ആ കാലത്തുമുണ്ടായിരുന്നു വാട്ടർ തീം പാർക്കുകൾ

അ​ന്ന്​ എ​ൽ.​കെ.​ജി​യും യു.​കെ.​ജി​യും അം​ഗ​ൻ​വാ​ടി​യു​മൊ​ന്നു​മി​ല്ല. നാ​െ​ട്ട​ഴു​ത്ത​ച്ഛ​ന്മാ​രാ​യി​രു​ന്നു അ​ക്ഷ​രം പ​ഠി​പ്പി​ച്ചി​രു​ന്ന​ത്. അ​വ​ർ വീ​ട്ടി​ൽ വ​രും, പ​ഠി​പ്പി​ക്കും. അ​തി​ലൊ​രാ​ൾ പീ​ടി​ക​യി​ൽ സാ​ധ​ന​ങ്ങ​ളെ​ടു​ത്തു​കൊ​ടു​ക്കു​ന്ന ജോ​ലി​ക്കാ​ര​നാ​യി​രു​ന്നു എ​ന്നു പ​റ​ഞ്ഞാ​ൽ അ​തി​ശ​യം തോ​ന്നു​മോ? അ​തെ, ആ​ദ്യ​ക്ഷ​രം ചൊ​ല്ലി​ത്ത​ന്ന അ​ച്യു​ത​വാ​ര്യ​ർ​ക്ക്​ പീ​ടി​ക​യി​ൽ പ​ണി​യാ​യി​രു​ന്നു. കു​റ​ച്ചു ദി​വ​സ​ങ്ങ​ൾ പ​ഠി​പ്പി​ച്ച​ശേ​ഷം അ​ച്യു​ത​വാ​ര്യ​ർ അ​ദ്ദേ​ഹ​ത്തി​െ​ൻ​റ സ്​​ഥി​രം​ജോ​ലി​ക്കു​ പോ​യി. തു​ട​ർ​ന്നു​ള്ള ബാ​ല്യ​കാ​ല​പ​ഠ​ന​മെ​ല്ലാം ശേ​ഖ​ര​ത്ത്​ ഗോ​പാ​ല​ൻ നാ​യ​ർ എ​ന്ന ഒ​രാ​ളി​ൽ​നി​ന്നാ​യി​രു​ന്നു. പ​ക്ഷേ, 51 അ​ക്ഷ​രം മാ​ത്രം പ​ഠി​ച്ചി​െ​ട്ട​ന്തു കാ​ര്യം?

വീ​ട്ടി​ൽ വ​രു​ന്ന പ​ത്ര​വാ​രി​ക​ക​ളാ​യി​രു​ന്നു മ​റ്റു ഗു​രു​ക്ക​ന്മാ​ർ. ച​രി​ത്ര​വും ഭൂ​മി​ശാ​സ്​​ത്ര​വു​മൊ​ക്കെ അ​ങ്ങ​നെ വാ​യി​ച്ചു മ​ന​സ്സി​ലാ​ക്കി. വേ​ദ​പ​ഠ​ന​കാ​ല​ത്ത്​ ഒ​രു കൂ​ട്ടു​കാ​ര​നെ കി​ട്ടി ^ദി​വാ​ക​ര​ൻ. ആ ​ഉ​ണ്ണി​ക്ക്​ അ​വ​രു​ടെ വീ​ട്ടി​ൽ പ​ഠി​ക്കാ​നു​ള്ള സൗ​ക​ര്യ​മി​ല്ലാ​ത്ത​തു​കൊ​ണ്ട്​ ഇ​ല്ല​ത്തു വ​ന്ന്​ താ​മ​സ​മാ​ക്കി. ക​ളി​ക്കാ​നും ക​ഥ​പ​റ​യാ​നും ഒ​രു ച​ങ്ങാ​തി​യെ കി​ട്ടി. അ​ടു​ത്തു​ള്ള അ​മ്പ​ല​ങ്ങ​ളി​ലൊ​ക്കെ തൊ​ഴാ​ൻ പോ​കും. അ​വി​െ​ട ന​മ്പൂ​രി​ക്കു​േ​ട്ട്യാ​ളു​ണ്ടാ​വും. കു​ളം​ചാ​ടു​ക, പ​ന്തു​ത​ട്ടു​ക ഇ​തൊ​ക്കെ​ത​ന്നെ​യാ​യി​രു​ന്നു അ​ക്കാ​ല​ത്തെ പ്ര​ധാ​ന വി​നോ​ദ​ങ്ങ​ൾ. 

