പോളിയോ തോറ്റു, പിന്നല്ലേ ഇരുമ്പ്

ചെ​റു​പ്പ​ത്തി​ൽ പോ​ളി​യോ ബാ​ധി​ച്ച് ശ​രീ​രം ത​ള​ർ​ന്ന​പ്പോ​ൾ ഇ​നി​യെ​ന്ത് ജീ​വി​ത​മെ​ന്ന് എ​ല്ലാ​വ​രും വി​ധി​യെ​ഴു​തി. മു​ട​ന്തി​യ കാ​ലു​മാ​യി മു​ന്നോ​ട്ട് നീ​ങ്ങി പോ​ളി​യോ​യെ​യും ഇ​രു​മ്പി​നെ​യും തോ​ൽ​പി​ച്ചാ​ണ് ജാ​ന​കി ക​ണ്ടു നി​ന്ന​വ​രു​ടെ ക​ണ​ക്കു​കൂ​ട്ട​ലു​ക​ൾ തെ​റ്റി​ച്ച​ത്. ക​ളി​പ്പാ​ട്ട​മി​ല്ലാ​തെ കൊ​ല്ല​പ്പ​ണി​ശാ​ല​യി​ൽ വ​ള​ർ​ന്ന​തി​നാ​ലാ​വും ഈ ​പെ​ൺ​ക​രു​ത്തി​നു മു​ന്നി​ൽ ഇ​രു​മ്പും വ​ഴ​ങ്ങി​യ​ത്.

ജീ​വി​ത സാ​യാ​ഹ്ന​ത്തി​ലും എ​രി​യു​ന്ന ക​ന​ലി​ൽ ഇ​രു​മ്പി​നെ പ്ര​ണ​യി​ച്ച് പ​ണി​യാ​യു​ധ​ങ്ങ​ൾ​ക്ക് ജ​ന്മം ന​ൽ​കു​ക​യാ​ണ് ഏ​രു​വേ​ശി ചെ​ളിം​പ​റ​മ്പി​ലെ ജാ​ന​കി എ​ന്ന 88കാ​രി. അ​വ​ശ​ത​യേ​റെ​യു​ണ്ടെ​ങ്കി​ലും അ​വ​യൊ​ന്നും വ​ക​വെ​ക്കു​ന്നി​ല്ല. ഇ​പ്പോ​ഴും ആ​യു​ധ​ങ്ങ​ൾ മി​നു​ക്കാ​നും പു​തി​യ​വ പ​ണി​യാ​നു​മു​ള്ള ഇ​വ​രു​ടെ ക​ഴി​വും ആ​വേ​ശ​വും വേ​റെ ത​ന്നെ​യാ​ണ്. പ​ത്താം വ​യ​സ്സി​ലാ​ണ് കൊ​ല്ല​പ്പ​ണി തു​ട​ങ്ങി​യ​ത്.

പോ​ളി​യോ ബാ​ധി​ച്ച് കാ​ലു​ക​ൾ​ക്ക് സ്വാ​ധീ​ന​ക്കു​റ​വു​ണ്ടാ​യ​തി​നാ​ൽ നാ​ലു മ​ക്ക​ളി​ൽ ഇ​ള​യ​വ​ളാ​യ ജാ​ന​കി​യെ ശ​ങ്ക​ര​ൻ -പാ​റു ദ​മ്പ​തി​മാ​ർ കൊ​ല്ല​പ്പ​ണി​ശാ​ല​യി​ലേ​ക്ക് കൂ​ട്ടു​ക​യാ​യി​രു​ന്നു. തീ​യും ചു​ട്ടു​പ​ഴു​ത്ത ഇ​രു​മ്പും ക​ണ്ട് മ​ന​സ്സിൽ ധൈ​ര്യം ക​യ​റി. ക്ര​മേ​ണ ഇ​രു​മ്പ് പ​ണി​യും പ​ഠി​ച്ചു.

