പ​ണി​ക്ക​ർ വ​ഴി

മു​ക്ക​ട​ക്കാ​ർ​ക്കും ചേ​ല​കേ​രി​ക്കാ​ർ​ക്കും ച​ങ്ങ​നാ​ശ്ശേ​രി ച​ന്ത​യി​ലേ​ക്ക് പോ​കാ​ൻ കോ​ള​നി​പ്പ​ടി​യി​ലൂ​ടെ ഒ​രു വ​ഴി​യു​ണ്ടാ​യി​രു​ന്നു.​ ഡാ​നാ​മ​ണ്ണി​ക്കാ​രു​ടേ​യും വൈ​ര​മ​ല മ​ത്താ​യി​യു​ടേ​യും അ​തി​രി​നി​ട​യി​ലൂ​ടെ. കു​ന്ന​ന്താ​ന​ത്തും മു​ക്കൂ​റി​ലും ക​റു​ക​ച്ചാ​ലി​ലു​മൊ​ക്കെ റ​ബ​ർ​കാ​ട് വേ​രു​റ​യ്ക്കു​ന്ന​തി​ന് മു​മ്പ് തേ​ങ്ങ​യും വാ​ഴ​ക്കു​ല​യും ക​പ്പ​യു​മൊ​ക്കെ കാ​ള​വ​ണ്ടി​ക്കാ​ർ കെ​ട്ടി​വ​രി​ഞ്ഞ് കൊ​ണ്ടു​പോ​യി​രു​ന്ന വ​ഴി​യാ​ണ്. എ​ന്നു​മു​ത​ൽ അ​തി​ലെ സ​ഞ്ചാ​രം തു​ട​ങ്ങി​യെ​ന്ന് ചോ​ദി​ച്ചാ​ൽ കൃ​ത്യ​മാ​യ ഉ​ത്ത​രം ന​ൽ​കു​ന്ന​വ​രൊ​ക്കെ പോ​യി.

പ​ഴ​യ​കാ​ല​ത്തെ​പ്പ​റ്റി വ​ള്ളി​പു​ള്ളി തെ​റ്റാ​തെ പ​റ​യു​ന്ന ഒ​രാ​ളു​ണ്ടാ​യി​രു​ന്നു, വെ​ളു​മ്പ​ൻ. പ​ഴ​യ​കാ​ല​മെ​ന്ന് പ​റ​ഞ്ഞാ​ൽ 1930ക​ൾ മു​ത​ലു​ള്ള കാ​ര്യ​ങ്ങ​ൾ അ​യാ​ൾ പ​ല​ത​വ​ണ നാ​ട്ടു​കാ​ർ​ക്ക് മു​ന്നി​ൽ കു​ട​ഞ്ഞി​ട്ടു. 1947 ആ​ഗ​സ്റ്റ് 15ന് ​ദേ​ശീ​യ​പ​താ​ക ഉ​യ​ർ​ത്തി​യ​തും പ​ന്ത​ള​ത്തെ എം.​എ​ൻ സ​ഖാ​വി​നെ​യും ആ​ല​പ്പു​ഴ​ക്കാ​ര​ൻ ഭാ​സ്ക​ര​ൻ പി​ള്ള​യെ ഇ​ര​വേ​ലി​ക്ക് വി​ട്ട​തു​മൊ​ക്കെ അ​യാ​ൾ ഇ​ട​ക്കി​ടെ ത​ട്ടു​മാ​യി​രു​ന്നു. ഒ​രി​ക്ക​ൽ ബീ​ഡി​പ്പു​ക മു​ക​ളി​ലേ​ക്ക് വ​ട്ട​ത്തി​ൽ വി​ട്ട് താ​ടി​ക്ക് ഉ​ഴി​ഞ്ഞ് പ​റ​ഞ്ഞു. അ​ന്ന​ത്തെ ഭാ​സ്ക​ര​ൻ​പി​ള്ള​യാ​ന്നേ ഇ​പ്പോ​ഴ​ത്തെ പി​.കെ.​സി. എ​ത്ര​ത​വ​ണ പി​ഞ്ഞാ​ണ​ത്തി​ൽ ക​ഞ്ഞി ഒ​ഴി​ച്ച് കൊ​ടു​ത്തി​ട്ടു​ണ്ടെ​ന്ന് അ​റി​യാ​മോ? വെ​ളു​മ്പ​ന്റെ ചോ​ദ്യ​വും ഉ​ത്ത​ര​വു​മൊ​ക്കെ ഒ​രു പ്രാ​സ​ത്തി​ലാ​യി​രു​ന്നു.

അ​ന്ന് ഈ ​വ​ഴി​യെ അ​ല്ലേ​ടാ അ​വ​രൊ​ക്കെ പോ​യ​ത്. തേ​വ​ൻ മാ​ധ​വ​ന്റെ കൈ ​ത​ട്ടി​മാ​റ്റി​യി​ട്ട് കു​ഞ്ഞൂ​ട്ടി​യു​ടെ മാ​ട​ക്ക​ട​യ്ക്ക് മു​ന്നി​ലി​രു​ന്ന് വെ​ളു​മ്പ​ൻ ക​യ്യൂ​ന്നി​യ​ത് മൂ​ന്ന​ര പ​തി​റ്റാ​ണ്ട് മു​മ്പാ​യി​രു​ന്നു. അ​യാ​ളു​ടെ പ​ഴ​മ്പു​രാ​ണ​ങ്ങ​ൾ​ക്ക് ഉ​ത്തേ​ജ​നം ശ്രീ​ധ​ര​ൻ പി​ള്ള​യു​ടെ ചാ​യ​ക്ക​ട​യി​ലെ ബോ​ണ്ട​യും ച​ക്ക​ര കാ​പ്പി​യു​മാ​യി​രു​ന്നു.