തേ​ഡ്​​ഫോ​മി​ൽ കു​മ​ര​നെ​ല്ലൂ​ർ സ്​​കൂ​ളി​ൽ ചേ​ർ​ന്നു. കൂ​ട്ടു​കാ​ർ​ക്കൊ​പ്പം ക​ളി​ച്ചും ചി​രി​ച്ചും മ​ഴ​ന​ന​ഞ്ഞും കു​ട​ചൂ​ടി​​യും പ്ര​കൃ​തി​യോ​ട്​ സ​ല്ല​പി​ച്ചും ന​ട​ന്നു​പോ​യ ദി​ന​ങ്ങ​ൾ! ഇ​ന്ന​ത്തേ​തു​പോ​ലെ ക​റ​ൻ​റും ഇ​ൻ​വെ​ർ​ട്ട​റും എ​മ​ർ​ജ​ൻ​സി ലാ​മ്പു​മൊ​ന്നു​മി​ല്ല. എ​ന്നാ​ൽ, ‘വെ​ളി​ച്ചം ദുഃ​ഖ​മാ​ണു​ണ്ണീ, ത​മ​സ്സ​ല്ലോ സു​ഖ​പ്ര​ദം’ എ​ന്നു പാ​ടി​യ ഇൗ ​മ​ഹാ​ക​വി പ​ത്താം​ത​രം വ​രെ പ​ഠി​ച്ചു ജ​യി​ച്ച​ത്​ മ​ണ്ണെ​ണ്ണ​വി​ള​ക്കി​െ​ൻ​റ പ്ര​കാ​ശ​ത്തി​ൽ!

ഒാ​ണ​വും വി​ഷു​വും മ​റ്റു വി​ശേ​ഷാ​ൽ​ദി​ന​ങ്ങ​ളും കു​ടും​ബ​ക്കാ​രു​ടെ വീ​ട്ടി​ലേ​ക്കു​ള്ള വി​രു​ന്നു​ക​ൾ! അ​മ്മാ​ത്തേ​ക്കാ​യി​രു​ന്നു അ​തി​ലേ​റെ​യും. അ​മ്മാ​ത്ത്​ എ​ന്നു പ​റ​ഞ്ഞാ​ൽ അ​മ്മ​യു​ടെ ജ​ന്മ​ഗൃ​ഹം. വ​ള​രെ ദൂ​രെ​യൊ​ന്നും പോ​യി ഒ​ഴി​വു​ദി​ന​ങ്ങ​ൾ ആ​ഘോ​ഷി​ക്കാ​നാ​വി​ല്ല. കാ​ര​ണം, 13 വ​യ​സ്സു​വ​രെ അ​ടു​ത്തു​ള്ള അ​മ്പ​ല​ത്തി​ൽ സ്​​ഥി​ര​മാ​യി തൊ​ഴാ​ൻ പോ​ക​ണം. സ​മ​യ​ത്തി​ന്​ തി​രി​ച്ചെ​ത്തു​ക പ്ര​യാ​സ​മാ​യ​തി​നാ​ൽ, മി​ക്ക അ​വ​ധി​ക്കാ​ല​ങ്ങ​ളും കു​ടും​ബ​ത്തി​ൽ​ത​ന്നെ. എ​ന്നാ​ൽ, ‘പെ​ല’​യൊ​ക്കെ വ​ന്നാ​ൽ ഇ​ത്തി​രി സ്വാ​ത​ന്ത്ര്യ​മാ​യി.

