ജീവിതനേട്ടത്തിൽ ഉയരങ്ങളിലാണ്​ രഞ്ജിനി

പൊ​ക്ക​മി​ല്ലെ​ങ്കി​ലും ജീ​വി​ത​നേ​ട്ട​ത്തി​ൽ പൊ​ക്ക​ക്കു​റ​വി​ല്ലെ​ന്ന് കാ​ട്ടി ത​രു​ക​യാ​ണ് പാ​ല​മേ​ൽ ആ​മ്പ​ല്ലൂ​ർ ചി​റ​മു​ക​ളി​ൽ ര​ഞ്ജി​നി (33). ആ​ദ്യ​മാ​യി പ​ങ്കെ​ടു​ത്ത കേ​ര​ള സ്‌​റ്റേ​റ്റ് പാ​രാ​​ഗെ​യിം​സി​ൽ ഷോ​ട്ട്പു​ട്ടി​ൽ ര​ണ്ടാം​സ്ഥാ​നം നേ​ടി​യാ​ണ് ഉ​യ​ര​മി​ല്ലാ​ത്ത​ത് കു​റ്റ​മ​ല്ല, ഉ​യ​ര​ക്കു​റ​വാ​ണ് ത​ന്‍റെ നേ​ട്ട​മെ​ന്ന് ഉ​റ​പ്പി​ച്ച​ത്. സ്കൂ​ളി​ൽ പ​ഠി​ക്കു​മ്പോ​ൾ പോ​ലും ഒ​രു​മ​ത്സ​ര​ത്തി​ലും പ​ങ്കെ​ടു​ത്തി​ട്ടി​ല്ലാ​ത്ത ര​ഞ്ജി​നി​യു​ടെ ഈ ​നേ​ട്ട​ത്തി​ന് ഒ​ന്നാം സ്ഥാ​ന​ത്തേ​ക്കാ​ൾ ഉ​യ​ര​ക്കൂ​ടു​ത​ലാ​ണ്.

സം​സ്ഥാ​ന പാ​രാ​​ഗെ​യിം​സി​ൽ പ​ങ്കെ​ടു​ക്കാ​ൻ തീ​രു​മാ​നി​ച്ചെ​ങ്കി​ലും എ​ങ്ങ​നെ പ​ങ്കെ​ടു​ക്കു​മെ​ന്ന​ത്​ ചോ​ദ്യ​ചി​ഹ്ന​മാ​യി​രു​ന്നു. പ​രി​ശീ​ല​നം ഇ​ല്ലാ​ത്ത​തി​ൽ ഏ​റെ വി​ഷ​മ​വും തോ​ന്നി. ഒ​രു ഷോ​ട്ട് വാ​ങ്ങി പ​രി​ശീ​ല​നം നേ​ട​ണ​മെ​ന്ന ആ​ഗ്ര​ഹം പ​ണ​മി​ല്ലാ​ത്ത​തി​നാ​ൽ മ​ന​സ്സി​ലൊ​തു​ക്കി.

എ​ങ്കി​ലും മ​ത്സ​ര​ത്തി​ന് നാ​ലു​ദി​വ​സം മു​മ്പ് ഭ​ർ​ത്താ​വ് അ​നീ​ഷ് വാ​ങ്ങി​ക്കൊ​ണ്ടു​വ​ന്ന ഷോ​ട്ടി​ൽ പ​രി​ശീ​ലി​ച്ച്​ മ​ത്സ​ര​ത്തി​ൽ പ​ങ്കെ​ടു​ത്ത് ര​ണ്ടാം​സ്ഥാ​നം നേ​ടു​ക​യാ​യി​രു​ന്നു. എ​സ്.​എ​സ്.​എ​ൽ.​സി​ക്ക്​ ശേ​ഷം സാ​മ്പ​ത്തി​ക ബു​ദ്ധി​മു​ട്ടു​മൂ​ലം തു​ട​ർ​പ​ഠ​ന​ത്തി​ന് പോ​കാ​ൻ ക​ഴി​ഞ്ഞി​ല്ലെ​ന്ന് ര​ഞ്ജി​നി പ​റ​യു​ന്നു. ഈ ​മാ​സം 16 മു​ത​ൽ പു​ണെ​യി​ൽ ന​ട​ക്കു​ന്ന ദേ​ശീ​യ പാ​രാ​ഗെ​യിം​സി​ൽ പ​ങ്കെ​ടു​ക്കാ​നു​ള്ള ത​യാ​റെ​ടു​പ്പി​ലാ​ണ്.

