ശ​സ്ത്ര​ക്രി​യ​ക​ൾ ഒ​മ്പ​തെ​ണ്ണം ന​ട​ത്തിയിട്ടും കാ​ഴ്ച ക​നി​ഞ്ഞി​ല്ല; ഇ​രു​ട്ടി​ലും പ്ര​കാ​ശ​ഗോ​പു​രമായി നു​സൈ​ബ

ക​രു​വാ​ര​കു​ണ്ട്: അ​ണ​ഞ്ഞു പോ​യെ​ന്ന് ക​രു​തി​യ ജീ​വി​ത​വെ​ളി​ച്ച​ത്തി​ന് ഇ​ച്ഛാ​ശ​ക്തി ഇ​ന്ധ​ന​മാ​യ​പ്പോ​ൾ, അ​ക​ക്ക​ണ്ണ് കൊ​ണ്ട് കു​റെ മ​നു​ഷ്യ​ർ​ക്ക് പ്ര​തീ​ക്ഷ​യു​ടെ വ​ർ​ണ​ങ്ങ​ൾ പ​ക​ർ​ന്നു​ന​ൽ​കി​യ ഒ​രു വ​നി​ത ഇ​താ. ത​രി​ശി​ലെ ഓ​ട്ടു​പാ​റ പോ​ക്ക​റി​ന്‍റെ മ​ക​ൾ 42 കാ​രി നു​സൈ​ബ. സ്കൂ​ൾ പ​ഠ​നം ക​ഴി​ഞ്ഞ് ബി​രു​ദ​ത്തി​ന് ചേ​ർ​ന്ന​പ്പോ​ഴാ​ണ് നു​സൈ​ബ​യു​ടെ ജീ​വി​ത​ത്തി​ലേ​ക്ക് ഇ​രു​ട്ട് ഇ​ഴ​ഞ്ഞെ​ത്തി​യ​ത്. 18ാം വ​യ​സ്സി​ൽ ഒ​രു ക​ണ്ണി​ന്റെ കാ​ഴ്ച പോ​യി. അ​ടു​ത്ത വ​ർ​ഷം ര​ണ്ടാം ക​ണ്ണും അ​ണ​ഞ്ഞു.

ക​ണ്ണു​ക​ളി​ലേ​ക്കു​ള്ള ര​ക്ത​യോ​ട്ടം നി​ല​ച്ച​താ​യി​രു​ന്നു കാ​ര​ണം. പി​ന്നെ ചി​കി​ത്സ​യു​ടെ വ​ർ​ഷ​ങ്ങ​ളാ​യി​രു​ന്നു. ശ​സ്ത്ര​ക്രി​യ​ക​ൾ ഒ​മ്പ​തെ​ണ്ണം ന​ട​ത്തി. എ​ന്നി​ട്ടും കാ​ഴ്ച ക​നി​ഞ്ഞി​ല്ല. പ​ക്ഷെ, ഇ​രു​ളി​ൽ ജീ​വി​തം ത​ള​ക്കാ​ൻ അ​വ​ളും ത​യാ​റാ​യി​ല്ല. ബ്രെ​യ്ലി ലി​പി​യും ക​മ്പ്യൂ​ട്ട​ർ പ​രി​ജ്ഞാ​ന​വും നേ​ടി വി​ധി​യോ​ട് അ​വ​ൾ പോ​രാ​ടി.

സ്കൂ​ൾ പൂ​ർ​വ വി​ദ്യാ​ർ​ഥി കൂ​ട്ടാ​യ്മ​യാ​യ ‘ല​ഞ്ച് ബോ​ക്സ്’ ടീം ​ഒ​പ്പം നി​ന്നു. ബാ​ല​സാ​ഹി​ത്യ ഇ​ൻ​സ്റ്റി​റ്റ്യൂ​ട്ടി​ന്‍റെ ‘ത​ളി​ര്’ മാ​സി​ക​യു​ടെ ഏ​ജ​ൻ​സി​യെ​ടു​ത്താ​ണ് തു​ട​ക്കം. ക​ഠി​ന പ​രി​ശ്ര​മം വ​ഴി ആ​യി​ര​ത്തി​ലേ​റെ വ​രി​ക്കാ​രെ ചേ​ർ​ത്ത് നു​സൈ​ബ വി​സ്മ​യ​മാ​യി. ഇ​തി​ന് നേ​രി​ട്ട് അ​ഭി​ന​ന്ദി​ക്കാ​ൻ മാ​സി​ക​യു​ടെ ചീ​ഫ് എ​ഡി​റ്റ​റാ​യി​രു​ന്ന സു​ഗ​ത​കു​മാ​രി നു​സൈ​ബ​യെ ത​ന്‍റെ വീ​ട്ടി​ലേ​ക്ക് ക്ഷ​ണി​ച്ചു. അ​വ​ർ ന​ൽ​കി​യ പ്രേ​ര​ണ നു​സൈ​ബ​യു​ടെ അ​ക​ക്ക​ണ്ണു​ക​ൾ​ക്ക് കൂ​ടു​ത​ൽ പ്ര​കാ​ശ​മേ​കി.