തി​രു​വി​താം​കൂ​റി​ലെ റീ​ജ​ന്റ് റാ​ണി​യു​ടെ കാ​ല​ത്ത് ത​ഹ​സി​ൽ​ദാ​റാ​യി​രു​ന്ന ച​ങ്ങ​നാ​ശ്ശേ​രി പ​ണി​ക്ക​രാ​ണ് വ​ഴി​യു​ടെ ഉ​പ​ജ്ഞാ​താ​വ്. അ​ത്യാ​വ​ശ്യ കാ​ര്യ​ങ്ങ​ൾ​ക്കും കി​ഴ​ക്ക​ൻ മ​ല​യി​ൽ​നി​ന്ന് ച​ര​ക്ക് നീ​ക്കാ​നു​മാ​യി സ​മാ​ന്ത​ര​പാ​ത. ച​ങ്ങ​നാ​ശ്ശേ​രീ​ന്ന് തു​ട​ങ്ങി മാ​ന്താ​ന​ത്ത് നി​ന്ന് വ​ല​ത്ത് ക​യ​റി അ​ര ഫ​ർ​ലോ​ങ് ക​ഴി​ഞ്ഞ് ഒ​ന്നുകൂ​ടി വ​ല​ത്തോ​ട്ട് തി​രി​ഞ്ഞു​പോ​യാ​ൽ പൂ​ച്ച​വാ​ലു​ങ്ക​ൽ. അ​വി​ടെ നി​ന്ന് വ​ര​മ്പ് ക​യ​റി പി​ടി​ച്ചാ​ൽ അ​മ്പ​ല​ത്തി​ങ്ക​ൽ, മു​ണ്ടു​ക​ണ്ടം വ​ഴി മാ​മ്മൂ​ട്. ക​റു​ക​ച്ചാ​ൽ-​വാ​ഴൂ​ർ റോ​ഡി​ലൂ​ടെ മു​ണ്ട​ക്ക​യ​ത്തി​ന് എ​ളു​പ്പ​മാ​കു​മെ​ന്നാ​ണ് ത​ഹ​സി​ൽ​ദാ​ർ പ​റ​ഞ്ഞു പ​റ്റി​ച്ച​ത്. ശ​രി​ക്ക് പ​റ​ഞ്ഞാ​ൽ പ​ണി​ക്ക​ർ​ക്കും അ​ച്ചി​ക്കും മ​ഠ​ത്തി​ൽ​ക്കാ​വി​ൽ പോ​കാ​നാ​ണ് വ​ഴി വെ​ട്ടി​യ​ത്. കാ​ലം കു​റെ ഗ​തി​മാ​റി ഒ​ഴു​കി​യ​പ്പോ​ൾ അ​ന്ന് വെ​ട്ടി​നീ​ട്ടി​യ​ത് അ​ഞ്ച​ൽ​വ​ഴി​യാ​യി. ഉ​പ​യോ​ഗി​ച്ച് പ​ഴ​കി സ്വ​യം മാ​റി​യൊ​ഴി​ഞ്ഞ പെ​ട്ടി ര​ണ്ടാം വ​ള​വി​ൽ​വെ​ച്ച കൊ​ണ്ടാ​കും അ​ങ്ങ​നെ​യൊ​രു പേ​ര് വ​ന്ന​ത്.

ഡാ ​നീ ആ ​വ​ഴി ഓ​ർ​ക്കു​ന്നു​ണ്ടോ?

മെ​മ്പ​ർ വാ​സു​വി​നൊ​പ്പം ഗ്രാ​മ​സ​ഭ​യു​ടെ നോ​ട്ടീ​സ് കൊ​ടു​ക്കാ​ൻ പോ​യ​പ്പോ​ൾ മ​ണി​യാ​ണ് അ​ട​യാ​ള ചി​ഹ്നം​പോ​ലെ ക​മ്യൂ​ണി​സ്റ്റ് പ​ച്ച​ക​ളും പാ​ഴ് ചെ​ടി​ക​ളും ഇ​ട​തൂ​ർ​ന്ന് കി​ട​ന്ന ഒ​രു ഭാ​ഗം കാ​ട്ടി​ത്ത​ന്ന​ത്.

കൊ​റെ കൊ​ല്ലം മ​നു​ഷ്യ​ൻ കേ​റി നി​ര​ങ്ങി​യ മ​ണ്ണാ. ഇ​പ്പോ ക​ണ്ടി​ല്ലേ? ചു​രു​ങ്ങി, ചു​രു​ങ്ങി ഓ​ല​ക്കാ​ല് പോ​ലെ​യാ​യി. മെ​മ്പ​ർ ആ​ത്മ​ഗ​ത​മെ​ന്ന​വ​ണ്ണം പ​റ​ഞ്ഞു. നി​ർ​വി​കാ​ര​ത​യോ​ടെ നി​ന്ന ആ​ണ്ട​വ​നെ മ​ണി രൂ​ക്ഷ​മാ​യി നോ​ക്കി.

നി​ന്നെ സ​മ്മ​തി​ക്ക​ണം. വെ​ളു​മ്പ​ൻ വ​ല്യ​ച്ച​ന്റെ ചെ​റു​മോ​നാ​യി​ട്ടും വെ​റു​തെ ക​ണ്ട് നി​ൽ​ക്കാ​നൊ​രു മ​ന​സ്സു​ണ്ട​ല്ലോ? സ്തു​തി​ക്ക​ണം ച​ങ്ങാ​തീ... അ​വ​ൻ കൈ ​കൂ​പ്പി. പ​റ​ഞ്ഞി​ട്ട് കാ​ര്യ​മി​ല്ല​ല്ലോ. നീ ​ഇ​പ്പോ കോ​ള​നി​ക്കാ​ര​ന​ല്ല​ല്ലോ?

ഒ​ന്നു പോ ​ഇ​ച്ചാ​ച്ചാ...

