പത്താം ക്ലാസ് പരീക്ഷക്ക് മുമ്പ് വിവാഹം; അക്ഷരപ്രണയത്താൽ തിരിച്ചെത്തി സ​റീ​ന

ക​ണ്ണൂ​ർ: ക​ഥ​യും ക​വി​ത​യും പെ​രു​ത്തി​ഷ്ട​മാ​യ കൗ​മാ​ര​ത്തി​ലേ​ക്ക്​ ക​ട​ന്ന​യു​ട​ൻ അ​പ്ര​തീ​ക്ഷി​ത​മാ​യെ​ത്തി​യ മി​ന്നു​കെ​ട്ടി​ൽ എ​ല്ലാം ക​ഴി​ഞ്ഞെ​ന്നു ക​രു​തി​യ​താ​ണ്. പ​ത്താം​ക്ലാ​സ് പ​ഠ​നം മു​ഴു​മി​പ്പി​ക്കും മു​മ്പ്​ വ​ന്ന വി​വാ​ഹം അ​ടു​ക്ക​ള​യി​ൽ ത​ള​ച്ചി​ടു​മെ​ന്ന് ഉ​റ​പ്പി​ക്കു​ക​യും ചെ​യ്തു.

പ​ക്ഷേ, വാ​യ​ന​യോ​ടും എ​ഴു​ത്തി​നോ​ടും തോ​ന്നി​യ പ്ര​ണ​യ​ത്തി​നു മു​ന്നി​ൽ സ​റീ​ന ഉ​മ്മു​സ​മാ​ന്​ തി​രി​ച്ചു​വ​രാ​തി​രി​ക്കാ​ൻ ആ​വി​ല്ലാ​യി​രു​ന്നു. പാ​തി​വ​ഴി​യി​ൽ നി​ല​ച്ച പ​ഠ​നം ആ​ദ്യം പൂ​ർ​ത്തി​യാ​ക്കി. പി​ന്നെ എ​ഴു​ത്തി​ന്റെ ലോ​ക​ത്ത് സ​ജീ​വ​മാ​യി. നാ​ല് ഗ്ര​ന്ഥ​ങ്ങ​ൾ. ആ​റ് ഹ്ര​സ്വ​ചി​ത്ര​ങ്ങ​ൾ​ക്ക് തി​ര​ക്ക​ഥ. മൂ​ന്ന് ഹ്ര​സ്വ​ചി​ത്ര​ങ്ങ​ളു​ടെ സം​വി​ധാ​യി​ക. വീ​ട്ട​മ്മ​യാ​യാ​ൽ എ​ല്ലാം ​കൈ​വി​ട്ടു​വെ​ന്ന തോ​ന്ന​ലു​ക​ൾ​ക്ക​പ്പു​റം നി​ശ്ച​യ​ദാ​ർ​ഢ്യ​മാ​ണ് ഇ​തെ​ല്ലാം സാ​ധി​ച്ച​തെ​ന്ന്​ ഇ​രി​ണാ​വ് സ്വ​ദേ​ശി​നി​യാ​യ ഈ 44​കാ​രി പ​റ​യു​ന്നു.

ചെ​റു​പ്പ​ത്തി​ൽ ത​ന്നെ ക​ഥ​ക​ൾ വാ​യി​ക്കാ​നാ​യി​രു​ന്നു ഇ​വ​രു​ടെ ഇ​ഷ്ടം. യാ​ഥാ​സ്ഥി​തി​ക കു​ടും​ബാം​ഗ​മെ​ന്ന നി​ല​ക്കാ​ണ് എ​സ്.​എ​സ്.​എ​ൽ.​സി പ​രീ​ക്ഷ​ക്കു മു​മ്പേ വി​വാ​ഹം ചെ​യ്യാ​ൻ നി​ർ​ബ​ന്ധി​ത​താ​യാ​യി. മ​റി​ച്ചൊ​രു വാ​ക്കി​ന് വി​ല​യി​ല്ലാ​ത്ത കാ​ലം. ത​ല​യാ​ട്ടു​ക​യേ നി​വൃ​ത്തി​യു​ണ്ടാ​യു​ള്ളൂ. ആ​രെ​യും അ​വ​ർ പ​ഴി​ക്കു​ന്നി​ല്ല. സാ​ഹ​ച​ര്യ​മാ​ണ് എ​ല്ലാ​റ്റി​നും കാ​ര​ണ​മെ​ന്ന്​ സ​റീ​ന പ​റ​യു​ന്നു.

