ഡൊബെറാനിലെ പള്ളി - അ​ശോ​ക​ൻ ച​രു​വി​ലിന്റെ കഥ

ജ​ർ​മ​നി​യി​ൽ എന്റെ ചെ​റി​യ മ​ക​ൻ ഹ​രി താ​മ​സി​ക്കു​ന്ന​ത് ഡൊ​ബെ​റാ​ൻ എ​ന്ന സ്ഥ​ല​ത്താ​ണ് (മു​ഴു​വ​ൻ പേ​ര് Bad Doberan). റൊ​സ്റ്റോ​ക് (Rostock) ന​ഗ​ര​ത്തി​നും കു​ലങ്സ്ബോ​ൺ (Kuhlungsborn) എ​ന്ന ക​ട​ൽ​ത്തീ​ര സു​ഖ​വാ​സ​കേ​ന്ദ്ര​ത്തി​നും ഇ​ട​യി​ലു​ള്ള ചെ​റി​യ പ​ട്ട​ണ​മാ​ണി​ത്. ക​ഴി​ഞ്ഞ വേ​ന​ൽ​ക്കാ​ല​ത്ത് അ​വി​ടെ ചെ​ന്നു താ​മ​സി​ച്ച​പ്പോ​ഴ​ത്തെ ചി​ല അ​നു​ഭ​വ​ങ്ങ​ളാ​ണ് ഇ​വി​ടെ എ​ഴു​തു​ന്ന​ത്. അ​ത്ര പ്ര​മാ​ദ​മാ​യ വി​ഷ​യ​മൊ​ന്നു​മ​ല്ല. എ​ന്നാ​ലും ചി​ല സ​ന്ദ​ർ​ഭ​ങ്ങ​ളി​ൽ ഞാ​ൻ ഏ​തൊ​ക്കെ​യോ മി​ഥ്യാ​ലോ​ക​ങ്ങ​ളി​ൽ ചെ​ന്നു​പെ​ട്ട​താ​യി ഓ​ർ​ക്കു​ന്നു.

കാ​ല​ത്ത് എ​ട്ടു​മ​ണി​ക്ക് ഹ​രി കു​ലങ്സ്ബോ​ണി​ലു​ള്ള അ​വന്റെ ഇ​ൻ​സ്റ്റി​റ്റ്യൂ​ട്ടി​ലേ​ക്ക് പോ​കും. ഇ​രു​ണ്ട വ​ന​വീ​ഥി​ക​ളി​ലൂ​ടെ സൈ​ക്കി​ളി​ലാ​ണ് യാ​ത്ര. ഭ​ക്ഷ​ണം അ​വ​ൻ ത​യാ​റാ​ക്കി വെ​ച്ചി​ട്ടു​ണ്ടാ​കും. ക​ഴി​ഞ്ഞ നാ​ല​ഞ്ചു​വ​ർ​ഷ​ത്തെ ജ​ർ​മ​ൻ​വാ​സം അ​യാ​ളെ സാ​മാ​ന്യം ഭേ​ദ​പ്പെ​ട്ട ഒ​രു കു​ക്കാ​ക്കി മാ​റ്റി​യി​ട്ടു​ണ്ടെ​ന്ന​റി​ഞ്ഞ് ഞാ​ൻ സ​ന്തോ​ഷി​ച്ചു. ഞാ​ൻ ഏ​റെ പി​ന്നി​ലു​ള്ള ഒ​രു മേ​ഖ​ല​യാ​ണ​ത്. അ​ടു​ക്ക​ള​യി​ൽ ക​യ​റാ​തെ ഭ​ക്ഷ​ണം ക​ഴി​ച്ച് വ​ള​ർ​ന്ന പു​രു​ഷ​കേ​സ​രി​ക​ളു​ടെ ത​ല​മു​റ​യി​ലാ​ണ് എന്റെ സ്ഥാ​നം.

ചി​ക്ക​ൻ​ക​റി​യാ​ണ് ഹ​രി​യു​ടെ ഫേ​വ​റി​റ്റ് ഡി​ഷ്. പി​ന്നെ ചോ​റും മീ​ൻ​പൊ​രി​ച്ച​തും ഉ​ണ്ടാ​വും. അ​വ ഓ​വ​നി​ൽവെ​ച്ച് ചൂ​ടാ​ക്കി ക​ഴി​ച്ച് ഞാ​ൻ പു​റ​ത്തി​റ​ങ്ങും. വേ​ന​ൽ​ക്കാ​ല​മാ​യ​തു​കൊ​ണ്ട് ന​ല്ല തെ​ളി​ഞ്ഞ അ​ന്ത​രീ​ക്ഷ​മാ​ണ്. വെ​റു​തെ ചു​റ്റി​ത്തി​രി​യു​ക എ​ന്ന​ല്ലാ​തെ എ​നി​ക്കു വേ​റെ പ​ണി​യി​ല്ല. ബാ​ൾ​ട്ടി​ക് ക​ട​ലി​ന് ആ ​ഭാ​ഗ​ത്ത് തു​റ​മു​ഖ​ങ്ങ​ളും പ്ര​സി​ദ്ധ​ങ്ങ​ളാ​യ നി​ര​വ​ധി ബീ​ച്ചു​ക​ളു​മു​ണ്ട്. വെ​യി​ൽ പ്ര​ത്യ​ക്ഷ​പ്പെ​ട്ട​തോ​ടെ ബീ​ച്ചു​ക​ൾ ഉ​ല്ലാ​സകേ​ളീ​കേ​ന്ദ്ര​ങ്ങ​ളാ​യി മാ​റി​യി​രു​ന്നു. ചി​ല​പ്പോ​ൾ അ​വി​ട​ങ്ങ​ളി​ലേ​ക്ക് ബ​സി​ലോ ട്രെ​യി​നി​ലോ സ​ഞ്ച​രി​ക്കും. അ​ധി​ക​സ​മ​യ​വും പ​ട്ട​ണ​നി​ര​ത്തു​ക​ളി​ലൂ​ടെ വെ​റു​തെ ന​ട​ക്കാ​നാ​ണ് ഞാ​ൻ ഇ​ഷ്ട​പ്പെ​ട്ട​ത്. ചി​ല ന​ട​ത്ത​ങ്ങ​ൾ എ​ന്നെ പ​ട്ട​ണ​ത്തി​നു വെ​ളി​യി​ലെ​ത്തി​ക്കും. അ​വി​ടെ കൃ​ഷി​യി​ട​ങ്ങ​ളാ​ണ്. യൂ​റോ​പ്യ​ൻ വ​യ​ലു​ക​ളു​ടെ കാ​ഴ്ച വി​സ്മ​യ​ക​ര​മാ​യ അ​നു​ഭ​വ​മാ​ണ്.

