ശിക്കാർ

ക​ട​ലാ​സ് പൊ​തി​യ​ഴി​ച്ച് ജെ​സീ​ന്ത​യു​ടെ നോ​ട്ടു​പു​സ്ത​കം പു​റ​ത്തെ​ടു​ത്തു. ക​ട്ടി​യു​ള്ള പു​റം​ച​ട്ട, പി​ന്‍ഭാ​ഗം പ​കു​തി​യോ​ളം ക​ത്തി​പ്പോ​യി​രി​ക്കു​ന്നു. തീ​യും പ​ഴ​ക്ക​വും അ​തി​ന്റെ അ​വ​ശേ​ഷി​ക്കു​ന്ന താ​ളു​ക​ളെ​ക്കൂ​ടി ക്ഷ​യി​പ്പി​ച്ചു തു​ട​ങ്ങി​യി​ട്ടു​ണ്ട്. ആ​യു​സ്സെ​ത്തി​യി​ട്ടും അ​തി​ജീ​വി​ച്ച ആ ​നോ​ട്ടുപു​സ്ത​ക​ത്തോ​ട് ആ​ദ​ര​വ് തോ​ന്നി. എ​ന്താ​യി​രി​ക്കും അ​തി​ലെ ഉ​ള്ള​ട​ക്കം? അ​തീ​വ ശ്ര​ദ്ധ​യോ​ടെ ഞാ​ന്‍ താ​ളു​ക​ള്‍ മ​റി​ച്ചു.

അ​പൂ​ർ​ണ​മെ​ങ്കി​ലും പ​ല ഭാ​ഗ​ങ്ങ​ളു​ള്ള ദീ​ര്‍ഘ​മാ​യൊ​രു കു​റി​പ്പ് അ​ധി​കം തീ​പ്പെ​ടാ​ത്ത ഇ​ട​ത്താ​ളു​ക​ളി​ല്‍നി​ന്ന് ക​ണ്ടെ​ത്താ​നാ​യി. പ​ല ഖ​ണ്ഡ​ങ്ങ​ളാ​യി എ​ഴു​തി​യി​രി​ക്കു​ന്ന ആ ​കു​റി​പ്പി​ന്റെ ശീ​ര്‍ഷ​കം ശി​ക്കാ​ര്‍ എ​ന്നാ​യി​രു​ന്നു.

01

രാ​ത്രി​ന​ഗ​രം. പ്ലാ​ന്റേ​ഷ​ന്‍ ക്ല​ബി​ന്റെ ഗേ​റ്റു ക​ട​ന്ന് വി​ല​കൂ​ടി​യ ഒ​രു കാ​ര്‍ പു​റ​ത്തേ​ക്ക് ഒ​ഴു​കി​വ​ന്നു. ന​ഗ​രവി​ജ​ന​ത​യി​ലൂ​ടെ അ​ത് നീ​ങ്ങി. കാ​റി​ന്റെ പി​ന്‍സീ​റ്റി​ല്‍ മ​ധ്യ​വ​യ​സ്സ് പി​ന്നി​ട്ട പ്ലാ​ന്റ​ര്‍ ന​രേ​ന്ദ്ര വ​ര്‍മ അ​ല​സം ചാ​ഞ്ഞു​കി​ട​ന്നു. കാ​ര്‍ ഗാ​ന്ധിമൈ​താ​നം ചു​റ്റി ശാ​സ്ത്രി റോ​ഡി​ന്റെ ഇ​റ​ക്കം ഇ​റ​ങ്ങു​ക​യാ​യി​രു​ന്നു.

ദൂ​രെ നാ​ഗ​മ്പ​ടം റോ​ഡി​ല്‍നി​ന്ന് ഒ​രു യു​വാ​വ് ആ​രി​ല്‍നി​ന്നോ ര​ക്ഷ​പ്പെ​ട്ടോ​ടി​വ​ന്ന് കാ​റി​ന്റെ മു​ന്നി​ലേ​ക്ക് വ​ന്നു​കേ​റി. കാ​റി​ന് വേ​ഗ​ത കു​റ​വാ​യി​രു​ന്നു.

റോ​ഡി​ന്റെ ഇ​ട​തു​ചേ​ര്‍ന്നു​ള്ള കൂ​റ്റ​ന്‍ വാ​ക​മ​ര​ത്തി​ന്റെ പി​ന്നി​ലേ​ക്ക് അ​വ​ന്‍ ഓ​ടി​മ​റ​ഞ്ഞു. അ​വ​ന്റെ ക​ണ്ണു​ക​ളി​ലെ ഭ​യം വ​ർ​മ​ക്ക് കാ​ണാ​മാ​യി​രു​ന്നു. കാ​ര്‍ മു​ന്നോ​ട്ട് നീ​ങ്ങ​വെ നാ​ഗ​മ്പ​ട​ത്തെ റോ​ഡി​ന്റെ അ​റ്റ​ത്തു​നി​ന്ന് ഒ​രു സം​ഘ​മാ​ളു​ക​ള്‍ ഓ​ടി​വ​രു​ന്ന​ത് വ​ര്‍മ ക​ണ്ടു. കാ​ര്‍ പി​ന്നോ​ട്ടെ​ടു​ക്കാ​ന്‍ അ​യാ​ള്‍ ഡ്രൈ​വ​ര്‍ക്ക് നി​ർ​ദേ​ശം ന​ല്‍കി.

കാ​ര്‍ അ​തി​വേ​ഗം പി​ന്നോ​ട്ടെ​ടു​ത്തു. യു​വാ​വ് അ​പ്പോ​ള്‍ വാ​ക​മ​ര​ത്തി​നു പി​ന്നി​ല്‍നി​ന്ന് ത​ല​പു​റ​ത്തേ​ക്കി​ട്ട് ആ​രു​ടെ​യോ വ​ര​വും ഒ​ളി​ക്കാ​ന്‍ ഇ​ട​വും പ​ര​തു​ക​യാ​യി​രു​ന്നു. ചാ​ടി​യോ​ടാ​ന്‍ ആ​യു​ന്ന നി​മി​ഷ​ത്തി​ല്‍ വ​ര്‍മ​യു​ടെ കൈ​ക​ള്‍ അ​വ​നെ ക​ട​ന്നു​പി​ടി​ച്ചു. പൊ​ക്കി​യെ​ടു​ത്ത് റോ​ഡി​ല്‍ നി​ര്‍ത്തി. ആ ​കൈ​ക​ളു​ടെ അ​സാ​ധാ​ര​ണ​മാ​യ ക​രു​ത്തി​ല്‍ മ​ര​ണ​ത്തി​നും ജീ​വി​ത​ത്തി​നു​മി​ട​യി​ല്‍ യു​വാ​വ് പ​ക​ച്ചു​നി​ന്നു.

''കേ​റ്'' എ​ന്ന ആ​ജ്ഞ​യോ​ടൊ​പ്പം വ​ര്‍മ അ​വ​നെ കാ​റി​ലേ​ക്ക് ത​ള്ളി​യി​ട്ടു. വ​ര്‍മ ക​യ​റി. കാ​ര്‍ അ​തി​വേ​ഗം പാ​ഞ്ഞു​പോ​യി. പി​ന്നി​ലെ മൂ​ന്നും കൂ​ടി​യ ക​വ​ല​യി​ല്‍ അ​പ്പോ​ള്‍ ആ​യു​ധ​ങ്ങ​ളേ​ന്തി ഒ​രു സം​ഘം വ​ന്നു​നി​ല്‍ക്കു​ന്ന​ത് കാ​ണാം. അ​വ​ര്‍ ആ​ക്രോ​ശി​ച്ചു​കൊ​ണ്ട് അ​ങ്ങു​മി​ങ്ങും പാ​യു​ന്ന​തി​ന്റെ കാ​ഴ്ച ക​ണ്ണാ​ടി​യി​ലൂ​ടെ വ​ര്‍മ ക​ണ്ടു.

കാ​ര്‍ വ​ലി​യ ഗേ​റ്റി​നു മു​ന്നി​ല്‍ നി​ന്നു. അ​ഡ്വ​ക്കേ​റ്റ് ന​രേ​ന്ദ്ര​വ​ര്‍മ, പ്ലാ​ന്റ​ര്‍ എ​ന്ന ബോ​ര്‍ഡ് കാ​ണാം. കാ​വ​ല്‍ക്കാ​ര​ന്‍ വ​ന്ന് ഗേ​റ്റ് തു​റ​ന്നു. കാ​ര്‍ കോ​മ്പൗ​ണ്ടി​ലൂ​ടെ ബം​ഗ്ലാ​വി​ന്റെ പോ​ര്‍ച്ചി​ലെ​ത്തി.

''ഇ​റ​ങ്ങ്'' എ​ന്ന ആ​ജ്ഞ. അ​വ​ന്‍ ഇ​റ​ങ്ങി വ​ര്‍മ​യു​ടെ പി​ന്നാ​ലെ ന​ട​ന്നു.

ഒ​രു പ​രി​ചാ​ര​ക​ന്‍ വ​ന്ന് വാ​തി​​ല്‍ തു​റ​ന്നു. അ​വ​ര്‍ അ​ക​ത്തേ​ക്ക് ന​ട​ന്നു.

വി​ശാ​ല​മാ​യ ഹാ​ളി​ല്‍ ആ ​യു​വാ​വ് പ​ക​ച്ചു നി​ന്നു. സ്വ​പ്നം​പോ​ലെ തോ​ന്നി​ച്ചു ആ ​വീ​ട്. കാ​ട്ടു​പോ​ത്തി​ന്റെ ത​ല​യും ക​ല​മാ​നി​ന്റെ കൊ​മ്പും ഭി​ത്തി​യി​ല്‍ തു​റി​ച്ചു​നോ​ക്കി​യി​രി​ക്കു​ന്നു. പ​ല​ത​രം തോ​ക്കു​ക​ള്‍ ആ​ണി​യി​ല്‍ തൂ​ക്കി​യി​ട്ടി​രി​ക്കു​ന്നു. ആ​ന​യു​ടെ മ​സ്ത​ക​ത്തി​ല്‍ ച​വി​ട്ടി​നി​ല്‍ക്കു​ന്ന വേ​ട്ട​ക്കാ​രു​ടെ ചി​ത്ര​ങ്ങ​ള്‍ ചി​ല്ലി​ട്ടു​വെ​ച്ചി​രു​ന്നു. മ​ഹേ​ന്ദ്രവ​ര്‍മ ആ​ന​ക്കൊ​മ്പും തോ​ക്കു​മാ​യി നി​ല്‍ക്കു​ന്ന വ​ലി​യൊ​രു ചി​ത്ര​വു​മു​ണ്ട്.

നേ​ര​ത്തേ ക​ണ്ട പ​രി​ചാ​ര​ക​ന്‍ വ​ന്ന് അ​വ​നെ ഒ​രു മു​റി​യി​ലേ​ക്ക് കൂ​ട്ടി​ക്കൊ​ണ്ടു​പോ​യി. ആ​ധു​നി​ക​മാ​യി സ​ജ്ജീ​ക​രി​ച്ച മു​റി. കു​ളി​ച്ച് വ​സ്ത്രം മാ​റി​വ​രാ​ന്‍ പ​റ​ഞ്ഞ് അ​യാ​ള്‍ പു​റ​ത്തേ​ക്ക് പോ​യി.

കു​ളി​ച്ച് പു​റ​ത്തി​റ​ങ്ങു​മ്പോ​ള്‍ അ​വ​ന് അ​ണി​യാ​നു​ള്ള വ​സ്ത്ര​ങ്ങ​ള്‍ ക​ട്ടി​ലി​ല്‍​വെ​ച്ചി​രു​ന്നു. ആ​ദ്യം ഒ​ന്നു പ​രു​ങ്ങി​യെ​ങ്കി​ലും ആ​കെ മു​ഷി​ഞ്ഞ ഉ​ടു​പ്പും പാ​ന്റ്സും മാ​റ്റി പു​തി​യ മു​ണ്ടും ഷ​ര്‍ട്ടും ധ​രി​ച്ചു. ഷ​ര്‍ട്ട് അ​ൽ​പം അ​യ​ഞ്ഞ​തെ​ങ്കി​ലും ക​ണ്ണാ​ടി നോ​ക്കി​യ​പ്പോ​ള്‍ കൊ​ള്ളാ​മെ​ന്ന് തോ​ന്നി.

അ​വ​ന്‍ മു​റി​യി​ല്‍നി​ന്ന് പു​റ​ത്തേ​ക്കി​റ​ങ്ങി. ആ​രേ​യും കാ​ണാ​നി​ല്ല. ആ ​വ​ലി​യ ഹാ​ളി​ല്‍ പ​ക​പ്പോ​ടെ അ​വ​ന്‍ നി​ന്നു. അ​ൽ​പം ക​ഴി​ഞ്ഞ​പ്പോ​ള്‍ പ​രി​ചാ​ര​ക​ന്‍ വ​ന്ന് അ​വ​നെ തീ​ന്‍മു​റി​യി​ലേ​ക്ക് കൂ​ട്ടി​ക്കൊ​ണ്ടു​പോ​യി. വി​ഭ​വ​ങ്ങ​ള്‍ നി​ര​ന്ന മേ​ശ. സ​മീ​പം സ​ജ്ജീ​ക​രി​ക്ക​പ്പെ​ട്ട ബാ​ര്‍. രാ​ത്രിവ​സ്ത്ര​മ​ണി​ഞ്ഞ് നി​ല്‍ക്കു​ന്ന വ​ര്‍മ ര​ണ്ടു ഗ്ലാ​സു​ക​ളി​ലേ​ക്ക് മ​ദ്യം പ​ക​ര്‍ന്ന് ഒ​രു ഗ്ലാ​സ് അ​വ​ന് നേ​രെ നീ​ട്ടി.

"ന​രേ​ന്ദ്ര വ​ര്‍മ... ചീ​യേ​ഴ്സ്'' എ​ന്ന് പ​രി​ച​യ​പ്പെ​ടു​ത്തി.

ഗ്ലാ​സ് മു​ട്ടി​ച്ചു​കൊ​ണ്ട് അ​ൽ​പം ജാ​ള്യ​ത​യോ​ടെ അ​വ​ന്‍ പേ​ര് പ​റ​ഞ്ഞു. ''രാ​ജു...''

"എ​ന്താ ജോ​ലി?" വ​ര്‍മ ചോ​ദി​ച്ചു.

"അ​ധോ​ലോ​കം...''

വ​ര്‍മ ചി​രി​ച്ചു. ''അ​വ​രാ​രാ ത​ന്നെ ആ​ക്ര​മി​ക്കാ​ന്‍ വ​ന്ന​വ​ര്‍?''

"കൂ​ടെ​യു​ണ്ടാ​രു​ന്ന​വ​രാ. ഇ​പ്പം വേ​റെ ചേ​രീ​ലാ...''

"അ​തെ​ന്തു​പ​റ്റി പി​രി​യാ​ന്‍...?'' വ​ര്‍മ.

"ഒ​രു ഡീ​ല്‍ ആ​രോ ഒ​റ്റി. വ​ലി​യ തു​ക പോ​യി. അ​വ​ര്‍ എ​ന്നെ പി​ടി​കൂ​ടും. പ​ണം കൊ​ടു​ത്തി​​െല്ല​ങ്കി​ല്‍ കൊ​ല്ലും. ത​ല​നാ​രി​ഴ​ക്കാ ഇ​പ്പോ ര​ക്ഷ​പ്പെ​ട്ട​ത്. അ​പ്പോ സാ​റ് വ​ന്നി​ല്ലാ​രു​ന്നെ​ങ്കി​ല്‍ തീ​ര്‍ന്നേ​നെ... ഈ ​രാ​ത്രി ക​ട​ക്കു​കേ​ല സാ​റേ അ​വ​ന്മാ​ര് മു​റ്റ് പാ​ര്‍ട്ടീ​സാ...'' രാ​ജു.

"ഇ​വി​ടെ ആ​രും വ​ന്ന് നി​ന്നെ തൊ​ടി​ല്ല. പേ​ടി​ക്ക​ണ്ട...''

"എ​നി​ക്ക് പേ​ടി​യൊ​ന്നു​മി​ല്ല സാ​റേ. ഒ​രു പാ​ര്‍ട്ടി എ​ന്നെ ച​തി​ച്ച​താ... അ​താ വെ​ഷ​മം. ച​തി​യ​നെ​ന്ന് പേ​ര് കേ​ട്ട് ജീ​വി​ക്കു​ന്നേ​ലും ന​ല്ല​ത് തീ​രു​ന്ന​താ... ഞാ​നാ​രേം ച​തി​ച്ചി​ട്ടി​ല്ല സാ​റേ...''

"എ​ത്ര​യാ ഈ ​തു​ക...?''

"അ​ത് കോ​ടി​ക​ള് വ​രും സാ​റേ... ന​മു​ക്ക് താ​ങ്ങു​കേ​ല.''

"കോ​ടി​ക​ളോ? അ​പ്പോ എ​ന്താ സാ​ധ​നം?'' -വ​ര്‍മ.

"ആം​സ്റ്റ​ര്‍ഡാ​മി​ലേ​ക്കു​ള്ള ച​ര​ക്കി​ന്റെ ഡീ​ലാ​രു​ന്നു'' -രാ​ജു.

ന​രേ​ന്ദ്ര വ​ര്‍മ പി​ന്നീ​ട് ഒ​ന്നും സം​സാ​രി​ച്ചി​ല്ല. ഭ​ക്ഷ​ണം ക​ഴി​ച്ച് എ​ഴു​ന്നേ​റ്റ് പോ​യി. രാ​ജു അ​യാ​ള്‍ക്ക് അ​നു​വ​ദി​ക്ക​പ്പെ​ട്ട മു​റി​യി​ലേ​ക്കും.

രാ​വി​ലെ ഉ​ണ​ര്‍ന്നെ​ഴു​ന്നേ​റ്റ് മു​റി​ക്കു പു​റ​ത്തു​വ​രു​മ്പോ​ള്‍ പ​രി​ചാ​ര​ക​ന്‍ ചാ​യ​യു​മാ​യി വ​ന്നു. "സാ​റ് ഇ​ന്ന​ലെ രാ​ത്രി​ത​ന്നെ പോ​യി.''

"ഇ​വി​ടെ സാ​റ​ല്ലാ​തെ മ​റ്റാ​രും താ​മ​സി​ക്കു​ന്നി​ല്ലേ?'' -രാ​ജു

"ഇ​ല്ല. ഇ​ത് സാ​റി​ന് ഒ​ഴി​വുസ​മ​യ​ത്ത് വ​രാ​നു​ള്ള സ്ഥ​ല​മാ. വീ​ട് വേ​റെ​യു​ണ്ട്.'' രാ​ജു കൂ​ടു​ത​ല്‍ എ​ന്തെ​ങ്കി​ലും ചോ​ദി​ക്കു​ന്ന​തി​ന് മു​മ്പ് പ​രി​ചാ​ര​ക​ന്‍ ഒ​രു ക​ട​ലാ​സ് അ​വ​ന് കൊ​ടു​ത്തു.

"ദാ... ​ഇ​ത് ത​രാ​ന്‍ പ​റ​ഞ്ഞു.''