വി​വാ​ഹ​ശേ​ഷം മ​ക്ക​ളു​ടെ സം​ര​ക്ഷ​ണം ഉ​ൾ​പ്പ​ടെ​യു​ള്ള വ​ലി​യ ഉ​ത്ത​ര​വാ​ദി​ത്ത​ങ്ങ​ളാ​യി. അ​തി​നി​ടെ വീ​ണു കി​ട്ടി​യ നേ​ര​ങ്ങ​ളി​ൽ ചി​ല ക​ഥ​ക​ൾ ക​ട​ലാ​സി​ൽ കു​ത്തി​ക്കു​റി​ച്ചു തു​ട​ങ്ങി. ആ​രും കാ​ണാ​തെ അ​തെ​ല്ലാം ഭ​ദ്ര​മാ​ക്കി​വെ​ച്ചു. ചി​ല​ത് വീ​ണ്ടും വാ​യി​ച്ച് മി​നു​ക്കി​യെ​ടു​ത്തു. അ​ങ്ങ​നെ 12 ചെ​റു​ക​ഥ​ക​ൾ അ​ട​ങ്ങു​ന്ന ആ​ദ്യ ക​ഥാ​സ​മാ​ഹാ​ര​മാ​യ ‘ക​റു​ത്ത പൊ​ന്ന്’ പു​റ​ത്തി​റ​ങ്ങി. അ​ഭി​മാ​നം പ​​ര​കോ​ടി​യി​ലെ​ത്തി​യ നി​മി​ഷ​മാ​യി​രു​ന്നു അ​ത്. ഉ​മ്മു​സ​മാ​ൻ എ​ന്ന പേ​രി​ലാ​യി​രു​ന്നു ക​ഥ​ക​ൾ. കു​റ​ച്ചു​ക​ഴി​ഞ്ഞ് സ്വ​ന്തം പേ​രാ​യ സ​റീ​ന​യും അ​തി​നൊ​പ്പം ചേ​ർ​ത്തു. ‘കു​മ്മ​ട്ടി​പ്പാ​ലം’ എ​ന്ന നോ​വ​ലും പി​ന്നീ​ട് പു​റ​ത്തി​റ​ങ്ങി.

മു​ന്തി​രി​ച്ചാ​റ് എ​ന്ന ക​വി​ത സ​മാ​ഹാ​ര​വും പി​ന്നാ​ലെ വെ​ളി​ച്ചം​ക​ണ്ടു. ഇ​ക്ക​ഴി​ഞ്ഞ നി​യ​മ​സ​ഭ പു​സ്ത​കോ​ൽ​സ​വ​ത്തി​ൽ സ്പീ​ക്ക​ർ എ.​എ​ൻ. ഷം​സീ​ർ പ്ര​കാ​ശ​നം നി​ർ​വ​ഹി​ച്ച ‘അ​ട​രു​വാ​ൻ വ​യ്യെ​ന്‍റെ പ്ര​ണ​യ​മേ..’ എ​ന്ന മ​റ്റൊ​രു നോ​വ​ലും പു​റ​ത്തി​റ​ങ്ങി​യ​തോ​ടെ സാ​ഹി​ത്യ​വ​ഴി​യി​ൽ സ​റീ​ന ഉ​മ്മു​സ​മാ​ന്റെ പു​സ്ത​ക​ങ്ങ​ളു​ടെ എ​ണ്ണം നാ​ലാ​യി. പു​സ്ത​ക പ്ര​സാ​ധ​ന​ത്തി​നു പി​ന്നാ​ലെ ഹ്ര​സ്വ​ചി​ത്ര​ങ്ങ​ളു​ടെ തി​ര​ക്ക​ഥ​യും സം​വി​ധാ​ന​വു​മൊ​ക്കെ​യാ​യി ക​ണ്ണൂ​രി​ലെ സാം​സ്കാ​രി​ക വ​ഴി​യി​ൽ സ​ജീ​വ​മാ​ണ് ഇ​വ​ർ.