പെ​ല​യെ​ന്നാ​ൽ കു​ടും​ബ​ത്തി​ൽ ആ​രെ​ങ്കി​ലും ജ​നി​ച്ചാ​ലും മ​രി​ച്ചാ​ലും 10 ദി​വ​സം അ​ശു​ദ്ധി ബാ​ധി​ക്കും. ആ ​ദി​വ​സ​ങ്ങ​ളി​ലൊ​ക്കെ എ​ങ്ങോ​െ​ട്ട​ങ്കി​ലും പോ​കാം.അ​ന്നു​മു​ണ്ട്​ വാ​ട്ട​ർ തീം ​പാ​ർ​ക്കു​ക​ളും വ​ണ്ട​ർ വേ​ൾ​ഡു​മൊ​ക്കെ.

ഏ​ലം​കു​ളം മ​ന​യെ​ന്ന്​ കേ​ട്ടി​ട്ടു​ണ്ടോ? കേ​ര​ള​ത്തി​ലെ ആ​ദ്യ​ത്തെ ക​മ്യൂ​ണി​സ്​​റ്റ്​ മ​ന്ത്രി​സ​ഭ​യു​ടെ മു​ഖ്യ​മ​ന്ത്രി സ​ഖാ​വ്​ ഇ.​എം.​എ​സ്.​ ന​മ്പൂ​തി​രി​പ്പാ​ടി​െ​ൻ​റ ത​റ​വാ​ട്. ആ ​ഇ​ല്ല​ത്തു​കാ​രു​മാ​യി അ​ക്കി​ത്ത​ത്തു​കാ​ർ​ക്ക്​ ബ​ന്ധ​മു​ണ്ടാ​യി​രു​ന്നു. ഏ​ലം​കു​ള​ത്ത്​ പു​ഴ​യു​ണ്ട്. ഒ​ര​ര ഫ​ർ​ലോ​ങ്​ വീ​തി​യു​ണ്ട്​ വ​ട​ക്കേ പു​ഴ​ക്ക്. ഇ.​എം.​എ​സി​നെ​യൊ​ന്നും അ​ക്കാ​ല​ത്ത്​ കു​ളി​ക്കാ​നും കൂ​ട്ടു​കൂ​ടാ​നും കി​ട്ടി​ല്ല കേ​േ​ട്ടാ. അ​ദ്ദേ​ഹം അ​ന്നു​ത​ന്നെ വ​ലി​യ ആ​ളാ​യി​രു​ന്നു. മി​ക്ക ദി​വ​സ​ങ്ങ​ളി​ലും കോ​ഴി​ക്കോ​ട്ടു​ത​ന്നെ. പ​ക്ഷേ, കു​ളി​ക്കാ​ൻ ഏ​ലം​കു​ള​ത്ത്​ വേ​റെ കൂ​ട്ടു​കാ​രു​ണ്ട്. ഇ.​എം.​എ​സി​െ​ൻ​റ മൂ​ന്ന്​ സ​ഹോ​ദ​ര​ന്മാ​ർ. അ​പ്പോ​ൾ പു​ഴ​യു​ണ്ട്, കൂ​ട്ടു​കാ​രു​ണ്ട്. മാ​ത്ര​മോ, ഏ​ലം​കു​ളം മ​ന​ക്ക​ൽ തോ​ണി​യു​മു​ണ്ട്. ബാ​ല്യം കൂ​ട്ടു​ചേ​ർ​ന്ന്​ പാ​ട്ടു​പാ​ടി ക​ളി​ച്ചു​തി​മി​ർ​ക്കാ​ൻ ഇ​നി ഇ​തി​ലേ​റെ എ​ന്തു​വേ​ണം !