അ​തൊ​രു മേ​ല്‍വി​ലാ​സ​മാ​യി​രു​ന്നു. ഒ​രു കു​റി​പ്പും. "ഈ ​വി​ലാ​സ​ത്തി​ലു​ള്ള ആ​ളെ ചെ​ന്നു​കാ​ണു​ക. ഒ​രു വ​ഴി​യു​ണ്ടാ​കും -വ​ര്‍മ.''

02

കൊ​ടും​കാ​ടി​ന്റെ വി​ജ​ന​ത​യി​ല്‍ വ​ന്നു​നി​ല്‍ക്കു​ന്ന ച​ര​ക്ക് ലോ​റി​യി​ല്‍നി​ന്ന് രാ​ജു ഇ​റ​ങ്ങി. നേ​രം പു​ല​ര്‍ന്നു വ​രു​ന്ന​തേ​യു​ള്ളൂ. ഏ​ത് ദി​ക്കി​ലേ​ക്ക് പോ​ക​ണ​മെ​ന്ന​റി​യാ​തെ അ​വ​ന്‍ നി​ന്നു. ക​ന്നു​കാ​ലി​ക​ളെ തെ​ളി​ച്ച് ഒ​രു വൃ​ദ്ധ​ന്‍ ആ ​വ​ഴി വ​രു​ന്നു​ണ്ടാ​യി​രു​ന്നു. ക​യ്യി​ലെ മേ​ല്‍വി​ലാ​സ​ത്തെ​ക്കു​റി​ച്ച് അ​യാ​ളോ​ട് തി​ര​ക്കി. അ​യാ​ള്‍ കാ​ടി​നു​ള്ളി​ലേ​ക്ക് കൈ ​ചൂ​ണ്ടി. പി​ന്നെ പ്ര​ത്യേ​ക​രീ​തി​യി​ല്‍ ഒ​ച്ച​യു​ണ്ടാ​ക്കി കാ​ലി​ക​ളെ തെ​ളി​ച്ച് ക​ട​ന്നു​പോ​യി. വൃ​ദ്ധ​ന്‍ ചൂ​ണ്ടി​ക്കാ​ട്ടി​യ ദി​ക്കി​ലേ​ക്ക് അ​വ​ന്‍ നോ​ക്കി. അ​ന്ത​മി​ല്ലാ​ത്ത കാ​ട്.

റോ​ഡി​ലൂ​ടെ അ​വ​ന്‍ മു​ന്നോ​ട്ട് ന​ട​ന്നു. വ​ഴി കൂ​ടു​ത​ല്‍ വി​ജ​ന​മാ​യിവ​ന്നു. കാ​ട്ടി​ലേ​ക്കു​ള്ള ഒ​രു തി​രി​വി​ല്‍ പ​ഴ​യൊ​രു ഗേ​റ്റ്. ചാ​യ വി​ല്‍ക്കു​ന്ന ഒ​രു മ​ണ്‍കു​ടി​ല്‍. മ​ണ്‍ ഗ്ലാ​സി​ല്‍ ചാ​യ കു​ടി​ക്കു​ന്ന​തി​നി​ടെ രാ​ജു ക​ട​ക്കാ​ര​നോ​ട് വി​ലാ​സം തി​ര​ക്കി.

അ​യാ​ള്‍ ഏ​റെനേ​രം അ​വ​നെ നോ​ക്കിനി​ന്നു. പി​ന്നെ ത​മി​ഴ് ക​ല​ര്‍ന്ന മ​ല​യാ​ള​ത്തി​ല്‍ പ​റ​ഞ്ഞു:

"ഇ​താ​ണ് വ​ഴി. പ​ഴ​യ വു​ഡ് സാ​യ്പി​ന്റെ ബം​ഗ്ലാ​വാ​ണ്. ഇ​ട​യ്ക്കി​ടെ ഈ ​വ​ഴി​യേ വ​ണ്ടി​ക​ള്‍ വ​ന്നു​പോ​കും. അ​വി​ടെ ആ​രെ​ങ്കി​ലും സ്ഥി​ര​താ​മ​സ​മു​ണ്ടോ എ​ന്ന​റി​യി​ല്ല. പ​ക​ല്‍ ഇ​ന്നേ​വ​രെ അ​വി​ടേ​യ്ക്ക് ആ​രും പോ​കു​ന്ന​തോ വ​രു​ന്ന​തോ ക​ണ്ടി​ട്ടി​ല്ല. നി​ങ്ങ​ളാ​ണ് അ​ങ്ങ​നെ വ​ന്ന ആ​ദ്യ​ത്തെ ആ​ള്‍.'' അ​യാ​ള്‍ പി​ന്നീ​ടൊ​ന്നും പ​റ​ഞ്ഞി​ല്ല.

അ​ടു​പ്പി​ല്‍ വി​റ​ക് തി​രു​കി തീ ​ഒ​ന്നു​കൂ​ടി ആ​ളി​ക്ക​ത്തി​ച്ചു.

ചാ​യ​യു​ടെ പൈ​സ കൊ​ടു​ത്ത് രാ​ജു ന​ട​ന്നു. പ​ഴ​യ ഇ​രു​മ്പ് ഗേ​റ്റ് തു​റ​ക്കാ​ന്‍ ശ്ര​മി​ച്ചു. അ​ത് ച​ങ്ങ​ല​യി​ട്ട് പൂ​ട്ടി​യി​രു​ന്നു. അ​തി​ന​ടു​ത്തു​ള്ള ചെ​റി​യ ഗേ​റ്റ് പൂ​ട്ടി​യി​രു​ന്നി​ല്ല. തു​രു​മ്പ് നി​റ​ഞ്ഞ ഓ​ടാ​മ്പ​ല്‍ നീ​ക്കി അ​വ​ന​ത് തു​റ​ക്കാ​ന്‍ ശ്ര​മി​ച്ചു. ഇ​രു​മ്പും തു​രു​മ്പും ഉ​ര​ഞ്ഞ് വ​ലി​യ ശ​ബ്ദ​മു​ണ്ടാ​ക്കി. കാ​ടി​ന്റെ ഗ​ഹ​ന​ത​യി​ല്‍ അ​ത് പ്ര​തി​ധ്വ​നി​ച്ചു. ഏ​തോ ഭീ​മ​ന്‍ പ​ക്ഷി ചി​ല​ക്കു​ന്ന​തു​പോ​ലെ കാ​ട് മു​ഴ​ങ്ങി. ഗേ​റ്റ് തു​റ​ന്നു.

രാ​ജു കാ​ടി​ന്റെ നി​ഗൂ​ഢ​ത​യി​ലേ​ക്ക് ന​ട​ന്നു. ചെ​ല്ലു​ന്തോ​റും ദു​രൂ​ഹ​ത ഏ​റി​വ​ന്നു. പ​ക​ലും ഭ​യ​പ്പെ​ടു​ത്തു​ന്ന അ​ന്ത​രീ​ക്ഷം. ഏതൊ​ക്കെ​യോ മൃ​ഗ​ങ്ങ​ളു​ടെ ഒ​ച്ച​ക​ള്‍. ചൂ​ട് പ​റ​ക്കു​ന്ന ആ​ന​പ്പി​ണ്ടം. ഓ​ടി​യും ന​ട​ന്നും അ​വ​ന്‍ മു​ന്നോ​ട്ടു പോ​യി. പോ​ക​പ്പോ​കെ ദൂ​രെ ഒ​രു കെ​ട്ടി​ട​ത്തി​ന്റെ മു​ഖ​പ്പ് കാ​ണാ​യി. അ​വ​ന് ആ​ശ്വാ​സം തോ​ന്നി.

കാ​ടി​ന്റെ ഭ​യ​പ്പെ​ടു​ത്തു​ന്ന അ​ന്ത​രീ​ക്ഷം ആ ​ബം​ഗ്ലാ​വി​ന് ചു​റ്റും ഉ​ണ്ടാ​യി​രു​ന്നി​ല്ല. ന​ന്നാ​യി സം​ര​ക്ഷി​ച്ചി​രി​ക്കു​ന്ന മ​നോ​ഹ​ര​മാ​യ കൂ​റ്റ​ന്‍ ബം​ഗ്ലാ​വ്. ഗേ​റ്റ് ഉ​ള്ളി​ല്‍നി​ന്ന് അ​ട​ച്ചി​രു​ന്നു. രാ​ജു ഗേ​റ്റി​ല്‍ ത​ട്ടി ഒ​ച്ച​യു​ണ്ടാ​ക്കി. പൊ​ടു​ന്ന​നെ മ​ട്ടു​പ്പാ​വി​ല്‍ ഒ​രു സു​ന്ദ​രി പ്ര​ത്യ​ക്ഷ​പ്പെ​ട്ടു. അ​വ​ള്‍ അ​വ​നെ​ത്ത​ന്നെ നോ​ക്കി​നി​ല്‍ക്കു​ന്നു. അ​പ്പോ​ഴേ​ക്കും താ​ഴെ വാ​തി​ല്‍ തു​റ​ന്ന് മെ​ലി​ഞ്ഞ ഒ​രു പ​രി​ചാ​ര​ക​ന്‍ വ​ന്നു. രാ​ജു അ​പ്പോ​ഴും ഒ​ളി​ക​ണ്ണി​ട്ട് ആ ​സ്ത്രീ​യെ നോ​ക്കു​ക​യാ​യി​രു​ന്നു. പ​രി​ചാ​ര​ക​ന്‍ ഗേ​റ്റി​ല്‍ വ​ന്ന് എ​ന്താ​ണെ​ന്ന ഭാ​വ​ത്തി​ല്‍ അ​വ​നെ നോ​ക്കി.

"വ​ര്‍മ സാ​റ് പ​റ​ഞ്ഞി​ട്ട് വ​ന്ന​താ.'' ക​യ്യി​ലെ വി​ലാ​സ​മെ​ഴു​തി​യ ക​ട​ലാ​സ് കാ​ണി​ച്ചു. അ​യാ​ള്‍ ഗേ​റ്റ് തു​റ​ന്നു.

ഉ​ള്ളി​ല്‍ ക​ട​ന്ന രാ​ജു മു​ക​ളി​ലേ​ക്ക് നോ​ക്കി. അ​പ്പോ​ള്‍ അ​വി​ടെ ആ​രും ഉ​ണ്ടാ​യി​രു​ന്നി​ല്ല. പ​രി​ഭ്ര​മ​ത്തോ​ടെ പ​രി​ചാ​ര​ക​നെ നോ​ക്കു​മ്പോ​ള്‍ അ​യാ​ളെ​യും കാ​ണാ​നി​ല്ല. രാ​ജു വേ​ഗം തു​റ​ന്നു കി​ട​ന്ന വാ​തി​ലി​ന് നേ​രെ ന​ട​ന്നു. വി​ശാ​ല​മാ​യ ത​ള​ത്തി​ലേ​ക്ക് പ്ര​വേ​ശി​ച്ചു. അ​തൊ​രു മ്യൂ​സി​യം​പോ​ലെ തോ​ന്നി​ച്ചു. നാ​യാ​ട്ട് ചി​ത്ര​ങ്ങ​ളും ഉ​പ​ക​ര​ണ​ങ്ങ​ളും മൃ​ഗ​ശി​ര​സ്സു​ക​ളും​കൊ​ണ്ട് അ​ല​ങ്ക​രി​ച്ച മ്യൂ​സി​യം. ആ ​കാ​ഴ്ച​യി​ല്‍ അ​ന്തം വി​ട്ടു​നി​ല്‍ക്ക​വെ പ​രി​ചാ​ര​ക​ന്‍ ഗ്ലാ​സി​ല്‍ ജ്യൂ​സു​മാ​യി വ​ന്നു. യാ​ത്ര​യു​ടെ ക്ഷീ​ണ​ത്താ​ല്‍ രാ​ജു അ​ത് ഒ​റ്റവ​ലി​ക്ക് കു​ടി​ച്ചു. ഗ്ലാ​സ് തി​രി​കെ കൊ​ടു​ക്കാ​ന്‍ നോ​ക്കു​മ്പോ​ള്‍ പ​രി​ചാ​ര​ക​ന്‍ ഇ​ല്ല. അ​വ​ന് ഭ​യ​മാ​യി. എ​വി​ടേ​ക്കാ​ണ് ഒ​രു ശ​ബ്ദ​വു​മു​ണ്ടാ​ക്കാ​തെ അ​യാ​ള്‍ മാ​ഞ്ഞു​പോ​കു​ന്ന​ത്?

ചു​റ്റും പ​ത​റി നോ​ക്കു​മ്പോ​ഴു​ണ്ട് പ​രി​ചാ​ര​ക​ന്‍ മു​ക​ള്‍നി​ല​യി​ല്‍നി​ന്ന് അ​വ​നെ കൈ ​കാ​ട്ടി വി​ളി​ക്കു​ന്നു. അ​വ​ന്‍ മു​ക​ളി​ലേ​ക്ക് ന​ട​ന്നു. പ​രി​ചാ​ര​ക​ന്‍ അ​വ​നെ ഒ​ട്ട​ന​വ​ധി വ​ള​വു​ക​ളും തി​രി​വു​ക​ളു​മു​ള്ള ഇ​ട​നാ​ഴി​ക​ളി​ലൂ​ടെ ന​ട​ത്തി ഏ​തോ മു​റി​യി​ലെ​ത്തി​ച്ചു. വൃ​ത്തി​യാ​യി ഒ​രു​ക്കി​യ മു​റി.

ജ​നാ​ല​യി​ലൂ​ടെ മ​ട്ടു​പ്പാ​വും ഗേ​റ്റ് വ​രെ​യുള്ള ഭാ​ഗ​ങ്ങ​ളും കാ​ണാം. ജ​നാ​ല തു​റ​ക്കാ​ന്‍ ശ്ര​മി​ച്ചെ​ങ്കി​ലും ന​ട​ന്നി​ല്ല. എ​ന്തോ ചോ​ദി​ക്കാ​നാ​യി തി​രി​ഞ്ഞ് പ​രി​ചാ​ര​ക​നെ നോ​ക്കു​മ്പോ​ള്‍ അ​യാ​ള്‍ അ​വി​ടെ​യി​ല്ല. രാ​ജു അ​യാ​ളെ അ​വി​ടെ​യെ​ല്ലാം തി​ര​ഞ്ഞു. ഇ​ട​നാ​ഴി​ക​ളി​ലും മ​റ്റി​ട​ങ്ങ​ളി​ലും തി​ര​ക്കി. നി​വൃ​ത്തി​യി​ല്ലാ​തെ തി​രി​കെ മു​റി​യെ​ത്തി​യ​പ്പോ​ള്‍ ക​ഴി​ക്കാ​നു​ള്ള ഭ​ക്ഷ​ണ​വും വെ​ള്ള​വും മേ​ശ​പ്പു​റ​ത്ത് വെച്ചി​രി​ക്കു​ന്നു. അ​പ്പോ​ഴാ​ണ് അ​വ​ന്‍ സ​മ​യ​ത്തെ​ക്കു​റി​ച്ച് തി​ര​ക്കി​യ​ത്. ഭി​ത്തി​യി​ലെ ക്ലോ​ക്കി​ല്‍ പ​ന്ത്ര​ണ്ട് മ​ണി​യാ​ണ് കാ​ണി​ക്കു​ന്ന​ത്. അ​ത് പ​ക്ഷേ ന​ട​ക്കു​ന്നു​ണ്ടാ​യി​രു​ന്നി​ല്ല. ഏ​തോ പ​ന്ത്ര​ണ്ട് മ​ണി​ക്ക് നി​ല​ച്ചു​പോ​യ ഘ​ടി​കാ​രം.

ഭ​ക്ഷ​ണം ക​ഴി​ച്ച് രാ​ജു കി​ട​ന്നു. വ​ള​രെ വേ​ഗം ഉ​റ​ങ്ങി​പ്പോ​യി. ഉ​ണ​ര്‍ന്ന് ജ​നാ​ല​യി​ലൂ​ടെ നോ​ക്കു​മ്പോ​ള്‍ പു​റ​ത്തെ മ​ട്ടു​പ്പാ​വി​ല്‍ നേ​ര​ത്തേ ക​ണ്ട സ്ത്രീ. ​അ​വ​ന് അ​വ​രെ കാ​ണാ​ന്‍ തോ​ന്നി. മു​റി​ക്ക് പു​റ​ത്തു​ക​ട​ന്നു. ഏ​റെ ചു​റ്റി​ത്തി​രി​ഞ്ഞ് അ​വ​ന്‍ മു​റ്റ​ത്താ​ണെ​ത്തി​യ​ത്. അ​വി​ടെ​നി​ന്ന് മ​ട്ടു​പ്പാ​വി​ലേ​ക്ക് നോ​ക്കി. ആ​രു​മി​ല്ല. മു​റ്റ​ത്തെ പൂ​ന്തോ​ട്ട​ത്തി​ലൂ​ടെ അ​വ​ന്‍ ചു​റ്റി​ന​ട​ന്നു. ഇ​ട​ക്ക് മ​ട്ടു​പ്പാ​വി​ലേ​ക്കു നോ​ക്കു​മ്പോ​ള്‍ അ​താ ആ ​സ്ത്രീ അ​വ​നെ ശ്ര​ദ്ധി​ച്ചു നി​ല്‍ക്കു​ന്നു. രാ​ജു ക​ണ്ടെ​ന്നു മ​ന​സ്സി​ലാ​ക്കി​യ​തോ​ടെ അ​വ​ര്‍ ഉ​ള്ളി​ലേ​ക്ക് മ​റ​ഞ്ഞു. ഓ​ടി ത​ള​ത്തി​ലേ​ക്ക് ക​യ​റി​യ രാ​ജു മു​ക​ള്‍നി​ല​യി​ലേ​ക്ക് വേ​ഗം ക​യ​റി​ച്ചെ​ന്നു.

അ​വി​ടെ അ​താ വ​ഴി ത​ട​ഞ്ഞ് പ​രി​ചാ​ര​ക​ന്‍.

അ​യാ​ള്‍ അ​വ​നെ കൂ​ട്ടി​ക്കൊ​ണ്ട് ഭ​ക്ഷ​ണ​മു​റി​യി​ലെ​ത്തി. അ​വി​ട​ത്തെ ക്ലോ​ക്കി​ല്‍ സ​മ​യം ഒ​ന്ന​ര എ​ന്ന് കാ​ണാം. സ​മൃ​ദ്ധ​മാ​യ ഭ​ക്ഷ​ണം വി​ള​മ്പി അ​യാ​ള്‍ മ​റ​ഞ്ഞു. രാ​ജു ഭ​ക്ഷ​ണം ക​ഴി​ച്ച് കൈ ​ക​ഴു​കി വ​ന്ന​പ്പോ​ള്‍ ടൗ​വ്വ​ലു​മാ​യി പ​രി​ചാ​ര​ക​ന്‍ അ​താ മു​ന്നി​ല്‍‌. കൈ ​തു​ട​ച്ച് ടൗ​വ്വ​ല്‍ കൊ​ടു​ക്കു​മ്പോ​ള്‍ പി​ന്നാ​ലെ വ​രാ​ന്‍ ആം​ഗ്യം കാ​ണി​ച്ച് അ​യാ​ള്‍ ന​ട​ന്നു. ഇ​ട​നാ​ഴി​ക​ള്‍ പി​ന്നി​ട്ട് പ​ഴ​യ മു​റി​യി​ലെ​ത്തി. മു​റി​യി​ല്‍ ക​യ​റി​യ രാ​ജു ആ​കെ അ​സ്വ​സ്ഥ​നാ​യി. അ​വ​ന്‍ ആ ​മു​റി ആ​കെ പ​രി​ശോ​ധി​ച്ചു. അ​വി​ടെ​യു​ണ്ടാ​യി​രു​ന്ന ചെ​റി​യ അ​ല​മാ​ര തു​റ​ന്ന​പ്പോ​ള്‍ ഒ​രു കു​പ്പി മ​ദ്യം. ഗ്ലാ​സും വെ​ള്ള​വും അ​വി​ടെ​ത്ത​ന്നെ ഉ​ണ്ടാ​യി​രു​ന്നു. ര​ണ്ട് പെ​ഗ്ഗ് വ​ള​രെ വേ​ഗം ക​ഴി​ച്ച​പ്പോ​ള്‍ ഒ​രാ​ശ്വാ​സം. മൂ​ന്നാ​മ​തൊ​ന്നു​കൂ​ടി ക​ഴി​ച്ച് ക​ട്ടി​ലി​ലേ​ക്ക് മ​റി​ഞ്ഞു. വീ​ണ്ടും ഉ​റ​ക്ക​ത്തി​ലേ​ക്ക്.

