മേരി ശാന്തിഭവന്‍റെ പോറ്റമ്മ; പ്രതിഫലം സംതൃപ്തിയുടെ ചിരി

സ്നേ​ഹ​മെ​ന്ന പ്ര​തി​ഫ​ലം മാ​ത്രം പ്ര​തീ​ക്ഷി​ച്ച് 25 വ​ര്‍ഷ​മാ​യി 160 ല്‍പ​രം പേ​ര്‍ക്ക് ഭ​ക്ഷ​ണം ഒ​രു​ക്കു​ക​യാ​ണ് മേ​രി. പു​ന്ന​പ്ര ശാ​ന്തി​ഭ​വ​ന്‍ മാ​നേ​ജി​ങ് ട്ര​സ്റ്റി മാ​ത്യു ആ​ല്‍ബി​ന്‍റെ ഭാ​ര്യ മേ​രി​യാ​ണ് ഇ​വി​ട​ത്തെ അ​ന്തേ​വാ​സി​ക​ള്‍ക്ക് ഭ​ക്ഷ​ണം ഒ​രു​ക്കു​ന്ന​ത്. പു​ല​ർ​ച്ച അ​ടു​ക്ക​ള​യി​ൽ ക​യ​റി​യാ​ൽ പു​റ​ത്തി​റ​ങ്ങാ​ൻ ഉ​ച്ച ക​ഴി​യ​ണം. സ​ഹാ​യ​ത്തി​ന് മ​റ്റു​ള്ള​വ​ർ ഉ​ണ്ടെ​ങ്കി​ലും മേ​രി​യു​ടെ കൈ​പ്പു​ണ്യം നി​ർ​ബ​ന്ധ​മാ​ണ്.

സ്ത്രീ​ക​ളാ​യ അ​ന്തേ​വാ​സി​ക​ളു​ടെ പ​രി​ച​ര​ണ​വും മേ​ൽ​നോ​ട്ട​വും എ​ല്ലാം മേ​രി​യ​മ്മ നേ​രി​ട്ടു​ത​ന്നെ​യാ​ണ്. ഉ​റ്റ​വ​ർ ഉ​പേ​ക്ഷി​ച്ചെ​ങ്കി​ലും മേ​രി​യു​ടെ ത​ണ​ലി​ൽ ഈ ​ശാ​ന്തി​തീ​ര​ത്ത് ഇ​വ​ർ സ​ന്തു​ഷ്ട​രാ​ണ്. ശാ​ന്തി ഭ​വ​നി​ലെ അ​ന്തേ​വാ​സി​ക​ളു​ടെ അ​മ്മ​കൂ​ടി​യാ​ണ് മേ​രി​യ​മ്മ.

1997 ജ​നു​വ​രി 30 നാ​ണ് മാ​ത്യു ആ​ൽ​ബി​ൻ തെ​രു​വി​ൽ അ​ല​യു​ന്ന​വ​ർ​ക്ക് അ​ഭ​യ​കേ​ന്ദ്ര​മാ​യി പു​ന്ന​പ്ര​യി​ൽ സ​ർ​വോ​ദ​യ ശാ​ന്തി ഭ​വ​ൻ ആ​രം​ഭി​ച്ച​ത്. മ​ന​സ്സി​ന്‍റെ സ​മ​നി​ല​തെ​റ്റി ഉ​റ്റ​വ​രെ ഉ​പേ​ക്ഷി​ച്ച് തെ​രു​വോ​ര​ങ്ങ​ളി​ൽ അ​ല​യു​ന്ന​വ​ർ​ക്ക് ആ​ൽ​ബി​ൻ ശാ​ന്തി​യു​ടെ ക​വാ​ട​മൊ​രു​ക്കി. തെ​രു​വു മ​ക്ക​ളു​ടെ സം​ര​ക്ഷ​ക​നാ​യി മാ​ത്യു ആ​ൽ​ബി​ൻ മാ​റി​യ​പ്പോ​ൾ മേ​രി ഉ​റ​ച്ച പി​ന്തു​ണ ന​ൽ​കി ഭ​ർ​ത്താ​വി​നൊ​പ്പം നി​ന്നു. അ​ന്നു​മു​ത​ൽ ഇ​വി​ടെ അ​ഭ​യം തേ​ടു​ന്ന​വ​ർ​ക്ക് പോ​റ്റ​മ്മ​യാ​യി മേ​രി.

സ്ത്രീ​ക​ളെ വൃ​ത്തി​യാ​ക്കി പു​ത്ത​ൻ​വ​സ്ത്രം ഉ​ടു​പ്പി​ച്ച് ശു​ശ്രൂ​ഷ​ക​ൾ ന​ട​ത്തു​ന്ന​ത് മേ​രി​യാ​ണ്. അ​വ​യ​വ​ങ്ങ​ൾ ന​ഷ്ട​പ്പെ​ട്ട​വ​ർ​ക്ക് കു​ഞ്ഞു​മ​ക്ക​ൾ​ക്കെ​ന്ന​പോ​ലെ ആ​ഹാ​രം വാ​രി​ക്കൊ​ടു​ക്കാ​നും മേ​രി​ത​ന്നെ​വേ​ണം. വി​വി​ധ ഭാ​ഷ​ക​ള്‍ സം​സാ​രി​ക്കു​ന്ന സ്ത്രീ​ക​ളും പു​രു​ഷ​ന്മാ​രു​മ​ട​ക്കം ഉ​റ്റ​വ​രി​ല്ലാ​ത്ത​വ​രെ മാ​ത്ര​മാ​ണ് ശാ​ന്തി​ഭ​വ​ന്‍ ഏ​റ്റെ​ടു​ക്കു​ന്ന​ത്.

ഇ​വ​ര്‍ ഭ​ക്ഷ​ണം ക​ഴി​ച്ച​ശേ​ഷ​മു​ള്ള സം​തൃ​പ്തി​യോ​ടു​ള്ള ചി​രി മാ​ത്ര​മാ​ണ് മേ​രി​യു​ടെ പ്ര​തീ​ക്ഷ. മേ​രി​യു​ടെ പ്ര​ര്‍ത്ത​ന​ങ്ങ​ള്‍ ക​ണ്ട് പ​ല സം​ഘ​ട​ന​ക​ളും അ​നു​മോ​ദ​ന​ങ്ങ​ളു​മാ​യെ​ത്തി​യെ​ങ്കി​ലും ഇ​തെ​ല്ലാം ഇ​വി​ട​ത്തെ അ​ന്തേ​വാ​സി​ക​ളാ​യ മ​ക്ക​ള്‍ക്ക് അ​വ​കാ​ശ​പ്പെ​ട്ട​താ​ണെ​ന്ന് പ​റ​ഞ്ഞ് ഒ​ഴി​ഞ്ഞു മാ​റു​ക​യാ​ണ്.