അ​ങ്ങ​നെ, വ​ട​ക്കേ പു​ഴ​യി​ൽ കൂ​ട്ടു​കാ​ർ​ക്കൊ​പ്പം തോ​ണി​യി​റ​ക്കും. എ​ല്ലാ​വ​രും ചേ​ർ​ന്ന്​ തോ​ണി​ക​ളി​ക്കും. തോ​ണി​ക​ളി​യെ​ന്നു പ​റ​ഞ്ഞാ​ൽ പു​ഴ​യി​ലൂ​ടെ കു​ട്ടി​ക​ളെ​ല്ലാ​വ​രും ചേ​ർ​ന്ന്​ തോ​ണി തു​ഴ​ഞ്ഞു തു​ഴ​ഞ്ഞു പോ​ക​ൽ​ത​ന്നെ. സാ​ഹ​സി​ക​മാ​യി​രു​ന്നു ആ ​ക​ളി​ക​ൾ. പ​ക്ഷേ, പേ​ടി​യി​ല്ല. കാ​ര​ണം, അ​സ്സ​ലാ​യി​ട്ടു നീ​ന്താ​ന​റി​യാം. അ​മ്പ​ല​ക്കു​ള​ത്തി​ൽ കു​ളം​ചാ​ടി മു​ങ്ങാം​കു​ഴി​യി​ട്ട്​ നീ​രാ​ടി​ക്ക​ളി​ച്ച ശീ​ലം ഇ​ത്ര​യും വ​ലി​യ പു​ഴ​യി​ലെ വെ​ള്ളം ക​ണ്ടാ​ൽ അ​ട​ങ്ങി​യി​രി​ക്കു​മോ? കൂ​ട്ടു​കാ​ർ​ക്കൊ​പ്പം നീ​ന്തി​ത്തി​മി​ർ​ക്കും. വ​ട​ക്കേ പു​ഴ ഇ​ള​ക്കി​മ​റി​ക്കും. അ​ന്ന്, ഇ​തൊ​ക്കെ​ത​ന്നെ​യാ​യി​രു​ന്നു ഞ​ങ്ങ​ളു​ടെ വാ​ട്ട​ർ തീം ​പാ​ർ​ക്ക്... വ​ണ്ട​ർ വേ​ൾ​ഡ്. അ​ക്കാ​ല​ത്ത്, അ​തെ​ല്ലാം പ്ര​കൃ​തി ന​മു​ക്ക്​ ക​നി​ഞ്ഞു​ന​ൽ​കി​യ വ​ര​ദാ​ന​ങ്ങ​ൾ! ഞ​ങ്ങ​ൾ കു​ട്ടി​ക​ളു​ടെ സൗ​ഭാ​ഗ്യ​ങ്ങ​ൾ! 

ഒ​രി​ക്ക​ൽ ചൊ​വ്വ​ര​യി​ൽ ന​മ്പൂ​തി​രി​മാ​രി​ലെ സാ​മൂ​ഹി​ക പ​രി​ഷ്​​ക​ർ​ത്താ​ക്ക​ളു​ടെ ഒ​രു ക്യാ​മ്പ്​ സം​ഘ​ടി​പ്പി​ച്ചി​രു​ന്നു. ഒ​രാ​ഴ്​​ച​ക്കാ​ല​ത്തോ​ളം സ്​​ത്രീ​ക​ളും കു​ട്ടി​ക​ളു​മൊ​ക്കെ​യു​ണ്ടാ​യി​രു​ന്നു. ഉ​ത്സ​വ​പ്ര​തീ​തി. അ​ന്ന്​ ആ​ലു​വാ​പു​ഴ​യി​ലൂ​ടെ വ​ള​രെ ദൂ​രം തോ​ണി തു​ഴ​ഞ്ഞു ക​ളി​ച്ച​തോ​ർ​ക്കു​ന്നു. 