03

എ​വി​ടെ​നി​ന്നോ വ​യ​ലി​ന്റെ നേ​ര്‍ത്ത സം​ഗീ​തം കേ​ട്ടാ​ണ് രാ​ജു ഉ​ണ​ര്‍ന്ന​ത്. എ​ന്നാ​ല്‍, ഇ​പ്പോ​ള്‍ ഒ​ന്നും കേ​ള്‍ക്കാ​നി​ല്ല. സ്ഥ​ല​കാ​ല​ങ്ങ​ളെ​ക്കു​റി​ച്ചു ബോ​ധ്യം വ​ന്ന​പ്പോ​ള്‍ അ​വ​ന്‍ ജ​നാ​ല​യി​ലൂ​ടെ പു​റ​ത്തേ​ക്ക് നോ​ക്കി. വൈ​കു​ന്നേ​ര​മാ​യി​രി​ക്കു​ന്നു. വെ​യി​ല്‍ താ​ണു തു​ട​ങ്ങി. മ​ല​മു​ക​ളി​ല്‍ മ​ഞ്ഞി​ന്റെ പു​ക​പ​ട​ലം. വീ​ണ്ടും നേ​ര്‍ത്ത സം​ഗീ​തം കേ​ട്ടു. രാ​ജു മു​റി വി​ട്ടി​റ​ങ്ങി. സം​ഗീ​തം ഇ​പ്പോ​ള്‍ കു​റ​ച്ചു​കൂ​ടി വ്യ​ക്ത​മാ​യി കേ​ള്‍ക്കാം. അ​വ​ന്‍ അ​തി​നെ പി​ന്തു​ട​ര്‍ന്നു. ഇ​ട​നാ​ഴി​ക​ളും ഇ​ട​വ​ഴി​ക​ളും ഞെ​ട്ടി​ക്കു​ന്ന ശ​ബ്ദ​ങ്ങ​ളും വ​ഴി​തെ​റ്റി​ക്കു​ന്ന ഇ​ട​ങ്ങ​ളു​മാ​യി ഒ​രു രാ​വ​ണ​ന്‍കോ​ട്ട​പോ​ലെ ഭ​യം നി​റ​ഞ്ഞ​താ​യി​രു​ന്നു ആ ​ബം​ഗ്ലാ​വ്.

ഇ​ട​ക്ക് സം​ഗീ​തം നി​ല​ക്കും. അ​പ്പോ​ള്‍ നി​ല​യി​ല്ലാ​ത്ത ക​യ​ത്തി​ലെ​ന്ന​പോ​ലെ അ​വ​ന്‍ കു​ഴ​യും. വീ​ണ്ടും കേ​ട്ടു​തു​ട​ങ്ങും. ആ​ശ്വാ​സ​ത്തോ​ടെ അ​വ​ന്‍ ശ​ബ്ദ​ത്തെ പി​ന്തു​ട​രും. ഒ​രു പി​രി​യ​ന്‍ ഗോ​വ​ണി​ക്കു താ​ഴെ​യെ​ത്തി​യ​പ്പോ​ള്‍ ശ​ബ്ദം കു​റ​ച്ചു​കൂ​ടി വ്യ​ക്ത​മാ​യി. മു​ക​ളി​ല്‍നി​ന്നാ​ണ്. അ​വ​ന്‍ പ​ടി​ക​ള്‍ ക​രു​ത​ലോ​ടെ ക​യ​റി.

മു​ക​ള്‍ത്ത​ട്ടി​ലേ​ക്കു​ള്ള അ​വ​സാ​ന പ​ടി​യി​ലെ​ത്തി​യ​പ്പോ​ള്‍ നെ​റ്റി​യി​ല്‍ ഒ​രു ത​ണു​പ്പ്. അ​വ​നൊ​ന്ന് ഞെ​ട്ടി. ഇ​ര​ട്ട​ക്കു​ഴ​ല്‍ തോ​ക്കി​ന്റെ അ​ഗ്രം അ​വ​ന്റെ നെ​റ്റി​യി​ല്‍ മു​ട്ടി​നി​ല്‍ക്കു​ന്നു. അ​വ​ന്‍ തോ​ക്കി​ന്റെ അ​ങ്ങേ​ത്ത​ല​യി​ലേ​ക്ക് നോ​ക്കി. ഒ​രു സ്ത്രീ!

​വ​സ്ത്ര​ധാ​ര​ണ​ത്തി​ല്‍നി​ന്ന് അ​ത് നേ​ര​ത്തേ പ​ല​പ്പോ​ഴാ​യി ക​ണ്ട സ്ത്രീ​യാ​ണെ​ന്ന് ഊ​ഹി​ക്കാം. എ​ന്നാ​ല്‍, മു​ഖം വ്യ​ക്ത​മാ​യി​രു​ന്നി​ല്ല. ത​ല​യി​ല്‍‌ ഹൈ​പ്പ​വ​ര്‍ ടോ​ര്‍ച്ച്. ക​യ്യു​റ​ക​ള്‍. ക​ണ്ണു​ക​ള്‍ തോ​ക്കി​ന്റെ ലെ​ന്‍സി​ല്‍ സൂ​ക്ഷ്മ​മാ​യി പ​തി​ഞ്ഞി​രി​ക്കു​ന്നു.

തോ​ക്കി​ന്റെ കു​ഴ​ല്‍ നീ​ങ്ങി​യ ദി​ശ​യി​ലേ​ക്ക് രാ​ജു​വും നീ​ങ്ങി. അ​തൊ​രു വി​ശാ​ല​മാ​യ ഹാ​ള്‍ ആ​യി​രു​ന്നു. ഒ​രു മൂ​ല​യി​ല്‍ ഗ്രാ​മ​ഫോ​ണ്‍. അ​തി​ന്റെ ചു​റ്റി​ത്തി​രി​യ​ലി​നി​ട​ക്ക് വ​യ​ലി​ന്റെ സം​ഗീ​തം. പി​ന്നെ​യും നി​ശ്ശ​ബ്ദ​മാ​യ ക​റ​ക്കം. ആ ​മു​റി​യു​ടെ ചു​മ​രി​ല്‍ തോ​ക്കേ​ന്തി നി​ല്‍ക്കു​ന്ന ഒ​രു സ്ത്രീ​യു​ടെ നാ​യാ​ട്ട് ചി​ത്രം. ചൂ​ണ്ട​യി​ടു​ന്ന ഒ​രു വെ​ള്ള​ക്കാ​രി​യു​ടെ ചി​ത്രം വ​ലു​താ​യി സ്ഥാ​പി​ച്ചി​രു​ന്നു. മ​ട്ടു​പ്പാ​വി​ലേ​ക്ക് തു​റ​ക്കു​ന്ന വാ​തി​ലി​ലൂ​ടെ പു​റ​ത്ത് വി​ശാ​ല​മാ​യ ആ​കാ​ശ​വും കാ​ടി​ന്റെ മേ​ലാ​പ്പും കാ​ണാം.

തോ​ക്കി​ന്‍കു​ഴ​ല്‍ രാ​ജു​വി​നെ ഭി​ത്തി​യി​ല്‍ ചേ​ര്‍ത്ത് നി​ര്‍ത്തി. ട്രി​ഗ​ര്‍ വ​ലി​ഞ്ഞു. അ​ടു​ത്ത​നി​മി​ഷം വെ​ടി​പൊ​ട്ടു​മെ​ന്ന ഭ​യ​ത്തി​ല്‍ അ​വ​ന്‍ ക​ണ്ണു​ക​ള​ട​ച്ചു. ഒ​രു വെ​ടിശ​ബ്ദ​ത്തോ​ടെ അ​വ​ന്‍ ഞെ​ട്ടി​യു​ണ​ര്‍ന്നു. അ​പ്പോ​ള്‍ ആ ​സ്ത്രീ അ​വ​ന​രി​കി​ല്‍ ഉ​ണ്ടാ​യി​രു​ന്നി​ല്ല. മ​ട്ടു​പ്പാ​വി​ല്‍നി​ന്നു​കൊ​ണ്ട് അ​വ​ള്‍ ആ​കാ​ശ​ത്ത് ഏ​തോ ല​ക്ഷ്യ​ത്തി​ലേ​ക്ക് നി​റ​യൊ​ഴി​ച്ച​താ​ണ്. പ​റ​ന്നു​പോ​യ അ​സാ​ധാ​ര​ണ​മാം​വി​ധം ചി​റ​കു​ക​ളു​ള്ള പ​ക്ഷി ചോ​ര​വാ​ര്‍ന്ന് ഭൂ​മി​യി​ലേ​ക്ക് പ​തി​ക്കു​ന്ന​തി​ന്റെ കാ​ഴ്ച മി​ന്നാ​യം​പോ​ലെ അ​വ​ന്‍ ക​ണ്ടു. പൊ​ടു​ന്ന​നെ എ​വി​ടെ​നി​ന്നോ പ്ര​ത്യ​ക്ഷ​പ്പെ​ട്ട പ​രി​ചാ​ര​ക​ന്‍ അ​വ​നെ കൈ​പി​ടി​ച്ച് അ​തി​വേ​ഗം പ​ടി​ക​ളി​റ​ങ്ങി.

മു​റി​യി​ലേ​ക്ക് രാ​ജുവിനെ ത​ള്ളി​യ​ശേ​ഷം അ​യാ​ള്‍ പോ​യി. എ​ന്തൊ​രു ക​രു​ത്താ​ണ് ആ ​മെ​ലി​ഞ്ഞ മ​നു​ഷ്യ​നെ​ന്ന് അ​വ​ന്‍ ഓ​ര്‍ത്തു. താ​ന്‍ വ​ന്നു​പെ​ട്ടി​രി​ക്കു​ന്ന​ത് അ​പ​ക​ട​ക​ര​വും ദു​രൂ​ഹ​വു​മാ​യ ഒ​രു സ്ഥ​ല​ത്താ​ണെ​ന്ന് രാ​ജു തി​രി​ച്ച​റി​ഞ്ഞു.

04

നേ​രം സ​ന്ധ്യ​യാ​യി.

ചു​റ്റു​മു​ള്ള കാ​ഴ്ച​ക​ളെ മ​റ​ച്ചു​കൊ​ണ്ട് മ​ഞ്ഞി​റ​ങ്ങി. കാ​ട് കൂ​ടു​ത​ല്‍ ക​നം​​െവ​ച്ചു. അ​ര​ണ്ട ലൈ​റ്റു​ക​ള്‍ തെ​ളി​ഞ്ഞു. രാ​ജു പാ​തിമ​യ​ക്ക​ത്തി​ല്‍ ക​ട്ടി​ലി​ല്‍ കി​ട​ക്കു​ക​യാ​യി​രു​ന്നു.

രാ​ത്രി​യി​ലെ​പ്പോ​ഴോ പു​റ​ത്ത് ഒ​രു വാ​ഹ​നം വ​ന്നു​നി​ല്‍ക്കു​ന്ന ശ​ബ്ദം കേ​ട്ട് അ​വ​ന്‍ ജ​നാ​ല​യി​ലൂ​ടെ നോ​ക്കി. ഓ​ഫ്റോ​ഡ് സ​ഫാ​രി ജീ​പ്പി​ല്‍ അ​തി​കാ​യ​നാ​യ ഒ​രാ​ള്‍ വ​ന്നി​റ​ങ്ങി. അ​യാ​ള്‍ ബം​ഗ്ലാ​വി​നു​ള്ളി​ല്‍ മ​റ‍ഞ്ഞു. പി​ന്നെ​യും ഏ​റെനേ​രം ക​ഴി​ഞ്ഞ​പ്പോ​ള്‍ മ​റ്റൊ​രു വാ​ഹ​ന​ത്തി​ന്റെ ശ​ബ്ദം. ആ ​സ​ഫാ​രി ജീ​പ്പി​ല്‍നി​ന്ന് ഡ്രാ​ക്കു​ള​യെ​പ്പോ​ലെ വേ​ഷം ധ​രി​ച്ച ര​ണ്ടു​പേ​ര്‍ ഇ​റ​ങ്ങി. ദീ​ര്‍ഘച​തു​ര​ത്തി​ലു​ള്ള പെ​ട്ടി ഇ​രു​വ​രും ചേ​ര്‍ന്ന് പി​ടി​ച്ചു​കൊ​ണ്ട് അ​ക​ത്തേ​ക്ക് മ​റ​ഞ്ഞു. ആ ​വാ​ഹ​ന​ത്തി​ല്‍ മ​റ്റെ​ന്തോ​കൂ​ടി​യു​ണ്ടെ​ന്ന് രാ​ജുവിന് തോ​ന്നി. ജ​നാ​ല​യി​ല്‍ മ​ഞ്ഞി​ന്റെ പ​ട​ലം തു​ട​ച്ചു​മാ​റ്റി അ​വ​ന്‍ സൂ​ക്ഷി​ച്ച് നോ​ക്കി.

ക​ടു​വ​യു​ടെ വ​ലു​പ്പ​മു​ള്ള ക​റു​ക​റു​ത്ത നാ​യ. ജീ​പ്പി​ന്റെ പി​ന്നി​ല്‍ ആ ​ജ​ന്തു എ​ഴു​ന്നേ​റ്റ് നി​ല്‍ക്കു​ന്നു. മു​ന്‍ സീ​റ്റി​ലേ​ക്ക് കാ​ല്‍ ക​യ​റ്റി​വെ​ച്ചാ​ണ് അ​വ​ന്റെ നി​ല്‍പ്. ആ ​ക​ണ്ണു​ക​ള്‍ തി​ള​ങ്ങി. ആ ​നാ​യ ത​ന്നെ​യാ​ണ് നോ​ക്കു​ന്ന​തെ​ന്ന് അ​വ​ന് തോ​ന്നി. അ​വ​ന്‍ ജാ​ലക ക​ര്‍ട്ട​നു​ക​ള്‍ വേ​ഗം വ​ലി​ച്ചി​ട്ടു. നാ​യ മു​ന്‍ സീ​റ്റി​ലേ​ക്ക് ഇ​റ​ങ്ങി, സൈ​ഡി​ലൂ​ടെ മ​ണ്ണി​ലേ​ക്കി​റ​ങ്ങു​ന്ന​തും ബ്ലം​ഗ്ലാ​വി​നു​ള്ളി​ലേ​ക്ക് മ​റ​യു​ന്ന​തും ക​ര്‍ട്ട​നി​ട​യി​ലൂ​ടെ രാ​ജു ക​ണ്ടു.

ര​ക്ഷ​പ്പെ​ട​ണ​മെ​ന്ന തോ​ന്ന​ല്‍ അ​വ​നി​ല്‍ ഉ​ണ​ര്‍ന്നു. വേ​ഗം വ​സ്ത്രം മാ​റ്റി. ബാ​ഗ് എ​ടു​ത്തു. സ​മ​യം അ​റി​യാ​ന്‍ മാ​ര്‍ഗ​മൊ​ന്നു​മി​ല്ല. കാ​ടി​നെ​ക്കു​റി​ച്ചു​ള്ള ഭ​യം അ​വ​ന്റെ ഉ​ള്ളി​ലു​ണ്ടാ​യി​രു​ന്നു. ക​ത​കു തു​റ​ക്കാ​ന്‍ ശ്ര​മി​ച്ച​പ്പോ​ഴാ​ണ് താ​ന്‍ പൂ​ർ​ണ​മാ​യും അ​ക​പ്പെ​ട്ടു എ​ന്ന് രാ​ജു മ​ന​സ്സി​ലാ​ക്കി​യ​ത്. വാ​തി​ല്‍ പു​റ​ത്തു​നി​ന്ന് പൂ​ട്ടി​യി​രി​ക്കു​ന്നു. ഒ​ന്നു​ര​ണ്ടു ത​വ​ണ ക​ത​കി​ല്‍ മു​ട്ടി. ര​ക്ഷ​യി​ല്ലെ​ന്നു മ​ന​സ്സി​ലാ​യ​പ്പോ​ള്‍ നി​രാ​ശ​നാ​യി ക​ട്ടി​ലി​ലേ​ക്ക് വീ​ണു.

05

അ​വ​ന് ക​ര​ച്ചി​ല്‍ വ​ന്നു. പു​റ​ത്ത് വീ​ണ്ടും ഒ​രു വാ​ഹ​നം​കൂ​ടി വ​ന്നു​നി​ല്‍ക്കു​ന്ന ശ​ബ്ദം. രാ​ജു എ​ഴു​ന്നേ​റ്റ് നോ​ക്കി. സ​ഫാ​രി ജീ​പ്പാ​ണ്. അ​തി​കാ​യ​നാ​യ ഒ​രാ​ള്‍ സ്യൂ​ട്ട്കേ​സു​മാ​യി പു​റ​ത്തി​റ​ങ്ങി, ഉ​ള്ളി​ല്‍ മ​റ​ഞ്ഞു.

ഏ​താ​നും നി​മി​ഷ​ങ്ങ​ള്‍ ക​ട​ന്നു​പോ​യി. മു​റി​ക്ക് പു​റ​ത്ത് കാ​ല്‍പ്പെ​രു​മാ​റ്റം കേ​ട്ടു. വ​രാ​ന്‍പോ​കു​ന്ന അ​പ​ക​ട​ത്തെ നേ​രി​ടാ​ന്‍ അ​വ​ന്‍ ത​യാ​റാ​യി. ഇ​ത് ത​ന്റെ എ​തി​ര്‍ചേ​രി​യു​ടെ കെ​ണി​യാ​ണെ​ന്ന് അ​വ​ന്‍ ഉ​റ​പ്പി​ച്ചു. വ​ര്‍മ​യും അ​വ​രു​ടെ ആ​ളാ​യി​രി​ക്ക​ണം. അ​​െല്ല​ങ്കി​ല്‍ത​ന്നെ പ​ട്ട​ണ​ത്തി​ലെ വ​മ്പ​ന്‍മാ​രാ​ണ് ച​ര​ക്ക് ഡീ​ലി​ന്റെ പി​ന്നി​ല്‍. അ​വ​ര്‍ ഒ​രി​ക്ക​ലും പു​റ​ത്ത് വ​രാ​റി​​െല്ല​ന്നു​മാ​ത്രം. അ​ന്ന് ഓ​ടി​ക്ക​യ​റി​യ​ത് മ​ര​ണ​ത്തി​ന്റെ വാ​യി​ലേ​ക്കാ​യി​രു​ന്ന​ല്ലോ എ​ന്ന് രാ​ജു ഓ​ര്‍ത്തു.

