പെൺ കരുത്തിന്റെ ശാ​ന്തി​നി വിജയം

നി​ശ്ച​യ​ദാ​ർ​ഡ്യം കൊ​ണ്ടു​മാ​ത്രം സ്വ​ന്തം ബി​സി​ന​സ് സ്ഥാ​പ​നം പ​ടു​ത്തു​യ​ർ​ത്തി വി​ജ​യം വ​രി​ച്ച ക​ഥ​യാ​ണ് ബ​ഹ്റൈ​നി​ൽ ആ​ർ സ്ക്വ​യ​ർ ടെ​ക്നോ​ള​ജീ​സ് എ​ന്ന ഐ.​ടി സ്ഥാ​പ​നം ന​ട​ത്തു​ന്ന ശാ​ന്തി​നി റ​ഹ്മ​ത്തു​ല്ല​യു​ടേ​ത്. ഒ​രു​പ​ക്ഷേ ​ഐ.​ടി മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ബൃ​ഹ​ദ് സ്ഥാ​പ​ന​ത്തി​ന്റെ ത​ല​പ്പ​ത്തു​ള്ള ബ​ഹ്റൈ​നി​ലെ ഏ​ക വ​നി​ത​യും ശാ​ന്തി​നി​യാ​യി​രി​ക്കാം. ഐ.​ടി മേ​ഖ​ല​യി​ൽ കൈ​വ​രി​ച്ച നേ​ട്ടം ലോ​കം അം​ഗീ​ക​രി​ച്ച​തി​ന്റെ തെ​ളി​വാ​ണ് ആ​ഗോ​ള​ത​ല​ത്തി​ൽ പ്ര​വ​ർ​ത്തി​ക്കു​ന്ന വ​നി​ത വി​വ​ര​സാ​​ങ്കേ​തി​ക വി​ദ​ഗ്ധ​രു​ടെ സം​ഘ​ട​ന​യാ​യ വി​മ​ൻ ഇ​ൻ ടെ​ക് ഗ്ലോ​ബ​ൽ മൂ​വ്മെ​ന്റി​ന്റെ ബ​ഹ്റൈ​നി​ൽ​നി​ന്നു​ള്ള പ്ര​തി​നി​ധി​യാ​യി ശാ​ന്തി​നി​യെ തെ​ര​ഞ്ഞെ​ടു​ത്ത​ത്.

ബ​ഹ്റൈ​ൻ ചേം​ബ​ർ ഓ​ഫ് കോ​മേ​ഴ്സി​ല​ട​ക്കം അം​ഗ​മാ​യ ശാ​ന്തി​നി​യു​ടെ സേ​വ​ന​ങ്ങ​ളെ ബ​ഹ്റൈ​ൻ ഭ​ര​ണ​കൂ​ടം അം​ഗീ​ക​രി​ക്കു​ക​യും നി​ര​വ​ധി പു​ര​സ്കാ​ര​ങ്ങ​ൾ ന​ൽ​കു​ക​യും ചെ​യ്തി​ട്ടു​ണ്ട്. ഹ​മ​ദ് രാ​ജാ​വ് 2014ൽ ​ഇ​ന്ത്യ സ​ന്ദ​ർ​ശി​ച്ച​പ്പോ​ൾ അ​നു​ഗ​മി​ച്ച ബ​ഹ്റൈ​ൻ സം​ഘ​ത്തി​ലും ശാ​ന്തി​നി​യു​ണ്ടാ​യി​രു​ന്നു. ബ​ഹ്റൈ​ൻ വാ​ണി​ജ്യ​മ​ന്ത്രാ​ല​യ​ത്തി​ന്റെ പ്ര​തി​നി​ധി സം​ഘ​ത്തി​ലെ ഏ​ക​വ​നി​ത അം​ഗ​മാ​യി നി​ര​വ​ധി രാ​ജ്യ​ങ്ങ​ൾ സ​ന്ദ​ർ​ശി​ച്ചി​ട്ടു​ണ്ട്. ഇ​തൊ​ക്കെ ത​ന്റെ പ്ര​യ​ത്ന​ങ്ങ​ൾ​ക്ക് ല​ഭി​ച്ച അം​ഗീ​കാ​ര​മാ​ണെ​ന്ന് ശാ​ന്തി​നി ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.

ക​ഠി​നാ​ധ്വാ​നം​കൊ​ണ്ടു​മാ​ത്ര​മാ​ണ് ത​മി​ഴ്നാ​ട്ടി​ലെ സേ​ല​ത്തു​ള്ള ഇ​ട​ത്ത​രം കു​ടും​ബ​ത്തി​ലം​ഗ​മാ​യ ശാ​ന്തി​നി​ക്ക് സ്വ​ന്തം ഐ.​ടി സാ​മ്രാ​ജ്യം കെ​ട്ടി​പ്പ​ടു​ക്കാ​ൻ സാ​ധി​ച്ച​ത്. ആ​ർ.​ടി.​ഒ ആ​യി​രു​ന്ന പി​താ​വി​ന്റെ നാ​ലു പെ​ൺ​മ​ക്ക​ളി​ലൊ​രു​വ​ളാ​യാ​ണ് ജ​ന​നം. പി​താ​വ് മ​രി​ച്ച​തോ​ടെ കു​ടും​ബം പു​ല​ർ​ത്താ​ൻ അ​മ്മ ബി​ൽ​ഡി​ങ് കോ​ൺ​ട്രാ​ക്ട​റാ​യി. അ​മ്മ​യാ​ണ് സം​രം​ഭ​ക എ​ന്ന നി​ല​യി​ലു​ള്ള ത​ന്റെ മാ​ർ​ഗ​ദ​ർ​ശി​യെ​ന്ന് ശാ​ന്തി​നി പ​റ​യു​ന്നു.

