ആ നെല്ലിമരം ഇനി വിദ്യാർഥികൾ പഠിക്കട്ടെ

കോ​ട്ട​യം: ദു​രി​ത​ക്ക​ട​ൽ നീ​ന്തി​യെ​ത്തി​യ ദ​ലി​ത്​ പെ​ൺ​കു​ട്ടി​ക്ക്​ അ​വ​ഹേ​ള​ന​ങ്ങ​ളു​ടെ​യും ദു​രി​ത​ങ്ങ​ളു​ടെ​യും ക​യ്​​പ്പു​മാ​ത്രം നീ​ട്ടി​യ സ്കൂ​ൾ​മു​റ്റ​ത്തെ ആ ​നെ​ല്ലി​മ​രം ഇ​നി എം.​ജി സ​ർ​വ​ക​ലാ​ശാ​ല​യി​ലെ വി​ദ്യാ​ർ​ഥി​ക​ൾ പ​ഠി​ക്കും. ക​ടു​ത്തു​രു​ത്തി സ്വ​ദേ​ശി​നി​യാ​യ ര​ജ​നി പാ​ലാ​മ്പ​റ​മ്പി​ൽ എ​ഴു​തി​യ ‘ആ ​നെ​ല്ലി​മ​രം പു​ല്ലാ​ണ്​’ ആ​ത്മ​ക​ഥ ബി.​എ മ​ല​യാ​ളം സി​ല​ബ​സി​ൽ ഇ​ടം​പി​ടി​ച്ചി​രി​ക്കു​ന്നു. ര​ജ​നി​യു​ടെ ആ​ദ്യ പു​സ്​​ത​​ക​മാ​ണി​ത്. സ്കൂ​ൾ മു​റ്റ​ത്തൊ​രു കോ​ണി​ൽ​ കാ​യ്​​ചു​നി​ൽ​ക്കു​ന്ന നെ​ല്ലി​മ​രം മ​ല​യാ​ളി​ക​ൾ​ക്ക്​ ഗൃ​ഹാ​തു​ര​ത്വം നി​റ​ഞ്ഞ ഓ​ർ​മ​യാ​ണ്. എ​ന്നാ​ൽ, ര​ജ​നി​യെ​പ്പോ​ലെ മാ​റ്റി​നി​ർ​ത്ത​പ്പെ​ട്ട സ​മൂ​ഹ​ത്തി​ന്​​​ ആ ​നെ​ല്ലി​മ​രം ക​യ്​​പ്പു മാ​ത്ര​മേ ന​ൽ​കി​യി​ട്ടു​ള്ളൂ. ഓ​ര്‍മ​ക​ൾ മേ​യു​ന്ന സ്കൂ​ളു​ക​ളി​ലേ​ക്ക്​ തി​രി​ച്ചു​പോ​യി ഉ​ലു​ത്തു​വാ​ൻ ത​ങ്ങ​ൾ​ക്ക്​ ഒ​രു നെ​ല്ലി​മ​ര​വു​മി​ല്ലെ​ന്ന്​ പ​റ​യു​ക​യാ​ണ്​ ഇ​വ​ർ.

