64ാം വയസ്സിൽ അരങ്ങേറ്റത്തിനൊരുങ്ങി​ സുലേഖ

വൈ​ക്കം: പ്രാ​യം ആ​ഗ്ര​ഹ​ങ്ങ​ള്‍ക്കും അ​ഭി​രു​ചി​ക​ള്‍ക്കും ത​ട​സ്സ​മ​ല്ലെ​ന്ന് തെ​ളി​യി​ച്ച്​ 64ാം വ​യ​സ്സി​ൽ നൃ​ത്ത​ച്ചു​വ​ടു​ക​ൾ വെ​ച്ച്​ അ​ര​ങ്ങേ​റ്റ​ത്തി​നൊ​രു​ങ്ങു​ക​യാ​ണ്​ സു​ലേ​ഖ. ഞാ​യ​റാ​ഴ്ച രാ​​ത്രി ഒ​മ്പ​തി​ന്​ വൈ​ക്ക​ത്ത​ഷ്ട​മി​യു​ടെ ക​ലാ​വേ​ദി​യി​ലാ​ണ്​ അ​ര​ങ്ങേ​റ്റം. കേ​ര​ള ഹൈ​കോ​ട​തി​യി​ല്‍ ഉ​ദ്യോ​ഗ​സ്ഥ​യാ​യി​രു​ന്ന സു​ലേ​ഖ കൗ​തു​ക​ത്തി​നാ​ണ് നൃ​ത്താ​ധ്യാ​പി​ക​യാ​യ ഗ്രേ​സി ശെ​ല്‍വ​രാ​ജി​ന്റെ ശി​ക്ഷ​ണ​ത്തി​ല്‍ പ​ഠ​നം തു​ട​ങ്ങി​യ​ത്.

നൃ​ത്ത​ത്തോ​ടു​ള്ള അ​ഭി​നി​വേ​ശ​വും ഓ​ഷോ​യു​ടെ ധ്യാ​ന​പ​രി​ശീ​ല​ന ക്യാ​മ്പു​ക​ളി​ല്‍ പ​ങ്കെ​ടു​ത്ത് നൃ​ത്തം ചെ​യ്ത അ​നു​ഭ​വ​സ​മ്പ​ത്തു​മാ​ണ് സു​ലേ​ഖ​യെ ഈ ​രം​ഗ​ത്തേ​ക്കു ന​യി​ച്ച​ത്. സ്വാ​ത​ന്ത്ര്യ​സ​മ​ര സേ​നാ​നി​ക​ളും ക​മ്യൂ​ണി​സ്റ്റു​കാ​രു​മാ​യി​രു​ന്ന കൂ​ത്താ​ട്ടു​കു​ളം മേ​രി​യു​ടെ​യും സി.​എ​സ്. ജോ​ര്‍ജി​ന്റെ​യും നാ​ലു​മ​ക്ക​ളി​ല്‍ ഇ​ള​യ​വ​ളാ​ണ് സു​ലേ​ഖ. മു​ന്‍ മ​ന്ത്രി ബി​നോ​യ് വി​ശ്വ​ത്തി​ന്റെ ഭാ​ര്യ ഷൈ​ല, കേ​ര​ള ഹൈ​കോ​ട​തി റി​ട്ട. ജ​ഡ്ജി ജ​സ്റ്റി​സ് കെ. ​ബാ​ല​കൃ​ഷ്ണ​ന്‍ നാ​യ​രു​ടെ ഭാ​ര്യ ഗി​രി​ജ, ടെ​ക്‌​സ്റ്റൈ​ല്‍സ് കോ​ര്‍പ​റേ​ഷ​ന്‍ മു​ൻ എം.​ഡി എ.​വി. രാ​ജ​ന്റെ ഭാ​ര്യ ഐ​ഷ എ​ന്നി​വ​ർ സ​ഹോ​ദ​രി​മാ​രാ​ണ്. മ​ല​യാ​ള​ത്തി​ലും ഇം​ഗ്ലീ​ഷി​ലും ക​ഥ​യും നോ​വ​ലും എ​ഴു​തു​ന്ന സു​ലേ​ഖ 'ബ്ര​സ്റ്റ് മി​ല്‍ക്ക്' എ​ന്ന ഇം​ഗ്ലീ​ഷ് നോ​വ​ല്‍ പ്ര​സി​ദ്ധീ​ക​രി​ച്ചി​ട്ടു​ണ്ട്. ചി​ത്ര​കാ​ര​നും എ​ഴു​ത്തു​കാ​ര​നു​മാ​യ സ്വാ​മി ശൂ​ന്യ​മാ​ണ് ഭ​ര്‍ത്താ​വ്. ഏ​ക മ​ക​ന്‍ അ​ന​ന്ത് സിം​ഗ​പ്പൂ​രി​ല്‍ സോ​ഫ്​​റ്റ്​ വെ​യ​ര്‍ രം​ഗ​ത്ത് പ്ര​വ​ര്‍ത്തി​ക്കു​ന്നു. മ​രു​മ​ക​ള്‍ നീ​തു ഡോ​ട്ട് ആ​ര്‍ട്ടി​സ്റ്റാ​ണ്.