പ്രകൃതി കീറിയെറിഞ്ഞ ജീവിതം; ഓരോ ഇഴകളും തുന്നിക്കൂട്ടുകയാണ് ഷമീറത്ത്

മേ​പ്പാ​ടി: ജീ​വി​ത​ത്തി​ൽ നേ​ടി​യ​തെ​ല്ലാം ഉ​രു​ൾ​ദു​ര​ന്ത​ത്തി​ൽ ന​ശി​ച്ചെ​ങ്കി​ലും പ​ഠി​ച്ച കൈ​ത്തൊ​ഴി​ൽ ന​ൽ​കു​ന്ന ആ​ത്മ​വി​ശ്വാ​സ​ത്തി​ൽ ജീ​വി​തം തി​രി​ച്ചു​പി​ടി​ക്കാ​ൻ ശ്ര​മി​ക്കു​ക​യാ​ണ് ചൂ​ര​ൽ​മ​ല സ്വ​ദേ​ശി​നി കൈ​പ്പു​ള്ളി വീ​ട്ടി​ൽ ഷ​മീ​റ​ത്ത് ഷം​സു​ദ്ദീ​ൻ എ​ന്ന 45കാ​രി. താ​മ​സി​ച്ചി​രു​ന്ന ചൂ​ര​ൽ​മ​ല ഹൈ​സ്കൂ​ൾ റോ​ഡി​ലെ വീ​ടും അ​ഞ്ച് സെ​ന്റ് സ്ഥ​ല​വും ടൗ​ണി​നോ​ട് ചേ​ർ​ന്ന ത​യ്യ​ൽ​ക്ക​ട, സ്റ്റേ​ഷ​ന​റി, ഫാ​ൻ​സി ക​ട എ​ല്ലാം ദു​ര​ന്ത​ത്തി​ൽ ന​ഷ്ട​പ്പെ​ട്ടു. സ്ഥാ​പ​നം പ്ര​വ​ർ​ത്തി​ച്ചി​രു​ന്ന കെ​ട്ടി​ടം ഉ​പ​യോ​ഗ​ശൂ​ന്യ​മാ​യ​തി​നൊ​പ്പം മു​ണ്ട​ക്കൈ​യി​ലു​ണ്ടാ​യി​രു​ന്ന 25 സെ​ന്റ് കൃ​ഷി​ഭൂ​മി​യും ന​ഷ്ട​മാ​യി. ഭ​ർ​ത്താ​വ് ഷം​സു​ദ്ദീ​ൻ ഓ​ടി​ച്ചി​രു​ന്ന ഓ​ട്ടോ​റി​ക്ഷ​ക്കും കേ​ടു​പാ​ടു​ക​ൾ സം​ഭ​വി​ച്ചു. ദു​ര​ന്ത​ത്തെ​തു​ട​ർ​ന്ന് മേ​പ്പാ​ടി​യി​ൽ വാ​ട​ക വീ​ട്ടി​ലാ​ണി​പ്പോ​ൾ താ​മ​സം.

എ​ല്ലാം ന​ഷ്ട​പ്പെ​ട്ടു എ​ന്ന യാ​ഥാ​ർ​ഥ്യം ഉ​ൾ​ക്കൊ​ള്ളാ​ൻ അ​ൽ​പം സ​മ​യ​മെ​ടു​ത്തു. പി​ന്നീ​ട​ങ്ങോ​ട്ട് ധൈ​ര്യം സം​ഭ​രി​ച്ച് ജീ​വി​തം തി​രി​കെ​പ്പി​ടി​ക്കാ​നു​ള്ള ശ്ര​മ​മാ​യി​രു​ന്നു. പ​ഠി​ച്ച കൈ​ത്തൊ​ഴി​ലു​ണ്ട്; ത​യ്യ​ൽ. അ​തി​നെ അ​ടി​ത്ത​റ​യാ​ക്കി ഒ​രു സ്ഥാ​പ​നം തു​ട​ങ്ങാ​നു​ള്ള ശ്ര​മ​മാ​യി. പീ​പ്ൾ​സ് ഫൗ​ണ്ടേ​ഷ​ൻ​പോ​ലു​ള്ള ചി​ല സ​ന്ന​ദ്ധ സം​ഘ​ട​ന​ക​ളു​ടെ ചെ​റി​യ സാ​മ്പ​ത്തി​ക സ​ഹാ​യം ല​ഭി​ച്ച​തു​കൊ​ണ്ട് മൂ​പ്പൈ​നാ​ട് ജ​ങ്ഷ​നി​ൽ ഒ​രു മു​റി വാ​ട​ക​ക്കെ​ടു​ത്തു. എം.​എ​സ്. മു​ബാ​റ​ക് ചൂ​ര​ൽ​മ​ല -ലേ​ഡീ​സ് ടൈ​ല​റി​ങ് ആ​ൻ​ഡ് റെ​ഡി​മെ​യ്ഡ്സ് എ​ന്ന സ്ഥാ​പ​നം തു​ട​ങ്ങി.

