​വ​ന​ത്തി​ന്‍റെ വി​ള​ക്ക​ണ​യൂ. സ​ഹാ​യ​ത്തി​ന് മ​റ്റു​ള്ള​വ​ർ ഉ​ണ്ടെ​ങ്കി​ലും മേ​രി​യു​ടെ കൈ​ക​ൾ എ​ല്ലാ​യി​ട​ത്തും എ​ത്ത​ണ​മെ​ന്ന നി​ർ​ബ​ന്ധ​വും ഒ​രു കു​റ​വും വ​ര​രു​തെ​ന്ന ശാ​ഠ്യ​വു​മാ​ണ് അ​ക്ഷീ​ണ ഓ​ട്ട​ത്തി​ന് പി​ന്നി​ൽ. സ്ത്രീ​ക​ളാ​യ അ​ന്തേ​വാ​സി​ക​ളു​ടെ പ​രി​ച​ര​ണ​വും മേ​ൽ​നോ​ട്ട​വും എ​ല്ലാം മേ​രി​യ​മ്മ നേ​രി​ട്ടു​ത​ന്നെ​യാ​ണ്. ഉ​റ്റ​വ​ർ ഉ​പേ​ക്ഷി​ച്ചെ​ങ്കി​ലും മേ​രി​യു​ടെ ത​ണ​ലി​ൽ ഈ ​ശാ​ന്തി​തീ​ര​ത്ത് ഇ​വ​ർ സ​ന്തു​ഷ്ട​രാ​ണ്. ശാ​ന്തി​ഭ​വ​നി​ലെ അ​ന്തേ​വാ​സി​ക​ളു​ടെ 'അ​മ്മ'​കൂ​ടി​യാ​ണ് മേ​രി.

1997 ജ​നു​വ​രി 30നാ​ണ് ബ്ര​ദ​ർ മാ​ത്യു ആ​ൽ​ബി​ൻ തെ​രു​വി​ൽ അ​ല​യു​ന്ന​വ​ർ​ക്ക് അ​ഭ​യ​കേ​ന്ദ്ര​മാ​യി പു​ന്ന​പ്ര​യി​ൽ സ​ർ​വോ​ദ​യ ശാ​ന്തി ഭ​വ​ൻ ആ​രം​ഭി​ച്ച​ത്. മാ​ത്യു ആ​ൽ​ബി​ന്​ ഉ​റ​ച്ച പി​ന്തു​ണ ന​ൽ​കി ഭ​ർ​ത്താ​വി​നൊ​പ്പം മേ​രി നി​ന്നു. അ​ന്നു​മു​ത​ൽ ഇ​വി​ടെ അ​ഭ​യം തേ​ടു​ന്ന​വ​ർ​ക്ക് മേ​രി പോ​റ്റ​മ്മ​യാ​ണ്. കൈ​കാ​ലു​ക​ൾ ന​ഷ്ട​പ്പെ​ട്ട അ​ഗ​തി​ക​ളെ മ​ക്ക​ളെ​പ്പോ​ലെ​യാ​ണ് നോ​ക്കു​ന്ന​ത്. ഇ​വ​രെ പ​ല്ലു​തേ​പ്പി​ക്കു​ന്ന​തും കു​ളി​പ്പി​ച്ച് വ​സ്ത്ര​ങ്ങ​ൾ അ​ണി​യി​ച്ച് ശു​ശ്രൂ​ഷ​ക​ൾ ന​ട​ത്തു​ന്ന​തും മേ​രി​ത​ന്നെ. അ​വ​യ​വ​ങ്ങ​ൾ ന​ഷ്ട​പ്പെ​ട്ട​വ​ർ​ക്ക് കു​ഞ്ഞു​മ​ക്ക​ൾ​ക്കെ​ന്ന​പോ​ലെ ആ​ഹാ​രം വാ​രി​ക്കൊ​ടു​ക്കാ​നും മേ​രി​ത​ന്നെ വേ​ണം.

സം​തൃ​പ്തി​യോ​ടു​ള്ള അ​വ​രു​ടെ ചി​രി മാ​ത്ര​മാ​ണ് മേ​രി​യു​ടെ 'കൂ​ലി'. ഇ​വ​രു​ടെ പ്ര​വ​ർ​ത്ത​ന​ങ്ങ​ൾ അ​റി​ഞ്ഞ് പ​ല സം​ഘ​ട​ന​ക​ളും അ​നു​മോ​ദ​ന​വു​മാ​യെ​ത്തി​യെ​ങ്കി​ലും അ​തെ​ല്ലാം ഇ​വി​ടു​ത്തെ അ​ന്തേ​വാ​സി​ക​ളാ​യ മ​ക്ക​ൾ​ക്ക് അ​വ​കാ​ശ​പ്പെ​ട്ട​താ​ണെ​ന്നാ​ണ്​ മേ​രി​യ​മ്മ പ​റ​യു​ന്ന​ത്.