കു​ട്ടി​ക്കാ​ല​ജീ​വി​തം സു​ഭി​ക്ഷ​മാ​യി​രു​ന്നു. ഗ​വ​ൺ​മെ​ൻ​റി​െ​ൻ​റ കാ​ർ​ഷി​ക​ബ​ന്ധ ബി​ൽ വ​ന്ന​തോ​ടെ ജീ​വി​ത​ത്തി​െ​ൻ​റ ഗ​തി മാ​റി. ജ​ന്മി​ത്വം അ​വ​സാ​നി​ച്ചു. ദാ​രി​ദ്ര്യ​ത്തി​െ​ൻ​റ​യും വ​റു​തി​യു​ടെ​യും ദി​ന​ങ്ങ​ൾ! എ​ങ്കി​ലും ആ ​കാ​ലം സ്വ​ന്ത​മാ​യി പ്ര​യ​ത്​​നി​ക്കാ​നും ക്രി​യാ​ത്​​മ​ക​മാ​യി എ​ന്തെ​ങ്കി​ലും ചെ​യ്യാ​നു​മു​ള്ള അ​വ​സ​ര​മൊ​രു​ക്കി ആ​ദ്യ​ത്തെ ക​വി​ത മാ​തൃ​ഭൂ​മി​യി​ൽ അ​ച്ച​ടി​ച്ചു​വ​ന്നു. അ​ഞ്ചു​രൂ​പ​യാ​യി​രു​ന്നു പ്ര​തി​ഫ​ലം!
അ​ന്ന​ത്തെ ആ ​അ​ഞ്ചു​രൂ​പ​യു​ടെ മൂ​ല്യം ഇ​ക്കാ​ല​ത്ത്​ നി​ർ​ണ​യി​ക്കാ​നാ​വി​ല്ലെ​ന്ന്​ 20ാം നൂ​റ്റാ​ണ്ടി​െ​ൻ​റ ഇ​തി​ഹാ​സ​മെ​ഴു​തി​യ മ​ഹാ​ക​വി.

വ​ള​രെ ബു​ദ്ധി​മു​ട്ടി വാ​ക്ക​റി​െ​ൻ​റ സ​ഹാ​യ​ത്തോ​ടെ ത​ന്നെ തേ​ടി​യെ​ത്തു​ന്ന അ​തി​ഥി​ക​ളെ സ്​​നേ​ഹാ​ദ​ര​ങ്ങ​ളോ​ടെ സ്വീ​ക​രി​ച്ചി​രു​ത്തി, വാ​ർ​ധ​ക്യ​ത്തി​െ​ൻ​റ അ​വ​ശ​ത​ക​ളി​ലും ഒാ​ർ​മ​ക​ൾ പൂ​ത്തു​ല​ഞ്ഞു​നി​ൽ​ക്കു​ന്ന ആ ​കു​ട്ടി​ക്കാ​ലം ന​മു​ക്കാ​യി തു​റ​ന്നു​വെ​ക്കു​േ​മ്പാ​ഴും ഇ​നി​യും ഏ​ലം​കു​ള​ത്തെ വ​ട​ക്കേ പു​ഴ​യി​ൽ തോ​ണി​ക​ളി​ക്കാ​ൻ, കൂ​ട്ടു​കാ​ർ​ക്കൊ​പ്പം നീ​ന്തി​ത്തി​മി​ർ​ക്കാ​ൻ മോ​ഹ​മു​ണ്ടോ എ​ന്നു ചോ​ദി​ക്കു​േ​മ്പാ​ൾ ‘ഉ​വ്വ്​’ എ​ന്നു ചൊ​ല്ലി ന​മ്മെ വി​സ്​​മ​യി​പ്പി​ക്കു​ന്നു ന​വ​തി ക​ഴി​ഞ്ഞ കേ​ര​ള​ത്തി​െ​ൻ​റ ഇൗ ​മ​ഹാ​നാ​യ മ​ഹാ​ക​വി.