ചെ​റി​യ പ​ട്ട​ണ​മാ​ണ് ഡൊ​ബെ​റാ​ൻ എ​ന്നു പ​റ​ഞ്ഞു​വ​ല്ലോ. വ​ലി​യ കാ​ഴ്ച​ക​ളൊ​ന്നും ഇ​ല്ല. മി​ക്ക​പ്പോ​ഴും ആ​ളൊ​ഴി​ഞ്ഞു​ള്ള ഒ​രു ബ​സ് സ്റ്റേ​ഷ​നു​ണ്ട്. ഒ​റ്റ പ്ലാ​റ്റ്ഫോം മാ​ത്ര​മു​ള്ള ഒ​രു റെ​യി​ൽ​വേ സ്റ്റേ​ഷ​നും. റോ​സ്റ്റോ​ക് (Rostock) - വി​സ്മ​ർ (Wismar) വ​ണ്ടി​ക​ൾ ഇ​തി​ലൂ​ടെ ക​ട​ന്നു​പോ​കു​ന്നു. ബീ​ച്ചു​ക​ളി​ലേ​ക്ക് പോ​കു​ന്ന വി​നോ​ദ​സ​ഞ്ചാ​രി​ക​ളു​ടെ ഇ​ട​ത്താ​വ​ള​മാ​ണ് ഈ ​പ​ട്ട​ണം എ​ന്ന് പ​റ​യാം. ഏ​റ്റ​വും കൗ​തു​ക​ക​ര​മാ​യ സം​ഗ​തി ‘മോ​ളി’ എ​ന്ന ക​ൽ​ക്ക​രി​ത്തീ​വ​ണ്ടി​യാ​ണ്. 1886ൽ ​തു​ട​ങ്ങി​യ​താ​ണ​ത്രെ! ഡൊ​ബെ​റാ​നി​ൽനി​ന്ന് കു​ലങ്സ്ബോ​ൺ വ​രെ പോ​കു​ന്നു. കൂ​ക്കി​വി​ളി​ച്ച് പു​ക​തു​പ്പി​ക്കൊ​ണ്ടു​ള്ള അ​തിന്റെ യാ​ത്ര കാ​ണാ​ൻ ര​സ​മാ​ണ്. ഒ​രു മെ​ല്ലേ​പ്പോ​ക്കു വ​ണ്ടി​യാ​ണ്. പ​ട്ട​ണ​ത്തി​ര​ക്കി​ലൂ​ടെ അ​തി​ൽ യാ​ത്ര ചെ​യ്യു​മ്പോ​ൾ പ​ല​ഹാ​ര​ക്ക​ട​ക​ളി​ൽനി​ന്നു​ള്ള ചൂ​ടും മ​ണ​വും അ​നു​ഭ​വി​ക്കാം. വി​നോ​ദ​യാ​ത്ര​ക്കാ​ർ ഈ ​വ​ണ്ടി​യി​ലു​ള്ള യാ​ത്ര ഒ​ഴി​വാ​ക്കാ​റി​ല്ല. ഞാ​ൻ പ​ല​വ​ട്ടം അ​തി​ൽ യാ​ത്രചെ​യ്തി​ട്ടു​ണ്ട്.

ചെ​റു​തെ​ങ്കി​ലും മ​നോ​ഹ​ര​മാ​യ വീ​ടു​ക​ളാ​ണ് ഡൊ​ബെ​റാ​നി​ൽ ഉ​ള്ള​ത്. പൂ​മു​ഖ​ങ്ങ​ൾ ചെ​ടി​പ്പ​ട​ർ​പ്പു​ക​ൾകൊ​ണ്ട് അ​ല​ങ്ക​രി​ച്ചി​രി​ക്കു​ക​യാ​ണ്. തൊ​ടി​ക​ളി​ൽ ആ​പ്പി​ൾ, പി​യ​ർ തു​ട​ങ്ങി​യ മ​ര​ങ്ങ​ൾ വി​ള​ഞ്ഞുനി​ൽ​ക്കു​ന്ന​തു കാ​ണാം. വ​സ​ന്ത​കാ​ല​ത്തിന്റെ ബാ​ക്കി​യാ​യി മ​ര​ങ്ങ​ളി​ലും ചെ​ടി​ക​ളി​ലും ചെ​റി​യ പു​ല്ലു​ക​ളി​ൽപോ​ലും പൂ​ക്ക​ളു​ണ്ട്. Bad Doberan Stadtmitte എ​ന്ന മോ​ളി​സ്റ്റേ​ഷ​ൻ വി​ട്ട് മു​ന്നോ​ട്ടു ന​ട​ന്നാ​ൽ ഒ​രു മൈ​താ​ന​വും ചു​റ്റും പു​രാ​ത​ന​മാ​യ കു​റെ കെ​ട്ടി​ട​ങ്ങ​ളു​മു​ണ്ട്. ചി​ലേ​ട​ത്ത് ഭീ​മാ​കാ​ര​മാ​യ മ​തി​ൽ. ഇ​ട​വി​ട്ട് ക​മാ​ന​ങ്ങ​ളു​മു​ണ്ട്. മൈ​താ​ന​ത്ത് അ​ങ്ങി​ങ്ങാ​യി കു​ള​ങ്ങ​ളും തോ​ടു​ക​ളും കാ​ണു​ന്നു. കെ​ട്ടി​ട​ങ്ങ​ളി​ൽ പ​ല​തും ത​ക​ർ​ന്ന​വ​യാ​ണ്. ചി​ല​തി​ന് മേ​ൽ​ക്കൂ​ര ഇ​ല്ല. ജ​ന​ലു​ക​ളും വാ​തി​ലു​ക​ളും ഇ​ല്ല.

