92ന്റെ നിറവിലും സ്നേഹക്കടലായി പാത്തുമ്മ ഹജ്ജുമ്മ

ന​രി​ക്കു​നി: മ​ക്ക​ളും മ​രു​മ​ക്ക​ളും ബ​ന്ധു​ക്ക​ളും പേ​ര​ക്കു​ട്ടി​ക​ളു​മ​ട​ക്കം 86 പേ​ർ​ക്ക് സ്നേ​ഹ​ക്ക​ട​ലാ​യി പാ​ത്തു​മ്മ ഹ​ജ്ജു​മ്മ. ഇ​വ​രു​ടെ പ​രി​ലാ​ള​നം ആ​വോ​ളം ആ​സ്വ​ദി​ക്കു​ക​യാ​ണ് ഉ​റ്റ​വ​രും ഉ​ട​യ​വ​രു​മാ​യ ബ​ന്ധു​ജ​ന​ങ്ങ​ൾ. നെ​ടി​യ​നാ​ട് നൂ​നി​ക്കു​ന്നു​മ്മ​ൽ കി​ഴ​ക്കേ​ക​ര പ​രേ​ത​നാ​യ ക​ല​ന്ത​ന്റെ ഭാ​ര്യ പാ​ത്തു​മ്മ ഹ​ജ്ജു​മ്മ​യാ​ണ് (92) മ​ക്ക​ള​ട​ക്കം നാ​ല് ത​ല​മു​റ​ക്ക് സാ​ന്ത്വ​ന​ത്തി​ന്റെ സ്നേ​ഹ​സ്പ​ർ​ശം തൂ​വു​ന്ന​ത്.

സ്നേ​ഹ​ത്തി​ന്റെ​യും സ​ഹ​ന​ത്തി​ന്റെ​യും പ്ര​തീ​ക​മാ​യ ഈ ​അ​മ്മ​മ​ന​സ്സി​ന്റെ പ്രീ​തി നേ​ടി​യ​വ​രി​ലേ​റെ​യും സ്വ​സ​മു​ദാ​യ​ത്തേ​ക്കാ​ളേ​റെ മ​റ്റ് സ​മു​ദാ​യ​ക്കാ​രാ​യി​രു​ന്നു. നൂ​നി​ക്കു​ന്നു​മ്മ​ൽ വീ​ട്ടു​മു​റ്റ​ത്തെ​ത്തു​ന്ന അ​തി​ഥി​ക​ൾ​ക്ക് ഒ​രി​ക്ക​ലും നി​രാ​ശ​രാ​വേ​ണ്ടി​വ​ന്നി​ട്ടി​ല്ല.

ആ​യി​ഷ, കു​ട്ടി ഹ​സ്സ​ൻ (മാ​പ്പി​ള​പ്പാ​ട്ട് ര​ച​യി​താ​വ് ഹ​സ്സ​ൻ നെ​ടി​യ​നാ​ട്), മ​റി​യോ​മ്മ, പ​രേ​ത​നാ​യ കോ​യ​ക്കു​ട്ടി, ആ​സ്യ എ​ന്നി​ങ്ങ​നെ അ​ഞ്ചു​മ​ക്ക​ളു​ടെ ഉ​മ്മ​യാ​ണ്. നാ​ലാ​മ​ത്തെ മ​ക​നാ​യ കോ​യ​ക്കു​ട്ടി മേ​ല​ടി എ.​എം.​എ​ൽ.​പി സ്കൂ​ൾ അ​ധ്യാ​പ​ക​നാ​യി​രി​ക്കെ മ​രി​ച്ചു. ആ ​മ​ര​ണം ഈ ​അ​മ്മ​മ​ന​സ്സി​നെ ഏ​റെ​ക്കാ​ലം വേ​ദ​നി​പ്പി​ച്ചു.

മ​ക​ന്റെ ഓ​ർ​മ​യു​മാ​യി നൂ​നി​ക്കു​ന്നു​മ്മ​ൽ വീ​ട്ടി​ൽ ക​ഴി​യു​ന്ന പാ​ത്തു​മ്മ ഹ​ജ്ജു​മ്മ​ക്ക് മ​ക്ക​ളു​ടെ ഭാ​ര്യ​മാ​രും പെ​ൺ​മ​ക്ക​ളു​ടെ ഭ​ർ​ത്താ​ക്ക​ന്മാ​രും ബ​ന്ധു​ക്ക​ളും പേ​ര​മ​ക്ക​ളും മ​രു​മ​ക്ക​ളു​മാ​യി 86 പേ​ർ​ക്ക് ക​രു​ത​ലും ക​രു​ത്തു​മാ​യി കൂ​ടെ​യു​ണ്ട്. മൂ​ത്ത​മ​ക​ളു​ടെ മ​ക്ക​ള​ട​ങ്ങു​ന്ന​താ​ണ് നാ​ലാം ത​ല​മു​റ​യി​ലെ​ത്തി​നി​ൽ​ക്കു​ന്ന​ത്.

സ്വ​ന്തം മ​ക്ക​ളെ എ​ങ്ങ​നെ വ​ള​ർ​ത്ത​ണ​മെ​ന്ന​റി​യാ​ത്ത​വ​രാ​ണ് ഇ​ന്ന​ത്തെ അ​മ്മ​മാ​രെ​ന്ന് ഈ ​അ​മ്മ സാ​ക്ഷ്യ​പ്പെ​ടു​ത്തു​ന്നു. പ​ഴ​യ​ത​ല​മു​റ​യി​ലെ അ​മ്മ​മാ​ർ മ​ക്ക​ളെ പ​ഠി​പ്പി​ക്കാ​നും വ​ള​ർ​ത്താ​നും ഏ​റെ ക​ഷ്ട​പ്പെ​ട്ടി​ട്ടു​ണ്ടെ​ന്ന് പാ​ത്തു​മ്മ ഹ​ജ്ജു​മ്മ പ​റ​യു​ന്നു.