ചു​രി​ദാ​ർ, ബ്ലൗ​സ്, പാ​വാ​ട, ഗൗ​ൺ, നൈ​റ്റി​ക​ൾ, കു​ട്ടി​ക​ളു​ടെ യൂ​നി​ഫോം, കു​ട്ടി ഉ​ടു​പ്പു​ക​ൾ മു​ത​ലാ​യ​വ ത​യ്ച്ചു​കൊ​ടു​ക്കു​ന്ന ജോ​ലി ചെ​യ്യു​ക​യാ​ണി​പ്പോ​ൾ. തു​ട​ക്ക​മാ​യ​തു​കൊ​ണ്ടു​ള്ള ബാ​ലാ​രി​ഷ്ട​ത​ക​ളു​ണ്ട് എ​ങ്കി​ലും അ​തി​ജീ​വി​ക്കാ​ൻ ക​ഴി​യു​മെ​ന്ന ആ​ത്മ​വി​ശ്വാ​സം കൈ​മു​ത​ലാ​യു​ണ്ടെ​ന്ന് ഷ​മീ​റ​ത്ത് പ​റ​യു​ന്നു. കേ​ടു​പാ​ടു​ക​ൾ സം​ഭ​വി​ച്ച ഓ​ട്ടോ ന​ന്നാ​ക്കി ഓ​ടി​ക്കു​ക​യാ​ണ് ഷം​സു​ദ്ദീ​ൻ. ര​ണ്ടു മ​ക്ക​ളാ​ണു​ള്ള​ത് ഇ​വ​ർ​ക്ക്. ഒ​രു മ​ക​ളും മ​ക​നും. മ​ക​ളെ വി​വാ​ഹം ക​ഴി​ച്ച​യ​ച്ചു. മ​ക​ൻ 21 വ​യ​സ്സു​ള്ള മു​ഹ​മ്മ​ദ് ഷാ​മി​ൽ ഡ്രൈ​വി​ങ് പ​ഠി​ച്ചി​ട്ടു​ണ്ട്. അ​വ​ന് ഒ​രു സ്ഥി​രം ജോ​ലി വേ​ണം. സ്കൂ​ളു​ക​ളു​ടെ യൂ​നി​ഫോ​മി​നു​ള്ള ഓ​ർ​ഡ​റു​ക​ളൊ​ക്കെ ല​ഭി​ക്കു​മെ​ന്ന് പ്ര​തീ​ക്ഷ​യി​ലാ​ണ് ഇ​വ​ർ. പ്ര​കൃ​തി തോ​ൽ​പി​ക്കാ​ൻ ശ്ര​മി​ച്ചെ​ങ്കി​ലും തോ​ൽ​ക്കി​ല്ലെ​ന്ന് വാ​ശി​യു​ള്ള പെ​ൺ​ക​രു​ത്തി​ന്റെ പ്ര​തീ​ക​മെ​ന്നോ​ണം ഷ​മീ​റ​ത്ത് അ​തി​ജീ​വ​ന​ത്തി​നു​ള്ള തി​ര​ക്കി​ലാ​ണ്. കൂ​ടെ​യു​ള്ള​ത് സം​രം​ഭം വി​പു​ല​പ്പെ​ടു​മെ​ന്ന പ്ര​തീ​ക്ഷ​യും.