ഒ​റ്റ രാ​ത്രി​കൊ​ണ്ടാ​ണ് അ​ങ്ങേ​ര് തോ​ന്ന്യാ​സം കാ​ട്ടി​യ​ത്. മീ​ശ​യും വെ​ച്ച് വ​ല്യ കേ​മ​ന്മാ​രെ​ന്ന് പ​റ​ഞ്ഞ് ന​ട​ക്കു​ന്ന ഒ​രു​ത്ത​നേ​ലും ചോ​ദി​ക്കാ​നു​ണ്ടാ​യി​രു​ന്നേ​ൽ ഈ ​പ​ണി കാ​ണി​ക്കു​മോ ആ​രേ​ലും. മൂ​പ്പി​ലാ​ന്മാ​ർ കൂ​ടി കെ​ട​പ്പ് ആ​കും മു​മ്പെ പൂ​ർ​വി​ക​ര് ചോ​ര നീ​രാ​ക്കി​യ മ​ണ്ണാ​ണ്. കൊ​റ​ച്ച് നീ​ള​ത്തി​ലും ആ​ഴ​ത്തി​ലും കു​ഴി​യെ​ടു​ത്താ​ൽ ഒ​ത്തി​രി എ​ണ്ണ​ത്തി​ന്റെ അ​സ്ഥി​ക്ക​ഷ​ണ​ങ്ങ​ൾ കി​ട്ടാ​തി​രി​ക്കി​ല്ല. മ​ണി ക്ഷോ​ഭം​കൊ​ണ്ട് കി​ത​ച്ചു. ചാ​ത്ത​നെ​യും മ​റു​ത​യെ​യും ന​മ്മു​ടെ ചി​ല ആ​ളോ​ൾ​ക്ക് അ​റി​യാ​മാ​യി​രു​ന്നു. ഇ​ന്ന് പ്ര​യോ​ഗി​ക്കാ​ൻ അ​റി​യാ​വു​ന്ന ആ​രെ​ങ്കി​ലു​മു​ണ്ടോ?

ആ​ണ്ട​വ​ൻ പോ​ക്ക​റ്റി​ൽ കി​ട​ന്ന ബീ​ഡി പാ​ക്ക​റ്റ് പൊ​ട്ടി​ച്ച് ഒ​രെ​ണ്ണ​മെ​ടു​ത്ത് ചു​ണ്ടി​ൽ തി​രു​കി. അ​ങ്ങ​നെ വി​ട്ടു​കൊ​ടു​ക്കാ​ൻ പ​റ്റു​ന്ന​താ​ണോ ഇ​ച്ചാ​ച്ചാ. ആ​രെ​ങ്കി​ലും കേ​റി ഇ​നി​യാ​ണെ​ങ്കി​ലും കൊ​ളു​ത്ത​ണം.

നി​ങ്ങ​ളൊ​ന്ന് അ​ട​ങ്ങ​പ്പാ. ക​ഴി​ഞ്ഞ പ​ഞ്ചാ​യ​ത്ത് ക​മ്മ​റ്റീ​ലും ച​ർ​ച്ച​ചെ​യ്ത​ത​ല്ലേ കാ​ര്യം. പ്ര​സി​ഡ​ന്റ് ആ​ശു​പ​ത്രീ​ന്ന് ഇ​റ​ങ്ങി​യാ​ലു​ട​ൻ അ​ങ്ങേ​രെ പോ​യി കാ​ണും. മെ​മ്പ​ർ ത​ണു​പ്പി​ച്ചു.

ഒ​രു കോ​പ്പും ന​ട​ക്കാ​ൻ പോ​കു​ന്നി​ല്ല. റോ​ഡ് വെ​ട്ടാ​ൻ പോ​ണ മെ​മ്പ​റും പി​ള്ളേ​രും അ​ക​ത്ത് കെ​ട​ക്കും. കാ​ണ​ണോ. മ​ത്താ​യി അ​ങ്ങ​നെ ചെ​റി​യ പു​ള്ളി​യൊ​ന്നു​മ​ല്ല. സ​ഭേ​ലും സ​ർ​ക്കാ​റി​ലു​മൊ​ക്കെ ന​ല്ല പി​ടി​യാ. ആ​ണ്ട​വ​ൻ ഒ​ച്ച താ​ഴ്ത്തി പ​റ​ഞ്ഞു.

ഈ ​മു​ൾ​ക്കാ​ട്ടി​ലൂ​ടെ എ​പ്പോ​ഴാ​ണ് അ​വ​സാ​ന​മാ​യി പോ​യ​ത്. പ​തി​ന​ഞ്ച് വ​ർ​ഷ​മെ​ങ്കി​ലും ആ​യി​ക്കാ​ണും. ട്രാ​ൻ​സ്ഫോ​മ​റി​ന് അ​പ്പു​റം മ​ത്താ​യി സാ​റി​ന്റെ മ​തി​ലി​നോ​ട് ചേ​ർ​ന്ന് അ​ഞ്ച​ൽ പെ​ട്ടി. അ​തി​നെ ബ​ല​പ്പെ​ടു​ത്താ​നൊ​രു ക​രി​ങ്ക​ൽ​ക്കെ​ട്ട്. ഒ​റ്റ നോ​ട്ട​ത്തി​ൽ ശ​വ​പേ​ട​കം പോ​ലൊ​രു കെ​ട്ട്. പ​ത്ത് ചു​വ​ടു​കൂ​ടി വെ​ച്ചാ​ൽ നെ​ടു​നീ​ള​ത്തി​ൽ അ​പ്പു​റ​വും ഇ​പ്പു​റ​വു​മാ​യി വ​ലി​ച്ചു​കെ​ട്ടി ബ​ല​പ്പെ​ടു​ത്തി​യ മു​ള്ളു​വേ​ലി.