ക​ത​ക് തു​റ​ക്കു​ന്ന ശ​ബ്ദം.

അ​വ​ന്‍ തയാ​റാ​യി നി​ന്നു.

ക​ത​ക് തു​റ​ന്നു​വ​ന്ന​ത് പ​രി​ചാ​ര​ക​നാ​ണ്.

"വ​രാ​ന്‍ പ​റ​ഞ്ഞു.''

"ആ​ര്?'' അ​യാ​ള​തി​ന് ഉ​ത്ത​ര​മൊ​ന്നും പ​റ‍ഞ്ഞി​ല്ല.

രാ​ജു അ​യാ​ള്‍ക്ക് പി​ന്നാ​ലെ ന​ട​ന്നു. ഇ​രു​ളും അ​ര​ണ്ട വെ​ളി​ച്ച​വും ക​ല​ര്‍ന്ന ഇ​ട​നാ​ഴി​ക​ളി​ലൂ​ടെ ഏ​റെ ദൂ​രം ന​ട​ന്ന് അ​വ​ര്‍ വി​ശാ​ല​മാ​യ ത​ള​ത്തി​ലെ​ത്തി. അ​വി​ടെ എ​ത്തു​ന്ന​തി​നു​മു​മ്പേ ആ​രൊ​ക്കെ​യോ ഉ​ച്ച​ത്തി​ല്‍ സം​സാ​രി​ക്കു​ന്ന​തി​ന്റെ​യും അ​ട്ട​ഹ​സി​ക്കു​ന്ന​തി​ന്റെ​യും ശ​ബ്ദം കേ​ള്‍ക്കാ​മാ​യി​രു​ന്നു.

ത​ള​ത്തി​ല്‍ തീ​ന്‍മേ​ശ​ക്കു ചു​റ്റും പ്ര​ത്യേ​ക​രീ​തി​യി​ല്‍ വ​സ്ത്രം ധ​രി​ച്ച അ​തി​കാ​യ​ന്‍മാ​രാ​യ നാ​ല് പു​രു​ഷ​ന്‍മാ​ര്‍. മ​ധ്യ​ത്തി​ല്‍ ഒ​രു സ്ത്രീ. ​പ​ക​ല്‍ ക​ണ്ട സ്ത്രീ​യാ​യി​രി​ക്ക​ണം. പ​േ​ക്ഷ, പു​രു​ഷ​ന്‍മാ​രു​ടേ​തു പോ​ലെ​യാ​യി​രു​ന്നു അ​പ്പോ​ഴ​ത്തെ അ​വ​രു​ടെ വേ​ഷം. തീ​ന്‍മേ​ശ​യു​ടെ ഒ​ര​റ്റ​ത്ത് മേ​ശ​യു​ടെ മു​ക​ളി​ല്‍ മു​ന്‍കാ​ല്‍ ക​യ​റ്റി​െവ​ച്ച് രൂ​ക്ഷ​മാ​യി മു​ര​ണ്ടു​കൊ​ണ്ട് നാ​യ​യു​മു​ണ്ടാ​യി​രു​ന്നു.

മു​റി​യു​ടെ മൂ​ല​യി​ല്‍ ആ​ഴി. ആ​ഴി​യി​ലേ​ക്ക് ഇ​ട​ക്കി​ടെ നീ​ള​ന്‍ വി​റ​കു ക​ഷ​ണ​ങ്ങ​ള്‍ വെച്ചു​കൊ​ടു​ക്കു​ന്നു. അ​പ്പോ​ള്‍ സ്വ​ർ​ണ​ത്തി​രി​ക​ള്‍പോ​ലെ തീ​പ്പൊ​രി ചി​ത​റി. മ​റ്റൊ​രു ഭാ​ഗ​ത്ത് ഇ​റ​ച്ചി തീ​യി​ല്‍ വെ​ന്തു​കൊ​ണ്ടി​രി​ക്കു​ന്നു. ക​മ്പി​യി​ല്‍ കു​ത്തി തീ​യി​ല്‍ ചു​ടു​ന്ന​ത് ഒ​രു പ​ക്ഷി​യു​ടെ ശ​രീ​ര​മാ​ണ്. നേ​ര​ത്തേ വെ​ടി​വെച്ചു​വീ​ഴ്ത്തി​യ വ​ലി​യ പ​ക്ഷി​യെ രാ​ജുവിന് ഓ​ർ​മ​വ​ന്നു. വ​ലി​യ കു​പ്പി​ക​ളി​ല്‍ മ​ദ്യം നി​ര​ത്തി​യി​രു​ന്നു. ആ ​മു​റി ആ​ക​പ്പാ​ടെ നാ​യാ​ട്ടു​കാ​രു​ടെ സ​ങ്കേ​തം​പോ​ലെ തോ​ന്നി​ച്ചു.

രാ​ജുവിനെ സ്വാ​ഗ​തം ചെ​യ്ത​ത് ന​രേ​ന്ദ്ര വ​ര്‍മ​യാ​യി​രു​ന്നു. ത​ലേ​ന്നു ക​ണ്ട വേ​ഷ​മേ ആ​യി​രു​ന്നി​ല്ല. പ​ട്ടാ​ള​ക്കാ​രു​ടേ​തു​പോ​ലെ ഇ​റു​കി​യ കു​പ്പാ​യം. ട്രൗ​സ​ര്‍. തൊ​പ്പി. വ​ര്‍മ അ​വ​നെ എ​ല്ലാ​വ​ര്‍ക്കു​മാ​യി പ​രി​ച​യ​പ്പെ​ടു​ത്തി.

"ഇ​ത് രാ​ജു. മ​ര​ണ​ത്തി​ന്റെ വ​ക്കി​ല്‍നി​ന്ന് ഇ​ന്ന​ലെ എ​ന്റെ കാ​റി​ന്റെ മു​ന്നി​ലേ​ക്ക് ഓ​ടി​വ​ന്ന​താ. ഞാ​ന​ങ്ങ് പൊ​ക്കി. മി​നി​ഞ്ഞാ​ന്ന് രാ​ത്രി പ​ട്ട​ണ​ത്തി​ല്‍ ന​ട​ക്കേ​ണ്ടി​യി​രു​ന്ന കോ​ടി​ക​ളു​ടെ ഒ​രു ഡീ​ല്‍. പ​ക്ഷേ, കൂ​ടെ​യു​ള്ള​വ​ര്‍ ആ​രോ ഒ​റ്റി. ച​ര​ക്ക് കൈ​വി​ട്ടു. പ​ണം കി​ട്ടി​യ​തു​മി​ല്ല. ഇ​പ്പോ ഇ​വ​ന്റെ ത​ല​ക്ക് കോ​ടി​ക​ളു​ടെ വി​ല​യാ. ന​മു​ക്കി​വ​നെ അ​ങ്ങ് ര​ക്ഷി​ച്ചാ​ലോ?

തീ​ന്‍മേ​ശ​യി​ലി​രു​ന്ന​വ​ര്‍ ചി​രി​ച്ചു​കൊ​ണ്ട് പി​ന്താ​ങ്ങി. "തീ​ര്‍ച്ച​യാ​യും.''

അ​പ്പോ​ള്‍ ആ ​സ്ത്രീ ഒ​രു ബാ​ഗ് എ​ടു​ത്ത് മേ​ശ​പ്പു​റ​ത്ത് വെച്ചു. തു​റ​ന്നു. നി​റ​യെ രൂ​പ!

"ഇ​ത് അ​ഞ്ച് കോ​ടി.''

"നി​ന​ക്കാ​വ​ശ്യ​മു​ള്ള​തി​നേ​ക്കാ​ള്‍ ര​ണ്ട് കോ​ടി കൂ​ടു​ത​ല്‍." അ​വ​രി​ലൊ​രാ​ള്‍ കൂ​ട്ടി​ച്ചേ​ര്‍ത്തു.

ക​ഴി​ഞ്ഞ ദി​വ​സ​ത്തെ ഡീ​ല്‍ മൂ​ന്നു കോ​ടി​യു​ടേ​താ​യി​രു​ന്നു​വെ​ന്ന് ഇ​വ​ര്‍ക്കെ​ങ്ങ​നെ മ​ന​സ്സി​ലാ​യി? രാ​ജു ചു​റ്റും നോ​ക്കി. അ​വ​ന് ഭ​യം പെ​രു​വി​ര​ലി​ല്‍നി​ന്ന് ക​യ​റി​ത്തു​ട​ങ്ങി.

"ഇ​ത് നി​ന​ക്കു​ള്ള​താ​ണ്.'' സ്ത്രീ ​പ​റ​ഞ്ഞു.

"ഒ​രു ക​ണ്ടീ​ഷ​ന്‍...'' വ​ര്‍മ പ​റ​ഞ്ഞു. "ന​മ്മ​ള്‍ ആ​റാ​ളും പ​ങ്കെ​ടു​ക്കു​ന്ന ഒ​രു ഗെ​യി​മി​ല്‍ നീ ​ജ​യി​ക്ക​ണം.''

"ഗെ​യിം..?'' അ​വ​ന് മ​ന​സ്സി​ലാ​യി​ല്ല.

"ഒ​രു ക​ളി'' -വ​ര്‍മ.

ഇ​തൊ​രു ക​ളി​യാ​ണ് മ​ര​ണ​ക്ക​ളി. ജ​യി​ച്ചാ​ല്‍ അ​ഞ്ചു കോ​ടി രൂ​പ നി​നക്ക് സ്വ​ന്തം. തോ​റ്റാ​ല്‍ ജീ​വ​ന്‍ ന​ല്‍കേ​ണ്ടി​വ​രും. പ​ണ​വു​മാ​യി ഈ ​രാ​ത്രി ഈ ​വ​നാ​തി​ര്‍ത്തി ക​ട​ന്നാ​ല്‍ നീ ​ജ​യി​ക്കും.

"ഇ​ത് ക​ള്ള​പ്പ​ണ​മൊ​ന്നു​മ​ല്ല. അ​തി​ന്റെ എ​ല്ലാ രേ​ഖ​ക​ളും ഈ ​ബാ​ഗി​ലു​ണ്ട്.'' -സ്ത്രീ.

​തോ​റ്റാ​ല്‍. "തോ​ല്‍ക്കു​ക​യ​ല്ല, മ​രി​ക്കു​ക​യാ​ണ്. '' ഫ്ര​ഡ​റി​ക് ജ​യിം​സ് എ​ന്ന് പ​രി​ച​യ​പ്പെ​ടു​ത്തി​യ പൊ​ക്ക​മു​ള്ള മ​നു​ഷ്യ​ന്‍ പ​റ‍ഞ്ഞു.

"ക​ളി​യി​ല്‍ തോ​റ്റാ​ല്‍ ബാ​ഗി​ലെ പ​ണ​ത്തി​ന്റെ രേ​ഖ​ക​ള്‍ ഞ​ങ്ങ​ള്‍ മാ​റ്റും. ബം​ഗ്ലാ​വി​ല്‍നി​ന്നു പ​ണം മോ​ഷ്ടി​ച്ച് ക​ട​ന്ന യു​വാ​വ് വെ​ടി​യേ​റ്റ് മ​രി​ച്ചു... ക്ലോ​സ്'' -സ്ത്രീ.

"​ക​ഥ അ​വി​ടെ ക​ഴി​യും'' -വ​ര്‍മ.

ഞെ​ട്ടി​ത്ത​രി​ച്ചു​നി​ല്‍ക്കു​ക​യാ​യി​രു​ന്ന രാ​ജുവിനെ നോ​ക്കി വ​ര്‍മ പ​റ​ഞ്ഞു.

"ഈ ​ക​ളി​യി​ല്‍ പ​ങ്കെ​ടു​ക്ക​ണോ വേ​ണ്ട​യോ എ​ന്ന് നി​ന​ക്കു തീ​രു​മാ​നി​ക്കാം."

രാ​ജു നി​ഷേ​ധ​ഭാ​വ​ത്തി​ല്‍ ത​ല​യാ​ട്ടി. അ​വ​ന് ഒ​ന്നും വ്യ​ക്ത​മാ​യി​ല്ല. ദു​രൂ​ഹ​വും അ​പ​ക​ട​ക​ര​വു​മാ​യ ഒ​രു സ്ഥ​ല​ത്ത് അ​ക​പ്പെ​ട്ട അ​വ​സ്ഥ.

"നി​ങ്ങ​ളു​ടെ ഉ​ത്ത​രം ത​യ്യാ​ര്‍ എ​ന്നാ​ണ​ങ്കി​ല്‍ ക​ളിനി​യ​മ​ത്തി​ലേ​യ്ക്ക് വ​രാം. അ​ല്ല എ​ന്നാ​ണെ​ങ്കി​ല്‍ ആ​രും ത​ട​യി​ല്ല, ഈ ​നി​മി​ഷം ഇ​വി​ടം വി​ട്ടു​പോ​കാം.'' സ്ത്രീ​യാ​ണ് പ​റ​ഞ്ഞ​ത്.

"നി​ങ്ങ​ള്‍ ഇ​വി​ടെ വ​ന്നി​ട്ടി​ല്ല. ന​മ്മ​ള്‍ ത​മ്മി​ല്‍ ക​ണ്ടി​ട്ടു​മി​ല്ല.'' വ​ര്‍മ ക​ര്‍ക്ക​ശ​മാ​യി പ​റ​ഞ്ഞു. "പി​ന്നെ​യെ​ല്ലാം നി​ന്റെ വി​ധി.'' അ​യാ​ള്‍ പ​റ​ഞ്ഞ​തി​ല്‍ ഭീ​ഷ​ണി​യു​ണ്ടാ​യി​രു​ന്നു.

രാ​ജു ഒ​രു നി​മി​ഷം ആ​ലോ​ചി​ച്ചു. അ​വ​ന് ഭ​യം ത​ല​യി​ല്‍വ​രെ​യെ​ത്തി​യി​രു​ന്നു.

"ഈ ​ക​ളി​യ്ക്ക് ഞാ​നി​ല്ല'', അ​വ​ന്‍ തീ​ര്‍ത്ത് പ​റ​ഞ്ഞു.

"ശ​രി... ന​മ്മ​ള്‍ പി​രി​യു​ന്നു. ന​മ്മ​ള്‍ ക​ണ്ടു​മു​ട്ടി​യി​ട്ടേ​യി​ല്ല. വേ​ണ​മെ​ങ്കി​ല്‍ അ​ൽപം കു​ടി​ക്കാം. ന​മ്മ​ൾ ക​ണ്ടു​മു​ട്ടി​യ​തി​ന്റെ ഓ​ർ​മ​യ്ക്ക്.'' വ​ര്‍മ മ​ദ്യം നി​റ​ച്ച ഗ്ലാ​സ് അ​വ​ന് നേ​രെ നീ​ട്ടി.

രാ​ജു അ​ത് വാ​ങ്ങി​യി​ല്ല.

അ​യാ​ള​ത് മേ​ശ​മേ​ല്‍ വെച്ചു.

06

രാ​ജു പു​റ​ത്തേ​ക്കു ന​ട​ന്നു. പു​റ​ത്ത് ക​ട്ട​പി​ടി​ച്ച ഇ​രു​ട്ടാ​ണ്. അ​വ​ന്‍ വാ​തി​ൽപ​ടി​യി​ല്‍ നി​ന്നു.

വ​ര്‍മ അ​ക​ത്തു​നി​ന്ന് ഇ​റ​ങ്ങിവ​ന്നു. "രാ​ജു... നീ ​എ​വി​ടേ​യ്ക്ക് പോ​യാ​ലും അ​വ​ര്‍ നി​ന്നെ പി​ടി​കൂ​ടും. പ​ണം തി​രി​കെ കൊ​ടു​ക്കാ​നാ​യി​​െല്ല​ങ്കി​ല്‍ മ​ര​ണം ഉ​റ​പ്പ്. ഇ​തൊ​രു ചാ​ന്‍സാ​ണ്. ജ​യി​ക്കു​ക എ​ന്ന ജീ​വ​ന്‍മ​ര​ണ ക​ളി.''​ വ​ര്‍മ വാ​തി​ല്‍ക്ക​ല്‍ നി​ന്നു.

രാ​ജു തി​രി​ഞ്ഞു​നോ​ക്കാ​തെ ഇ​രു​ട്ടി​ലേ​ക്കി​റ​ങ്ങി.

പു​റ​ത്ത് മ​ഞ്ഞ് ക​ട്ട​പി​ടി​ച്ചി​രു​ന്നു. രാ​ത്രി ദീ​പ​ങ്ങ​ള്‍ അ​ര​ണ്ട് തെ​ളി​ഞ്ഞി​രു​ന്നു. നി​ലാ​വ് വി​ള​റി​യി​രു​ന്നു. മ​രം​കോ​ച്ചു​ന്ന ത​ണു​പ്പാ​യി​രു​ന്നു. മ​ര​ണ​ത്തി​ലേ​ക്ക് കാ​ലെ​ടു​ത്തു​വെ​ക്കും​പോ​ലെ അ​വ​ന്‍ മു​റ്റ​ത്തേ​ക്കി​റ​ങ്ങി. ഒ​രു നി​മിഷം നി​ന്നു.

അ​ക​ത്ത് ചു​ട്ട പ​ക്ഷി​യെ വീ​തം​െവ​ച്ച് ക​ഴി​ക്കു​ക​യും ഗ്ലാ​സു​ക​ളി​ല്‍ മ​ദ്യം നി​റക്കുക​യും ചെ​യ്യു​ന്ന​തി​ന്റെ ഒ​ച്ച കേ​ള്‍ക്കാം. ഒ​ന്നും സം​ഭ​വി​ച്ചി​ട്ടേ​യി​ല്ല എ​ന്നമ​ട്ടി​ല്‍ അ​വ​ര്‍ തീ​ന്‍മേ​ശ​യി​ലേ​ക്ക് മ​ട​ങ്ങി​യി​രു​ന്നു.

പെ​െട്ട​ന്ന് വാ​തി​ല്‍ ത​ള്ളി​ത്തു​റ​ന്ന് രാ​ജു അ​ക​ത്തേ​ക്ക് ക​ട​ന്നു​ചെ​ന്നു.

വ​ര്‍മ അ​പ്പോ​ള്‍ ഒ​രു ഗ്ലാ​സി​ല്‍ മ​ദ്യം നി​റ​ക്കു​ക​യാ​യി​രു​ന്നു. അ​ത് രാ​ജുവിന് നേ​രെ നീ​ട്ടി അ​യാ​ള്‍ പ​റ​ഞ്ഞു: "വൈ​കി​യി​ല്ല. ഇ​ത് നി​ന​ക്കാ​ണ്. ക​ളി തു​ട​ങ്ങാ​നു​ള്ള നി​ന്റെ തീ​രു​മാ​ന​ത്തി​നു​ള്ള​ത്.''

