അഭിനന്ദനെ കുറിച്ച്​ കവിതയുമായി സോഹൻ റോയ്​

പാകിസ്ഥാനിൽ അകപ്പെട്ട വ്യോമസേനാ വിങ്ങ് കമാന്‍ഡര്‍ അഭിനന്ദന്‍ വര്‍ദ്ധമാനെ കുറിച്ചുള്ള സംവിധായകനും ഏരീസ്​ ഗ്രൂപ്പ്​ മേധാവിയുമായ സോഹൻ റോയിയുടെ വരികൾ ശ്രദ്ദേയമാകുന്നു. പാകിസ്​താ​​െൻറ പിടിയലകപ്പെട്ടപ്പോൾ ആത്മവീര്യം കൈവിടാതെ നിന്ന അഭിനന്ദനെ കുറിച്ച് സോഹൻ റോയ് എഴുതിയ കവിത സോഷ്യൽ മീഡിയയിൽ വൈറലാണ്.

തുരത്തി വിട്ട ശത്രുവിൻ കരങ്ങളിൽ പെടുമ്പോഴും

തനിച്ച് പീഡനങ്ങളേറ്റ് രക്തമൂറിടുമ്പോഴും

തരിച്ചിടാതെ ധീരനായി തലയുയർത്തി നിന്നവൻ

തിരിച്ചു വന്നണഞ്ഞിടാൻ കൊതിച്ചിടുന്നു ഭാരതം

സോഹൻ റോയിയുടെ വരികൾ സംഗീത സംവിധായകൻ ബി ആർ ബിജുറാം ആണ് ആലപിച്ചിരിക്കുന്നത്. പുൽവാമ ഭീകരാക്രമണത്തിൽ 40 ജവാന്മാർ വീരമൃത്യു വരിച്ചപ്പോഴും സോഹൻ റോയി കവിത എഴുതിയിരുന്നു. സോഹൻ റോയി എഴുതിയ നൂറിലധികം കവിതകൾ ബിജുറാം ഈണം നൽകി ആലപിച്ചു കഴിഞ്ഞു.