ഷാ​നി​മ​യു​ടെ ഡി​ജി​റ്റ​ൽ വ​ര​ക​ൾ

ഡി​ജി​റ്റ​ല്‍ പെ​യി​ന്‍റി​ങി​ല്‍ പു​തി​യ സാ​ധ്യ​ത​ക​ള്‍ ക​ണ്ടെ​ത്തു​ന്ന​തി​നു​ള്ള പ​രി​ശ്ര​മ​ത്തി​ലാ​ണ് ക​ണ്ണൂ​ര്‍ അ​ഞ്ച​ര​ക്ക​ണ്ടി നാ​ല​ക​ത്ത് ന​സീ​ര്‍ ശാ​ഹി​ദ ദ​മ്പ​തി​ക​ളു​ടെ മ​ക​ള്‍ ഷാ​നി​മ. ചി​ത്ര​ക​ല​യോ​ടു​ള്ള ത​ന്‍റെ അ​ട​ങ്ങാ​ത്ത അ​ഭി​നി​വേ​ശം ആ​ധു​നി​ക സം​വി​ധാ​ന​ങ്ങ​ളു​ടെ സ​ഹാ​യ​ത്താ​ല്‍ മി​ക​വു​റ്റ​താ​ക്കു​ക​യാ​ണ് ഈ ​യു​വ​തി. ത​ന്‍റെ സ്വ​ന്തം ഐ ​പാ​ഡി​ല്‍ ഡി​ജി​റ്റ​ല്‍ പെ​ന്നും ബ്ര​ഷും ഉ​പ​യോ​ഗി​ച്ച് ചാ​യം ചേ​ർ​ത്ത്​ മ​ന​സ്സി​ലെ മ​നോ​ഹ​ര​മാ​യ സ​ങ്ക​ല്‍പ്പ​ങ്ങ​ള്‍ സ്ക്രീ​നി​ലേ​ക്ക് പ​ക​ര്‍ത്തു​ക​യാ​ണ് രീതി.

നൂ​റു​ക​ണ​ക്കി​ന് ചിത്രങ്ങൾ ഇ​തി​നോ​ട​കം പൂ​ര്‍ത്തീ​ക​രി​ച്ചു. ഡി​ജി​റ്റ​ല്‍ പെ​യി​ന്‍റി​ങി​നു മി​ക​വേ​കു​ന്ന ത​ര​ത്തി​ല്‍ സ​ഹാ​യ​ക​ര​മാ​യ നി​ര​വ​ധി സോ​ഫ്റ്റ്‌​വെ​യ​റു​ക​ള്‍ ഇ​ന്ന് ല​ഭ്യ​മാ​ണ്. പ്ര​ഗ​ല്‍ഭ​രാ​യ പ​ല​രു​ടെ​യും ചി​ത്ര​ങ്ങ​ള്‍ അ​വ​ര്‍ ത​ന്നെ ത​ങ്ങ​ളു​ടെ സാ​മൂ​ഹി​ക മാ​ധ്യ​മ​ങ്ങ​ള്‍ വ​ഴി ഷെ​യ​ര്‍ ചെ​യ്യു​ന്ന​ത് കാ​ണു​മ്പോ​ള്‍ മ​ന​സി​ന്‌ ഏ​റെ ആ​ന​ന്ദം ന​ല്‍കു​ന്ന​താ​യി ഈ ​ചി​ത്ര​കാ​രി വി​വ​രി​ക്കു​ന്നു.

ത​ന്‍റെ virtualimpression എ​ന്ന ഇ​ൻ​സ്റ്റ​ഗ്രാം പേ​ജി​ലൂ​ടെ പ​ങ്ക് വെ​ക്കു​ന്ന ഡി​ജി​റ്റ​ല്‍ പെ​യി​ന്‍റി​ങു​ക​ള്‍ക്ക് പ​തി​നാ​ലാ​യി​ര​ത്തി​ലേ​റെ പേ​രാ​ണ് ആ​സ്വാ​ദ​ക​രാ​യി എ​ത്തു​ന്ന​ത്. സ്ത്രീ ​ശാ​ക്തീ​ക​ര​ണ​ത്തി​ന് പ്ര​ചോ​ദ​ന​മാ​യ​വ​രും ത​ന്‍റെ ജീ​വി​ത വ​ഴി​യി​ല്‍ കൈ​ത്താ​ങ്ങാ​യ​വ​രും അ​തോ​ടൊ​പ്പം പ്ര​മു​ഖ​രു​മാ​യ​വ​രു​ടെ ചി​ത്ര​ങ്ങ​ളാ​ണ് ഇ​പ്പോ​ള്‍ ഒ​രു​ക്കു​ന്ന​ത്.

ഡി​ജി​റ്റ​ല്‍ സാ​ങ്കേ​തി​ക സാ​ധ്യ​ത ഉ​പ​യോ​ഗി​ച്ച് ഒ​രു​ക്കി​യ ആ​യ​ത്തു​ല്‍ ഖു​ര്‍സി​യു​ടെ ആ​വി​ഷ്കാ​ര​ത്തി​ന് വ​ൻ സ്വീ​കാ​ര്യ​ത​യാ​ണ് ല​ഭി​ച്ച​ത്. ഈ ​മേ​ഖ​ല​യി​ലെ പു​തി​യ സാ​ധ്യ​ത​ക​ള്‍ ക​ണ്ടെ​ത്തു​ന്ന​തി​നോ​ടൊ​പ്പം പു​തു ത​ല​മു​റ​യെ ഡി​ജി​റ്റ​ല്‍ പെ​യി​ന്‍റി​ങ് എ​ന്ന ക​ലാ രൂ​പ​ത്തെ പ​ര​മാ​വ​ധി പ​രി​ച​യ​പ്പെ​ടു​ത്താ​നും ത​ന്നാ​ല്‍ ക​ഴി​യു​ന്ന​ത്ര പ​രി​ശ്ര​മി​ക്കാ​നാ​ണ് തീ​രു​മാ​നം.

നാ​ട്ടി​ലെ പ​ഠ​ന കാ​ല​യ​ള​വി​ല്‍ ചി​ത്ര​ര​ച​ന​യി​ല്‍ നി​ര​വ​ധി സ​മ്മാ​ന​ങ്ങ​ള്‍ നേടിയി​ട്ടു​ണ്ട്. ദു​ബൈ​യി​ലെ ഓ​റ​ഞ്ച് റൂം ​ഡി.​എം.​സി.​സി എ​ന്ന ക​മ്പ​നി​യി​ൽ ക്രി​യേ​റ്റീ​വ് എ​ക്സി​ക്യു​ട്ടീ​വാ​യി പ്ര​വ​ര്‍ത്തി​ക്കു​ക​യാ​ണ് ഇ​വ​ര്‍. ഡി​ജി​റ്റ​ല്‍ പെ​യി​ന്‍റി​ങി​ല്‍ ത​ന്‍റേ​താ​യ വ്യ​ക്തി​മു​ദ്ര പ​തി​പ്പി​ക്കാ​നാ​കു​മെ​ന്ന ഉ​റ​ച്ച വി​ശ്വാ​സ​ത്തി​ലാ​ണ് ഷാ​നി​മ. അ​ക​മ​ഴി​ഞ്ഞ പി​ന്തു​ണ​യുമായി ഭ​ര്‍ത്താ​വ് അ​ബ്ദു​ല്ല​ കൂടെയുണ്ട്. ഇ​ഹാ​ൻ അ​ബ്ദു​ല്ലയാ​ണ് ഏ​ക മ​ക​ന്‍.