രാ​ജു ഒ​റ്റ​വ​ലി​ക്ക് ആ ​ഗ്ലാ​സ് കാ​ലി​യാ​ക്കി. എ​ല്ലാ​വ​രും ക​യ്യ​ടി​ച്ചു.

വ​ര്‍മ അ​വി​ടെ ഉ​ണ്ടാ​യി​രു​ന്ന​വ​രെ പ​രി​ച​യ​പ്പെ​ടു​ത്തി.

ഫ്ര​ഡ​റി​ക് ജ​യിം​സ്, അ​മ്പ​തി​നു​മേ​ല്‍ പ്രാ​യം. കൊ​ല്ലം അ​ഞ്ചു​തെ​ങ്ങാ​ണ് സ്വ​ദേ​ശം. മൈ​സൂ​രി​ലും ചി​ക്ക​മം​ഗ​ളൂ​രി​ലും തോ​ട്ട​ങ്ങ​ളു​ണ്ട്. പ്ലാ​ന്റ​റാ​ണ്. ഹ​ണ്ടി​ങ്ങാ​ണ് ഇ​ഷ്ട​വി​നോ​ദം. അ​പ്പൂ​പ്പ​ന്‍ വു​ഡ്സാ​യ്പ് വ​ലി​യ നാ​യാ​ട്ടു​കാ​ര​നാ​യി​രു​ന്നു. മൈ​സൂ​രി​ലും നീ​ല​ഗി​രി​യി​ലും പ്ര​ത്യേ​ക രീ​തി​യി​ല്‍ മാ​നി​നെ വേ​ട്ട​യാ​ടു​ന്ന നീ​ല്‍ഗി​രി ഹ​ണ്ടി​ല്‍ പ്ര​ഗ​ല്ഭ​ന്‍. ഫ്ര​ഡ​റി​കി​ന്റെ തോ​ക്കി​ന്‍മു​ന​യി​ല്‍നി​ന്ന് ഒ​രു മാ​ന്‍കു​ഞ്ഞും ഇ​ന്നേ​വ​രെ ര​ക്ഷ​പ്പെ​ട്ടി​ട്ടി​ല്ല.

രാ​ത്രി​യി​ല്‍ മേ​യു​ന്ന മാ​നി​ന്റെ ക​ണ്ണു​ക​ളി​ലെ തി​ള​ക്കം നോ​ക്കി മി​ന്നു​ന്ന ര​ണ്ട് കൃ​ഷ്ണ​മ​ണി​ക​ള്‍ക്ക് ന​ടു​വി​ല്‍ നി​റ​യൊ​ഴി​ക്കും. പ​േ​ക്ഷ, മാ​നി​നെ കൊ​ല്ലു​ന്ന​തി​ല്‍ അ​യാ​ള്‍ക്ക് ക​മ്പ​മി​ല്ല. തി​ന്നാം എ​ന്ന​ല്ലാ​തെ?! ഇ​ട​യ്ക്കി​ടെ ആ​ഫ്രി​ക്ക​യി​ലേ​ക്ക് യാ​ത്ര​പോ​കും. സ​ഫാ​രി പാ​ര്‍ക്കു​ക​ളി​ലും ഘോ​ര​വ​നാ​ന്ത​ര​ങ്ങ​ളി​ലും നാ​യാ​ടി​യി​ട്ടു​ണ്ട്. ആ​ഫ്രി​ക്ക​ന്‍ ആ​ന​യു​ടെ മ​സ്ത​കം പൂ​ത്തി​രി​പോ​ലെ ചി​ത​റി​ക്കു​ന്ന​തി​ലാ​ണ് ഹ​രം.

ഹാ​രി​സ​ണ്‍ ഡേ​വി​ഡ്, ബാം​ഗ്ലൂ​രാ​ണ്. ഏ​റെ​ക്കാ​ലം ഷി​ല്ലോ​ങ്ങി​ലും മ​റ്റു​മാ​യി​രു​ന്നു. ചീ​റ്റ​ക​ളെ പി​ന്തു​ട​ര്‍ന്ന് വീ​ഴ്ത്തു​ന്ന​തി​ല്‍ പേ​രു​കേ​ട്ട ശി​ക്കാ​രി​യാ​ണ് ഹാ​രി​സി​ന്റെ മു​ത്ത​ച്ഛ​ന്‍. ബ്രി​ട്ടീ​ഷ് ഇ​ന്ത്യ​യി​ലെ അ​വ​സാ​ന​ത്തെ നാ​യാ​ട്ടു​കാ​ര​നാ​യി​രു​ന്നു അ​യാ​ള്‍. സ്വാ​ത​ന്ത്ര്യം കി​ട്ടി​യ​പ്പോ​ള്‍ ഇം​ഗ്ലീ​ഷു​കാ​രെ​ല്ലാം മ​ട​ങ്ങി​പ്പോ​യി​ട്ടും അ​ച്ഛ​ന്‍ ഹാ​രി​സ​ണ്‍ സാ​യി​പ്പ് പോ​യി​ല്ല. അ​യാ​ളും അ​യാ​ളു​ടെ കൂ​ര്‍ഗു​കാ​രി ഭാ​ര്യ​യും ഇ​വി​ടെ തു​ട​ര്‍ന്നു. ആ ​പ​ര​മ്പ​ര​യി​ൽപെ​ട്ട​താ​ണ് ഹാ​രി​സ​ണ്‍ ഡേ​വി​ഡ്. വേ​ട്ട​ക്കാ​ര​ന്റെ ചോ​ര.

സൈ​ദ് നൈ​സാം. അ​പ്പൂ​പ്പ​ന്‍ ഹൈ​ദ​രാ​ബാ​ദ് നൈ​സാ​മി​ന്റെ പ​ര​മ്പ​ര​യാ​ണ്. സൈ​ദി​ന്റെ അ​മ്മ മ​ല​ബാ​റി​ല്‍ ത​ല​ശ്ശേ​രി​ക്കാ​രി​യാ​ണ്. നാ​യാ​ട്ടി​ല്‍ ബ്രി​ട്ടീ​ഷു​കാ​രു​മാ​യി മ​ത്സ​രി​ച്ച പാ​ര​മ്പ​ര്യ​മു​ള്ള രാ​ജപ​ര​മ്പ​ര​യി​ൽപെ​ട്ട ആ​ള്‍. ആ​ന്ധ്ര​യി​ലെ വ​നാ​ന്ത​ര​ങ്ങ​ളി​ല്‍ ആ​രു​മ​റി​യാ​തെ ക​യ​റി ആ​ന​ക​ളെ​യും ക​ടു​വ​യെ​യും വേ​ട്ട​യാ​ടു​ന്ന​താ​ണ് വി​നോ​ദം.

എ​ലീ​ന, എ​ലീ​ന മൈ​ക്കേ​ല്‍സ്മി​ത്ത്. ഈ ​ബം​ഗ്ലാ​വി​ന്റെ ഉ​ട​മ. നീ​ല്‍ഗി​രി​യി​ലേ​ക്കും മൂ​ന്നാ​റി​ലേ​ക്കും തോ​ട്ടം നി​ർ​മി​ക്കാ​ന്‍ വ​ന്ന ചി​ല ബ്രി​ട്ടീ​ഷു​കാ​രെ​ങ്കി​ലും മ​ട​ങ്ങി​പ്പോ​യി​ല്ല. വ​നാ​ന്ത​ര​ങ്ങ​ളി​ല്‍ വേ​ട്ട​യാ​ടി പു​രു​ഷ​ന്‍മാ​രും ജ​ലാ​ശ​യ​ങ്ങ​ളി​ല്‍ ചൂ​ണ്ട​യെ​റി​ഞ്ഞ് മീ​നു​ക​ളെ വേ​ട്ട​യാ​ടി അ​വ​രു​ടെ പെ​ണ്ണു​ങ്ങ​ളും ഈ ​നാ​ടി​നെ സ്നേ​ഹി​ച്ചു. ഭി​ത്തി​യി​ലെ വ​ലി​യ ചി​ത്ര​ത്തി​ലേ​ക്ക് ചൂ​ണ്ടി വ​ര്‍മ പ​റ​ഞ്ഞു: "എ​ലീ​ന​യു​ടെ മു​തു​മു​ത്ത​ശ്ശി​യു​ടെ ചി​ത്ര​മാ​ണ​ത്.'' സ്ത്രീ​ക​ള്‍ ചൂ​ണ്ട​യി​ട്ടും പു​രു​ഷ​ന്‍മാ​ര്‍ വേ​ട്ട​യാ​ടി​യും പു​ല​ര്‍ന്നു​പോ​ന്ന ആ ​ശീ​ലം എ​ലീ​ന അ​ങ്ങ് തെ​റ്റി​ച്ചു. ക​ടു​വ​യു​ടെ ക​ണ്ണു​ക​ളി​ല്‍ നോ​ക്കി തി​രു​നെ​റ്റി​യി​ല്‍ നി​റ​യൊ​ഴി​ക്കു​ന്ന​തി​ന്റെ ഹ​ര​മു​ണ്ട​ല്ലോ ഒ​രി​ക്ക​ല്‍ അ​നു​ഭ​വി​ച്ച​വ​ര്‍ക്ക് മ​റ​ക്കാ​നാ​വി​ല്ല. അ​താ​ണ് എ​ലീ​ന. പ​റ​ക്കു​ന്ന പ​ക്ഷി​യു​ടെ ക​ഴു​ത്തി​ല്‍ നി​റ​യൊ​ഴി​ക്കു​ന്ന ക​ണി​ശ​ത.

മ​േ​ഹ​ന്ദ്ര വ​ര്‍മ​യു​ടെ അ​പ്പൂ​പ്പ​ന്‍ ക​ണ്ണ​ന്‍ദേ​വ​ന്‍ മ​ല​നി​ര​ക​ളി​ലെ സാ​യ്പി​ന്റെ ഡോ​ക്ട​റാ​യി​രു​ന്നു. മ​നു​ഷ്യ​രെ ചി​കി​ത്സി​ക്കു​ന്ന ഡോ​ക്ട​ര്‍ക്ക് ക​മ്പം പ​ക്ഷേ മൃ​ഗ​ങ്ങ​ളെ എ​യ്തു​വീ​ഴ്ത്തു​ന്ന​തി​ലാ​യി​രു​ന്നു. ഇ​രു​പ​ത് ആ​ന​ക​ളെ വെ​ടി​വെ​ച്ച് വീ​ഴ്ത്തി​യ​തി​ന് ശ്രീ​മൂ​ലം സ​ഭ​യു​ടെ അം​ഗീ​കാ​രം നേ​ടി​യി​ട്ടു​ണ്ട് അ​പ്പൂ​പ്പ​ന്‍. തോ​ട്ട​ങ്ങ​ളി​ലി​റ​ങ്ങു​ന്ന കാ​ട്ടാ​ന​ക​ളെ വെ​ടി​വെ​ച്ചു​കൊ​ല്ലാ​ന്‍ തി​രു​വി​താം​കൂ​ര്‍ രാ​ജാ​വി​ന്റെ അ​നു​മ​തി​യു​ണ്ടാ​യി​രു​ന്നു. ഒ​രാ​ന​ക്ക് അ​മ്പ​ത് പ​ണം റി​വാ​ഡും കി​ട്ടും. ആ​ന​ക്കൊ​മ്പും പ​ല്ലും ന​ഖ​ങ്ങ​ളും പു​രാ​ശേ​ഖ​ര​ങ്ങ​ളാ​യി വീ​ട്ടി​ല്‍ കു​മി​ഞ്ഞു​കൂ​ടി. അ​പ്പൂ​പ്പ​ന്‍ കാ​ട്ടി​ല്‍ നാ​ട്ടു​രാ​ജാ​വി​നെ​പ്പോ​ലെ ജീ​വി​ച്ചു. പെ​രി​യാ​ര്‍ വ​നാ​ന്ത​ര​ങ്ങ​ളി​ല്‍ ക​ടു​വ​യെ വേ​ട്ട​യാ​ടി ഹ​രം​പി​ടി​ച്ച് അ​പ്പൂ​പ്പ​ന്‍ സാ​യ്പി​നൊ​പ്പം യൂ​റോ​പ്പി​ലേ​ക്കും പി​ന്നീ​ട് ആ​ഫ്രി​ക്ക​യി​ലേ​ക്കും പോ​യി. മ​ര​ണം കാ​ട്ടി​നു​ള്ളി​ല്‍. ഒ​രു നാ​യാ​ട്ടു യാ​ത്ര​യി​ല്‍ ഹൃ​ദ​യം നി​ല​ച്ചു​പോ​യി. അ​പ്പൂ​പ്പ​നെ അ​വി​ടെ സം​സ്ക​രി​ച്ചു. ചി​താ​ഭ​സ്മം ഇ​ന്ത്യ​യി​ലെ എ​ല്ലാ വ​ന്യ​ജീ​വി സ​ങ്കേ​ത​ത്തി​ലും വി​ത​റ​ണം എ​ന്നാ​യി​രു​ന്നു അ​പ്പൂ​പ്പ​ന്റെ വ​ന്യ​മാ​യ അ​ന്ത്യാ​ഭി​ലാ​ഷം. മ​ക്ക​ള്‍ അ​ത് നി​റ​വേ​റ്റി​ക്കൊ​ടു​ത്തു.

"ആ ​അ​പ്പൂ​പ്പ​ന്റെ ശി​ക്കാ​രി​യാ​യ കൊ​ച്ചു​മ​ക​നാ​ണ് ഞാ​ന്‍. എ​ന്റെ വ​ഴി പ​ക്ഷേ അ​ച്ഛ​നെ​പ്പോ​ലെ വ​ക്കീ​ലാ​കാ​നാ​യി​രു​ന്നു. അ​തു​മൊ​രു നാ​യാ​ട്ടാ​ണ്...'' വ​ര്‍മ എ​ല്ലാ​വ​രെ​യും പ​രി​ച​യ​പ്പെ​ടു​ത്തി.

പി​ന്നീ​ട് സം​സാ​രി​ച്ച​ത് എ​ലീ​ന​യാ​ണ്.

"ന​മു​ക്ക് ക​ളി​യി​ലേ​ക്ക് വ​രാം. പ​ല നാ​ടു​ക​ളി​ല്‍ മൃ​ഗ​ങ്ങ​ളെ നാ​യാ​ടി തി​രി​ച്ചെ​ത്തു​ന്ന ഞ​ങ്ങ​ള്‍ എ​ല്ലാ​വ​ര്‍ഷ​വും ഒ​ത്തു​കൂ​ടാ​റു​ണ്ട്. അ​തൊ​രു പ​ന്ത​യ​ക്ക​ളി​യാ​ണ്. പ​ന്ത​യ​ത്തി​ലെ ഇ​ര​യെ മു​ന്‍കൂ​ട്ടി തീ​രു​മാ​നി​ക്കും. ക​ല​മാ​ന്‍ മു​ത​ല്‍ ബം​ഗാ​ള്‍ ക​ടു​വ​വ​രെ. ഒ​റ്റ രാ​ത്രി ഒ​റ്റ മൃ​ഗം. എ​യ്തു​വീ​ഴ്ത്തു​ന്ന ആ​ള്‍ക്ക് പ​ന്ത​യ​ത്തു​ക മു​ഴു​വ​ന്‍ ല​ഭി​ക്കും. കൃ​ത്യം ഒ​രു വ​ര്‍ഷം മു​മ്പ് ഞ​ങ്ങ​ള്‍ ഇ​വി​ടെ കൂ​ടി. നാ​യാ​ട്ടു​ക​ഥ​ക​ളു​ടെ ല​ഹ​രി​യി​ല്‍ ഇ​നി വേ​ട്ട​യാ​ടാ​നു​ള്ള ഒ​രേ​യൊ​രു മൃ​ഗം മ​നു​ഷ്യ​നാ​ണെ​ന്ന് ഞ​ങ്ങ​ള്‍ തി​രി​ച്ച​റി​ഞ്ഞു. അ​ന്നു മു​ത​ല്‍ ഒ​രു ഇ​ര​ക്കു​വേ​ണ്ടി തി​ര​യു​ക​യാ​യി​രു​ന്നു. ഇ​ന്നു​വ​രെ.''

രാ​ജു​വി​ന് ഒ​ന്നും മ​ന​സ്സി​ലാ​യി​ല്ല. അ​വ​ന്റെ ക​ണ്ണു​ക​ള്‍ വി​ട​ര്‍ന്നു​ത​ന്നെ​യി​രു​ന്നു.

"വെ​റു​തെ കൊ​ല്ലു​ക​യ​ല്ല. കാ​ട്ടി​ല്‍ വ​ന്യ​മാ​യി പി​ന്തു​ട​ര്‍ന്ന് നി​റ​യൊ​ഴി​ക്കും. അ​തി​ന് മ​രി​ക്കാ​ന്‍ സ​ന്ന​ദ്ധ​നാ​യ ഒ​രു ക​ളി​ക്കാ​ര​ന്‍ വേ​ണം. അ​ഞ്ച് കോ​ടി രൂ​പ ഇ​നാം. ആ​രു ജ​യി​ക്കു​ന്നോ അ​വ​ര്‍ക്കാ​ണ് ഈ ​തു​ക. ക​ളി​യി​ല്‍ ന​മ്മ​ള്‍ ആ​റ് പേ​ര്‍.'' എ​ലീ​ന പ​റ‍ഞ്ഞു നി​ര്‍ത്തി.

"അ​ഞ്ച് വേ​ട്ട​ക്കാ​രും ഒ​രു ഇ​ര​യും'', ഹാ​രി​സ​ണ്‍ പൂ​രി​പ്പി​ച്ചു.

"ആ​യി​ര​ത്തി എ​ഴു​ന്നൂ​റേ​ക്ക​ര്‍ വി​സ്‍തൃ​തി​യു​ണ്ട് ഈ ​കാ​ടി​ന്. ഇ​തി​നു​ള്ളി​ല്‍നി​ന്ന് പു​റ​ത്തു ക​ട​ന്നാ​ല്‍ വെ​ടിവ​യ്ക്കി​ല്ല. നാ​യാ​ട്ടു​കാ​ര്‍ നാ​ട്ടി​ല്‍ വേ​ട്ട​യാ​ടാ​റി​ല്ല.'' നി​സാം പ​റ​ഞ്ഞു.

"ഒ​റ്റ​വെ​ടി. അ​തും ശി​ര​സ്സി​ല്‍. പി​ന്നി​ല്‍നി​ന്നോ മു​ന്നി​ല്‍നി​ന്നോ നി​റ​യൊ​ഴി​ക്ക​ണം. ശ​രീ​ര​ത്തി​ല്‍ മ​റ്റെ​വി​ടെ​യും നി​റ​യൊ​ഴി​ക്കാ​ന്‍ പാ​ടി​ല്ല. ത​ല​ച്ചോ​റ് പൊ​ട്ടി​ച്ചി​ത​റി​യ​ങ്ങ​നെ തീ​ര​ണം.'' ഫ്രെ​ഡ​റി​ക്ക് പ​റ​ഞ്ഞു.