മ​തി​ൽ പ​ലേ​ട​ത്തും ത​ക​ർ​ന്നു കാ​ണു​ന്നു. കെ​ട്ടി​ട​ങ്ങ​ളെ​ല്ലാം ചു​വ​ന്ന ഇ​ഷ്ടി​ക​ക​ൾകൊ​ണ്ട് നി​ർ​മിച്ച​താ​ണ്. അ​ക്കൂ​ട്ട​ത്തി​ൽ കാ​ര്യ​മാ​യ കേ​ടു​പാ​ടി​ല്ലാ​ത്ത​ത് സാ​മാ​ന്യം വ​ലു​പ്പ​മു​ള്ള ഒ​രു പ​ള്ളി​യാ​ണ്. Doberan Munster. ആ​രാ​ധ​നാസ​മ​യ​മൊ​ക്കെ എ​ഴു​തിവെ​ച്ചി​ട്ടു​ണ്ടെ​ങ്കി​ലും ഞാ​ൻ ചെ​ല്ലു​മ്പോ​ഴെ​ല്ലാം പ​ള്ളി വി​ജ​ന​മാ​യി​ട്ടാ​ണ് ക​ണ്ടി​ട്ടു​ള്ള​ത്. കു​റ​ച്ചു വി​വ​ര​ങ്ങ​ൾ മാ​ത്ര​മേ പു​റ​ത്ത് എ​ഴു​തിവെ​ച്ചി​ട്ടു​ള്ളൂ. അ​താ​ക​ട്ടെ ജ​ർ​മൻ ഭാ​ഷ​യി​ലാ​ണ്. ഗൂ​ഗി​ൾ ട്രാ​ൻ​സ​്ലേ​റ്റ് എ​ന്ന ആ​പ്പി​ലെ കാ​മ​റ ഉ​പ​യോ​ഗി​ച്ച് ക​ഷ്ട​പ്പെ​ട്ട് ഞാ​ൻ വാ​യി​ച്ചു: ലൂ​ത​റ​ൻ ച​ർ​ച്ച്. Cistercian രീ​തി പി​ന്തു​ട​ർ​ന്ന Doberan Abbeyയു​ടെ ഭാ​ഗ​മാ​യി 1368ൽ ​നി​ർ​മിക്ക​പ്പെ​ട്ട​ത്.

അ​ന്നു വീ​ട്ടി​ലെ​ത്തി​യ​പ്പോ​ൾ ഹ​രി പ​റ​ഞ്ഞു: ആ ​പ​ള്ളി വ​ള​രെ ച​രി​ത്ര​പ്ര​സി​ദ്ധി ഉ​ള്ള​താ​ണ്. ചി​ല ദി​വ​സ​ങ്ങ​ളി​ൽ ദൂ​ര​ദേ​ശ​ങ്ങ​ളി​ൽനി​ന്നു​പോ​ലും ആ​ളു​ക​ൾ വ​ന്ന് ആ​രാ​ധ​ന ന​ട​ത്താ​റു​ണ്ട്. ഒ​രി​ക്ക​ൽ ഇ​ൻ​സ്റ്റി​റ്റ്യൂ​ട്ടി​ലെ ഫ്ര​ഞ്ചു​കാ​ര​നാ​യ മേ​ധാ​വി​യോ​ടൊ​പ്പം അ​വ​ൻ പ​ള്ളി​ക്ക​ക​ത്ത് പ്ര​വേ​ശി​ച്ചി​ട്ടു​ണ്ട്. ക്രി​സ്തു​വിന്റെ ച​രി​ത്രം വി​ശ​ദീ​ക​രി​ക്കു​ന്ന നി​ര​വ​ധി ചു​വ​ർ​ചി​ത്ര​ങ്ങ​ളും പ്ര​തി​മ​ക​ളും അ​വി​ടെയുണ്ട്. പ​ഴ​യമ​ട്ടി​ലു​ള്ള വി​ള​ക്കു​ക​ളും ഇ​രി​പ്പി​ട​ങ്ങ​ളു​മു​ണ്ട്.

ജ​ർ​മ​നി​യി​ലെ ക്രി​സ്ത്യ​ൻ പ​ള്ളി​ക​ൾ യൂ​റോ​പ്യ​ൻ വാ​സ്തു​വി​ദ്യ​യു​ടെ​യും സാം​സ്കാ​രി​ക പാ​ര​മ്പ​ര്യ​ത്തി​ന്റേ​യും പ്ര​തീ​ക​ങ്ങ​ളാ​ണെ​ന്ന് തോ​ന്നി​യി​ട്ടു​ണ്ട്. ഇ​ത്ര​യ​ധി​കം യു​ദ്ധ​ങ്ങ​ൾ​ക്കും ആ​ക്ര​മ​ണ​ങ്ങ​ൾ​ക്കും ശേ​ഷം ഇ​വ​യെ​ല്ലാം ബാ​ക്കി​നി​ന്നു എ​ന്ന​ത് അ​ത്ഭു​ത​മാ​ണ്. യൂ​റോ​പ്പി​ലെ ദേ​വാ​ല​യ​ങ്ങ​ളി​ൽ ജ​ന​ങ്ങ​ൾ ആ​രാ​ധ​ന​ക്കെ​ത്തു​ന്നി​ല്ല എ​ന്ന വി​മ​ർ​ശ​ന​മു​ണ്ട​ല്ലോ. പ​ല പ​ള്ളി​ക​ളും ക​ച്ച​വ​ട​സ്ഥാ​പ​ന​ങ്ങ​ളാ​ക്കി മാ​റ്റി ഉ​പ​യോ​ഗി​ക്കു​ന്നു​ണ്ട്. എ​ന്നു​വെ​ച്ച് യൂ​റോ​പ്യ​ർ വി​ശ്വാ​സി​ക​ള​ല്ല എ​ന്നു തീ​രു​മാ​നി​ക്ക​രു​ത്. ഒ​ട്ടും പ്ര​ക​ട​നാ​ത്മ​ക​മ​ല്ല അ​വ​രു​ടെ വി​ശ്വാ​സം. മ​തംത​ന്നെ​യാ​ണ് അ​വ​രു​ടെ മൂ​ല്യ​ബോ​ധ​ത്തെ നി​ർ​ണ​യി​ക്കു​ന്ന​ത്.

ഞാ​ൻ ഡൊ​ബെ​റാ​ൻ മി​ൻ​സ്റ്റ​റെ​പ്പ​റ്റി ഗൂ​ഗി​ളി​ൽ സെ​ർ​ച്ചു ചെ​യ്തു​നോ​ക്കി. വ​ള​രെ പ്ര​ധാ​ന​പ്പെ​ട്ട വി​വ​ര​ങ്ങ​ളാ​ണ് ല​ഭി​ച്ച​ത്. ജ​ർ​മ​നി​യി​ലെ ബാ​ൾ​ട്ടി​ക് തീ​ര​ദേ​ശ​ത്തെ ആ​ത്മീ​യ​ജീ​വി​ത​ത്തി​ന് ആ​രം​ഭം കു​റി​ച്ച സ്ഥാ​പ​ന​മാ​ണ​ത്. ബ്രി​ക് ഗോ​ഥി​ക് ശൈ​ലി​യി​ലു​ള്ള ആ​ദ്യ​കാ​ല​ത്തെ നി​ർ​മി​തി. ഇ​ന്റർ​നെ​റ്റി​ൽ പ​ര​തു​മ്പോ​ൾ ന​മ്മ​ൾ ഒ​ന്നി​ൽനി​ന്ന് മ​റ്റൊ​ന്നി​ലേ​ക്ക് പോ​കു​മ​ല്ലോ. 1098ൽ ​ഫ്രാ​ൻ​സി​ൽ ആ​രം​ഭി​ച്ച സി​സ്റ്റേ​ർ​സി​യ​ൻ (Cistercian Order) എ​ന്ന മ​ത​ന​വീ​ക​ര​ണ പ്ര​സ്ഥാ​ന​ത്തിന്റെ പ്ര​ധാ​ന​പ്പെ​ട്ട മൊ​ണാ​സ്ട്രി​യാ​ണ് ഇ​വി​ടെ ഉ​ണ്ടാ​യി​രു​ന്ന​ത്. ക്ലെ​യ​ർ​വാ​ക്സി​ലെ (Clairvaux) വി​ശു​ദ്ധ ബ​ർ​ണാ​ഡിന്റെ ഉ​ദ്ബോ​ധ​ന​ങ്ങ​ളെ അ​വ​ലം​ബ​മാ​ക്കി​യാ​യി​രു​ന്നു പ്ര​വ​ർ​ത്ത​ന​ങ്ങ​ൾ.