കാ​ൽ​വ​ണ്ണ പൊ​ട്ടി പു​റ​ത്ത് ചാ​ടാ​ൻ വെ​മ്പി​നി​ൽ​ക്കു​ന്ന ത​ടി​യ​ൻ ഞ​ര​മ്പു​ക​ൾ​പോ​ലെ​യാ​യി​രു​ന്നു ത​റ​യി​ൽ മു​ഴ​ച്ചു നി​ൽ​ക്കു​ന്ന മ​ര​വേ​രു​ക​ൾ. നോ​ക്കി ന​ട​ക്കാ​ത്ത​തി​ന് കി​ട്ടി​യ കി​ഴു​ക്ക് ഇ​പ്പോ​ഴും ഓ​ർ​മ​യി​ലു​ണ്ട്. നി​ര​പ്പാ​യ സ്ഥ​ല​ത്തെ കൂ​ർ​ത്ത ക​ല്ലു​ക​ൾ പ​രു​ക്ക​ൻ പാ​ദ​ങ്ങ​ളും വ​ണ്ടി​ച്ച​ക്ര​ങ്ങ​ളു​ടെ പ​ട്ട​യു​മേ​റ്റ് പ​രു​വ​പ്പെ​ട്ട​താ​ണ്. ആ​ഞ്ഞി​ലി​ച്ച​ക്ക​യു​ടെ മ​ണ​മു​ള്ള ഭൂ​മി​യി​ലെ ത​ളി​രി​ല​ക​ൾ​പോ​ലും ഉ​ന്മാ​ദി​നി​യെ പോ​ലെ​യാ​ണ് ജീ​വ​ശ്വാ​സ​മെ​ടു​ത്ത​ത്.

എ​ന്തോ​ന്നാ​ടാ ആ​ലോ​ചി​ച്ചി​രി​ക്കു​ന്ന​ത്? ആ ​നാ​റി​ക​ളെ​പ്പ​റ്റി​യാ​ണോ? ഡാ​നാ​മ​ണ്ണി​ൽ ഭാ​ർ​ഗ​വ​നും വൈ​ര​മ​ല മ​ത്താ​യി​യും പെ​റ്റ ത​ള്ള​യ്ക്ക് വെ​ള്ളം കൊ​ടു​ക്കാ​ത്ത നാ​റി​ക​ൾ. ത് ​ഫൂ... മ​ണി കാ​ർ​ക്കി​ച്ച് തു​പ്പി.

‘‘കൊ​ഴ​പ്പം ന​മ്മു​ടെ​യൊ​ക്കെ ആ​ണ​ന്നേ, വേ​ണ്ട​പ്പോ വേ​ണ്ട​ത് ചെ​യ്യി​ല്ല. എ​ന്നി​ട്ടി​രു​ന്ന് മോ​ങ്ങും. പ​ണ​വും പ​ത്രാ​സു​മൊ​ന്നും ഇ​ല്ലാ​ത്ത​വ​ർ​ക്ക് ഇ​തൊ​ക്കെ വി​ധി​ച്ചി​ട്ടൊ​ള്ളൂ. ചെ​ല​രെ കാ​ണു​മ്പോ ന​മ്മു​ടെ ആ​ളു​ക​ളോ​ള് ത​ന്നെ കു​റ​ച്ചെ​ണ്ണം നി​ക്ക​റേ മു​ള്ളും.’’ ആ​ണ്ട​വ​ൻ പൂ​രി​പ്പി​ച്ചു.

പ​ണി​ക്ക​ർ വ​ഴി​യു​മാ​യി പൊ​ക്കി​ൾ​ക്കൊ​ടി ബ​ന്ധ​മാ​ണ് ആ​ണ്ട​വ​ന്. വ​യ​റ്റാ​ട്ടി ജാ​ന​കി​യു​ടെ രാ​കി മൂ​ർ​പ്പി​ച്ച ക​ത്തി​യി​ലാ​ണ് പ​റ​മ്പു​മാ​യു​ള്ള ബീ​ജാ​വാ​പ​ത്തി​ന് അ​ടി​വേ​രി​ട്ട​ത്. കു​ന്ന​ന്താ​നം സ്കൂ​ളി​ലും മു​ണ്ടി​യ​പ്പ​ള്ളി സ്കൂ​ളി​ലു​മൊ​ക്കെ പ​ഠി​ക്കാ​ൻ പോ​യ​പ്പോ​ൾ ഒ​ത്തി​രി ക​യ​റി​യി​റ​ങ്ങി​യ മ​ണ്ണാ​ണ്. കോ​ള​നി​യൊ​ഴി​ഞ്ഞ് 32 കൊ​ല്ലം മു​മ്പ് പോ​കു​മ്പോ​ഴും ഇ​വി​ടം ഉ​മി​ത്തീ പോ​ലെ കി​ട​ന്നു. ചു​റ്റു​വ​ട്ട​ത്ത് എ​വി​ടെ​യോ ക​റ​ങ്ങി​ത്തി​രി​യു​ന്നു​ണ്ട് അ​ച്ഛ​ന്റെ ആ​ത്മാ​വ്. ഈ ​പ​രി​സ​ര​ത്ത് എ​ത്തി​യ​പ്പോ​ഴൊ​ക്കെ ആ ​ഗ​ന്ധം തി​രി​ച്ച​റി​യാം. വി​യ​ർ​പ്പ് പൊ​തി​ഞ്ഞ മ​ണം. ആ​ണ്ട​വ​ന്റെ നെ​ഞ്ചി​ൻ​കൂ​ട് ഉ​യ​ർ​ന്നു പൊ​ങ്ങി.