"കാ​ട്ടു​പോ​ത്തു​ക​ളെ വേ​ട്ട​യാ​ടു​മ്പോ​ള്‍ മു​ന്നി​ല്‍നി​ന്ന് വെ​ടി​യു​തി​ര്‍ക്ക​ണം. തി​രു​നെ​റ്റി​യി​ല്‍ ത​ന്നെ. ആ​ന​യ്ക്കും അ​താ​ണ് വി​ധി, മ​സ്ത​കം ത​ക​ര​ണം. ചീ​റ്റ​യെ നേ​ര്‍ക്കു​നേ​ര്‍ വെ​ടി​യു​തി​ര്‍ക്കു​ക ശ്ര​മ​ക​ര​മാ​ണ്. വെ​ടി​യു​ണ്ട​ക​ളേ​ക്കാ​ള്‍ വേ​ഗ​ത്തി​ല്‍ അ​വ പാ​ഞ്ഞു​വ​രും. മ​റ​ഞ്ഞി​രു​ന്നു വെ​ടി​യു​തി​ര്‍ക്ക​ണം. ക​ഴു​ത്ത് തു​ള‍ഞ്ഞ് ഓ​ട്ട​ത്തി​ന്റെ ല​ക്ഷ്യം പി​ഴ​യ്ക്ക​ണം. ക​ടു​വ ഒ​റ്റ​വെ​ടി​ക്ക് വീ​ഴ​ണ​മെ​ന്നി​ല്ല. പ​േ​ക്ഷ, നേ​ര്‍ക്കു​നേ​ര്‍ നി​ല്‍ക്കാം. അ​തൊ​രു ക​ളി​യാ​ണ്. ആ​ര് ആ​ദ്യം ആ​ക്ര​മി​ക്കും എ​ന്ന ആ​ലോ​ച​ന. ഇ​രു ക​ണ്ണു​ക​ളി​ലും ത​റ​പ്പി​ച്ച് നോ​ക്കി​നി​ല്‍ക്കെ മൃ​ഗ​ത്തി​നേ​ക്കാ​ള്‍ വേ​ഗ​ത​യി​ല്‍ ന​മ്മ​ള്‍ തീ​രു​മാ​ന​മെ​ടു​ക്ക​ണം. ത​ല​ച്ചോ​റ് പ്ര​വ​ര്‍ത്തി​ക്ക​ണം. തി​രു​നെ​റ്റി​യി​ലേ​ക്ക് വെ​ടി​പൊ​ട്ടി​ക്ക​ണം. കു​തി​ക്കാ​നാ​യു​ന്ന അ​തേ നി​മി​ഷ​ത്തി​ല്‍ പി​ട​ഞ്ഞ് നി​ലം​പൊ​ത്ത​ണം...'' നാ​ട​ക​ത്തി​ലെ​ന്ന​പോ​ലെ​യാ​ണ് വ​ര്‍മ സം​സാ​രി​ച്ച​ത്.

"പ​ക്ഷേ, മ​നു​ഷ്യ​നെ വേ​ട്ട​യാ​ടു​ന്ന​തി​ന് ക​ളിനി​യ​മ​ങ്ങ​ളി​ല്ല.'' എ​ലീ​ന ഇ​ട​യ്ക്ക് ക​യ​റി പ​റ​ഞ്ഞു. "പ​ക​യും വി​ദ്വേ​ഷ​വും ച​തി​യു​മാ​ണ് ഓ​രോ കൊ​ല​യു​ടെ​യും കാ​ര​ണം. അ​തി​ല്‍ കൊ​ല​മൂ​ല്യ​മി​ല്ല. ക​ളി​യു​ടെ ക​മ്പ​മി​ല്ല. ഇ​ര​യെ പി​ന്തു​ട​ര്‍ന്നു പ​ര​സ്പ​രം മ​ത്സ​രി​ച്ച് നേ​ര്‍ക്കു​നേ​ര്‍ ക​ണ്ണു​ക​ളി​ല്‍ നോ​ക്കി കാ​ഞ്ചി​വ​ലി​ക്കു​ന്ന​തി​ന്റെ ഹ​ര​മി​ല്ല. അ​താ​ണ് ഇ​വി​ടെ വേ​ണ്ട​ത്.''

"ആ​ദ്യ​മാ​യും അ​വ​സാ​ന​മാ​യും ഇ​തൊ​രു ക​ളി​യാ​ണ്... ഗെ​യിം. നാ​യാ​ട്ടി​നെ ഗെ​യിം എ​ന്നാ​ണു പ​ണ്ട് സാ​യ്പ​ന്മാ​ര്‍ പ​റ​ഞ്ഞി​രു​ന്ന​ത്. ഗെ​യിം ഹ​ണ്ട്. ഹ​രം​പ​ക​രു​ന്ന ഒ​രു ക​ളി. രാ​ജൂ​ന് അ​റി​യു​മോ ന​മ്മു​ടെ പെ​രി​യാ​ര്‍ വ​ന്യ​ജീ​വി സ​ങ്കേ​ത​മൊ​ക്കെ പ​ഴ​യ നാ​യാ​ട്ട് സ്ഥ​ല​ങ്ങ​ളാ​യി​രു​ന്നു. കാ​ലം മാ​റി. ഇ​പ്പോ​ള്‍ ഇ​താ ആ​ഫ്രി​ക്ക​യി​ല്‍പോ​ലും ഗെ​യിം ഹ​ണ്ട് നി​രോ​ധി​ച്ചി​രി​ക്കു​ന്നു. ഇ​തൊ​രുപ​ക്ഷേ ന​മ്മു​ടെ അ​വ​സാ​ന​ത്തെ നാ​യാ​ട്ടാ​യി​രി​ക്കും.''

"ശ​രി... സ​മ​യ​മാ​കു​ന്നു. ന​മു​ക്ക് തു​ട​ങ്ങാം..'' എ​ലീ​ന പ​റ​ഞ്ഞു.

"ഇ​പ്പോ​ള്‍ സ​മ​യം 11.55. അ​ഞ്ച് മി​നി​റ്റ് ത​യ്യാ​റെ​ടു​പ്പി​നു​ള്ള​താ​ണ്. പ​ന്ത്ര​ണ്ട് മ​ണി​ക്ക് ക​ളി തു​ട​ങ്ങും. ഈ ​പ​ണം നി​റ​ച്ച ബാ​ഗു​മാ​യി രാ​ജൂ​ന് ര​ക്ഷ​പ്പെ​ടാം. പ​ന്ത്ര​ണ്ട് അ‍ഞ്ചി​ന് നാ​യാ​ട്ടു​കാ​ര്‍ ഇ​റ​ങ്ങും. അ​ഞ്ച് നാ​യാ​ട്ടു​കാ​ര്‍. ഒ​റ്റ ഇ​ര. വാ​ഹ​ന​ങ്ങ​ള്‍ ഉ​പ​യോ​ഗി​ക്കി​ല്ല. ഇ​രു​ട്ടി​ല്‍ കാ​ട്ടി​ല്‍ ഇ​ര​യെ തി​ര​ഞ്ഞു പി​ടി​ക്കു​ന്ന​താ​ണു ക​ളി​യു​ടെ നി​യ​മം.''

"12.30ന് ​ക​ളി അ​വ​സാ​നി​ക്കും. ആ ​അ​ര​മ​ണി​ക്കൂ​ര്‍കൊ​ണ്ട് ര​ക്ഷ​പ്പെ​ടു​ക എ​ന്ന​താ​ണ് നി​ന​ക്കു​ള്ള മാ​ര്‍ഗം. സ​മ​യം ക​ഴി​ഞ്ഞോ, കാ​ടി​ന്റെ അ​തി​ര്‍ത്തി​യ്ക്ക് പു​റ​ത്തു​വെച്ചോ നി​ന്നെ ആ​രും വെ​ടി​വ​യ്ക്കി​ല്ല'' -​െഫ്ര​ഡ​റി​ക്.

"ക​ളി തു​ട​ങ്ങി​യാ​ല്‍ പി​ന്നെ പി​ന്മാ​റ്റ​മി​ല്ല'' -വ​ര്‍മ.

"അ​ഞ്ചു​പേ​രും രാ​ജു എ​ന്ന ഒ​റ്റ​യാ​ളി​ലാ​ണ് ഉ​ന്നം വ​യ്ക്കു​ന്ന​ത്. പ​ക്ഷേ അ​ഞ്ചു​പേ​രും പ​ര​സ്പ​രം മ​ത്സ​രി​ക്കു​ന്നു​ണ്ട്. ഇ​ര​യെ വീ​ഴ്ത്താ​ന്‍ പ​ര​സ്പ​രം സ​ഹാ​യി​ക്കി​ല്ല'' -നി​സാം.

"ആ​ര് വീ​ഴ്ത്തു​ന്നോ അ​വ​ര്‍ക്കു​ള്ള സ​മ്മാ​ന​ത്തു​ക​യാ​ണ് ഈ ​അ​ഞ്ച് കോ​ടി. അ​തു​കൊ​ണ്ട് ആ​രും ആ​രെ​യും സ​ഹാ​യി​ക്കി​ല്ല. ഒ​റ്റ​ക്ക് സ​മ്മാ​നം​നേ​ടാ​നു​ള്ള ക​ളി​യാ​ണി​ത്. വെ​ടി​യേ​ല്‍ക്കാ​തെ സ​മ​യം താ​ണ്ടി​യാ​ല്‍ അ​ഞ്ചു കോ​ടി​യും നീ ​നേ​ടും.''

"അ​പ്പോ​ള്‍ നാ​യ..?'' അ​തു​വ​രെ നി​ശ്ശ​ബ്ദ​നാ​യി​രു​ന്ന രാ​ജു ചോ​ദി​ച്ചു.

അ​വ​ര്‍ അ​ഞ്ചു​പേ​രും പ​ര​സ്പ​രം നോ​ക്കി. എ​ത്ര കൃ​ത്യ​മാ​യ ചോ​ദ്യം എ​ന്ന് അ​വ​രു​ടെ മു​ഖ​ത്ത് തെ​ളി​ഞ്ഞു.

"നാ​യ നാ​യാ​ട്ടി​ന​ല്ല. നാ​യാ​ട്ട് ക​ഴി​ഞ്ഞ് ര​ണ്ട് മ​ണി​ക്കു​ള്ളി​ല്‍ ഇ​വി​ടെ മ​ട​ങ്ങി​യെ​ത്ത​ണം. അ​ങ്ങ​നെ വ​രാ​തെ വ​ന്നാ​ല്‍ വ​ഴിതെ​റ്റു​ക​യോ വീ​ണു​പോ​വു​ക​യോ ചെ​യ്ത ആ​ളി​നെ തേ​ടി​പ്പി​ടി​ക്കാ​നാ​ണ് ഇ​വ​ന്‍'' -ഹാ​രി​സ​ണ്‍.

"നാ​യ​കൂ​ടി​യു​ണ്ടാ​യി​രു​ന്നെ​ങ്കി​ല്‍ ഒ​രു ഹ​ര​മാ​യേ​നെ?'' അ​തു​വ​രെ​യി​ല്ലാ​തി​രു​ന്ന മു​ഖ​ഭാ​വ​ത്തോ​ടെ രാ​ജു പ​റ​ഞ്ഞു. അ​പ്ര​തീ​ക്ഷി​ത​മാ​യി​രു​ന്നു അ​വ​ന്റെ ഭാ​വ​മാ​റ്റം.

ക്ലോ​ക്കി​ല്‍ പ​ന്ത്ര​ണ്ട​ടി​ച്ചു.

മേ​ശ​പ്പു​റ​ത്തി​രു​ന്ന ബാ​ഗ് ക​യ്യി​ലെ​ടു​ത്ത് പു​റ​ത്തു​തൂ​ക്കി. ഗ്ലാ​സി​ല്‍ ഒ​ഴി​ച്ചു​വെച്ചി​രു​ന്ന മ​ദ്യം ഒ​റ്റ​വ​ലി​ക്കു കു​ടി​ച്ചു. രാ​ജു ശ​ര​വേ​ഗ​ത്തി​ല്‍ പു​റ​ത്തേ​ക്കി​റ​ങ്ങി. ഇ​റ​ങ്ങു​ന്ന വ​ഴി ത​ള​ത്തി​ലെ ഭി​ത്തി​യി​ല്‍ തൂ​ക്കി​യി​ട്ടി​രു​ന്ന മ​ഴു​പോ​ലു​ള്ള ആ​യു​ധം അ​വ​ന്‍ കൈ​ക്ക​ലാ​ക്കി.

07

പു​റ​ത്തെ മ​ഞ്ഞി​ലും അ​ര​ണ്ട വെ​ളി​ച്ച​ത്തി​ലും മി​ന്നാ​യം​പോ​ലെ മ​റ​യു​ന്ന രാ​ജു കാ​ടി​ന്റെ ക​ന​ത്ത ഇ​രു​ട്ടി​ല്‍ അ​പ്ര​ത്യ​ക്ഷ​നാ​യി.

അ​ക​ത്ത് അ​ഞ്ചു​പേ​രും അ​തി​വേ​ഗം ത​യാ​റെ​ടു​ത്തു. തോ​ക്കു​ക​ള്‍. തി​ര​ക​ള്‍. നൈ​റ്റ് വി​ഷ​ന്‍ ബൈ​നോ​ക്കു​േ​ല​ഴ്സ്. ശി​ര​സ്സി​ല്‍ ഘ​ടി​പ്പി​ക്കു​ന്ന ടോ​ര്‍ച്ച്.

സ​മ​യം 12.05. അ​ഞ്ച് പേ​രും വേ​ഗ​ത്തി​ല്‍ ഗേ​റ്റ് ക​ട​ന്നു. ഇ​രു​ട്ടി​ല്‍ മ​റ​ഞ്ഞു. ഇ​രു​ള്‍ മൂ​ടി​ക്കി​ട​ക്കു​ന്ന കാ​ടി​ന്റെ പ​ലപ​ല​ ഭാ​ഗ​ങ്ങ​ളി​ല്‍ തെ​ളി​യു​ന്ന നാ​യാ​ട്ട് ലൈ​റ്റി​ന്റെ തീ​വ്ര​മാ​യ പ്ര​കാ​ശം ആ​കാ​ശ​ത്തു​നി​ന്നു നോ​ക്കി​യാ​ല്‍ കാ​ണാം.

ബം​ഗ്ലാ​വി​ന്റെ പ​രി​ചാ​ര​ക​ന്‍ വ​ന്ന് ഗേ​റ്റ് അ​ട​ച്ചു. വീ​ടി​ന്റെ മു​ന്‍വാ​തി​ല്‍ അ​ട​ച്ചു. തീ​ന്‍മു​റി​യി​ല്‍ വി​ശാ​ല​മാ​യ മേ​ശ​മേ​ല്‍ നാ​യ ക​യ​റി നി​ല്‍ക്കു​ന്നു​ണ്ടാ​യി​രു​ന്നു. ഒ​രു വ​ലി​യ പ്ലേ​റ്റി​ല്‍ പൊ​രി​ച്ച ഇ​റ​ച്ചി അ​വ​നാ​യി വി​ള​മ്പി​െവ​ച്ചി​ട്ടു​ണ്ട്. ലൈ​റ്റ് അ​ണ​യ്ക്കാ​ന്‍ നീ​ണ്ട കൈ ​നാ​യ​യു​ടെ മു​ര​ൾച്ച​കേ​ട്ട് പി​ന്‍വ​ലി​ച്ച് ഭ​വ്യ​ത​യോ​ടെ പ​രി​ചാ​ര​ക​ന്‍ പോ​യി.

08

കാ​ട്ടി​നു​ള്ളി​ലൂ​ടെ ദി​ക്ക​റി​യാ​ത്ത രാ​ജു ഓ​ടു​ക​യാ​ണ്. എ​വി​ടെ​നി​ന്നൊ​ക്കെ​യോ വ​ന്യ​മൃ​ഗ​ങ്ങ​ളു​ടെ ശ​ബ്ദ​ങ്ങ​ള്‍. കാ​ട്ടാ​ന​യു​ടെ ചി​ന്നംവി​ളി. മേ​യാ​നി​റ​ങ്ങി​യ മാ​ന്‍കൂ​ട്ട​ത്തി​ന്റെ തി​ള​ങ്ങു​ന്ന ക​ണ്ണു​ക​ള്‍. ആ​രോ തൊ​ട്ടു​പി​ന്നി​ലു​ണ്ടെ​ന്ന ഭ​യം. അ​വ​ന്‍ ഓ​ടി​ക്കൊ​ണ്ടേ​യി​രു​ന്നു.

രാ​ജു പോ​കു​ന്ന​തി​ന് ഏ​താ​നും വാ​ര അ​ക​ലെ സെ​ര്‍ച്ച് ലൈ​റ്റി​ന്റെ പ്ര​കാ​ശം അ​വ​ന്‍ തി​രി​ച്ച​റി​ഞ്ഞു. താ​ന്‍ വ​ള​യ​പ്പെ​ട്ടി​രി​ക്കു​ന്നു. വ​ലി​യൊ​രു മ​ര​ത്തി​ന് പി​ന്നി​ല്‍ അ​വ​ന്‍ മ​റ​ഞ്ഞി​രു​ന്നു. ക​ണ്ണു​ക​ള​ട​ച്ചു.

അ​ച്ഛ​നെ ഓ​ര്‍മ വ​ന്നു. കു​ട്ടി​ക്കാ​ല​ത്ത് അ​ച്ഛ​നൊ​പ്പം കാ​ട്ടി​ലേ​ക്ക് പോ​യ​തി​ന്റെ ഓ​ര്‍മ. "മൃ​ഗ​ങ്ങ​ളെ നാ​ലു പാ​ടു​നി​ന്ന് വ​ള​യ​ണം. അ​താ​ണ് ആ​ക്ര​മ​ണ​രീ​തി.'' അ​ച്ഛ​ന്‍ പ​റ​ഞ്ഞു.

"അ​പ്പോ എ​ങ്ങ​നെ ര​ക്ഷ​പ്പെ​ടും..?'' കു​ട്ടി​യാ​യ രാ​ജു ചോ​ദി​ച്ചു.

"എ​ടാ മ​ണ്ടാ... വ​ള​യ​ത്തി​ന് പു​റ​ത്തു ക​ട​ക്ക​ണം.'' അ​ച്ഛ​ന്‍ പ​റ​ഞ്ഞു.

"അ​തെ​ങ്ങ​നെ?'' ബു​ദ്ധി​യു​പ​യോ​ഗി​ക്ക​ണം. "ബു​ദ്ധി​യു​ള്ള ജ​ന്തു​ക്ക​ള്‍ ര​ക്ഷ​പ്പെ​ടും. ബു​ദ്ധി​യി​ല്ലാ​ത്ത​വ മ​രി​ച്ചു​വീ​ഴും...'', അ​ച്ഛ​ന്‍ ചി​രി​ച്ചു.