അ​ധ്വാ​ന​ത്തി​ന്റെയും ത്യാ​ഗ​ത്തിന്റെ​യും പ്ര​തീ​ക​മാ​യി​ട്ടാ​ണ് സെ​ന്റ് ബ​ർ​ണാ​ഡ് ക്രി​സ്തു​വി​നെ കാ​ണു​ന്ന​ത്. പാ​തി​രി​മാ​രു​ടെ​യും ക​ന്യാ​സ്ത്രീമാ​രു​ടെ​യും ജീ​വി​ത​ത്തെ അ​തി​ന​നു​സ​രി​ച്ച് അ​ദ്ദേ​ഹം ക്ര​മീ​ക​രി​ച്ചു. ക​ഠി​ന​മാ​യ കാ​യി​കാ​ധ്വാ​നം ദൈ​വിക​വൃ​ത്തി​യാ​യി ക​രു​തു​ന്ന​തുകൊ​ണ്ട് കൃ​ഷി, കെ​ട്ടി​ട​നി​ർ​മാ​ണം, ന​ഗ​രാ​സൂ​ത്ര​ണം, നെ​യ്ത്ത് തു​ട​ങ്ങി​യ മേ​ഖ​ല​ക​ളി​ൽ സി​സ്റ്റേ​ർ​സി​യ​ൻ സ​ന്യാ​സി​മാ​രു​ടെ വ​ലി​യ സം​ഭാ​വ​നയുണ്ട്. അ​വ​ർ വ​ന്ന് മ​ഠം സ്ഥാ​പി​ച്ച​തോ​ടെ​യാ​ണ് ഡൊ​ബെ​റാ​ൻ എ​ന്ന ദേ​ശ​ത്തിന്റെ ച​രി​ത്രം ആ​രം​ഭി​ക്കു​ന്ന​ത്. അ​വി​ടെ ഓ​ടു​ന്ന മാ​നി​നെ ക​ണ്ട് പേ​ടി​ച്ച അ​ര​യ​ന്ന​ങ്ങ​ളു​ടെ നി​ല​വി​ളി ശ​ബ്ദ​ത്തി​ൽനി​ന്ന് (ഡൊ​ബ്രാ​ൻ, ഡൊ​ബ്രാ​ൻ) അ​വ​ർ നാ​ടി​നു​ള്ള പേ​രും ക​ണ്ടെ​ത്തി.

വി​ശ്വാ​സ​ത്തിന്റെ​യും മ​ത​ങ്ങ​ളു​ടെ​യും ച​രി​ത്രം വി​സ്മ​യ​ക​ര​മാ​ണ്. ഇ​ന്ന് ദേ​വാ​ല​യ​ങ്ങ​ൾ പ​ല​തും ആ​ഘോ​ഷ​ങ്ങ​ളു​ടെ​യും ആ​ർ​ഭാ​ട​ങ്ങ​ളു​ടെയും വേ​ദി​ക​ളാ​ണ​ല്ലാ. മ​ത​ങ്ങ​ൾ പ​ല​പ്പോ​ഴും അ​ധി​കാ​രകേ​ന്ദ്ര​മാ​കാ​നോ അ​ധി​കാ​ര​ത്തി​നൊ​പ്പം നി​ൽ​ക്കാ​നോ ആ​ണ് താ​ൽ​പ​ര്യം പ്ര​ക​ടി​പ്പി​ച്ചി​ട്ടു​ള്ള​ത്. പ​ക്ഷേ, ത്യാ​ഗ​ത്തി​ന്റെയും സ​ഹ​ന​ത്തി​ന്റെയും പീഡ​ന​ത്തി​ന്റേ​തു​മാ​യ ഒ​രു വി​ശ്വാ​സ​ച​രി​ത്രം സ​മാ​ന്ത​ര​മാ​യു​ണ്ട്. അ​സി​സ്സി​യി​ലെ ഫ്രാ​ൻ​സി​സ് എ​ന്ന​റി​യു​ന്ന വി​ശു​ദ്ധന്റെ ജീ​വി​തം അ​തിന്റെ മി​ക​ച്ച ദൃ​ഷ്ടാ​ന്ത​മാ​ണ്. അ​ദ്ദേ​ഹം ദാ​രി​ദ്ര്യ​ത്തെ പ്ര​ണ​യി​ച്ചു.

ക​ഠി​ന​മാ​യ വ്ര​താ​നു​ഷ്ഠാ​ന​ങ്ങ​ൾ പു​ല​ർ​ത്തു​ന്ന​വ​ർ ഇ​ന്നു​മു​ണ്ട്. ജോ​ലിചെ​യ്തി​രു​ന്ന കാ​ല​ത്ത് ഓ​ഫീ​സി​ലെ ഒ​രു സ​ഹ​പ്ര​വ​ർ​ത്ത​ക​യു​ടെ മ​കന്റെ മ​ര​ണ​മ​റി​ഞ്ഞ് പോ​യ​ത് ഓ​ർ​ക്കു​ന്നു. നി​ര​ന്ത​ര​മാ​യ പ്രാ​ണാ​യാ​മ​ത്തിന്റെ ഫ​ല​മാ​യി​ട്ടാ​ണ് ആ ​യു​വാ​വ് മ​രി​ച്ച​ത് എ​ന്നു കേ​ട്ടു. എ​ൻജിനീ​യ​റിങ് ക​ഴി​ഞ്ഞ് ഏ​തോ പൊ​തു​മേ​ഖ​ലാ സ്ഥാ​പ​ന​ത്തി​ൽ ജോ​ലികി​ട്ടി​യി​രു​ന്നു. അ​തെ​ല്ലാം ഉ​പേ​ക്ഷി​ച്ചു. യോ​ഗ​വി​ദ്യ​യി​ലൂ​ടെ അ​ന​ശ്വ​ര​മാ​യ ആ​ത്മീ​യ​പ്ര​പ​ഞ്ച​ത്തി​ൽ ല​യി​ക്കു​വാ​ൻ ആ​ഗ്ര​ഹി​ച്ചു. മ​രി​ച്ചു കി​ട​ക്കു​മ്പോ​ൾ ഒ​രു നൂ​ലു​പോ​ലെ​യാ​യി​രു​ന്നു ആ ​മ​നു​ഷ്യ​ൻ.

