അവർ മുടിമുറിച്ചു, അങ്ങകലത്തിരിക്കുന്നവർക്കായ്...

കോ​ഴി​ക്കോ​ട്: ആ​ദ്യം മു​ടി​മു​റി​ക്കാ​ൻ നി​ന്നു​കൊ​ടു​ത്ത​ത് എ​ൻ.​എ​സ്.​എ​സ് ലീ​ഡ​ർ ഹ​ന്ന ഷെ​റി​നാ​യി​രു​ന്നു. പി​ന്നെ ഫ​സ മു​സ്ത​ഫ​യും ത​ൻ​ഹ ഫാ​ത്തി​മ​യും ദേ​വാം​ഗ​ന​യും ശ്രു​തി​ല​യ​യും കെ​സി​യ​യും ശീ​ത​ളും ദി​യ മ​ധു​വും ദേ​വ​ന​ന്ദ​യും മു​ടി മു​റി​ച്ചു ന​ൽ​കി. എ​ണ്ണ തേ​ച്ച് മി​നു​ക്കി​യും ഷാം​പൂ പ​ത​പ്പി​ച്ചും പൊ​ന്നു​പോ​ലെ പ​രി​പാ​ലി​ച്ച ത​ല​മു​ടി മ​ടി​കൂ​ടാ​തെ മു​റി​ച്ചു ന​ൽ​കു​മ്പോ​ൾ അ​വ​രു​ടെ മ​ന​സ്സി​ൽ തെ​ളി​ഞ്ഞ​ത് മ​റ്റൊ​രു ചി​ത്ര​മാ​യി​രി​ക്ക​ണം. കാ​ൻ​സ​ർ ചി​കി​ത്സ​യി​ൽ ത​ല​മു​ടി​യെ​ല്ലാം കൊ​ഴി​ഞ്ഞ് ജീ​വി​ത​ത്തി​ന്റെ വെ​ളി​ച്ച​ത്തി​ലേ​ക്കി​റ​ങ്ങാ​ൻ മ​ടി​ച്ച് അ​ങ്ങ​ക​ലെ​യെ​വി​ടെ​യോ മ​റ​ഞ്ഞി​രി​ക്കു​ന്ന ത​ങ്ങ​ളെ​പ്പോ​ലൊ​രു പെ​ൺ​കു​ട്ടി​യു​ടെ ചി​ത്രം.

കോ​ഴി​ക്കോ​ട് ന​ഗ​ര​ത്തി​ലെ പ്രോ​വി​ഡ​ൻ​സ് ഗേ​ൾ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ഒ​മ്പ​ത് വി​ദ്യാ​ർ​ഥി​ക​ളും പൂ​ർ​വ വി​ദ്യാ​ർ​ഥി​ക​ളാ​യ ജോ​ഫി​യ​യും നി​ജി​ന മേ​രി​യു​മാ​ണ് കാ​ൻ​സ​ർ രോ​ഗി​ക​ൾ​ക്കാ​യി സ്വ​ന്തം മു​ടി മു​റി​ച്ചു ന​ൽ​കി​യ​ത്.

കീ​മോ തെ​റ​പ്പി​ക്കു​ശേ​ഷം മു​ടി പൂ​ർ​ണ​മാ​യി ന​ഷ്ട​മാ​യ​വ​ർ​ക്ക് വി​ഗ് നി​ർ​മി​ച്ച് സൗ​ജ​ന്യ​മാ​യി ന​ൽ​കു​ന്ന തൃ​ശൂ​ർ ആ​സ്ഥാ​ന​മാ​യ ഹെ​യ​ർ​ബാ​ങ്ക് എ​ന്ന സം​ഘ​ട​ന​ക്കാ​ണ് വി​ദ്യാ​ർ​ഥി​ക​ൾ മു​ടി​മു​റി​ച്ച് ന​ൽ​കി​യ​ത്.

‘ഞ​ങ്ങ​ളു​ടെ മു​ടി ഇ​നി​യും തി​രി​കെ വ​രു​മ​ല്ലോ... മു​റി​ച്ച ഈ ​മു​ടി മ​റ്റൊ​രാ​ൾ​ക്ക് സ​മാ​ധാ​നം ന​ൽ​കു​ന്ന​തി​നെ​ക്കാ​ൾ വ​ലി​യ സ​ന്തോ​ഷം വേ​റെ​യെ​വി​ടു​ന്ന് കി​ട്ടാ​ൻ...!’ മു​ടി മു​റി​ച്ചു​ന​ൽ​കി​യ കു​ട്ടി​ക​ൾ​ക്ക് പ​റ​യാ​നു​ള്ള വാ​ക്കു​ക​ൾ ഇ​താ​യി​രു​ന്നു.

മി​റ​ക്കി​ൾ ചാ​രി​റ്റ​ബി​ൾ അ​സോ​സി​യേ​ഷ​നും പ്രോ​വി​ഡ​ൻ​സ് ഹ​യ​ർ സെ​ക്ക​ൻ​ഡ​റി സ്കൂ​ൾ എ​ൻ.​എ​സ്.​എ​സ് യൂ​നി​റ്റും സം​യു​ക്ത​മാ​യി സം​ഘ​ടി​പ്പി​ച്ച പ​രി​പാ​ടി​ക്ക് പ്രി​ൻ​സി​പ്പ​ൽ ഡോ. ​സി​സ്റ്റ​ർ സി​ൽ​വി ആ​ന്റ​ണി, പ്രോ​ഗ്രാം ഓ​ഫി​സ​ർ ഐ​റി​ൻ ഫ്രാ​ൻ​സി​സ് എ​ന്നി​വ​ർ നേ​തൃ​ത്വം ന​ൽ​കി.