അ​ടു​ത്തു​ക​ണ്ട പ​ടു​കൂ​റ്റ​ന്‍ മ​ര​ത്തി​ല്‍ അ​വ​ന്‍ വ​ലി​ഞ്ഞു​ക​യ​റി. കാ​ടി​ന്റെ ആ​കാ​ശ​ക്കാ​ഴ്ച അ​വ​ന് മു​ന്നി​ല്‍ തെ​ളി​ഞ്ഞു. ത​ന്നെ വ​ള​ഞ്ഞ് മു​ന്നേ​റു​ന്ന ഓ​രോ വേ​ട്ട​ക്കാ​രെ​യും അ​വ​ന്‍ മ​ന​സ്സി​ലെ അ​ദൃ​ശ്യ ഭൂ​പ​ട​ത്തി​ല്‍ അ​ട​യാ​ള​പ്പെ​ടു​ത്തി. പു​റ​ത്തേ​ക്കു​ള്ള വ​ഴി മ​ന​സ്സി​ല്‍ കു​റി​ച്ചു. മ​ര​ത്തി​ല്‍നി​ന്നി​റ​ങ്ങി, ല​ക്ഷ്യ​മി​ട്ട ദി​ശ​യി​ലേ​ക്ക് പാ​ഞ്ഞു. ക​ട്ട​പി​ടി​ച്ച ഇ​രു​ട്ടി​ല്‍ ഒ​രു മ​ര​ത്തി​ല്‍ ഇ​ടി​ച്ച് അ​വ​ന്‍ നി​ല​ത്തു​വീ​ണു. നെ​റ്റി​യി​ല്‍ ചോ​ര​പൊ​ടി​ഞ്ഞു. പി​ട​ഞ്ഞെ​ഴു​ന്നേ​റ്റ് വീ​ണ്ടും ഓ​ടി.

ആ​ന​ക​ള്‍ രാ​ത്രി സ​വാ​രി​ക്കു​പോ​കു​ന്ന​തി​ന്റെ നി​ര​ക്കു പി​ന്നി​ലാ​ണ് ചെ​ന്നു​പെ​ട്ട​ത്. ശ​ബ്ദ​മു​ണ്ടാ​ക്കാ​തെ മ​റ്റൊ​രു ദി​ശ പി​ടി​ച്ചു.

ഓ​ടി​ക്ക​യ​റി​യ പു​ല്‍മേ​ട്ടി​ല്‍ നി​റ​യെ മാ​ന്‍കൂ​ട്ട​ങ്ങ​ള്‍.

അ​വ​ന്‍ വീ​ണ്ടും അ​ച്ഛ​നെ ഓ​ര്‍ത്തു. രാ​ത്രി​യി​ല്‍ പു​ല്‍മേ​ട്ടി​ലൂ​ടെ ന​ട​ന്ന കു​ട്ടി​ക്കാ​ലം ഓ​ര്‍ത്തു.

"മാ​ന്‍കൂ​ട്ട​ങ്ങ​ള്‍ മേ​യു​ന്നി​ട​ത്ത് പോ​ക​രു​ത്. വ​ന്യ​ജ​ന്തു​ക്ക​ള്‍ തൊ​ട്ട​ടു​ത്തു​ണ്ടാ​കും. പു​ലി​യോ ക​ടു​വ​യോ പ​തി​യി​രി​ക്കു​ന്നു​ണ്ടാ​കും.'' അ​ച്ഛ​ന്‍ പ​റ​ഞ്ഞു.

അ​വ​ന്‍ ദി​ശ​മാ​റി​യോ​ടി. ഓ​ടി​യി​റ​ങ്ങി​യ​ത് ഒ​രു ച​രി​വി​ലേ​ക്കാ​ണ്. പൊ​ടു​ന്ന​നെ ഒ​രു സെ​ര്‍ച്ച് ലൈ​റ്റ് തെ​ളി​ഞ്ഞു. എ​തി​ര്‍ദി​ശ​യി​ലേ​ക്കാ​ണ്. മ​ര​ണ​ത്തി​ന് തൊ​ട്ടു​പി​ന്നി​ല്‍ രാ​ജു പ​തു​ങ്ങി. അ​വ​ന്‍ കു​നി​ഞ്ഞ് ഒ​രു ക​ല്ല് ക​യ്യി​ലെ​ടു​ത്തു. എ​റി​ഞ്ഞു വീ​ഴ്ത്തി​യാ​ലോ എ​ന്ന് ആ​ലോ​ചി​ച്ചു. പി​ന്നെ നി​ശ്ശ​ബ്ദം നി​ന്നു. വേ​ട്ട​ക്കാ​ര​ന്‍ തി​രി​യു​ന്ന​തി​നൊ​പ്പം അ​വ​നും തി​രി​ഞ്ഞു. ശ്വാ​സം നെ​ഞ്ചി​ന്‍കൂ​ടി​നു​ള്ളി​ല്‍ കു​രു​ങ്ങി ചു​ഴ​ലി​പോ​ലെ ചു​റ്റി. അ​പ്പോ​ഴും അ​യാ​ളു​ടെ പി​ന്നി​ല്‍ത​ന്നെ നി​ല​കൊ​ണ്ടു.

ഏ​തു ദി​ശ​യി​ലേ​ക്ക് ഓ​ടി​യാ​ലും അ​യാ​ള്‍ കാ​ണും. നി​റ​യൊ​ഴി​ക്കും. അ​യാ​ളു​ടെ ശ്ര​ദ്ധ മാ​റ്റി​യാ​ലേ ര​ക്ഷ​പ്പെ​ടാ​നാ​വൂ. അ​യാ​ള്‍ മു​ന്നോ​ട്ടു നീ​ങ്ങ​ണം. തൊ​ട്ട​ടു​ത്ത മ​ര​ത്തി​ന്റെ മ​റ​വി​ല്‍ ശ​ബ്ദ​മു​ണ്ടാ​ക്കാ​തെ കാ​ത്തു​നി​ന്നു. ക​യ്യി​ലു​ണ്ടാ​യി​രു​ന്ന ക​ല്ല് പ​ര​മാ​വ​ധി ഉ​യ​ര​ത്തി​ല് പ​ര​മാ​വ​ധി ദൂ​ര​ത്തേ​ക്ക് എ​റി​ഞ്ഞു. ക​ല്ല് വീ​ണ ശ​ബ്ദം കേ​ട്ട ഭാ​ഗ​ത്തേ​ക്ക് അ​യാ​ള്‍ ഒ​ന്നു നോ​ക്കു​ക​പോ​ലും ചെ​യ്തി​ല്ല. പ​ക​രം അ​യാ​ള്‍ മ​ര​ത്തി​ന് മു​ക​ളി​ലേ​ക്ക് ലൈ​റ്റ് തി​രി​ച്ചു. ഏ​റി​ന്റെ ഊ​ക്കും ആ​യ​വും സൃ​ഷ്ടി​ക്കു​ന്ന ഒ​ച്ച അ​യാ​ളു​ടെ കാ​തു​ക​ള്‍ പി​ടി​ച്ചെ​ടു​ത്തി​രി​ക്കു​ന്നു. ഏ​റി​ന്റെ ഉ​റ​വി​ട​ത്തി​ലേ​ക്കാ​ണ് അ​യാ​ള്‍ തി​രി​ഞ്ഞ​ത്. ത​ന്റെ ത​ന്ത്രം പാ​ളി​യ​താ​യി രാ​ജു മ​ന​സ്സി​ലാ​ക്കി. അ​വ​ന്‍ മ​ര​ത്തി​ന് പി​ന്നി​ല്‍ത​ന്നെ നി​ന്നു. മ​ര​ച്ചി​ല്ല​ക​ളെ സ​സൂ​ക്ഷ്മം പ​രി​ശോ​ധി​ച്ച അ​യാ​ള്‍ ക​ല്ല് ചെ​ന്നു​വീ​ണ സ്ഥ​ല​ത്തേ​ക്ക് ത​ല തി​രി​ച്ചു.

ഈ ​സ​മ​യം രാ​ജു മ​ര​ത്തി​ന്റെ മു​ക​ളി​ലേ​ക്ക് ഇ​ഴ‍ഞ്ഞുക​യ​റി. കാ​ടി​ന്റെ സാ​മാ​ന്യം വ​ലി​യൊ​രു കാ​ഴ്ച. നാ​ല് സെ​ര്‍ച്ച് ലൈ​റ്റു​ക​ള്‍ മ​റ്റൊ​രു വൃ​ത്തം വ​ര​ക്കു​ന്നു. അ​ഞ്ചാ​മ​നാ​യ ഈ ​വേ​ട്ട​ക്കാ​ര​ന്‍ ആ ​വൃ​ത്ത​ത്തി​ന് പു​റ​ത്താ​ണ്. ഇ​യാ​ള്‍ ഒ​റ്റ​ക്കാ​ണ്. മ​റ്റു​ള്ള​വ​ര്‍ കാ​ടി​നെ വ​ക​ഞ്ഞ് മു​ന്നേ​റു​ക​യാ​ണ്. രാ​ജു ക​യ്യി​ലെ മ​ഴു പ​രി​ശോ​ധി​ച്ചു. ഒ​റ്റ തി​രി​ഞ്ഞാ​ക്ര​മി​ക്കു​ന്ന​ത് നാ​ട്ടി​ലെ രീ​തി​യാ​ണ്. ഗു​ണ്ട​യെ അ​വ​ന്റെ ആ​വാ​സ​വ്യ​വ​സ്ഥ​ക്ക് പു​റ​ത്ത് ക​ട​ത്തി അ​ടി​ച്ചു​വീ​ഴ്ത്തു​ക. ഇ​താ​ണ​വ​സ​രം. അ​വ​ന്‍ മ​ന​സ്സി​ല്‍ ക​ണ​ക്കു കു​റി​ച്ചു.

വെ​ടി​യൊ​ച്ച.

അ​യാ​ള്‍ സെ​ര്‍ച്ച് ലൈ​റ്റ് ഓ​ഫ് ചെ​യ്ത് ചെ​വി കൂ​ര്‍പ്പി​ച്ചു. ഏ​തോ മൃ​ഗ​ത്തി​ന്റെ ദീ​ന​മാ​യ ക​ര​ച്ചി​ല്‍. നി​ന്ന​നി​ല്‍പ്പി​ല്‍ അ​യാ​ള്‍ ഒ​ന്നു ചു​റ്റി. രാ​ജു മ​ര​ത്തി​ന്റെ ശി​ഖ​ര​ത്തി​ന് പി​ന്നി​ല്‍ മ​റ​ഞ്ഞു. അ​യാ​ള്‍ ലൈ​റ്റ് തെ​ളി​ച്ചു. കു​റ​ച്ചു​നേ​രം സെ​ര്‍ച്ച് ലൈ​റ്റ് മ​ര​ച്ചി​ല്ല​ക​ളി​ല്‍ അ​രി​ച്ചു ന​ട​ന്നു. ഒ​രു ചെ​റു ശി​ഖ​ര​ത്തി​ല്‍ തൂ​ങ്ങി രാ​ജു മ​ര​ത്തി​ന് മ​റു​വ​ശം മ​റ​ഞ്ഞു. അ​യാ​ള്‍ മ​ര​ത്തി​ന് ചു​വ​ട്ടി​ലേ​ക്ക് വ​രു​ക​യാ​ണ്. നേ​രെ താ​ഴെ അ​യാ​ള്‍ നി​ന്നു.

അ​ത് ഫ്രെ​ഡ​റി​ക്കാ​ണ്.

സെ​ര്‍ച്ച് ലൈ​റ്റി​ല്‍ അ​വ​ന്‍ ക​ണ്ടു, മ​ര​ത്തി​ന​പ്പു​റം അ​ഗാ​ധ​മാ​യ കൊ​ക്ക​യാ​ണ്. കൈ​വി​ട്ടാ​ല്‍ നേ​രെ അ​ഗാ​ധ​മാ​യ കു​ഴി​യി​ല്‍. അ​ന​ങ്ങി​യാ​ല്‍ അ​യാ​ള്‍ നി​റ​യൊ​ഴി​ക്കും. എ​ന്തോ ആ​ലോ​ചി​ച്ചെ​ന്നമ​ട്ടി​ല്‍ ​െഫ്ര​ഡ​റി​ക് ലൈ​റ്റ് ഓ​ഫ് ചെ​യ്തു. തോ​ക്ക് മ​ര​ത്തി​ല്‍ ചാ​രി​െവ​ച്ച്, ഷൂ​വി​ന്റെ ലെ​യ്സ് മു​റു​ക്കി​ക്കെ​ട്ടാ​നാ‍ഞ്ഞു. ഞൊ​ടി​യി​ട​യി​ല്‍ പ​റ​ന്നി​റ​ങ്ങി​യ രാ​ജു, ഒ​രു കു​തി​പ്പി​ന് അ​യാ​ളെ പി​ടി​ച്ചു. അ​പ്ര​തീ​ക്ഷി​ത​മാ​യ ആ​ക്ര​മ​ണ​ത്തി​ല്‍ ഒ​ന്നു പ​ക​ച്ചെ​ങ്കി​ലും ഫ്രെ​ഡ​റി​ക് അ​വ​നെ ത​ള്ളി​മാ​റ്റി. പി​ന്നീ​ട് ന​ട​ന്ന​ത് തോ​ക്ക് കൈ​പ്പി​ടി​യി​ലാ​ക്കാ​നു​ള്ള പൊ​രി​ഞ്ഞ പോ​രാ​ട്ട​മാ​യി​രു​ന്നു. തോ​ക്ക് കി​ട്ടി​യാ​ല്‍ രാ​ജുവിനെ അ​യാ​ള്‍ കൊ​ല്ലും. മ​ല്ല​യു​ദ്ധ​ത്തി​നി​ട​യി​ല്‍ രാ​ജു തോ​ക്ക് ത​ട്ടി​ത്തെ​റി​പ്പി​ച്ചു. അ​ത് കൊ​ക്ക​യി​ലേ​ക്ക് വീ​ണു.

ഏ​റു​മാ​ട​ത്തി​ല്‍ നാ​ട​ന്‍ തോ​ക്ക് ചൂ​ണ്ടി ഉ​ന്നം പി​ടി​ക്കു​മ്പോ​ള്‍ രാ​ജു​വി​ന്റെ അ​ച്ഛ​ന്‍ പ​റ​ഞ്ഞു: "തോ​ക്ക് ന​ഷ്ട​പ്പെ​ട്ട നാ​യാ​ട്ടു​കാ​ര​ന്‍ ഒ​ന്നു പ​ത​റും. ഭ​യ​ത്തി​ന്റെ ആ ​നി​മി​ഷം തി​രി​ച്ച​റി​യാ​ന്‍ മൃ​ഗ​ങ്ങ​ളെ​പ്പോ​ലെ മ​നു​ഷ്യ​നു​പോ​ലും ക​ഴി​യി​ല്ല. ഒ​റ്റ​ക്കു​തി​പ്പി​ന് അ​ത് അ​വ​ന്റെ ക​ഴു​ത്തി​ന് പി​ടി​ക്കും. ക​ടു​വ​യാ​യാ​ലും പു​ലി​യാ​യാ​ലും ക​ഴു​ത്തി​ലാ​ണ് പി​ടി​ക്കു​ക. ക​ഴു​ത്തൊ​ടി​ഞ്ഞ വേ​ട്ട​ക്കാ​ര​ന്‍ പി​ന്നെ എ​ന്തു​ചെ​യ്യാ​ന്‍. അ​തു​കൊ​ണ്ട് ആ​യു​ധ​ത്തി​ല്‍നി​ന്ന് പി​ടി​വി​ട​രു​ത്. പി​ടി​വി​ട്ട​വ​നെ മൃ​ഗ​ങ്ങ​ള്‍ വീ​ഴ്ത്തും.'' അ​ച്ഛ​ന്‍ പ​റ​ഞ്ഞു.

ഒ​റ്റ​നി​മി​ഷം, രാ​ജു മൃ​ഗ​വേ​ഗ​ത്തി​ല്‍ ബാ​ഗി​ന്റെ സൈ​ഡി​ല്‍ തൂ​ക്കി​യി​രു​ന്ന മ​ഴു​വെ​ടു​ത്ത് അ​തി​ന്റെ മാ​ടു​കൊ​ണ്ട് ഫ്രെ​ഡ​റി​ക്കി​ന്റെ പി​ന്‍ക​ഴു​ത്തി​ല്‍ ആ‍ഞ്ഞ​ടി​ച്ചു. അ​യാ​ള്‍ നി​ല​വി​ളി​ച്ചു​കൊ​ണ്ട് വീ​ണു. നി​മി​ഷം വൈ​കാ​തെ രാ​ജു അ​വി​ടെ​നി​ന്ന് പാ​ഞ്ഞു.

അ​ടു​ത്ത ഏ​റ്റു​മു​ട്ട​ല്‍ നി​സാ​മു​മാ​യാ​യി​രു​ന്നു. രാ​ജു മു​ന്നി​ലും നി​സാം പി​ന്നി​ലു​മാ​യി പാ​ഞ്ഞു. "കാ​ട്ടി​ലോ​ടു​മ്പോ​ള്‍ വ​ള‍ഞ്ഞും പു​ള​ഞ്ഞും നി​ര​ന്ത​രം ദി​ശ​തെ​റ്റി​യോ​ട​ണം." അ​ച്ഛ​ന്‍ കാ​തി​ല്‍ പ​റ​ഞ്ഞു.

"അ​തെ​ന്തി​നാ?'', കു​ട്ടി​യാ​യ രാ​ജു ചോ​ദി​ച്ചു.

"ആ​രും ഉ​ന്നം​പി​ടി​ക്കാ​തി​രി​ക്കാ​ന്‍'', അ​ച്ഛ​ന്‍ പ​റ​ഞ്ഞു.

"ആ​രും..?'' അ​വ​ന​ത് മ​ന​സ്സി​ലാ​യി​ല്ല.

"മൃ​ഗ​ങ്ങ​ളും നാ​യാ​ട്ടു​കാ​രും.'' അ​ച്ഛ​ന്‍ വി​ശ​ദീ​ക​രി​ച്ചു.

പു​ള​ഞ്ഞോ​ടു​ന്ന രാ​ജു​വി​നെ നി​സാ​മി​ന് തോ​ക്കി​ന്‍മു​ന​യി​ല്‍ പി​ടി​ക്കാ​നാ​യി​ല്ല. നി​സാ​മി​ന് ക​ലി വ​ന്നു. പ​ല​ത​വ​ണ ശി​ര​സ്സി​ന് നേ​രെ നി​റ​യൊ​ഴി​ച്ചു. വെ​ട്ടി​ച്ചോ​ടു​ന്ന​തി​നാ​ല്‍ അ​തെ​ല്ലാം പാ​ഴാ​യി. ക​ളി​നി​യ​മം തെ​റ്റി​ച്ച് അ​യാ​ള്‍ പ​ല​പാ​ട് വെ​ടി​വെ​ച്ചു. ര​ക്ഷ​പ്പെ​ടാ​ന്‍ നി​ല​ത്തു​വീ​ണ് ഉ​രു​ണ്ടു​മാ​റി​യ രാ​ജു കു​ന്നി​ന്‍ച​രി​വി​ലൂ​ടെ താ​ഴേ​ക്ക് ഉ​രു​ണ്ടു​രു​ണ്ട് പോ​യി.