കൂ​ലി​പ്പ​ണി​ക്കാ​രാ​യ മാ​താ​പി​താ​ക്ക​ളു​ടെ ആ​റു​മ​ക്ക​ളി​ൽ ഇ​ള​യ​വ​ളാ​ണ്​​ ര​ജ​നി. ക​ടു​ത്തു​രു​ത്തി ഗ​വ. ഹൈ​സ്കൂ​ളി​ലാ​യി​രു​ന്നു പ​ത്താം ക്ലാ​സ്​ വ​രെ പ​ഠി​ച്ച​ത്. ക​റു​ത്ത നി​റ​മാ​യ​തി​നാ​ൽ ക​റു​മ്പി എ​ന്നു വി​ളി​ച്ചാ​ണ്​ ക​ണ​ക്ക്​ ടീ​ച്ച​ർ ആ​ത്മ​സം​തൃ​പ്തി ക​​ണ്ടെ​ത്തി​യി​രു​ന്ന​ത്. ര​ജ​നി എ​ന്ന പേ​രി​ന്‍റെ അ​ർ​ഥം രാ​ത്രി എ​ന്നാ​ണ​ല്ലോ എ​ന്ന്​ ന്യാ​യീ​ക​ര​ണം. പാ​ട​ത്തി​നു ന​ടു​വി​ൽ, ഓ​ല​മേ​ഞ്ഞ, മ​ഴ​ക്കാ​ല​ത്ത്​ വെ​ള്ളം ക​യ​റു​ന്ന, പാ​മ്പും ച​ളി​യും നി​റ​യു​ന്ന വീ​ട്. ച​ളി നി​റ​ഞ്ഞ വ​സ്ത്രം തോ​ട്ടി​ലി​റ​ങ്ങി ക​ഴു​കി​യി​ട്ടാ​ണ്​ സ്കൂ​ളി​ൽ പോ​യി​രു​ന്ന​ത്​. പ്രീ​ഡി​ഗ്രി പ​ഠ​നം ത​ല​യോ​ല​പ്പ​റ​മ്പ്​ ഡി.​ബി കോ​ള​ജി​ലും ഡി​ഗ്രി ച​ങ്ങ​നാ​ശ്ശേ​രി എ​ൻ.​എ​സ്.​എ​സ്​ കോ​ള​ജി​ലു​മാ​യി​രു​ന്നു. ദ​ലി​ത്​ കു​ട്ടി​ക​ൾ​ക്കാ​യി മാ​റ്റി​യി​ട്ട പി​ൻ​ബെ​ഞ്ചു​ക​ളും ഏ​റ്റ​വും മോ​ശം ഹോ​സ്റ്റ​ൽ മു​റി​ക​ളും ജാ​തി ഓ​ർ​മി​പ്പി​ച്ചി​രു​ന്ന ഹോ​സ്റ്റ​ൽ വാ​ർ​ഡ​നും സ​ഹ​ന​പ​ർ​വ​ങ്ങ​ളി​ൽ ചി​ല​ത്. സി.​എം.​എ​സ് കോ​ള​ജി​ല്‍ എം.​എ. സോ​ഷ്യോ​ള​ജി​ക്ക് ചേ​ർ​ന്നെ​ങ്കി​ലും 22ാം വ​യ​സ്സി​ൽ വി​വാ​ഹി​ത​യാ​യ​തോ​ടെ പ​ഠ​നം നി​ല​ച്ചു.

പി​ന്നീ​ട്​ മ​ക​ൾ ജ​നി​ച്ച​ശേ​ഷ​മാ​ണ്​ മൗ​ണ്ട് കാ​ര്‍മ​ലി​ൽ​നി​ന്ന്​ ബി.​എ​ഡ് എ​ടു​ത്ത​ത്. ഭ​ർ​ത്താ​വ്​ മ​രി​ച്ച ശേ​ഷം നി​ര​വ​ധി താ​ൽ​ക്കാ​ലി​ക തൊ​ഴി​ലു​ക​ൾ ചെ​യ്​​തു. ര​ണ്ടു പി.​എ​സ്.​സി ലി​സ്റ്റി​ൽ പേ​രു വ​ന്നി​ട്ടും സം​വ​ര​ണ​ക്കാ​രി​ക്ക്​ സ​ർ​ക്കാ​ർ ജോ​ലി കി​ട്ടി​യി​ല്ല. ഓ​ൺ​ലൈ​നി​ലെ​ഴു​തി​യ ഓ​ർ​മ​ക്കു​റി​പ്പി​ന്‍റെ തു​ട​ർ​ച്ച​യാ​യാ​ണ്​ 2021ൽ ​ര​ജ​നി​യു​ടെ ആ​ത്മ​ക​ഥ പി​റ​ക്കു​ന്ന​ത്. ഗൂ​സ്​​ബെ​റി ബു​ക്ക്സ്​ ആ​ൻ​ഡ്​ പ​ബ്ലി​ക്കേ​ഷ​ൻ​സാ​ണ്​ പ്ര​സാ​ധ​ക​ർ.