കു​ട്ടി​ക്കാ​ല​ത്ത് വീ​ട്ടി​ൽ വ​രാ​റു​ള്ള ഒ​രു അ​മ്മാ​ളു അ​മ്മാ​യി​യെ ഓ​ർ​ക്കു​ന്നു. അ​ക്ഷ​രാ​ഭ്യാ​സ​മൊ​ന്നു​മി​ല്ല. വ​ലി​യ ഭ​ക്ത​യാ​യി​രു​ന്നു​വെ​ങ്കി​ലും ക്ഷേ​ത്ര​ത്തി​ൽ പോ​കു​ന്ന​ത് ക​ണ്ടി​ട്ടി​ല്ല. തന്റെ ശ​രീ​ര​മാ​യി​രു​ന്നു അ​വ​രു​ടെ ആ​രാ​ധ​നാ​ല​യം. ഒ​രുനേ​രം, അ​തും അ​ൽ​പം മാ​ത്ര​മാ​ണ് അ​വ​ർ ഭ​ക്ഷി​ച്ചി​രു​ന്ന​ത്. മ​രു​ന്നോ ചി​കി​ത്സ​യോ സ്വീ​ക​രി​ക്കി​ല്ല. തെ​റ്റാ​യ​തെ​ന്തെ​ങ്കി​ലും പ​റ​യു​ക​യോ ചി​ന്തി​ക്കു​ക​യോ ചെ​യ്താ​ൽ പ​രി​ഹാ​രാ​ർ​ഥം സ്വ​യം ത​ല ചു​മ​രി​ലി​ടി​ക്കു​ന്ന ഒ​രു സ്വ​ഭാ​വ​മു​ണ്ടാ​യി​രു​ന്നു അ​വ​ർ​ക്ക്. അ​വ​ർ ത​ല​യ​ടി​ക്കു​ന്ന ശ​ബ്ദം​കേ​ട്ട് ഞാ​ൻ ഞെ​ട്ടി​ത്ത​രി​ച്ചി​ട്ടു​ണ്ട്. വാ​ഹ​ന​ങ്ങ​ളി​ൽ സ​ഞ്ച​രി​ക്കി​ല്ല. കി​ട​ക്കു​ന്ന​ത് വെ​റു​മൊ​രു പാ​യ​യി​ൽ. ആ​ഴ്ച​യി​ൽ ഒ​രി​ക്ക​ൽ മൗ​ന​വ്ര​ത​മു​ണ്ടാ​യി​രു​ന്നു.

ഡൊ​ബെ​റാ​നി​ലു​ണ്ടാ​യി​രു​ന്ന​പ്പോ​ൾ മി​ക്ക​ദി​വ​സ​വും പ​ള്ളി​ക്ക​രി​കി​ലെ മൈ​താ​ന​ത്തു കൂ​ടെ ഞാ​ൻ ന​ട​ക്കാ​റു​ണ്ട്. ബ​സ് സ്റ്റേ​ഷ​നി​ലേ​ക്കു​ള്ള വ​ഴി​യാ​ണ​ത്. പ​ഴ​യ മൊ​ണാ​സ്ട്രി​യു​ടെ ത​ക​ർ​ന്ന കെ​ട്ടി​ട​ങ്ങ​ളി​ൽ വെ​റു​തെ ക​യ​റി​യി​റ​ങ്ങി നോ​ക്കും. മ​തി​ൽ​ക്കെ​ട്ടി​ന​പ്പു​റ​ത്ത് ഒ​രു കോ​ൺ​വെ​ന്റ് പ്ര​വ​ർ​ത്തി​ക്കു​ന്നു​ണ്ട്. പ​ഴ​ക്കം ചെ​ന്ന കു​റെ എ​ടു​പ്പു​ക​ളാ​ണ്. ഒ​രു കോ​ൺ​വെ​ന്റ് ഷോ​പ്പും ക​ണ്ടു. ചി​ല്ല​ല​മാ​രി​ക​ളി​ൽ ജ​പ​മാ​ല​ക​ളും കു​രി​ശു​ക​ളും പു​സ്ത​ക​ങ്ങ​ളും വെ​ച്ചി​ട്ടു​ണ്ട്. ആ​രും ചെ​ന്ന് വാ​ങ്ങു​ന്ന​ത് ക​ണ്ടി​ല്ല. വിൽപനക്കാ​രും ഉ​ണ്ടാ​യി​രു​ന്നി​ല്ല.

ഒ​രുദി​വ​സം കോ​ൺ​വെ​ന്റിന്റെ മ​തി​ൽ ത​ക​ർ​ന്ന ഭാ​ഗ​ത്തെ തൊ​ടി​യി​ൽനി​ന്ന് ഒ​രാ​ൾ കി​ള​യ്ക്കു​ന്നതു ക​ണ്ടു. അ​വി​ടെ കു​റ​ച്ചൊ​രു കൃ​ഷി​യി​ട​മു​ണ്ട്. പ​ടു​വൃ​ദ്ധ​നാ​ണ്. പ​ഴ​കി​യ കോ​ട്ടും തൊ​പ്പി​യും ധ​രി​ച്ചി​രി​ക്കു​ന്നു. കു​റ​ച്ച് അ​ക​ല​ത്താ​യ​തുകൊ​ണ്ട് രൂ​പം അ​ത്ര വ്യ​ക്ത​മ​ല്ല. താ​ടി​യും, കീ​ഴോ​ട്ടു നീ​ട്ടിവ​ള​ർ​ത്തി​യി​രി​ക്കു​ന്ന മീ​ശ​യും ഉ​ണ്ട്. മു​ട​ന്ത​നാ​ണോ എ​ന്നു സം​ശ​യം. അ​തീ​വ ശ്ര​ദ്ധ​യോ​ടെ​യാ​ണ് അ​യാ​ൾ പ്ര​വ​ൃത്തി​ക​ൾ ചെ​യ്യു​ന്ന​ത്. ഞാ​ൻ കു​റ​ച്ചു​സ​മ​യം കാ​ത്തുനി​ന്നെ​ങ്കി​ലും അ​യാ​ൾ തി​രി​ഞ്ഞുനോ​ക്കു​ക​​േയാ എ​ന്നെ കാ​ണു​ക​യോ ചെ​യ്തി​ല്ല.