അ​വ​ന് ഒ​രു മ​ര​ത്തി​ല്‍ പി​ടി​ത്തം കി​ട്ടി. നി​സാം കു​ന്നി​റ​ങ്ങി​വ​രു​ന്ന​ത് അ​വ​ന് അ​വി​ടെ കി​ട​ന്നു​കൊ​ണ്ട് കാ​ണാ​മാ​യി​രു​ന്നു. പു​ല്ലു​ക​ള്‍ക്കി​ട​യി​ലൂ​ടെ നൂ​ണ്ട് അ​വ​ന്‍ ഒ​രു പാ​റ​യു​ടെ പി​ന്നി​ല്‍ പ​തു​ങ്ങി. നി​സാം അ​വ​ന്‍ പി​ടി​ച്ചു​നി​ന്ന മ​ര​ച്ചു​വ​ട്ടി​ലെ​ത്തി. ഇ​പ്പോ​ള്‍ നി​സാം താ​ഴെ​യാ​ണ്. സെ​ര്‍ച്ച് ലൈ​റ്റ് തെ​ളി​ഞ്ഞു. നി​സാം ചു​റ്റു​പാ​ടും തി​ര​ഞ്ഞു. ശ്വാ​സ​മ​ട​ക്കി​പ്പി​ടി​ച്ച് രാ​ജു പാ​റ​യു​ടെ പി​ന്നി​ല്‍ പ​തു​ങ്ങി. ഒ​രു മ​ല്‍പ്പി​ടി​ത്ത​ത്തി​ല്‍ നി​സാ​മി​നെ വീ​ഴ്ത്താ​നാ​കി​ല്ലെ​ന്ന് അ​വ​ന​റി​യാം. ഉ​രു​ള​ന്‍ക​ല്ല് നി​ര​ക്കി അ​വ​ന്‍ നി​സാ​മി​ന് നേ​രെ ഉ​രു​ട്ടി​വി​ട്ടു. അ​യാ​ളാ നീ​ക്കം പെ​ട്ടെ​ന്ന് തി​രി​ച്ച​റി​ഞ്ഞ് ഒ​ഴി​ഞ്ഞു​മാ​റി. ആ ​പ​ത​ര്‍ച്ച​യു​ടെ നി​മി​ഷ​ത്തി​ല്‍ത​ന്നെ രാ​ജു അ​ടു​ത്ത ക​ല്ലെ​ടു​ത്ത് അ​യാ​ള്‍ക്കു​നേ​രെ എ​റി​ഞ്ഞു. ഒ​ഴി​ഞ്ഞു​മാ​റു​ന്നതിനി​ടെ അ​യാ​ള്‍ക്ക് അ​ടി​തെ​റ്റി. താ​ഴേ​ക്ക് ഉ​രു​ണ്ടു. ഒ​രു മ​ര​ത്തി​ല്‍ ചു​റ്റി​പ്പി​ടി​ച്ചു. തി​രി​ച്ച് ക​യ​റാ​നെ​ടു​ക്കു​ന്ന സ​മ​യം മ​ന​സ്സി​ലാ​ക്കി​യ രാ​ജു മ​റ്റൊ​രു ദി​ശ​യി​ലേ​ക്ക് പാ​ഞ്ഞു.

09

കാ​ട്ടി​ലൂ​ടെ ദി​ക്ക​റി​യാ​ത്ത ഓ​ട്ടം.

പു​ലി​യും ക​ടു​വ​യും ഇ​ര​ക​ളെ തേ​ടി ന​ട​ക്കു​ന്നു​ണ്ടാ​യി​രു​ന്നു. ആ​ന​ക്കൂ​ട്ട​ങ്ങ​ള്‍ മു​ള ചീ​ന്തു​ന്ന​തി​ന്റെ ഒ​ച്ച. രാ​ത്രി​യി​ല്‍ മാ​ത്രം ഉ​ണ​ര്‍ന്നി​രി​ക്കു​ന്ന പ​ക്ഷി​ക​ള്‍ ചി​ല​ച്ചു പ​റ​ന്നു. കാ​ട് എ​ന്തോ അ​പാ​യ​ത്തെ മു​ന്നി​ല്‍ ക​ണ്ട​തു​പോ​ലെ ച​കി​ത​മാ​യി. കാ​ട്ടു​പോ​ത്തു​ക​ളു​ടെ ഒ​രു​പ​റ്റം ക​ട​ന്നു​പോ​യി. പു​ല്ലു​ക​ള്‍ നി​റ​ഞ്ഞ വ​യ​ലി​ലേ​ക്കോ, വെ​ള്ളം കി​ട്ടു​ന്നി​ട​ത്തേ​ക്കോ ആ​വ​ണം പോ​ത്തു​ക​ള്‍ നീ​ങ്ങു​ന്ന​ത്.

രാ​ജു അ​തി​ന്റെ എ​തി​ര്‍ദി​ശ​യി​ല്‍ നീ​ങ്ങി. ഓ​രോ ചു​വ​ടും ക​രു​ത​ലോ​ടെ. ഒ​രു ച​രി​വി​ലൂ​ടെ കു​ന്നി​ന്‍ ‌മു​ക​ളി​ലേ​ക്ക് ക​യ​റു​ക​യാ​യി​രു​ന്ന രാ​ജു​വി​ന്റെ മു​ന്നി​ല്‍ അ​പ്ര​തീ​ക്ഷി​ത​മാ​യി എ​ലീ​ന. അ​വ​ര്‍ തോ​ക്കു​യ​ര്‍ത്തു​ന്നി​നു​മു​മ്പ് ഒ​റ്റ കു​തി​പ്പി​ന് അ​വ​ന്‍ അ​വ​രു​ടെ കാ​ലു​ക​ളി​ല്‍ പി​ടി​ച്ചു​പൊ​ക്കി. ഇ​രു​കാ​ലു​ക​ളും പ​റി​ഞ്ഞു​ള്ള വീ​ഴ്ച​യി​ല്‍ തോ​ക്ക് കൈ​വി​ട്ടു തെ​റി​ച്ചു. പി​ടി​വി​ടു​വി​ക്കാ​ന്‍ അ​വ​ര്‍ കി​ണ‍ഞ്ഞു പൊ​രു​തി.

രാ​ജു​വി​ന് നാ​ട്ടി​ലെ ക​ബ​ഡി മൈ​താ​നം ഓ​ര്‍മ​വ​ന്നു.

എ​തി​രാ​ളി​യു​ടെ കാ​ലു​ക​ളി​ല്‍ കോ​രി മ​ല​ര്‍ത്തി​യ​ടി​ക്കു​ന്ന രാ​ജു. ശ്വാ​സം വി​ടാ​തെ വ​ര​യി​ലേ​ക്ക് ആ​ഞ്ഞു​നീ​ങ്ങു​ന്ന എ​തി​രാ​ളി. ചു​റ്റും നാ​ട്ടു​കാ​രു​ടെ ആ​ര​വം. വ​ര​യി​ല്‍ തൊ​ട്ടു തൊ​ട്ടി​ല്ല എ​ന്ന ഘ​ട്ട​ത്തി​ല്‍ അ​പ്ര​തീ​ക്ഷി​ത​മാ​യ വെ​ട്ടി​ക്ക​ലി​ലൂ​ടെ എ​തി​രാ​ളി​യെ പ​രി​ക്കേ​ല്‍പ്പി​ക്കു​ന്ന അ​പ​ക​ട​ക​ര​മാ​യ നീ​ക്കം. കി​ട​ന്ന കി​ട​പ്പി​ല്‍ എ​തി​രാ​ളി​യു​ടെ കാ​ല്‍ എ​തി​ര്‍ ഘ​ടി​കാ​ര​ദി​ശ​യി​ല്‍ ഒ​റ്റ​ത്തി​രി​ക്ക​ല്‍. ആ ​നീ​ക്കം പ്ര​തീ​ക്ഷി​ക്കാ​ത്ത എ​തി​രാ​ളി​യു​ടെ ന​ടു വെ​ട്ടു​ന്ന​തു​പോ​ലെ ഒ​റ്റ​പ്പി​ട​ച്ചി​ല്‍. അ​സ​ഹ്യ​മാ​യ വേ​ദ​ന​യോ​ടെ ചു​രു​ളു​ന്നു. ക​ളി ജ​യി​ച്ച​തി​ന്റെ ആ​ര​വം.

രാ​ജു​വി​ന്റെ പി​ടി​വി​ടു​വി​ക്കാ​ന്‍ എ​ലീ​ന കി​ണ​ഞ്ഞു​ പോ​രാ​ടു​ന്നു.

തോ​ക്കി​ലേ​ക്ക് വി​ര​ല്‍ എ​ത്തു​ന്ന​തി​നു തൊ​ട്ടു​മു​മ്പ് രാ​ജു എ​ലീ​ന​യു​ടെ ഇ​രു​കാ​ലു​ക​ളും വ​ട്ടം​ചു​ഴ​റ്റി. അ​പ്ര​തീ​ക്ഷി​ത​മാ​യ ആ ​നീ​ക്ക​ത്തി​ല്‍ അ​വ​ള്‍ ഒ​ന്നു പു​ള​ഞ്ഞു. അ​ടു​ത്ത​നി​മി​ഷം അ​വ​ള്‍ പി​ട​ഞ്ഞെ​ഴു​ന്നേ​ല്‍ക്കാ​ന്‍ ശ്ര​മി​ച്ചു. ക​യ്യി​ലു​ണ്ടാ​യി​രു​ന്ന മ​ഴു ക​ഴു​ത്തി​ല്‍ ചേ​ര്‍ത്തു​വെച്ച​തോ​ടെ അ​വ​ള്‍ അ​യ​ഞ്ഞു. തോ​ക്കി​ല്‍നി​ന്ന് അ​വ​ളെ ദൂ​രേ​ക്കു​ കൊ​ണ്ടു​പോ​വു​ക എ​ന്ന​താ​യി അ​വ​ന്റെ ല​ക്ഷ്യം. എ​ലീ​ന​യു​ടെ വാ​ച്ചി​ലെ സ​മ​യം നോ​ക്കി. അ​ഞ്ച് മി​നി​റ്റു​കൂ​ടി. എ​ലീ​ന​യു​ടെ ക​ഴു​ത്തി​ല്‍ ചു​റ്റി​യി​രു​ന്ന മ​ഫ്ല​ര്‍ അ​ഴി​ച്ച് അ​വ​ളു​ടെ കൈ​ക​ള്‍ പി​റ​കി​ല്‍ കെ​ട്ടി. ക​ഴു​ത്തി​ല്‍ മ​ഴു​െവ​ച്ച് ന​ട​ത്തി​ച്ചു. സ​മ​യ​വും ജീ​വി​ത​വും കൊ​ണ്ടൊ​രു ക​ളി.

പൊ​ടു​ന്ന​നെ​യാ​ണ് വ​ര്‍മ മു​ന്നി​ല്‍ പ്ര​ത്യ​ക്ഷ​പ്പെ​ട്ട​ത്. അ​യാ​ള്‍ തോ​ക്കു ചൂ​ണ്ടി​യ​തും രാ​ജു എ​ലീ​ന​യു​ടെ പി​ന്നി​ല്‍ മ​റ​ഞ്ഞു. തോ​ക്കി​നും രാ​ജുവിനും ഇ​ട​യി​ല്‍ എ​ലീ​ന. സെ​ര്‍ച്ച് ലൈ​റ്റി​ന്റെ ക​ന​ത്ത വെ​ളി​ച്ച​ത്തി​ല്‍ രാ​ജു​വും വ​ര്‍മ​യും എ​ലീ​ന​യും.

"വ​ര്‍മ... നോ... ​ഡോ​ണ്ട് ഷൂ​ട്ട്...'' എ​ന്ന് എ​ലീ​ന പ​റ​ഞ്ഞു​കൊ​ണ്ടി​രു​ന്നു.

എ​ന്നാ​ല്‍, വ​ര്‍മ അ​വ​നെ ഉ​ന്നം​​െവ​ച്ചു​ ക​റ​ങ്ങി.

"എ​ലീ​ന ഇ​ത് ക​ളി​യാ​ണ്. ന​മ്മ​ളെ​ല്ലാം ക​ളി​ക്കാ​നാ​ണ് ഇ​റ​ങ്ങ​ിയ​ത്. അ​തു​കൊ​ണ്ട് യാ​ചി​ക്കാ​തി​രി​ക്കു​ക. ക​ളി​ക്കു​ക. അ​ല്ലെ​ങ്കി​ല്‍ തോ​ല്‍ക്കു​ക. മൃ​ഗ​ങ്ങ​ള്‍ക്ക് ന​മ്മ​ള്‍ കൊ​ടു​ക്കാ​ത്ത കാ​രു​ണ്യം, നീ ​വേ​ട്ട​ക്കാ​ര​നി​ല്‍നി​ന്ന് പ്ര​തീ​ക്ഷി​ക്ക​രു​ത്.''

എ​ലീ​ന​യെ വീ​ഴ്ത്തി​യും വ​ര്‍മ രാ​ജു​വി​നെ കൊ​ല്ലും. ഭൂ​മി​യു​ടെ ഏ​ക​ദേ​ശ സ്വ​ഭാ​വം രാ​ജു മ​ന​സ്സി​ലാ​ക്കി​യി​രു​ന്നു. ഒ​രു ച​രി​വി​ലാ​ണ് വ​ര്‍മ നി​ല്‍ക്കു​ന്ന​ത്. എ​ലീ​ന​യെ മു​ന്‍നി​ര്‍ത്തി മു​ക​ളി​ലേ​ക്ക് ക​യ​റി​യാ​ല്‍ സാ​ധ്യ​ത​യു​ണ്ട്. അ​വ​ര്‍ ഓ​രോ അ​ടി പി​ന്നോ​ട്ട് മ​ല ക​യ​റി. വ​ര്‍മ ഓ​രോ അ​ടി മു​ന്നോ​ട്ടും. ഒ​രു ഘ​ട്ട​ത്തി​ല്‍ പൊ​ടു​ന്ന​നെ എ​ലീ​ന​യെ രാ​ജു ശ​ക്തി​യാ​യി മു​ന്നോ​ട്ട് ത​ള്ളി. അ​വ​ള്‍ വ​ര്‍മ​ക്ക് നേ​രെ മു​ന്നോ​ട്ടാ​ഞ്ഞു. ഈ ​സ​മ​യം നി​ല​ത്തേ​ക്ക് വീ​ണ രാ​ജു ഉ​രു​ണ്ട് ചെ​ന്ന് വ​ര്‍മ​യു​ടെ കാ​ലു​ക​ളി​ല്‍ പി​ടി​ച്ചു​വീ​ഴ്ത്തി. അ​യാ​ളു​ടെ സെ​ര്‍ച്ച് ലൈ​റ്റ് തെ​റി​ച്ചു​പോ​യി.

ആ ​നേ​രം മ​ല​മു​ക​ളി​ല്‍ പ്ര​ത്യ​ക്ഷ​പ്പെ​ട്ട ഹാ​രി​സ​ണ്‍ തു​രു​തു​രാ നി​റ​യൊ​ഴി​ച്ചു. എ​ലീ​ന​യു​ടെ നി​ല​വി​ളി. ര​ണ്ടു​പേ​രും മ​ല​ഞ്ചെ​രി​വി​ലൂ​ടെ താ​ഴേ​ക്കു​രു​ണ്ടു. ഹാ​രി​സ​ണ്‍ മ​ല​യി​റ​ങ്ങി താ​ഴേ​ക്ക് ഓ​ടി​വ​ന്നു​കൊ​ണ്ടി​രു​ന്നു. താ​ഴെ വീ​ണു​കി​ട​ന്ന സെ​ര്‍ച്ച് ലൈ​റ്റ് അ​യാ​ള്‍ ക​യ്യി​ലെ​ടു​ത്തു. തൊ​ട്ട​ടു​ത്ത് എ​ലീ​ന​യു​ടെ തോ​ക്ക്. അ​പ​ക​ടം മ​ണ​ത്ത ഹാ​രി​സ​ണ്‍ നി​ല​ത്തി​രു​ന്നു. പു​ല്ലു​ക​ള്‍ക്കി​ട​യി​ല്‍നി​ന്നു​യ​ര്‍ന്നു​വ​ന്ന രാ​ജു അ​യാ​ളു​ടെ ത​ല​യി​ല്‍ മ​ഴു​കൊ​ണ്ട് ആ‍ഞ്ഞ​ടി​ച്ചു. ത​ല​യി​ല്‍ സ്ഥാ​പി​ച്ചി​രു​ന്ന സെ​ര്‍ച്ച് ലൈ​റ്റ് ആ​കാ​ശ​ത്തേ​ക്ക് തെ​റി​ച്ച് വ​ട്ടം​ചു​റ്റി താ​ഴേ​ക്ക് പ​തി​ച്ചു. സ​മ്പൂ​ർ​ണ​മാ​യ ഇ​രു​ട്ട്. നി​ശ്ശ​ബ്ദ​ത. ഒ​രു മ​ല​മു​ഴ​ക്കി വേ​ഴാ​മ്പ​ല്‍ ത​ല​ക്കു​ മു​ക​ളി​ലൂ​ടെ ചി​ല​ച്ചു പ​റ​ന്നു​പോ​യി.

o o o o

പൂ​ർ​ണ​മെ​ന്നോ അ​പൂ​ർ​ണ​മെ​ന്നോ വി​ധി​ക്കാ​നാ​വാ​ത്ത സ​ന്ദി​ഗ്ധ​ത​യി​ല്‍ കു​റി​പ്പ് അ​വ​സാ​നി​ച്ചു. താ​ഴേ​ക്ക് എ​ന്തോ എ​ഴു​തി​യി​ട്ടു​ണ്ട്. പ​േക്ഷ, വാ​യി​ച്ചെ​ടു​ക്കാ​ന്‍ ക​ഴി​യാ​ത്ത​വി​ധം പു​സ്ത​കം ക​ത്തി​ക്ക​രി​ഞ്ഞു​പോ​യി​രി​ക്കു​ന്നു. പി​ന്നീ​ടു​ള്ള പു​റ​ങ്ങ​ള്‍ ഏ​ക​ദേ​ശം പൂ​ർ​ണ​മാ​യും തീ​പ​ട​ര്‍ന്ന് മാ​ഞ്ഞു​പോ​യി​ട്ടു​ണ്ട്. എ​ന്നാ​ല്‍, അ​വി​ടെ​യൊ​ന്നും എ​ന്തെ​ങ്കി​ലും എ​ഴു​തി​യി​രു​ന്ന​താ​യി തോ​ന്നു​ന്നി​ല്ല. ഒ​രു​പ​േ​ക്ഷ ഇ​ത്, രാ​ജു പ​റ​ഞ്ഞ​തോ, ജെ​സീ​ന്ത എ​ഴു​തി​യ​തോ ആ​യ അ​വ​സാ​ന ക​ഥ​യോ അ​നു​ഭ​വ​മോ അ​ല്ലെ​ങ്കി​ല്‍ രാ​ജു എ​ഴു​താ​നാ​ഗ്ര​ഹി​ച്ച നോ​വ​ലി​ന്റെ ക​ര​ടു​രൂ​പ​മോ നോ​വ​ല്‍ ത​ന്നെ​യോ ആ​യി​രി​ക്ക​ണം.

lഅ​ടു​ത്ത്​ പ്ര​സി​ദ്ധീ​ക​രി​ക്കു​ന്ന 'ആ'​ എ​ന്ന നോ​വ​ലി​ലെ ഒ​ര​ധ്യാ​യം കൂ​ടി​യാ​ണ്​ ഇൗ ​ക​ഥ.