പുതൂര്‍ പുരസ്കാരം ഡോ. എം. ലീലാവതിക്ക്

തൃശൂര്‍: ഉണ്ണികൃഷ്ണന്‍ പുതൂര്‍ സ്മാരക ട്രസ്റ്റിന്‍െറ 2016ലെ പുതൂര്‍ പുരസ്കാരത്തിന് ഡോ. എം. ലീലാവതി അര്‍ഹയായി. മലയാള നിരൂപണ-പഠന-ഗവേഷണ രംഗങ്ങളിലെ നിസ്തുല സംഭാവനകളെ അടിസ്ഥാനമാക്കിയാണ് പുരസ്കാരത്തിന് തെരഞ്ഞെടുത്തത്. ഡോ. പി.വി. കൃഷ്ണനായര്‍, ഡോ. എന്‍. അനില്‍കുമാര്‍, ഡോ. സി. നാരായണപിള്ള എന്നിവരടങ്ങിയ അവാര്‍ഡ് കമ്മിറ്റിയാണ് തെരഞ്ഞെടുത്തത്. ഉണ്ണികൃഷ്ണന്‍ പുതൂരിന്‍െറ രണ്ടാം ചരമവാര്‍ഷിക ദിനമായ ഏപ്രില്‍ രണ്ടിന് ഗുരുവായൂരില്‍ നടക്കുന്ന അനുസ്മരണ സമ്മേളനത്തില്‍ 11,111 രൂപയും ആര്‍ട്ടിസ്റ്റ് ജെ.ആര്‍. പ്രസാദ് രൂപകല്‍പന ചെയ്ത ശില്‍പയും പ്രശസ്തിപത്രവുമടങ്ങുന്ന പുരസ്കാരം സമ്മാനിക്കുമെന്ന് ട്രസ്റ്റ് ചെയര്‍മാന്‍ ഷാജു പുതൂര്‍ അറിയിച്ചു