അ​ടു​ത്ത ശ​നി​യാ​ഴ്ച ദി​വ​സം മൈ​താ​ന​ത്ത് ചി​ല ഒ​രു​ക്ക​ങ്ങ​ൾ ന​ട​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ടു. യൂ​നിഫോം ധ​രി​ച്ച കു​റെ സ​ന്ന​ദ്ധ​പ്ര​വ​ർ​ത്ത​ക​രാ​ണ്. കൂ​ട്ട​ത്തി​ൽ പു​രോ​ഹി​ത​ന്മാ​രും ഉ​ണ്ടെ​ന്നു തോ​ന്നി. അ​വ​ർ മൈ​താ​നം നി​റ​യെ ഷെ​ഡുക​ൾ വെ​ച്ചുകെ​ട്ടു​ക​യാ​ണ്. അ​ക്കാ​ര്യം വീ​ട്ടി​ൽ അ​റി​യി​ച്ച​പ്പോ​ൾ ഹ​രി പ​റ​ഞ്ഞു:

‘‘അ​ത് ക്ലോ​സ്റ്റ​ർ മാ​ർ​ക്ക​റ്റി​നാ​ണ്. എ​ല്ലാ വ​ർ​ഷ​വും പ​തി​വു​ണ്ട്. കോ​വി​ഡുമൂ​ലം ക​ഴി​ഞ്ഞത​വ​ണ ഉ​ണ്ടാ​യി​ല്ലെ​ന്നു തോ​ന്നു​ന്നു. നാ​ളെ ന​മു​ക്ക് കാ​ണാ​ൻ പോ​കാം.’’

പി​റ്റേ​ന്നു ചെ​ന്ന​പ്പോ​ൾ അ​ന്ത​രീ​ക്ഷം പാ​ടെ മാ​റി​യി​രി​ക്കു​ന്നു. ആ​ളു​ക​ളു​ടെ നി​റ​ഞ്ഞ സാ​ന്നി​ധ്യ​മാ​ണ് പ്ര​ധാ​നം. പു​രാ​ത​ന​രീ​തി​യി​ലു​ള്ള നി​ത്യോ​പ​യോ​ഗ വ​സ്തു​ക്ക​ളു​ടെ നി​ർ​മാ​ണ​വും പ്ര​ദ​ർ​ശ​ന​വും വിൽപനയു​മാ​ണ് ന​ട​ക്കു​ന്ന​ത്. പ​ഴ​യ​മ​ട്ടി​ലു​ള്ള ഭ​ക്ഷ​ണ​ശാ​ല​ക​ളും ഉ​ണ്ട്. നി​ർ​മാ​താ​ക്ക​ളും വിൽപനക്കാ​രും പ്രാ​ചീ​ന പ​ര​മ്പ​രാ​ഗ​ത വേ​ഷ​ങ്ങ​ൾ ധ​രി​ച്ചി​രി​ക്കു​ന്നു. പ​തി​നേ​ഴോ പ​തി​നെ​ട്ടോ നൂ​റ്റാ​ണ്ടി​ലെ യൂ​റോ​പ്പി​ൽ ചെ​ന്നു​പെ​ട്ട പ്ര​തീ​തി​യാ​ണു​ണ്ടാ​യ​ത്.

മൈ​താ​ന​ത്തും ത​ക​ർ​ന്ന കെ​ട്ടി​ട​ങ്ങ​ൾ​ക്ക​ക​ത്തു​മാ​യി​ട്ടാ​ണ് പ്ര​ദ​ർ​ശ​നം. മൈ​താ​നം വ​ള​ച്ചു​കെ​ട്ടി ഗേ​റ്റ് സ്ഥാ​പി​ച്ച് ഫീ​സു പി​രി​ക്കു​ന്നു​ണ്ട്. മൂ​ന്നു യൂ​റോ ടി​ക്ക​റ്റെ​ടു​ത്ത് ഞ​ങ്ങ​ൾ അ​ക​ത്തു ക​യ​റി. നി​ർ​മാ​ണ​ങ്ങ​ൾ ത​കൃ​തി​യാ​യി ന​ട​ക്കു​ന്നു​ണ്ട്. കൊ​ല്ലന്റെ ആ​ല. ഇ​രു​മ്പു ചു​ട്ടെ​ടു​ത്ത് അ​ടി​ച്ചു പ​ര​ത്തു​ന്നു. ഒ​രു നെ​യ്ത്തു​ശാ​ല ക​ണ്ടു. ഒ​രി​ട​ത്ത് മ​രു​ന്നു​ക​ൾ നി​ർ​മി​ക്കു​ന്നു. മ​റ്റൊ​രി​ട​ത്ത് ആ​ഭ​ര​ണ​ങ്ങ​ൾ. ചെ​രി​പ്പു​ക​ൾ. വൈ​ക്കോ​ൽ കി​ട​ക്ക​ക​ൾ. പ​ഴ​യ​കാ​ല​ത്തെ കു​തി​ര​ക്കാ​രു​ടേ​യും പ​ട്ടാ​ള​ക്കാ​രു​ടേ​യും പ്ര​ഭു​ക്ക​ളു​ടേ​യും വേ​ഷം ധ​രി​ച്ച ചി​ല​ർ പ​രി​സ​ര​ത്ത് ചു​റ്റി​ക്ക​റ​ങ്ങു​ന്നു​ണ്ട്. കു​റ്റ​വാ​ളി​യു​ടെ വേ​ഷം​കെ​ട്ടി​യ ഒ​രു മ​നു​ഷ്യ​നെ ത​ണ്ടി​ൽ ച​ങ്ങ​ല​ക്കി​ട്ടി​രി​ക്കു​ക​യാ​ണ്. ക​റു​ത്തു മു​ഷി​ഞ്ഞ വ​സ്ത്ര​ങ്ങ​ൾ. ചെ​മ്പി​ച്ചു വ​ള​ർ​ന്ന താ​ടി​യും മു​ടി​യും. ച​ങ്ങ​ല​യി​ൽ​ കി​ട​ന്ന് അ​യാ​ൾ അ​ല​റു​ന്നു​ണ്ടാ​യി​രു​ന്നു.

