ട്രെ​ന്‍ഡി​നൊ​പ്പം സി​ന്ധു; വി​ജ​യം ബാ​ഗ് നി​റ​യെ

തേ​ഞ്ഞി​പ്പ​ലം: കാ​ലി​ക്ക​റ്റ് സ​ര്‍വ​ക​ലാ​ശാ​ല​യി​ലെ താ​ല്‍കാ​ലി​ക ജോ​ലി വി​ട്ട് വീ​ട്ടി​ലി​രി​ക്കു​മ്പോ​ഴാ​ണ് കെ.​പി. സി​ന്ധു​വി​ന്റെ മ​ന​സ്സി​ല്‍ പ്ര​കൃ​തി​സൗ​ഹൃ​ദ തു​ണി സ​ഞ്ചി​ക​ളു​ടെ ഉ​ല്‍പാ​ദ​ന​ത്തെ​ക്കു​റി​ച്ചു​ള്ള ചി​ന്ത​യു​ണ്ടാ​കു​ന്ന​ത്. അ​ങ്ങ​നെ​യാ​ണ് കോ​ഹി​നൂ​രി​ല്‍ കൊ​ക്കൂ​ണ്‍ എ​ക്കോ​ബാ​ഗ് എ​ന്ന് പേ​രി​ട്ടൊ​രു സം​രം​ഭം തു​ട​ങ്ങു​ന്ന​ത്. മ​നം​ക​വ​രു​ന്ന ചി​ത്ര​ങ്ങ​ളു​ള്ള തു​ണി​സ​ഞ്ചി​ക​ള്‍ ഉ​ണ്ടാ​ക്കി​യാ​ല്‍ അ​വ വി​റ്റു​പോ​കു​മെ​ന്ന തോ​ന്ന​ല്‍ വെ​റു​തെ​യാ​യി​ല്ല. പ​ത്ത് വ​ര്‍ഷം മു​മ്പ് ചി​ത്ര​കാ​ര​നാ​യ തോ​ലി​ല്‍ സു​രേ​ഷി​നൊ​പ്പം തു​ട​ങ്ങി​യ സം​രം​ഭ​ത്തി​ന് കു​ടും​ബ​ശ്രീ​യു​ടെ പി​ന്തു​ണ​കൂ​ടി ല​ഭി​ച്ച​തോ​ടെ സം​ഗ​തി വി​ജ​യ​ക​ര​മാ​യി.

30 കു​ടും​ബ​ശ്രീ അം​ഗ​ങ്ങ​ള്‍ക്ക് വ​രു​മാ​ന​ത്തി​നു​ള്ള വ​ഴി​കാ​ട്ടി​കൂ​ടി​യാ​യി​രി​ക്കു​ക​യാ​ണ് സി​ന്ധു. ബാ​ഗു​ക​ളി​ൽ ആ​ക​ര്‍ഷ​ക​മാ​യ ചി​ത്ര​ങ്ങ​ള്‍ വ​ര​ച്ചു ന​ല്‍കു​ന്ന ചി​ത്ര​ക​ലാ വി​ദ്യാ​ർ​ഥി​ക​ള്‍ക്കും നി​ശ്ചി​ത തു​ക ന​ല്‍കു​ന്നു​ണ്ട്. ഓ​ട്ടി​സ​വും സെ​റി​ബ്ര​ല്‍ പാ​ള്‍സി​യും ബാ​ധി​ച്ച കു​ട്ടി​ക​ള്‍ക്ക് സാ​മ്പ​ത്തി​ക സ​ഹാ​യ​വും ന​ല്‍കാ​നാ​യി.

പി​ന്നീ​ട് തു​ണി സ​ഞ്ചി​യി​ല്‍ നി​ന്ന് മാ​റി കോ​ള​ജ് വി​ദ്യാ​ർ​ഥി​ക​ള്‍ ഉ​ള്‍പ്പെ​ടെ​യു​ള്ള​വ​ര്‍ ഉ​പ​യോ​ഗി​ക്കു​ന്ന ടോ​ട്ട് ബാ​ഗു​ക​ൾ ഉ​ല്‍പാ​ദി​പ്പി​ക്കു​ന്ന​തി​ലെ​ത്തി​യ​തോ​ടെ മി​ക​ച്ച വ​രു​മാ​നം നേ​ടു​ന്ന സം​രം​ഭ​ക​യാ​യി​രി​ക്കു​ക​യാ​ണ് സി​ന്ധു. ട്രെ​ന്‍ഡി​ന് അ​നു​സ​രി​ച്ച് ഉ​ല്‍പാ​ദ​ന​വും വി​പ​ണ​ന രീ​തി​യും മാ​റ്റി​യ​താ​ണ് വി​ജ​യ​ത്തി​ന​ടി​സ്ഥാ​നം. കോ​വി​ഡ് പ്ര​തി​സ​ന്ധി​യി​ല്‍ പി​ടി​ച്ചു​നി​ന്നാ​ണ് സി​ന്ധു​വി​ന്റെ​യും സു​രേ​ഷി​ന്റെ​യും വി​ജ​യ​ഗാ​ഥ. വാ​ട്ട്‌​സ് ആ​പ് ഗ്രൂ​പ്പു​ക​ളി​ലൂ​ടെ​യും ഓ​ണ്‍ലൈ​നാ​യും വി​ല്‍പ​ന​യു​ണ്ട്.

2022ല്‍ ​മി​ക​ച്ച യു​വ​സം​രം​ഭ​ക​ക്കു​ള്ള പ്ര​ധാ​ന​മ​ന്ത്രി യു​വ യോ​ജ​ന അ​വാ​ര്‍ഡ് നേ​ടി​യ സി​ന്ധു​വി​നെ വ്യ​വ​സാ​യ വ​കു​പ്പും തേ​ഞ്ഞി​പ്പ​ലം പ​ഞ്ചാ​യ​ത്തും ആ​ദ​രി​ച്ചി​ട്ടു​ണ്ട്. സ​ര്‍വ​ക​ലാ​ശാ​ല എ​ൻ​ജി​നീ​യ​റി​ങ് വി​ഭാ​ഗ​ത്തി​ല്‍ ആ​റ് വ​ര്‍ഷം ജോ​ലി ചെ​യ്ത സം​രം​ഭം 2017ലാ​ണ് കു​ടും​ബ​ശ്രീ​യു​ടെ ഭാ​ഗ​മാ​യ​ത്. താ​നൂ​ര്‍ മൂ​ല​ക്ക​ല്‍ സ്വ​ദേ​ശി​യാ​യ സി​ന്ധു കോ​ഹി​നൂ​രി​ലാ​ണ് താ​മ​സം.