കാ​യി​ക അ​ധ്യാ​പ​ന രം​ഗ​ത്ത് ‘ഷൈ​ൻ’ ചെ​യ്ത്​ ഷൈ​നി

കാ​യി​ക അ​ധ്യാ​പ​ന രം​ഗ​ത്ത് വ്യ​ത്യ​സ്ത​യാ​യി മാ​റു​ക​യാ​ണ് ഷൈ​നി​മോ​ൾ അ​ഗ​സ്റ്റി​ൻ (49). ക​ഴി​ഞ്ഞ 29 വ​ർ​ഷ​മാ​യി ഈ​സ്റ്റ്​ വാ​ഴ​പ്പി​ള്ളി അ​സീ​സി ബ​ധി​ര വി​ദ്യാ​ല​യ​ത്തി​ൽ കാ​യി​ക അ​ധ്യാ​പി​ക​യാ​യ ഷൈ​നി​മോ​ൾ ന​ഴ്സ​റി മു​ത​ൽ 10 വ​രെ ക്ലാ​സു​ക​ളി​ലെ ശാ​രീ​രി​ക വൈ​ക​ല്യ​മു​ള്ള വി​ദ്യാ​ർ​ഥി​ക​ൾ​ക്ക് കാ​യി​ക പ​രി​ശീ​ല​നം ന​ൽ​കി വ​രു​ന്നു.

വൈ​ക​ല്യ​ങ്ങ​ളെ​ക്കാ​ൾ കൂ​ടു​ത​ൽ മി​ക​വ് നേ​ടാ​ൻ ക​ഴി​വു​ള്ള ഒ​രു പ​റ്റം കു​ട്ടി​ക​ളെ സ്വ​പ്ര​യ​ത്നം കൊ​ണ്ട് രാ​ജ്യ​ശ്ര​ദ്ധ നേ​ടു​ന്ന കു​ട്ടി​ക​ളാ​ക്കി മാ​റ്റു​ക​യാ​ണ് ഈ ​അ​ധ്യാ​പി​ക. അ​സീ​സി ബ​ധി​ര വി​ദ്യാ​ല​യ​ത്തി​ലെ വി​ദ്യാ​ർ​ഥി​ക​ളെ സ്പെ​ഷ​ൽ സ്കൂ​ൾ കാ​യി​ക​മേ​ള​യി​ൽ ജി​ല്ല-​സം​സ്ഥാ​ന ത​ല​ത്തി​ൽ എ​ല്ലാ വ​ർ​ഷ​വും ഉ​ന്ന​ത വി​ജ​യ​ത്തി​ൽ എ​ത്തി​ക്കു​ന്ന​തി​നു പു​റ​മെ കേ​ര​ള​ത്തെ പ്ര​തി​നി​ധാ​നം ചെ​യ്ത്​ തു​ട​ർ​ച്ച​യാ​യി ദേ​ശീ​യ ത​ല​ത്തി​ൽ സ്കൂ​ളി​ന് സ്വ​ർ​ണ മെ​ഡ​ൽ നേ​ടാ​നും ഇ​വ​രു​ടെ പ്ര​യ​ത്നം വ​ഴി​യൊ​രു​ക്കു​ന്നു​ണ്ട്.

മറ്റു കു​ട്ടി​ക​ളെ​ക്കാ​ൾ ശാ​രീ​രി​ക വൈ​ക​ല്യ​മു​ള്ളവർക്ക് പ​രി​ശീ​ല​നം ന​ൽ​കു​ന്നത് വലിയ വെ​ല്ലു​വി​ളി​യാണ്. ഒ​രു മ​ത്സ​രം തു​ട​ങ്ങു​മ്പോ​ഴും അ​വ​സാ​നി​ക്കു​മ്പോ​ഴും അ​തി​നാ​വ​ശ്യ​മാ​യ നി​ർ​ദേ​ശ​ങ്ങ​ൾ ല​ഭി​ക്ക​ത്ത​ക്ക അ​ട​യാ​ള​ങ്ങ​ൾ കു​ട്ടി​ക​ൾ​ക്ക് പ്ര​ത്യേ​ക പ​രി​ശീ​ല​ന​ത്തി​ലൂ​ടെ ന​ൽ​ക​ണം. അ​ത്​​ല​റ്റി​ക്സി​ൽ പ​രി​ശീ​ല​നം ന​ൽ​കു​മ്പോ​ൾ ആം​ഗ്യ​ഭാ​ഷ​യി​ലൂ​ടെ​യും ലി​പ് റീ​ഡി​ങ്ങി​ലൂ​ടെ​യു​മാ​ണ് കു​ട്ടി​ക​ളു​മാ​യി ആ​ശ​യ​വി​നി​മ​യം ന​ട​ത്തു​ന്ന​ത്.

ഫെ​ബ്രു​വ​രി​യി​ൽ മ​ധ്യ​പ്ര​ദേ​ശി​ലെ ഇ​ൻ​ഡോ​റി​ൽ ന​ട​ന്ന ദേ​ശീ​യ ബ​ധി​ര കാ​യി​ക മേ​ള​യി​ൽ സ്കൂ​ളി​ലെ നാ​ല് കു​ട്ടി​ക​ൾ സ്വ​ർ​ണം, വെ​ള്ളി മെ​ഡ​ലു​ക​ൾ നേ​ടി​യി​രു​ന്നു. 1993ലാ​ണ്​ ഷൈ​നി ജോ​ലി​യി​ൽ പ്ര​വേ​ശി​ക്കു​ന്ന​ത്. ഭ​ർ​ത്താ​വ് ഷാ​ജി വ​ർ​ഗീ​സ് വാ​ഴ​ക്കു​ളം ഇ​ൻ​ഫ​ന്‍റ്​ ജീ​സ​സ് പ​ബ്ലി​ക് സ്കൂ​ൾ ഹെ​ഡ്മാ​സ്റ്റ​റാ​ണ്. മ​ക്ക​ളാ​യ ജി​ത്തു, അ​ച്ചു, റി​ച്ചു എ​ന്നി​വ​ർ വി​ദ്യാ​ർ​ഥി​ക​ളാ​ണ്.