ഭ​ക്ഷ​ണ​ശാ​ല​ക​ളും ഒ​രു​പാ​ടു​ണ്ട്. പ​ഴ​യ​മ​ട്ടി​ലു​ള്ള അ​പ്പ​പ്പു​ര​ക​ൾ ധാ​രാ​ള​മു​ണ്ടാ​യി​രു​ന്നു. അ​വ​യി​ൽനി​ന്നു​ള്ള മ​ണം ഹൃ​ദ്യ​മാ​യി തോ​ന്നി. ലെ​മ​ണേ​ഡു​ക​ൾ ഉ​ണ്ടാ​ക്കു​ന്നു. ഏ​റ്റ​വും കൗ​തു​കം തോ​ന്നി​യ​ത് കാ​ട്ടു​മ​നു​ഷ്യ​രു​ടെ വേ​ഷം ധ​രി​ച്ച ചി​ല​ർ ചേ​ർ​ന്ന് തീ​ക്കു​ണ്ഡ​ത്തി​നു മീ​തെ ക​റ​ങ്ങു​ന്ന ഒ​രു കൂ​റ്റ​ൻ കാ​ള​യെ വേ​വിക്കു​ന്ന​താ​ണ്. നെ​യ്യും വെ​ള്ള​വും താ​ഴേ​ക്ക് ഉ​രു​കിവീ​ഴു​ന്നു. വേ​വു​ന്ന മാം​സം മു​റി​ച്ചെ​ടു​ത്ത് ഉ​പ്പും കു​രു​മു​ള​കും വി​ത​റി ആ​വ​ശ്യ​ക്കാ​രാ​യ സ​ന്ദ​ർ​ശ​ക​ർ​ക്ക് വി​ൽ​ക്കു​ന്നു​മു​ണ്ട്.

പി​ന്നീ​ട് ഒ​രാ​ഴ്ച​ക്കാ​ല​ത്തേ​ക്ക് ഞാ​ൻ ഡൊ​ബെ​റാ​ൻ വി​ട്ടി​രു​ന്നു. മൂ​ത്ത​മ​ക​ൻ രാ​ജ​യു​ടെ കൂ​ടെ എ​സ്സെ​ൻ ന​ഗ​ര​ത്തി​ലാ​യി​രു​ന്നു താ​മ​സം. നാ​ട്ടി​ലേ​ക്ക് മ​ട​ങ്ങു​ന്ന​തി​ന് ര​ണ്ടു​ദി​വ​സം മു​മ്പു മാ​ത്ര​മാ​ണ് തി​രി​ച്ചെ​ത്തി​യ​ത്. അ​പ്പോ​ഴേ​ക്കും വേ​ന​ൽ ക​ടു​ത്തി​രു​ന്നു. സ​മ്മ​റിന്റെ ആ​ഹ്ലാ​ദ​ങ്ങ​ളൊ​ക്കെ അ​വ​സാ​നി​പ്പി​ച്ച് ജ​ർ​മ​ൻ​കാ​ർ അ​സ്വ​സ്ഥ​രാ​വാ​ൻ തു​ട​ങ്ങി. സ​ൺ​ബാ​ത്തു​ക​ൾ അ​വ​സാ​നി​ച്ചു. ക​ട​ൽ​ത്തീ​ര​ങ്ങ​ളി​ൽ വീ​ണ്ടും ആ​ളു കു​റ​ഞ്ഞു.

ഇ​ന്ത്യ​ക്കാ​ര​ന് ആ ​വെ​യി​ലൊ​ന്നും വെ​യി​ല​ല്ല​. ഞാ​ൻ പ​തി​വു​പോ​ലെ ന​ട​ക്കാ​നി​റ​ങ്ങി​യി​രു​ന്നു. അ​ന്നാ​ണ് ഇ​തെ​ഴു​തു​ന്ന​തി​ന് കാ​ര​ണ​മാ​യ ചി​ല സം​ഗ​തി​ക​ൾ ഉ​ണ്ടാ​യ​ത്. അ​ത്ത​വ​ണ ര​ണ്ടു ബ​സുക​ൾ മാ​റി​ക്ക​യ​റി വാ​ർ​ന​മു​ണ്ടെ (Warnemunde) എ​ന്ന തു​റ​മു​ഖ പ​ട്ട​ണ​ത്തി​ലേ​ക്കാ​ണ് പോ​യ​ത്. തി​രി​ച്ചുവ​രു​മ്പോ​ൾ കു​റ​ച്ചു വൈ​കി. സ​മ​യം രാ​ത്രി എ​ട്ടു​മ​ണി​യാ​യി​ട്ടു​ണ്ടാ​വും. പ​ക്ഷേ, സൂ​ര്യ​വെ​ളി​ച്ചം അ​സ്ത​മി​ച്ചി​രു​ന്നി​ല്ല. പ​ക​ൽ കൂ​ടു​ത​ലു​ള്ള ദി​വ​സ​ങ്ങ​ളാ​യി​രു​ന്നു അ​ത്.

നേ​രം വൈ​കി​യ​തിന്റെ ഉ​ത്കണ്ഠ​യി​ൽ തി​ര​ക്കു​പി​ടി​ച്ചു ന​ട​ന്ന​തുകൊ​ണ്ടാ​വ​ണം പ​ള്ളി​മൈ​താ​ന​ത്ത് ഞാ​ൻ തെ​ന്നി​വീ​ണു. പു​ല്ലി​ലേ​ക്ക് വീ​ണ​തുകൊ​ണ്ട് കാ​ര്യ​മാ​യൊ​ന്നും സം​ഭ​വി​ച്ചി​ല്ല. ആ​രെ​ങ്കി​ലും ക​ണ്ടോ എ​ന്ന് ഞാ​ൻ ചു​റ്റും നോ​ക്കി. കോ​ൺ​വെന്റിന്റെ ത​ക​ർ​ന്ന മ​തി​ലി​ന​പ്പു​റ​ത്ത് മു​ട​ന്ത​നാ​യ വൃ​ദ്ധ​ൻ എ​ന്നെ നോ​ക്കു​ന്ന​ത് ക​ണ്ടു. നി​ലാ​വുപോ​ലു​ള്ള വെ​ളി​ച്ച​ത്തി​ൽ പാ​വ​ലോ പ​ട​വ​ല​മോ പ​ട​ർ​ത്തി​യ തോ​ട്ട​ത്തി​ൽ അ​യാ​ൾ നി​ൽ​ക്കു​ക​യാ​ണ്. അ​യാ​ൾ എ​ന്നെ കൈ ​വീ​ശി​ക്കാ​ണി​ച്ചു.

‘‘Schau hier.’’*

അ​ങ്ങ​നെ പ​റ​ഞ്ഞ് അ​യാ​ൾ മ​തി​ലി​ന​രി​കി​ലേ​ക്കു വ​ന്നു. അ​പ്പോ​ഴാ​ണ് ആ ​മ​ണി​കി​ലു​ക്കം ശ്ര​ദ്ധി​ച്ച​ത്. അ​യാ​ൾ കാ​ലി​ൽ തോ​ൽ​പട്ടകൊ​ണ്ട് ബ​ന്ധി​ച്ച ഒ​രു മ​ണി ധ​രി​ച്ചി​രു​ന്നു. ന​ട​ക്കു​മ്പോ​ൾ അ​ത് ശ​ബ്ദി​ക്കു​ന്നു​ണ്ട്.

