പി.കെ. പാറക്കടവിന്​ അബുദാബി മലയാളിസമാജം സാഹിത്യ അവാർഡ്​

കോഴിക്കോട്​: 2017 ലെ അബുദാബി മലയാളിസമാജം സാഹിത്യ അവാർഡ്​ സാഹിത്യകാരൻ പി.കെ പാറക്കടവിന്​. ‘ഇടിമിന്നലുകളുടെ പ്രണയം’ എന്ന നോവലിനാണ്​ അവാർഡ്​. 25,000 രൂപയും പ്രശസ്​തിപത്രവും ഫലകവും അടങ്ങുന്നതാണ്​ പുരസ്​കാരം​. 2018 ഫെബ്രുവരി അവസാനവാരം അബുദാബിയിൽ നടക്കുന്ന സാംസ്​കാരിക സമ്മേളനത്തിൽ ടി.പദ്​മനാഭൻ അവാർഡ്​ സമ്മാനിക്കും. 
ഫലസ്​തീ​​​െൻറ പശ്ചാത്തലത്തിൽ എഴുതപ്പെട്ട നോവൽ ‘ഇടിമിന്നലുകളുടെ പ്രണയം’ ചരിത്രവും മിത്തും രാഷ്​ട്രീയവും ഇടകലരുന്ന രചനയാണ്​. 

കേരള സാഹിത്യ അക്കാദമി നിർവാഹക സമിതി അംഗവും കേന്ദ്ര സാഹിത്യ അക്കാദമി അംഗവുമായിരുന്നു പാറക്കടവ്​. സമസ്​ത കേരള സാഹിത്യ പരിഷത്ത് നിർവാഹക സമിതി അംഗമായിരുന്നു.മാധ്യമം പീരിയോഡിക്കൽസ്​ എഡിറ്ററായും എഡിറ്റോറിയൽ റിലേഷൻസ്​ ഡയറക്ടറായും പ്രവർത്തിച്ചിട്ടുണ്ട്. കൽബുർഗിയടക്കമുള്ള എഴുത്തുകാർ വധിക്കപ്പെട്ടപ്പോൾ കേന്ദ്ര സർക്കാറി​​െൻറയും അക്കാദമിയുടെയും മൗനത്തിൽ പ്രതിഷേധിച്ച് കേന്ദ്ര സാഹിത്യ അക്കാദമി അംഗത്വം രാജിവെച്ചു.

വിവർത്തനങ്ങൾ ഉൾപ്പെടെ 40 ലേറെ പുസ്​തകങ്ങൾ രചിച്ചിട്ടുണ്ട്​. കഥകൾ ഇംഗ്ലീഷിലും ഹിന്ദിയിലും മറാഠിയിലും അറബിയിലും തമിഴിലും തെലുങ്കിലും വിവർത്തനം ചെയ്യപ്പെട്ടിട്ടുണ്ട്.  THROUGH THE MINI LOOKING GLASS എന്ന പേരിൽ കഥകളുടെ ഇംഗ്ലീഷ് പരിഭാഷ പുസ്​തകവും പ്രസിദ്ധീകരിച്ചിട്ടുണ്ട്. ‘മലയാളം മിനി കഥകൾ’ എന്ന പേരിൽ 195 കഥകൾ ഡോ. പാർവതി ഐത്താൾ വിവർത്തനം ചെയ്ത് കന്നടയിൽ പ്രസിദ്ധീകരിച്ചു.

എസ്​.കെ.പൊറ്റക്കാട് അവാർഡ്, ഫൊക്കാനോ അവാർഡ്്​, അബൂദബി അരങ്ങ് സാഹിത്യ അവാർഡ്്​, കേരള ഭാഷാ ഇൻസ്​റ്റിറ്റ്യൂട്ടി​​െൻറ 
2009ലെ വൈക്കം മുഹമ്മദ് ബഷീർ സ്​മാരക അവാർഡ്്​, കുട്ടമത്ത് അവാർഡ്്​, പ്രവാസി ബുക് ട്രസ്​റ്റ് അവാർഡ്, അയനം സി.വി. ശ്രീരാമൻ അവാർഡ്, ഹബീബ് വലപ്പാട്ട് അവാർഡ് തുടങ്ങിയ അവാർഡുകൾ നേടി.