സ്ത്രീ ​ശാ​ക്തീ​ക​ര​ണം ല​ക്ഷ്യ​മാ​ക്കി​യു​ള്ള പ്ര​വ​ർ​ത്ത​ന​ങ്ങ​ളാ​ണ് പി​ന്നീ​ട് തു​ട​ങ്ങി​യ​ത്. ‘വ​ണ്ടേ​ഴ്സ്’ വ​നി​ത കൂ​ട്ടാ​യ്മ പി​റ​ന്ന​ത് അ​ങ്ങ​നെ​യാ​ണ്. വീ​ട്ട​മ്മ​മാ​ർ, തൊ​ഴി​ലാ​ളി​ക​ൾ, ജീ​വ​ന​ക്കാ​രി​ക​ൾ എ​ന്നി​വ​രെ​ല്ലാം കൂ​ട്ടാ​യ്മ​യി​ൽ ചേ​ർ​ന്നു.

പാ​ച​കം, ത​യ്യ​ൽ, ക​ര​കൗ​ശ​ല വ​സ്തു നി​ർ​മാ​ണം എ​ന്നി​വ​യി​ൽ വ​നി​ത​ക​ൾ​ക്ക് സൗ​ജ​ന്യ പ​രി​ശീ​ല​നം ന​ൽ​കി. യോ​ഗ, ആ​രോ​ഗ്യ ക്ലാ​സു​ക​ളും ന​ട​ത്തി. ഇ​തി​ൽ അം​ഗ​ങ്ങ​ളാ​യ 300 ഓ​ളം പേ​രി​ൽ പ​ല​ർ​ക്കും ജീ​വി​ത​വ​ഴി തെ​ളി​ഞ്ഞു. പാ​ച​കം പ​ഠി​ച്ച വീ​ട്ട​മ്മ​മാ​രെ ഉ​ൾ​പ്പെ​ടു​ത്തി വ​ണ്ടേ​ഴ്സ് കി​ച്ച​ണും തു​ട​ങ്ങി. മാ​യ​മി​ല്ലാ​ത്ത ഭ​ക്ഷ​ണം പാ​ച​കം ചെ​യ്ത് ഓ​ർ​ഡ​ർ പ്ര​കാ​രം വീ​ടു​ക​ളി​ലെ​ത്തി​ച്ചു. ഇ​തു​വ​ഴി കു​റെ വ​നി​ത​ക​ൾ​ക്ക് തൊ​ഴി​ലാ​യി. ച​ക്ക​ക്കു​രു, വാ​ഴ​ത്ത​ണ്ട്, പ​പ്പാ​യ തു​ട​ങ്ങി​യ നാ​ട​ൻ ഉ​ൽ​പ​ന്ന​ങ്ങ​ൾ​ക്ക് വി​പ​ണി​യു​മാ​യി. കു​ട്ടി​ക​ൾ​ക്ക് ‘ശ​ല​ഭ​മാ​യ്’ എ​ന്ന പ​രി​പാ​ടി​യും തു​ട​ങ്ങി. കു​ട്ടി​ക​ളു​ടെ താ​ൽ​പ​ര്യം തി​രി​ച്ച​റി​ഞ്ഞ് അ​വ​യി​ൽ പ​രി​ശീ​ല​നം ന​ൽ​കു​ക​യാ​ണ് ചെ​യ്യു​ന്ന​ത്.

അ​സ്സ​ബാ​ഹ് സൊ​സൈ​റ്റി ഫോ​ർ ബ്ലൈ​ൻ​ഡ്സി​ന്‍റെ സം​സ്ഥാ​ന സെ​ക്ര​ട്ട​റി​യാ​യ നു​സൈ​ബ കാ​ഴ്ച​പ​രി​മി​ത​രാ​യ കു​ട്ടി​ക​ളു​ടെ വി​ദ്യാ​ഭ്യാ​സ​ത്തി​നും ക്ഷേ​മ​ത്തി​നും വേ​ണ്ടി പു​ളി​ക്ക​ൽ കേ​ന്ദ്ര​മാ​യു​ള്ള ‘ജി​ഫ്ബി’​യു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കു​ന്നു​ണ്ട്. ഒ​ട്ടേ​റെ സം​രം​ഭ​ങ്ങ​ൾ ന​ട​പ്പാ​ക്കി വ​രു​ന്ന ല​ഞ്ച് ബോ​ക്സി​ന്‍റെ പ്ര​സി​ഡ​ന്‍റും നു​സൈ​ബ​യാ​ണ്. ബി.​എ​സ്.​എ​ൻ.​എ​ൽ എ​ൻ​ജി​നീ​യ​ർ ര​ജി​ത് സെ​ബാ​സ്റ്റ്യ​ൻ അ​ട​ക്ക​മു​ള്ള സു​മ​ന​സ്സു​ക​ളു​ടെ ഉ​റ​ച്ച പി​ന്തു​ണ​യാ​ണ് നു​സൈ​ബ​യു​ടെ ശ​ക്തി. അ​ൽ​ഫ ഫാ​ത്തി​മ മ​ക​ളാ​ണ്.