മു​പ്പ​ത്തി​യാ​റ് കൊ​ല്ലം മു​മ്പ​ത്തെ ജൂ​ലൈ ആ​റി​ലെ രാ​ത്രി​യി​ൽ വെ​ളി​ക്കി​റ​ങ്ങാ​ൻ പോ​യ​താ​ണ് അ​ച്ചാ​ച്ച​ൻ. പി​ന്നെ ആ​രും ക​ണ്ടി​ട്ടി​ല്ല. ഷാ​പ്പി​ലും ചി​റ​യി​ലു​മൊ​ക്കെ പി​റ്റേ​ന്ന് ആ​ളു​ക​ൾ തെ​ര​ഞ്ഞു. വൈ​ര​മ​ല മ​ത്താ​യി​യു​ടെ പാ​റ​ക്കു​ള​ത്തി​ലെ മീ​നി​ന് തീ​റ്റ​യി​ടാ​ൻ പോ​യ വ​ഴി​യി​ൽ വീ​ണോ എ​ന്നും ചി​ല​ർ​ക്ക് സം​ശ​യം. ച​ങ്ങ​നാ​ശ്ശേ​രീ​ന്നും കു​റി​ച്ചീ​ന്നു​മൊ​ക്കെ സം​ഘ​ടി​പ്പി​ച്ച കി​ർ​ലോ​സ്ക​റി​ന്റെ എ​ട്ട് മോ​ട്ടോ​ർ ഇ​ട്ടാ​ണ് വെ​ള്ളം വ​റ്റി​ച്ച​ത്.

അ​ന്ന് ഉ​ടു​ത്ത ചു​വ​പ്പ് പു​ള്ളി​ക്കൈ​ലി​യ​ല്ലാ​തെ ഒ​ന്നും കി​ട്ടി​യി​ല്ല. മ​ത്താ​യി സാ​റി​ന്റെ കൂ​ടെ മൂ​ന്ന് ത​വ​ണ​യാ​ണ് അ​മ്മ​ച്ചി തി​രു​വ​ല്ലാ പോ​ലീ​സ് സ്റ്റേ​ഷ​നി​ൽ പോ​യ​ത്. ഒ​രു​ത​വ​ണ എ​സ്.​ഐ വ​ന്ന് മ​ത്താ​യി സാ​റി​ന്റെ വീ​ട്ടി​ൽ​നി​ന്ന് ചാ​യ​യും ബി​സ്ക​റ്റും ക​ഴി​ച്ച​ത​ല്ലാ​തെ ഇ​ന്നോ​ളം അ​ച്ചാ​ച്ച​ൻ പോ​ലീ​സി​ന് മി​സി​ങ് കേ​സാ​ണ്.

എ​നി​ക്കി​തി​ലേ ഒ​ന്ന് ന​ട​ന്നാ​ൽ കൊ​ള്ളാ​മെ​ന്നു​ണ്ട്. നി​ങ്ങ​ള് റോ​ഡേ പൊ​ക്കോ. എ​വി​ടെ​നി​ന്നോ വീ​ശി​യ​ടി​ച്ച വി​കാ​ര​ത്ത​ള്ള​ലി​ൽ ആ​ണ്ട​വ​ൻ പ​റ​ഞ്ഞു. അ​തെ​ന്നാ വ​ർ​ത്ത​മാ​ന​മാ​ടാ. ഞ​ങ്ങ​ള​ങ്ങ് ശീ​മേ​ന്ന് വ​ന്ന​ത​ല്ലേ. മ​ണി അ​വ​നെ ഖ​ണ്ഡി​ച്ചു.

ചേ​ല​കേ​രി ഭാ​ഗ​ത്തി​ന് താ​ഴെ ഡാ​നാ​മ​ണ്ണി​ൽ പി​ള്ളേ​ച്ച​ന്റെ റ​ബ​ർ തോ​ട്ട​മാ​ണ്. അ​തി​ന്റെ വ​ല​ത്തേ അ​തി​രി​നോ​ട് ചേ​ർ​ന്ന് ഏ​ഴ് വീ​ടു​ക​ളു​ണ്ട്. ഗ​ൾ​ഫി​ലെ ബി​സി​ന​സ് ക​ടം ക​യ​റി മു​ടി​ഞ്ഞ​പ്പോ​ൾ ഭാ​ർ​ഗ​വ​ന്റെ മോ​ൻ ഭാ​സ്ക​ര​ൻ വി​റ്റ പ​റ​മ്പാ​ണ്. ഭാ​ഗ്യ​ത്തി​ന് സ്ഥ​ലം വാ​ങ്ങാ​ൻ ആ​ളു​ണ്ടാ​യ​ത് കൊ​ച്ചു പി​ള്ളേ​ച്ച​നെ വ​ലി​യ മാ​ന​ക്കേ​ടി​ൽ​നി​ന്ന് ര​ക്ഷ​പ്പെ​ടു​ത്തി. കു​ട്ട​നാ​ട്ടി​ലെ വെ​ള്ള​ക്കു​ഴി​യി​ലെ താ​മ​സം മ​ടു​ത്ത് അ​ൽ​പം ക​ട്ടി​കൂ​ടി​യ മ​ണ്ണ് വാ​ങ്ങി​യ​ത് ഏ​ഴ് കൂ​ട്ട​രാ​ണ്. മ​ങ്കൊ​മ്പു​കാ​രി കു​ഞ്ഞ​മ്മ​യു​ടെ വീ​ടി​ന് പി​ന്നാ​മ്പു​റ​ത്തെ മു​ള്ളു​വേ​ലി ചാ​ടി​യാ​ൽ പ​ണി​ക്ക​ർ വ​ഴി​യി​ലേ​ക്ക് ക​യ​റാം.

ഇ​തെ​ന്താ മെ​മ്പ​റേ വേ​ലി​ചാ​ടു​ന്ന​ത്. കാ​ടും പ​ട​ലോം ക​യ​റി മൂ​ർ​ഖ​ൻ പെ​റ്റ് കെ​ട​ക്കു​ന്ന പ​റ​മ്പ​ല്ല​യോ?

