കാരുണ്യത്തിന്‍റെ സ്​നേഹ സ്​പർശമായി ഫാത്തിമ ഹജ്ജുമ്മ

മാ​തൃ​ത്വ​മെ​ന്ന മ​ഹ​നീ​യ വാ​ക്കിന്‍റെ അ​ർ​ഥം മ​റ​ന്ന് പ്ര​വ​ർ​ത്തി​ക്കു​ന്ന അ​മ്മ​മാ​ർ വ​ർ​ധി​ക്കു​മ്പോ​ൾ മാ​തൃ​സ്നേ​ഹം ചൊ​രി​യാ​ൻ സ്വ​ന്തം ഉ​ദ​ര​ത്തി​ൽ ജ​നി​ക്കേ​ണ്ട​തി​ല്ല; മ​റി​ച്ച് ക​ർ​മം മാ​ത്രം മ​തി​യെ​ന്ന്​ തെ​ളി​ക്കു​ക​യാ​ണ്​ 87കാ​രി​യാ​യ ഫാ​ത്തി​മ ഹ​ജ്ജു​മ്മ. രോ​ഗം മാ​റി​യി​ട്ടും സ​മൂ​ഹ​ത്തിന്‍റെ വി​ല​ക്കു​മാ​റാ​തെ ചേ​വാ​യൂ​ർ ത്വ​ക്​​രോ​ഗാ​ശു​പ​ത്രി​യി​ൽ ക​ഴി​യു​ന്ന നൂ​റോ​ളം പേ​രെ​ ഇ​വ​ർ സ്വ​ന്തം മ​ക്ക​ളെ​പ്പോ​ലെ ജീ​വി​ത​ സാ​യാ​ഹ്ന​ത്തി​ലും പ​രി​ച​രി​ക്കു​ന്നു​. 

ക​ല്ലാ​യി​പ്പു​ഴ​യോ​ര​ത്ത് നെ​ല്ലി​ക്കാ​വ് പ​റ​മ്പി​ൽ ഒ​റ്റ​മു​റി വീ​ട്ടി​ൽ താ​മ​സി​ക്കു​ന്ന ഇ​വ​ർ അ​ര​നൂ​റ്റാ​ണ്ടോ​ള​മാ​യി ത്വ​ക്​​രോ​ഗാ​ശു​പ​ത്രി അ​ന്തേ​വാ​സി​ക​ളു​ടെ പോ​റ്റു​മ്മ​യാ​ണ്. സ്വ​ന്ത​മാ​യി ഒ​ന്നും ചെ​യ്യാ​ൻ ശേ​ഷി​യി​ല്ലാ​ത്ത​വ​രെ കു​ളി​പ്പി​ക്കു​ക, വ്ര​ണ​ങ്ങ​ൾ ക​ഴു​കി ​വൃ​ത്തി​യാ​ക്കു​ക, മു​റി​വു​വെ​ച്ചു​കെ​ട്ടു​ക അ​ന്തേ​വാ​സി​ക​ളാ​രെ​ങ്കി​ലും മ​രി​ച്ചാ​ൽ കു​ളി​പ്പി​ക്കു​ക തു​ട​ങ്ങി​യ കാ​ര്യ​ങ്ങ​ളെ​ല്ലാം ഫാ​ത്തി​മ ഏ​റ്റെ​ടു​ക്കും. അ​തു​കൊ​ണ്ട്​ ത​ന്നെ ഇ​വ​രു​ടെ വ​ര​വി​നാ​യി കാ​ത്തി​രി​ക്കു​ന്ന​വ​രാ​ണ്​ ഏ​റെ​​പ്പേ​രും. 

ഫാ​ത്തി​മ എ​ത്തി​യാ​ൽ വി​ശേ​ഷം പ​റ​ഞ്ഞും പ​രി​ച​രി​ച്ചും ഏ​റെ​നേ​രം ചെ​ല​വ​ഴി​ക്കും. മു​മ്പ് എ​ല്ലാ ദി​വ​സ​വും ആ​ശു​പ​ത്രി​യി​ൽ രോ​ഗി​ക​ളെ ശു​ശ്രൂ​ഷ​ക്കെ​ത്തി​യി​രു​ന്നെ​ങ്കി​ലും ഇ​പ്പോ​ൾ വാ​ർ​ധ​ക്യ​സ​ഹ​ജ​മാ​യ ചി​ല ബു​ദ്ധി​മു​ട്ടു​ക​ൾ അ​ല​ട്ടു​ന്നു. എ​ങ്കി​ലും അ​ന്തേ​വാ​സി​ക​ൾ​ക്കാ​യി സു​മ​ന​സ്സു​ക​ൾ ന​ൽ​കു​ന്ന വ​സ്ത്ര​വ​ും ഭ​ക്ഷ്യ​ധാ​ന്യ​ങ്ങ​ളും മ​റ്റു​മാ​യി ക​ഴി​ഞ്ഞ​ദി​വ​സ​വും ആ​ശു​പ​ത്രി​യി​ലെ​ത്തി.  