ഏ​റെ സാ​മ്പ​ത്തി​ക ബാ​ധ്യ​ത​യു​ണ്ടെ​ങ്കി​ലും ഉ​ദാ​ര​മ​തി​യാ​യ ഒ​രാ​ളു​ടെ സ്പോ​ൺ​സ​ർ​ഷി​പ് തു​ണ​യാ​കു​ക​യാ​യി​രു​ന്നു. പ​ഠി​ക്കു​ന്ന കാ​ല​ത്ത് നൃ​ത്തം ഏ​റെ ഇ​ഷ്ട​മാ​യി​രു​ന്നു. എ​ന്നാ​ൽ, സ്കൂ​ളി​ൽ ഓ​രോ പ​രി​പാ​ടി​ക​ൾ ന​ട​ക്കു​മ്പോ​ഴും ഉ​യ​ര​ക്കു​റ​വു​മൂ​ലം പി​ന്നി​ലാ​യി​പ്പോ​കു​ക​യാ​യി​രു​ന്നു.

ഇ​ത് ഏ​റെ വി​ഷ​മം ഉ​ണ്ടാ​ക്കി​യി​രു​ന്ന​താ​യും, പി​ന്നീ​ട് ചി​ല മി​മി​ക്സ് ട്രൂ​പ്പു​ക​ളു​മാ​യി ചേ​ർ​ന്ന് പ​രി​പാ​ടി​ക​ൾ അ​വ​ത​രി​പ്പി​ക്കാ​ൻ ക​ഴി​ഞ്ഞ​ത് ആ​ത്മ​വി​ശ്വാ​സം കൂ​ടാ​ൻ കാ​ര​ണ​മാ​യെ​ന്നും ര​ഞ്ജി​നി പ​റ​ഞ്ഞു. ഭ​ർ​ത്താ​വ് തോ​ട്ട​പ്പ​ള്ളി സ്വ​ദേ​ശി​യാ​യ അ​നീ​ഷി​ന് യ​ന്ത്ര​മു​പ​യോ​ഗി​ച്ച് തെ​ങ്ങു​ക​യ​റ്റ​മാ​ണ് തൊ​ഴി​ലെ​ങ്കി​ലും ന​ല്ലൊ​രു ഫു​ട്​​ബാ​ൾ ക​ളി​ക്കാ​ര​ൻ കൂ​ടി​യാ​ണ്. ലി​റ്റി​ൽ പീ​പ്പി​ൾ കേ​ര​ള എ​ന്ന വാ​ട്‌​സ് ആ​പ്പ് കൂ​ട്ടാ​യ്മ​യി​ൽ അം​ഗ​മാ​ണ് ഇ​രു​വ​രും. ഈ ​ഗ്രൂ​പ് ന​ൽ​കു​ന്ന പ്രോ​ത്സാ​ഹ​നം ഏ​റെ വി​ല​മ​തി​ക്കാ​നാ​കാ​ത്ത​താ​ണെ​ന്നും ഇ​വ​ർ പ​റ​യു​ന്നു.

അ​ടൂ​ർ കേ​ന്ദ്രീ​യ വി​ദ്യാ​ല​യ​ത്തി​ൽ പ​ഠി​ക്കു​ന്ന ഏ​ഴു വ​യ​സ്സു​കാ​ര​ൻ ഗു​രു​നി​ശ്ചി​ത​നാ​ണ് ഏ​ക മ​ക​ൻ. ത​യ്യ​ലി​നൊ​പ്പം ആ​ട്, കോ​ഴി, താ​റാ​വ് എ​ന്നി​വ വ​ള​ർ​ത്തി​യും ജീ​വി​തം മു​ന്നോ​ട്ട് കൊ​ണ്ടു​പോ​കു​ക​യാ​ണ് അ​ച്ഛ​ൻ ശി​വ​രാ​മ​നും അ​മ്മ ര​മ​ണി​ക്കു​മൊ​പ്പം ഈ ​കു​ഞ്ഞു​കു​ടും​ബം.