മൂ​ന്നാം​പ​തി​പ്പ്​ ഉ​ട​ൻ പു​റ​ത്തി​റ​ങ്ങും. ജീ​വി​ക്കാ​ൻ സ്ഥി​ര​വ​രു​മാ​ന​മു​ള്ള ജോ​ലി​യാ​ണ്​ ത​ന്‍റെ അ​നു​ഭ​വ​ങ്ങ​ൾ എ​ഴു​താ​ൻ ര​ജ​നി​യെ പ്രേ​രി​പ്പി​ച്ച​ത്. അ​തി​പ്പോ​ഴും ന​ട​പ്പാ​യി​ല്ല. ഡി​ജി​റ്റ​ൽ റീ​സ​ർ​വേ​യു​​ടെ ഭാ​ഗ​മാ​യി ഫീ​ൽ​ഡ്​ ജോ​ലി​ചെ​യ്യു​ന്ന​ ര​ജ​നി പു​തി​യ ചെ​റു​ക​ഥ സ​മാ​ഹാ​ര​ത്തി​ന്‍റെ പ​ണി​പ്പു​ര​യി​ലാ​ണ്.​ മ​ക​ൾ അ​പ​ർ​ണ മോ​ഹ​ൻ എം.​എ​സ്.​ഡ​ബ്ല്യു ക​ഴി​ഞ്ഞു. മ​ക​ൻ ആ​ന​ന്ദ്​​മോ​ഹ​ൻ പ്ല​സ് ​ടു ​പൂ​ർ​ത്തി​യാ​ക്കി.

ഇ​ങ്ങ​നെ​യും ജീ​വി​ത​ങ്ങ​ളു​ണ്ട്​

പു​സ്ത​കം സി​ല​ബ​സി​ൽ ഉ​ൾ​പ്പെ​ടു​ത്തി​യ​തി​ൽ സ​ന്തോ​ഷ​ത്തി​ലാ​ണ്​ ര​ജ​നി. ‘‘അ​റി​യ​പ്പെ​ടാ​തെ പോ​യ ജീ​വി​ത​ങ്ങ​ളെ കാ​ണാ​ൻ പു​തി​യ ത​ല​മു​റ​ക്ക്​ ക​ഴി​യു​ന്നു​​വെ​ങ്കി​ൽ ന​ല്ല​ത്. ത​ന്‍റെ അ​നു​ഭ​വ​ങ്ങ​ൾ വാ​യി​ച്ച്​ ഇ​ത്​​ ക​ള്ള​മ​ല്ലേ, ഇ​ങ്ങ​നെ​യൊ​ക്കെ ഉ​ണ്ടാ​വു​മോ എ​ന്ന്​ ചോ​ദി​ച്ച​വ​രു​ണ്ട്. പി​ണ​ങ്ങി​യ​വ​രു​ണ്ട്. അ​ത​വ​രു​​ടെ തെ​റ്റ​ല്ല. ചി​ല കാ​ര്യ​ങ്ങ​ൾ അ​നു​ഭ​വി​ക്കു​ന്ന​വ​ർ​ക്ക്​ ഒ​ന്നും കാ​ണു​ന്ന​വ​ർ​ക്ക്​ മ​റ്റൊ​ന്നു​മാ​ണ്. നി​ര​വ​ധി സ്​​​ത്രീ​ക​ൾ ത​ന്നെ വി​ളി​ച്ച്​ ഇ​ത്​ അ​വ​രു​ടെ​യും അ​നു​ഭ​വ​ങ്ങ​ളാ​ണെ​ന്നു പ​റ​ഞ്ഞി​രു​ന്നു. ഇ​ങ്ങ​നെ​യും ജീ​വി​ത​ങ്ങ​ളു​ണ്ടെ​ന്ന്​ ലോ​കം അ​റി​യ​ട്ടെ.​’’