വീ​ഴ്ച​യെ​ക്കു​റി​ച്ച് അ​ന്വേ​ഷി​ക്കു​ക​യാ​ണെ​ന്നാ​ണ് ഞാ​ൻ ക​രു​തി​യ​ത്. പ​ക്ഷേ അ​യാ​ൾ ശ​ബ്ദം അ​ട​ക്കി​പ്പി​ടി​ച്ച് ഇ​ങ്ങ​നെ​യാ​ണ് ചോ​ദി​ച്ച​ത്:

‘‘എ​ന്നെ മ​ന​സ്സി​ലാ​യോ? ഞാ​ൻ ഫു​ഷ​ൽ വാ​ങ്(1) ആ​ണ്.’’

എ​നി​ക്കു പെ​ട്ടെ​ന്ന് മ​ന​സ്സി​ലാ​യി​ല്ല. ഞാ​ൻ അ​മ്പ​ര​ന്നു നി​ന്നു.

അ​യാ​ൾ ഭീ​തി​യോ​ടെ ചു​റ്റും നോ​ക്കി. എ​ന്നി​ട്ടു തു​ട​ർ​ന്നു:

‘‘അ​മ്മ​മാ​രെ​ല്ലാം ക​ഠി​ന​മാ​യ വ്ര​ത​ത്തി​ലാ​ണ്. പാ​വ​യ്ക്കാ​നീ​രാ​ണ് കു​ടി​ക്കു​ന്ന​ത്. അ​തി​നാ​ണ​ല്ലോ ഇ​ത്ര​യ​ധി​കം പാ​വ​യ്ക്ക​ക​ൾ വി​ള​യി​ക്കു​ന്ന​ത്.’’

അ​യാ​ൾ തോ​ട്ട​ത്തി​ലേ​ക്ക് ചൂ​ണ്ടി.

‘‘പ​ടു​വൃ​ദ്ധ​നാ​ണെ​ന്ന് പ​റ​ഞ്ഞി​ട്ട് കാ​ര്യ​മി​ല്ല. ഞാ​ൻ പു​രു​ഷ​ന​ല്ലേ? എ​ന്നെ അ​വ​ർ​ക്ക് കാ​ണാ​ൻ പാ​ടി​ല്ല. അ​തി​നുവേ​ണ്ടി​യാ​ണ് ഈ ​മ​ണി. ഞാ​ൻ വ​രു​മ്പോ​ൾ അ​വ​ർ​ക്ക് ഒ​ഴി​ഞ്ഞുമാ​റ​ണം.’’

അ​യാ​ൾ കു​റേ കൂ​ടി ശ​ബ്ദം താ​ഴ്ത്തി പ​റ​ഞ്ഞു:

‘‘ഫാ​ദ​ർ മ​ദ​ലി​യ​ൻ(2) ഇ​വി​ടെയുണ്ട്. ഞാ​ൻ അ​ദ്ദേ​ഹ​ത്തെ വി​റ​കു​പു​ര​യി​ൽ ഒ​ളി​പ്പി​ച്ചു താ​മ​സി​പ്പി​ച്ചി​രി​ക്കു​ന്നു. കൊ​സേ​ത്തും(3) ഉ​ണ്ട്. ആ ​കൊ​ച്ചി​ന് പ​നി​യാ​ണ്. ഞാ​ൻ സൂ​പ്പു​ണ്ടാ​ക്കി കൊ​ടു​ത്തു.’’

ഞാ​ൻ അ​യാ​ളെ പ​രി​ഗ​ണി​ക്കാ​തെ വീ​ട്ടി​ലേ​ക്കു ന​ട​ന്നുപോ​ന്നു. മ​ക​ൻ അ​പ്പോ​ൾ എ​ത്തി​യി​രു​ന്നു. അ​വ​ൻ ചോ​ദി​ച്ചു:

‘‘എ​ന്തു​പ​റ്റി? അ​ച്ഛ​ൻ കി​ത​ക്കു​ന്നു​ണ്ട​ല്ലോ?’’

‘‘ഒ​ന്നു​മി​ല്ല.’’ ഞാ​ൻ പ​റ​ഞ്ഞു.

രാ​ത്രി കി​ട​ന്നു​കൊ​ണ്ട് ഞാ​ൻ ചി​ന്തി​ച്ചു: ആ ​വൃ​ദ്ധ​ൻ എ​ന്നോ​ടു സം​സാ​രി​ച്ച​തെ​ന്തി​നാ​ണ്? ഫൂ​ഷ​ൽ വാ​ങ് ഇ​പ്പോ​ഴും ജീ​വി​ച്ചി​രി​പ്പു​ണ്ടോ? ഫാ​ദ​ർ മ​ദ​ലി​യ​നും കൊ​സേ​ത്തും? കാ​ല​ങ്ങ​ൾ എ​ത്ര ക​ഴി​ഞ്ഞു. മാ​ത്ര​മ​ല്ല, അ​വ​രൊ​ന്നും ജീ​വി​ച്ചി​രു​ന്ന​വ​ർ അ​ല്ല​ല്ലോ. ഒ​രു ക​ഥ​യി​ലെ ക​ഥാ​പാ​ത്ര​ങ്ങ​ൾ അ​ല്ലേ?

കൂ​ടു​ത​ൽ അ​ത്ഭു​തം തോ​ന്നി​യ​ത്: അ​യാ​ൾ സം​സാ​രി​ച്ച​ത് എ​നി​ക്കെ​ങ്ങ​നെ മ​ന​സ്സി​ലാ​യി എ​ന്ന​തി​ലാ​ണ്. ഏ​തു ഭാ​ഷ​യി​ലാ​ണ് സം​സാ​രി​ച്ച​ത്? ഫ്ര​ഞ്ചി​ലോ ജ​ർ​മ​നി​ലോ? അ​തോ മ​ല​യാ​ള​ത്തി​ലോ?

* ‘‘ഇ​ങ്ങോ​ട്ടു നോ​ക്കൂ.’’

1, 2, 3 വി​ക്ട​ർ ഹ്യൂ​ഗോ​യു​ടെ ‘പാ​വ​ങ്ങ​ൾ’ എ​ന്ന

നോ​വ​ലി​ലെ ക​ഥാ​പാ​ത്ര​ങ്ങ​ൾ.

ഫാ​ദ​ർ മ​ദ​ലി​യ​ൻ, ഴാ​ങ് വാ​ൽ ഴാ​ങ്ങിന്റെ

ഒ​ളി​പ്പേ​രാ​ണ്.