ഇ​ച്ചേ​യി അ​ടു​ക്ക​ളവ​ശ​ത്ത് ക​മ്പോ കോ​ലോ വ​ല്ലോം ഉ​ണ്ടോ​ന്ന് നോ​ക്കി​യേ... അ​ല്ലേ. വേ​ണ്ട. മു​റ്റ​ത്ത് ചാ​രി​വെ​ച്ച മ​ട​ൽ​ മ​ണി ഒ​ടി​ച്ചെ​ടു​ത്തു. ക​യ്യി​ലി​രു​ന്ന നോ​ട്ടീ​സ് മെ​മ്പ​ർ വാ​സു ക​ക്ഷ​ത്തി​ലേ​ക്ക് ക​യ​റ്റി. വേ​ലി​ക്ക​ല്ലി​ലേ​ക്ക് ആ​യാ​സ​പ്പെ​ട്ട് ക​യ​റു​ന്ന​തി​നി​ടെ അ​യാ​ളു​ടെ ഡ​ബി​ൾ മു​ണ്ടി​ൽ വേ​ലിമു​ള്ള് ഉ​ട​ക്കി.

ഇ​തൊ​ക്കെ എ​ങ്ങ​നെ കെ​ട​ന്നി​ട​മാ ടാ!

​നി​ല​ത്ത് ത​ല്ലി കാ​ട​ന​ക്കി മു​ന്നെ പോ​കു​ന്ന മ​ണി​ക്ക് ഒ​പ്പ​മു​ള്ള ര​ണ്ടു​പേ​രേ​ക്കാ​ൾ പേ​ടി​യു​ണ്ടാ​യി​രു​ന്നു. ഇ​വി​ടെ​യെ​ങ്ങാ​ണ്ട് ഒ​രു ക​ല്ലു​ണ്ടാ​യി​രു​ന്ന​ല്ലോ? ശം​ഖു​മു​ദ്ര​യു​ള്ള ഒ​രെ​ണ്ണം. അ​വ​ൻ മ​ട​ലി​ട്ട് കു​റ്റി​ക്കാ​ട്ടി​ൽ പ​ര​തി.

അ​ത് നോ​ക്കാ​നാ​ണോ നീ ​ഇ​റ​ങ്ങി​യ​ത്. വേ​ഗം ന​ട​ക്കെ​ടാ –​മെ​മ്പ​ർ ക​ടു​പ്പി​ച്ചു.

ഏ​റെ നാ​ളാ​യി മ​നു​ഷ്യസ്പ​ർ​ശ​മേ​ൽ​ക്കാ​ത്ത മ​ണ്ണി​ൽ ഒ​ര​ടി​യി​ലേ​റെ ഉ​യ​ര​ത്തി​ലാ​ണ് പു​ല്ല്. തൊ​ട്ടാ​വാ​ടി മു​ള്ളു​ക​ളും പ​ന​െ​ത്തെ​ക​ളും ക​ള​ക​ളും മ​ത്സ​രി​ച്ച് തൊ​ട്ടു​രു​മ്മി​യാ​ണ് നി​ൽ​പ്. ആ​ർ​ക്കെ​ങ്കി​ലും വ​ന്ന് ഇ​തൊ​ന്ന് തെ​ളി​ച്ച് കൂ​ടെ ? മെ​മ്പ​ർ പി​റു​പി​റു​ത്തു.

നി​ന്റെ വ​ല്യ​പ്പ​ച്ഛ​ൻ വെ​ളു​മ്പ​നേ​യും കൊ​ച്ച​പ്പ​ച്ഛ​ൻ നാ​രാ​യ​ണ​നേ​യും പോ​ലീ​സ് പി​ടി​ച്ച ക​ഥ നീ ​കേ​ട്ടി​ട്ടു​ണ്ടോ​ടാ? ചെ​വി​ക്കീ​ഴി​ൽ അ​ൽ​പം ഉ​റ​ക്കെ​യാ​ണ് പ​റ​ഞ്ഞ​തെ​ങ്കി​ലും ആ​ണ്ട​വ​ന് ജി​ജ്ഞാ​സ തോ​ന്നി.

പു​ന്ന​പ്ര​യി​ലും വ​യ​ലാ​റി​ലും ചോ​ര​കൊ​ണ്ടെ​ഴു​തി​യ സ​മ​ര​ത്തി​ന്റെ അ​ല​യൊ​ലി കു​ട്ട​നാ​ട്ടി​ലേ​ക്കും പ​ട​ർ​ന്ന കാ​ലം. ആ​റ് നീ​ന്തി​യും വ​ള്ള​ത്തി​ലും പോ​യി കൊ​ടി പി​ടി​ച്ചി​ട്ട് കു​റു​വ​ടി സേ​ന​ക്കാ​രു​ടെ അ​ടി​യാ​യി​രു​ന്നു പ്ര​തി​ഫ​ലം. സ​ർ​ക്കാ​റും വീ​ണു, എം.​എ​ൽ.​എ​മാ​രും പോ​യി. കാ​റ്റ് ക​ണ​ക്കെ​യാ​യി​രു​ന്നു സ​മ​ര​ത്തി​ന്റെ പോ​ക്ക്. ചെ​റു​തും വ​ലു​തു​മാ​യ നൂ​റു​ക​ണ​ക്കി​ന് സ​മ​ര​ങ്ങ​ൾ നെ​ടു​മു​ടി മു​ത​ൽ വൈ​ക്കം വ​രെ​യു​ള്ള ഭാ​ഗ​ത്തെ പാ​ട​ത്ത് അ​ര​ങ്ങേ​റി. നീ​ണ്ടൂ​ർ പു​ത്ത​ൻ​ക​രി​യി​ൽ ജ​ന്മി​മാ​ർ ഏ​ർ​പ്പെ​ടു​ത്തി​യ ഗു​ണ്ട​ക​ൾ മൂ​ന്ന് പേ​രെ കു​ത്തി​മ​ല​ർ​ത്തി. മ​ധ്യ​തി​രു​വി​താം​കൂ​റി​ൽ ഉ​ണ​ങ്ങാ​ത്ത മു​റി​വ് ചെ​ങ്ങ​രൂ​രി​ൽ ആ​യി​രു​ന്നു.