പ​തി​റ്റാ​ണ്ടു​ക​ൾ​ക്കു​ മു​മ്പ് കു​ഷ്ഠ​രോ​ഗി​യാ​യി​രു​ന്ന ഭ​ർ​തൃ​സ​ഹോ​ദ​രി​യെ കാ​ണാ​ൻ ആ​ശു​പ​ത്രി​യി​ലെ​ത്തി​യ​പ്പോ​ഴാ​ണ് ഫാ​ത്തി​മ ഹ​ജ്ജു​മ്മ​യു​ടെ ജീ​വി​ത​നി​യോ​ഗം മാ​റ്റി​മ​റി​ച്ച സം​ഭ​വ​മു​ണ്ടാ​യ​ത്. അ​ന്ന് ആ​ശു​പ​ത്രി​യി​ൽ മ​രി​ച്ച സ്ത്രീ​യെ കു​ളി​പ്പി​ക്കാ​ൻ ആ​രു​മി​ല്ലാ​യി​രു​ന്നു. ര​ണ്ടു കു​ട്ടി​ക​ളെ ഏ​ൽ​പി​ച്ച് അ​ധി​കൃ​ത​ർ കൈ​യൊ​ഴി​ഞ്ഞു. നി​സ്സ​ഹാ​യ​രാ​യി ക​ര​യു​ന്ന ആ ​കു​ട്ടി​ക​ളോ​ട് മാ​റി​നി​ൽ​ക്കാ​ൻ പ​റ​ഞ്ഞ ഫാ​ത്തി​മ, ഒ​ട്ടും മ​ടി​യി​ല്ലാ​തെ ആ ​ക​ർ​മം ഏ​റ്റെ​ടു​ത്തു. സേ​വ​ന​ത്തി​ന് പ​ണം വെ​ച്ച്​ നീ​ട്ടി​യ​വ​രോ​ട്​  നി​ങ്ങ​ളു​ടെ പൈ​സ വാ​ങ്ങി സേ​വ​നം ചെ​യ്യു​ന്ന​യാ​ള​ല്ല ഞാ​ൻ എ​ന്നാ​യി​രു​ന്നു ഫാ​ത്തി​മ​യു​ടെ മ​റു​പ​ടി. 

കൊ​ണ്ടോ​ട്ടി മൊ​റ​യൂ​ർ സ്വ​ദേ​ശി​യാ​യ​ ഫാ​ത്തി​മ​യെ കോ​ഴി​ക്കോ​ട് പു​ഴ​വ​ക്ക​ത്ത് കു​ഞ്ഞി​മൊ​യ്തീ​നാ​ണ് വി​വാ​ഹം ചെ​യ്ത് ഇ​ങ്ങോ​ട്ടു​കൊ​ണ്ടു​വ​ന്ന​ത്. ആ​ലി​ക്കോ​യ, ഹം​സ​ക്കോ​യ എ​ന്നീ മ​ക്ക​ളു​ണ്ട്. പ്രാ​യം ചെ​ന്ന കു​റെ മ​ക്ക​ൾ ചേ​വാ​യൂ​രി​ലെ ആ​ശു​പ​ത്രി​യി​ലു​മു​ണ്ടെ​ന്ന്​ ഫാ​ത്തി​മ പ​റ​യു​ന്നു. 

ഡോ. ​പി.​കെ. അ​ബ്​​ദു​ൽ ഗ​ഫൂ​ര്‍ കാ​രു​ണ്യ പ്ര​തി​ഭ പു​ര​സ്‌​കാ​രം, ‘തന്‍റേ​ടം’ ജെ​ന്‍ഡ​ര്‍ ഫെ​സ്​​റ്റി​ല്‍ മ​ഹി​ള തി​ല​കം, സാ​മൂ​ഹി​ക നീ​തി​വ​കു​പ്പ്​ ജ​ന​സ​ഭ​യു​ടെ ഭാ​ഗ​മാ​യു​ള്ള ആ​ദ​രം, ജ​മാ​അ​ത്തെ ഇ​സ്‌​ലാ​മി വ​നി​താ​ദി​ന സ്‌​നേ​ഹോ​പ​ഹാ​രം തു​ട​ങ്ങി ഇ​വ​രു​ടെ ജീ​വി​ത​ന​ന്മ​യെ തേ​ടി​യെ​ത്തി​യ അം​ഗീ​കാ​ര​ങ്ങ​ൾ നി​ര​വ​ധി. ആ​ശു​പ​ത്രി​യി​ലു​ള്ള​വ​രെ സ​ഹാ​യി​ക്കാ​ൻ താ​ൽ​പ​ര്യ​മു​ള്ള​വ​ർ​ക്ക് ഫാ​ത്തി​മ ഹ​ജ്ജു​മ്മ, നെ​ല്ലി​ക്കാ​വ്പ​റ​മ്പ്, ലൈ​ന്‍മു​റി, പ​വി​ത്ര ഇ​ന്‍ഡ​സ്ട്രീ​സി​ന് പി​ന്‍വ​ശം, ക​ല്ലാ​യ്-673003 എ​ന്ന വി​ലാ​സ​ത്തി​ലോ 9947304441 എ​ന്ന ന​മ്പ​റി​ലോ ബ​ന്ധ​പ്പെ​ടാം.