ആ​രോ​ഗ്യ പ്ര​ശ്ന​മു​ള്ള​തി​നാ​ലും പ്രാ​യ​മെ​ത്താ​ത്ത​തി​നാ​ലും മാ​താ​പി​താ​ക്ക​ൾ നി​രു​ത്സാ​ഹ​പ്പെ​ടു​ത്തി​യെ​ങ്കി​ലും പ​ണി​യി​ൽ സ​ഹാ​യി​യാ​യി തു​ട​ർ​ന്നു. അ​ത് ജാ​ന​കി​യെ അ​ച്ച​ട​ക്ക​മു​ള്ള കൊ​ല്ല​പ്പ​ണി​ക്കാ​രി​യാ​ക്കി. ക​ത്തി​ക്കു പു​റ​മെ ക​ല​പ്പ​യും ഞേ​ങ്ങോ​ലും (നി​ല മു​ഴു​ന്ന​തി​നു​ള്ള ഉ​പ​ക​ര​ണം) ഉ​ൾ​പ്പെ​ടെ അ​ന്ന് നി​ർ​മി​ച്ചി​ട്ടു​ണ്ട്.

എ​റ​ണാ​കു​ളം മു​ളന്തുരു​ത്തി​യി​ലാ​ണ് ജ​നി​ച്ച​തെ​ങ്കി​ലും വി​വാ​ഹ​ശേ​ഷം ജാ​ന​കി ഏ​രൂ​വേ​ശി​യി​ലെ​ത്തി. നാ​ല് മ​ക്ക​ൾ പി​റ​ന്ന ശേ​ഷം അ​ധി​ക​നാ​ൾ ക​ഴി​യും മു​മ്പേ ഭ​ർ​ത്താ​വ് കു​ടും​ബ​ത്തി​ൽ നി​ന്ന​ക​ന്നു. ജീ​വി​ത ദു​രി​ത​ക്ക​യ​ത്തി​ൽ നി​ന്ന് ക​ര​ക​യ​റാ​നും മ​ക്ക​ളെ പോ​റ്റാ​നും ജാ​ന​കി പ​ഠി​ച്ച പ​ണി പ​രീ​ക്ഷി​ക്കാ​നി​റ​ങ്ങു​ക​യാ​യി​രു​ന്നു.

വീ​ടി​നോ​ട് ചേ​ർ​ന്ന് നി​ർ​മി​ച്ച ആ​ല​യി​ൽ ഈ ​പെ​ൺ​ക​രു​ത്തി​ൽ ആ​യു​ധ​ങ്ങ​ൾ ജ​ന്മം കൊ​ണ്ടു. മൂ​ർ​ച്ച കൂ​ട്ടി ആ​യു​ധ​ങ്ങ​ൾ തി​ള​ങ്ങി​യ​പ്പോ​ൾ ആ​വ​ശ്യ​ക്കാ​ർ തേ​ടി​യെ​ത്തി. ക​റി​ക്ക​ത്തി, മ​ൺ​വെ​ട്ടി, വാ​ക്ക​ത്തി, പി​ച്ചാ​ത്തി ... തു​ട​ങ്ങി അ​രി​വാ​ൾ വ​രെ ജാ​ന​കി​യു​ടെ കൈ​ക​ളി​ൽ പി​റ​വി​യെ​ടു​ത്ത​തോ​ടെ ഡി​മാ​ന്റും ഏ​റി.

മൂ​ന്ന് പെ​ൺ​മ​ക്ക​ളെ വി​വാ​ഹം ചെ​യ്ത​യ​ച്ചു. വിഡി​യോ​ഗ്രാ​ഫ​ർ കൂ​ടി​യാ​യ മ​ക​ൻ ഷാ​ജു​വും ഭാ​ര്യ സി​നി​യും മാ​താ​വി​ന് സ​ഹാ​യ​മേ​കാ​നു​ണ്ട്. ഇ​വ​രു​ടെ മ​ക്ക​ളാ​യ ന​ന്ദ​ന​യും ന​യ​ൻ ദേ​വും ക്ലാ​സി​ല്ലാ​ത്ത ദി​ന​ങ്ങ​ളി​ൽ മു​ത്ത​ശ്ശി​ക്കൊ​പ്പ​മു​ണ്ട്. പ്രാ​യ​ത്തി​ന്റെ അ​വ​ശ​ത​യി​ൽ പ​ഴ​യ​തു​പോ​ലെ ക​ണ്ണും കൈ​യും വ​ഴ​ങ്ങു​ന്നി​ല്ലെ​ങ്കി​ലും ക​ന​ലി​ൽ ഇ​രു​മ്പി​നെ ജാ​ന​കി വ​ഴി​ക്കു വ​രു​ത്തും.