ചെ​ങ്ങ​രൂ​ർ പാ​ട​ത്ത് കൊ​യ്ത്തി​ന് ഇ​റ​ങ്ങി​യാ​ൽ കൂ​ലി കൊ​ടു​ക്കാ​ൻ പ്ര​മാ​ണി​മാ​ർ​ക്ക് മ​ന​സ്സി​ല്ലാ​യി​രു​ന്നു. എ​ട്ടി​ൽ ഒ​ന്ന് പ​ത​വും നാ​ലി​ൽ ഒ​ന്ന് തീ​ർ​പ്പു​മാ​യി​രു​ന്നു തൊ​ഴി​ലാ​ളി​ക​ളു​ടെ ആ​വ​ശ്യം. ആ​ല​പ്പു​ഴ​യി​ൽ​നി​ന്നും തി​രു​വ​ല്ലാ​യി​ൽ​നി​ന്നും വ​ന്ന നേ​താ​ക്ക​ളും ഡോ​ക്ട​ർ കേ​ശ​വ​പി​ള്ള​യും ജോ​ർ​ജ് സ​ഖാ​വു​മൊ​ക്കെ പ​ല ത​വ​ണ സം​സാ​രി​ച്ചെ​ങ്കി​ലും തീ​രു​മാ​ന​മു​ണ്ടാ​യി​ല്ല. കു​ടി​കെ​ട​പ്പ് കെ​ട​ന്ന​വ​ന്മാ​ർ ന​ക്കാ​പ്പി​ച്ച വ​ല്ലോം മേ​ടി​ച്ചോ​ണ്ട് പോ​ണോ​ന്നാ​ണ് പാ​ട​ശേ​ഖ​ര സെ​ക്ര​ട്ട​റി​യാ​യി​രു​ന്ന വൈ​ര​മ​ല മ​ത്താ​യി​യു​ടെ ക​ൽ​പ​ന. 1973 ഫെ​ബ്രു​വ​രി 20. കൊ​യ്ത്ത് തു​ട​ങ്ങു​ന്ന ദി​വ​സം നോ​ട്ടീ​സ് കൊ​ടു​ക്കാ​ൻ പോ​യ​താ​ണ് കു​ഞ്ഞ​മ്പാ​യി സ​ഖാ​വും വി.​പി.​ആ​ർ സാ​റും.

‘‘പേ​പ്പ​ട്ടി​യെ പോ​ലെ​യ​ല്ലേ പു​ല്ല​ന്മാ​ർ ത​ല്ലി​യ​ത്.’’ വാ​സു മെ​മ്പ​റു​ടെ ക​ണ്ണി​ൽ​നി​ന്ന് ഇ​റ്റി​വീ​ണ ര​ണ്ട് തു​ള്ളി​ക​ൾ ച​ന്ദ​ന​ക്ക​ള​ർ ഷ​ർ​ട്ടി​ൽ ര​ണ്ട് ഡോ​ട്ട് പോ​ലെ പ​തി​ച്ചു.

കൊ​യ്ത്ത് തു​ട​ങ്ങി മൂ​ന്നാം ദി​വ​സ​മാ​യി​രു​ന്നു സ​മ​രം. ഒ​ടി​ഞ്ഞ ​ൈക​യു​മാ​യാ​ണ് കു​ഞ്ഞ​മ്പാ​യി സ​ഖാ​വ് പാ​ട​ത്തി​റ​ങ്ങി​യ​ത്. 30-35 പേ​രു​ടെ ൈക​യി​ലു​ണ്ടാ​യി​രു​ന്നു ചെ​ങ്കൊ​ടി. സ​ഖാ​വ് വി​ളി​ച്ച മു​ദ്രാ​വാ​ക്യം ആ​വേ​ശ​ത്തോ​ടെ മു​ൻ​നി​ര​യി​ൽ​നി​ന്ന് ഏ​റ്റു​മു​ഴ​ക്കി​യ​ത് വെ​ളു​മ്പ​നാ​ണ്. പെ​ട്ടെ​ന്നാ​ണ് പ്ര​ക​ട​ന​ക്കാ​ർ​ക്കി​ട​യി​ലേ​ക്ക് ആ​രെ​ാക്കെ​യോ നു​ഴ​ഞ്ഞു​ക​യ​റി​യ​ത്. ലാ​ത്തി​യും ഷീ​ൽ​ഡു​മാ​യി നി​ര​ന്ന പോ​ലീ​സ്, തൊ​ഴി​ലാ​ളി​ക​ളെ അ​ടി​ച്ചോ​ടി​ച്ചു. ബ​ഹ​ള​ത്തി​നി​ടെ ആ​രോ ജോ​ർ​ജ് സ​ഖാ​വി​നെ വെ​ടി​വെ​ച്ചു. ഉ​ണ്ട​പ്ലാ​വി​ന്റെ ചോ​ട്ടി​ൽ​നി​ന്ന് സ​ഖാ​വി​നെ വെ​ടി​വെ​ക്കു​ന്ന​ത് ആ​രെ​ന്നു ക​ണ്ട ഒ​രാ​ളെ ഭൂ​മു​ഖ​ത്ത് ഉ​ണ്ടാ​യി​രു​ന്നൊ​ള്ളൂ.

അ​താ​രാ? മ​ണി​യു​ടെ മു​ഖം വ​ലി​ഞ്ഞ് മു​റു​കി.

ഇ​വ​ന്റെ അ​ച്ഛ​ൻ കു​ഞ്ഞൂ​ഞ്ഞ്. അ​ല്ലാ​താ​ര്. അ​വ​ൻ എ​ങ്ങോ പോ​യി മ​റ​ഞ്ഞ​തോ​ടെ ആ ​കേ​സും തീ​ർ​ന്നു. അ​ല്ലേ​ൽ വൈ​ര​മ​ല മ​ത്താ​യി വ​യ​സ്സാ​ൻകാ​ല​ത്ത് പൂ​ജ​പ്പൊ​രേ​ലെ കൊ​തു​കു ക​ടി കു​റെ കൊ​ണ്ടേ​നെ.