വൈ​ഷ്ണ​വ കോ​ള​ജി​ൽ ബി​രു​ദ​ത്തി​ന് പ​ഠി​ക്കു​മ്പോ​ഴാ​ണ് രാ​ജാ റ​ഹ്മ​ത്തു​ല്ല​യെ പ​രി​ച​യ​പ്പെ​ടു​ന്ന​ത്. ​ഐ.​ടി ഫീ​ൽ​ഡി​ലു​ള്ള ര​ണ്ടു​പേ​രു​ടെ​യും താ​ൽ​പ​ര്യം പ്ര​ണ​യ​ത്തി​ലെ​ത്തി. കു​റെ​ക്കാ​ലം ത​മി​ഴ്നാ​ട്ടി​ൽ കോ​ള​ജ് അ​ധ്യാ​പി​ക​യാ​യും ശാ​ന്തി​നി പ്ര​വ​ർ​ത്തി​ച്ചി​ട്ടു​ണ്ട്. വി​വാ​ഹ​ത്തി​നു​ശേ​ഷം ഭ​ർ​ത്താ​വി​നൊ​പ്പം ബ​ഹ്റൈ​നി​ലെ​ത്തി. അ​ധി​കം താ​മ​സി​യാ​തെ സ്വ​ന്ത​മാ​യി ​ഐ.​ടി ക​മ്പ​നി തു​ട​ങ്ങി. അ​ന്ന് എ​ളി​യ​നി​ല​യി​ൽ തു​ട​ങ്ങി​യ സ്ഥാ​പ​നം ഇ​ന്ന് ബൃ​ഹ​ത് സ്ഥാ​പ​ന​മാ​യി വ​ള​ർ​ന്നു. ഇ​ന്ത്യ​ക്കാ​ര​ട​ക്കം നി​ര​വ​ധി​പേ​ർ ജോ​ലി ചെ​യ്യു​ന്നു.

ബ​ഹ്റൈ​നി​ലെ വ്യാ​വ​സാ​യി​കാ​ന്ത​രീ​ക്ഷം മി​ക​ച്ച​താ​ണെ​ന്ന് ശാ​ന്തി​നി സാ​ക്ഷ്യ​പ്പെ​ടു​ത്തു​ന്നു. ഐ.​ടി രം​ഗ​ത്ത് ഇ​ന്ത്യ​യും ബ​ഹ്റൈ​നു​മാ​യു​ള്ള സ​ഹ​ക​ര​ണ​ത്തി​ലൂ​ടെ സാ​​​​ങ്കേ​തി​ക വി​ദ്യ കൈ​മാ​റ്റം ചെ​യ്യാ​നും സാ​ധി​ക്കു​ന്നു​ണ്ട്. ബ​ഹ്റൈ​നി​ക​ള​ട​ക്കം ശാ​ന്തി​നി​യു​ടെ സ്ഥാ​പ​ന​ത്തി​ൽ​നി​ന്ന് സാ​​​ങ്കേ​തി​ക​വി​ദ്യ സ്വാ​യ​ത്ത​മാ​ക്കു​ന്നു. സ്ത്രീ​ക​ൾ സാ​മ്പ​ത്തി​ക​മാ​യി സ്വ​യം​പ​ര്യാ​പ്ത​രാ​യാ​ൽ മാ​ത്ര​മേ സ്ത്രീ​ശാ​ക്തീ​ക​ര​ണം സം​ഭ​വി​ക്കു​ക​യു​ള്ളൂ എ​ന്നാ​ണ് വ​നി​ത​ദി​ന സ​ന്ദേ​ശ​മാ​യി ശാ​ന്തി​നി​ക്ക് പ​റ​യാ​നു​ള്ള​ത്.

കു​ടും​ബ​ത്തി​ൽ നി​ര​വ​ധി ജോ​ലി​ക​ൾ ഒ​രു​മി​ച്ച് ചെ​യ്യു​ന്ന സ്​​ത്രീ​ക​ൾ​ക്ക്, എ​ല്ലാ മേ​ഖ​ല​യി​ലും തി​ള​ങ്ങാ​ൻ സാ​ധി​ക്കു​മെ​ന്നും ശാ​ന്തി​നി ചൂ​ണ്ടി​ക്കാ​ട്ടു​ന്നു. ഭ​ർ​ത്താ​വ് രാ​ജ റ​ഹ്മ​ത്തു​ല്ല ബ​ഹ്റൈ​നി​ലെ മു​ൻ​നി​ര ടെ​ലി​കോം ക​മ്പ​നി​യാ​യ ബാ​റ്റ​ൽ​കോ​യി​ൽ ആ​പ്ലി​ക്കേ​ഷ​ൻ ഡെ​വ​ല​പ്മെ​ന്റ് ആ​ൻ​ഡ് ഓ​പ​റേ​ഷ​ൻ മാ​നേ​ജ​റാ​ണ്. യു.​എ​സി​ൽ ​ജോ​ലി​ചെ​യ്യു​ന്ന റോ​ഷ്നി​യും വി​ദ്യാ​ർ​ഥി​യാ​യ റോ​ഷ​നു​മാ​ണ് മ​ക്ക​ൾ.