രണ്ടാമൂഴം: മധ്യസ്​ഥ ചർച്ചക്കില്ലെന്ന്​ എം.ടി കോടതിയിൽ

കോഴിക്കോട്​: ഭീമനെ കേന്ദ്ര കഥാപാത്രമാക്കി എം.ടി രചിച്ച രണ്ടാമൂഴം നോവൽ സിനിമയാക്കുന്നതിൽ കാലതാമസം നേരിട്ടതിനാൽ തിരക്കഥ തിരികെ ലഭിക്കണമെന്നാവശ്യപ്പെട്ട്​ നൽകിയ കേസിൽ മധ്യസ്​ഥ ചർച്ചക്കില്ലെന്ന്​ എം.ടി. വാസുദേവൻ നായർ കോടതിയെ അറിയിച്ചു. അഭിഭാഷകൻ മുഖേനയാണ്​ എം.ടി ത​​​െൻറ നിലപാട്​ അറിയിച്ചത്​. കോഴിക്കോട്​ ഒന്നാം ക്ലാസ്​ അഡീഷണൽ മജിസ്​ട്രേറ്റ്​ കോടതിയിൽ കേസ്​ പരിഗണിച്ചപ്പോഴാണ്​ എം​.ടി നിലപാട് അറിയിച്ചത്​. കേസ്​ ഇൗ മാസം 13ലേക്ക്​ മാറ്റി​.

സിനിമയുടെ പ്രവർത്തനങ്ങൾ നടന്നുകൊണ്ടിരിക്കുകയാണെന്നും കേസ്​ പെ​െട്ടന്ന്​ കഴിയണമെന്ന്​ ആഗ്രഹിക്കുന്നതിനാൽ ചർച്ചക്കായി മധ്യസ്​ഥനെ വെക്കണമെന്നും ചിത്രത്തി​​​െൻറ സംവിധായകൻ ശ്രീകുമാർ മേനോൻ ആവശ്യപ്പെട്ടിരുന്നു. എന്നാൽ ചിത്രത്തിനു വേണ്ടി തിരിക്കഥ നൽകിയതല്ലാതെ ഒരു കാര്യവും മുന്നോട്ട്​ പോവാത്ത സാഹചര്യത്തിൽ മധ്യസ്​ഥ ചർച്ചയുടെ ആവശ്യമില്ലെന്ന നിലപാട്​ എം.ടി സ്വീകരിക്കുകയായിരുന്നു.

മൂന്ന്​ വർഷം കൊണ്ട്​ രണ്ടാമൂഴം സിനിമയാക്കുമെന്ന്​ കരാറുണ്ടാക്കിയെങ്കിലും നാല്​ വർഷമായിട്ടും കാര്യമായ പുരോഗതിയില്ലാതായതോടെയാണ്​ തിരക്കഥ തിരികെ ആവശ്യപ്പെട്ട്​ എംടി. വാസുദേവൻ നായർ കോടതിയെ സമീപി​ച്ചത്​. ഇതോടെ തിരിക്കഥ ഉപയോഗിക്കുന്നതിൽ നിന്ന്​ സംവിധായകൻ ശ്രീകുമാർ മേനോനെയും ചിത്രത്തി​​​െൻറ നിർമാണ കമ്പനിയായ എര്‍ത്ത് ആന്‍ഡ് എയര്‍ ഫിലിംസ് പ്രൈവറ്റ് ലിമിറ്റഡിനെയും കോടതി വിലക്കിയിരുന്നു.