കെ.പി. രാമനുണ്ണി മലയാള സര്‍വകലാശാല അഡ്ജങ്റ്റ് ഫാക്കല്‍റ്റി

തിരൂര്‍: മലയാള സര്‍വകലാശാല അഡ്ജങ്റ്റ് ഫാക്കല്‍റ്റിയായി പ്രമുഖ സാഹിത്യകാരന്‍ കെ.പി. രാമനുണ്ണിയെ നിയമിച്ചു. സവിശേഷ വിജ്ഞാന മണ്ഡലങ്ങളിലുള്ള പ്രഗല്‍ഭരുടെ സേവനം പ്രയോജനപ്പെടുത്താനുള്ള യു.ജി.സി നയത്തി‍​​െൻറയും ഉന്നതവിദ്യാഭ്യാസ വകുപ്പ്​ നിർദേശത്തി‍​​െൻറയും ഭാഗമായാണ് സര്‍വകലാശാലകളില്‍ അഡ്ജങ്റ്റ് ഫാക്കല്‍റ്റി നിയമനം.

കേരളത്തില്‍ സര്‍ഗാത്മക രചനക്ക്​ പ്രത്യേകം കോഴ്സുള്ള ഒരെയൊരു സര്‍വകലാശാലയായ മലയാള സര്‍വകലാശാലയില്‍ സാഹിത്യരചന വിഭാഗത്തിലെ അഡ്ജങ്റ്റ് ഫാക്കല്‍റ്റിയാണ് കെ.പി. രാമനുണ്ണി. സര്‍ഗാത്മകരചനയില്‍ അഡ്ജങ്റ്റ് ഫാക്കല്‍റ്റിയായി നിയമിക്കപ്പെടുന്ന ആദ്യത്തെ എഴുത്തുകാരന്‍ കൂടിയാണ് ഇദ്ദേഹം.