ഫാൽക്കൺ ഫെസ്​റ്റിവലിൽ ശ്രദ്ധനേടി മുനാ അൽഖുറൈസ്

ജിദ്ദ: ഫാൽക്കൺ ഫെസ്​റ്റിവലിൽ പക്ഷി സൗന്ദര്യ മത്സരത്തിൽ പ​െങ്കടുത്ത്​ ശ്രദ്ധനേടി സൗദി വനിത മുനാ അൽഖുറൈസ്​. റിയാദ്​ നഗരത്തി​െൻറ​ വടക്കുഭാഗത്തുള്ള​ മൽഹാമിൽ നടക്കുന്ന അഞ്ചാമത്​ കിങ്​ അബ്​ദുൽ അസീസ്​ ഫാൽക്കൽ ഫെസ്​റ്റിവലിലെ 'അൽമസാഇൻ' സൗന്ദര്യ മത്സരത്തിലാണ്​ ത​െൻറ 'സമാ' എന്ന ഫാൽക്കണുമായി മുനാ അൽഖുറൈസ്​ പ​െങ്കടുത്തത്​.

കിങ്​ അബ്​ദുൽ അസീസ് ഫാൽക്കൺ ഫെസ്റ്റിവലിലെ 'അൽമസായൻ' മത്സരത്തിൽ പങ്കെടുക്കുന്ന ആദ്യ വനിതയാണ്​ ഇവർ. പുരാതന സൗദി പൈതൃകം പ്രകടിപ്പിക്കുന്ന ഈ മത്സരത്തിൽ പങ്കെടുക്കാൻ സ്ത്രീകൾക്ക് പ്രചോദനം നൽകുന്ന ഒരു ചുവടുവെപ്പായി ത​െൻറ പങ്കാളിത്തത്തെ മുനാ അൽഖുറൈസ്​ കാണുന്നു​. അത്​ സംരക്ഷിക്കപ്പെടേണ്ടതും വരുതലമുറകൾക്ക്​ കൈമാറേണ്ടതുണ്ടെന്നും അഭിപ്രായപ്പെടുന്നു.

ഭൂമിയും ആയുധങ്ങളും പരുന്തുകളുമെല്ലാം അറബികളും സൗദികളും എന്ന നിലയിൽ നമ്മുടെ സംസ്കാരവുമായി ബന്ധപ്പെട്ടിരിക്കുന്നുവെന്ന്​ സ്വകാര്യ ചാനലിന്​ നൽകിയ അഭിമുഖത്തിൽ മുനാ അൽഖുറൈസ്​ പറഞ്ഞു. തന്റെ പങ്കാളിത്തം പുരാതന സൗദി സംസ്കാരത്തെ ഉയർത്തിക്കാട്ടാൻ ലക്ഷ്യമിടുന്നു, അത് വളർന്നുവരുന്ന തലമുറകൾക്ക് കൈമാറുകയും ശക്തമായ സ്ത്രീ പങ്കാളിത്തത്തിന് വഴി തുറക്കുകയും ചെയ്യുന്നതിനാണെന്നും അവർ പറഞ്ഞു.

ഫാൽക്ക​ൺ വളർത്തുക ത​െൻറ ഹോബിയാണ്​. ത​െൻറ പങ്കാളിത്തം ഈ ഫെസ്റ്റിവലിൽ സ്ത്രീ പങ്കാളിത്തം വർധിപ്പിക്കാൻ സഹായിക്കും. കൂടുതൽ സ്​ത്രീകൾ ഈ രംഗത്തേക്ക്​ വരാൻ പ്രേരകമാകും. ഇതാണ് ഈ രംഗത്തേക്ക് വരാൻ വലിയ പ്രചോദനം നൽകിയത്. ഈ പൈതൃകത്തി​െൻറ സംരക്ഷണത്തിനും വികാസത്തിനും ഇത് സംഭാവന ചെയ്യുമെന്നും​ മുനാ അൽഖുറൈസ്​ പറഞ്ഞു.