സ​മ​രം തീ​ർ​ന്ന് ഒ​രാ​ഴ്ച ക​ഴി​ഞ്ഞ​പ്പോ​ൾ കോ​ള​നി​യി​ൽ പോ​ലീ​സ് വ​ന്നു. അ​ന്നൊ​രു ശ​നി​യാ​ഴ്ച​യാ​യി​രു​ന്നു. രാ​ത്രി ഒ​മ്പ​ത​ര​യോ​ട് അ​ടു​ത്ത് കാ​ണും. ക​ഞ്ഞീം കു​ടി​ച്ച് പ​ല​രും കെ​ട​ന്ന് തു​ട​ങ്ങി​യ​പ്പോ​ഴാ​ണ് ശ​വ​ക്കോ​ട്ട​യു​ടെ താ​ഴെ ഇ​ടി​വ​ണ്ടി വ​ന്നു​നി​ന്ന​ത്. ക​ണ്ണി​ൽ ക​ണ്ട​വ​ർ​ക്കെ​ല്ലാം ക​ണ​ക്കി​ന് കി​ട്ടി. വെ​ളു​മ്പ​നേ​യും നാ​രാ​യ​ണ​നേ​യും കു​ഞ്ഞൂ​ഞ്ഞി​നേ​യും വ​ണ്ടീ​ലോ​ട്ട് എ​ടു​ത്ത് എ​റി​യു​ന്ന​ത് ഞാ​നീ ക​ണ്ണോ​ണ്ട് ക​ണ്ട​താ​ണ്. മെ​മ്പ​ർ ഇ​ട​ത് ക​ണ്ണി​ലേ​ക്ക് വി​ര​ൽ ചൂ​ണ്ടി.

അ​ന്ന് ഇ​തി​ലെ​യാ ഓ​ടി​യ​ത്. എ​നി​ക്കും കി​ട്ടി ക​ന​ത്തി​ലൊ​രെ​ണ്ണം. മ​ട​ക്കി​ക്കു​ത്തി​യ മു​ണ്ട് പൊ​ക്കി അ​യാ​ൾ ലാ​ത്തി​ച്ചൂ​ര് കാ​ണി​ച്ചു.

ക​യ്യാ​ല​ക്കെ​ട്ടി​ന് അ​പ്പു​റ​ത്താ​ണ് മ​ത്താ​യി​യു​ടെ വീ​ട്. വൈ​ര​മ​ല ബം​ഗ്ലാ​വ്. കൊ​ട്ട​ക​യി​ൽ ക​ളി​ച്ച പ​ട​ത്തി​ൽ അ​ങ്ങ​നെ​യൊ​രു പേ​ര് കേ​ട്ടി​ട്ടു​ണ്ടെ​ങ്കി​ലും കു​ന്ന​ന്താ​ന​ത്തു​കാ​ർ ബം​ഗ്ലാ​വ് എ​ന്ന വാ​ക്ക് ഉ​ച്ച​രി​ക്കു​ന്ന​ത് മ​ത്താ​യി​യു​ടെ പേ​രി​ന്റെ കൂ​ടെ​യാ​ണ്.

വെ​ട്ടു​ക​ല്ലി​ന്മേ​ൽ സി​മ​ന്റ് പൂ​ശി​യ നീ​ള​ൻ വ​രാ​ന്ത​യി​ലെ മൊ​സൈ​ക്ക് ത​റ ടൈ​ലി​ന് വ​ഴി​മാ​റി​യി​ട്ടി​ല്ല. മു​മ്പ് പ​ല​ത​വ​ണ ക​ണ്ട ചൂ​ര​ൽ ക​സേ​ര​ക​ൾ പെ​യി​ന്റ​ടി​ച്ച് മി​നു​ക്കി ആ​രെ​യോ പ്ര​തീ​ക്ഷി​ച്ച് കി​ട​പ്പു​ണ്ട്. വീ​ടി​ന് വ​ലി​യ മാ​റ്റ​ങ്ങ​ളി​ല്ല. ക​ന്യാ​ക്കോ​ണി​ലെ അ​ഞ്ച​ൽ​പ്പെ​ട്ടി പ്ര​താ​പി​യെ​പ്പോ​ലെ ത​ല ഉ​യ​ർ​ത്തി നി​ൽ​പ്പു​ണ്ട്. താ​ഴ​ത്തെ ക​രി​ങ്ക​ൽ​കെ​ട്ടി​ലേ​ക്ക് എ​ന്തോ ഇ​ഴ​ഞ്ഞ് നീ​ങ്ങു​ന്ന ശ​ബ്ദം കേ​ട്ടു.

കാ​ൽ അ​ന​ക്കി ന​ട​ന്നാ​ൽ മ​തി. ആ​ണ്ട​വ​ൻ മു​ന്നി​ലും പി​ന്നി​ലു​മാ​യി ന​ട​ക്കു​ന്ന​വ​രോ​ട് പ​തു​ക്കെ പ​റ​ഞ്ഞു.

നാ​ട്ടി​ൽ പ്രാ​ത​ലും അ​ത്താ​ഴം ക​ഴി​പ്പും വ​ഴി​പാ​ടു​പോ​ലെ ആ​യ​പ്പോ​ൾ മ​ല​ബാ​റി​ലോ​ട്ടും കി​ഴ​ക്ക​ൻ മ​ല​യി​ലേ​ക്കും കൂ​ടും കു​ടു​ക്ക​യും ഉ​പേ​ക്ഷി​ച്ച് പ​ല​രും പോ​യ കാ​ല​ത്താ​ണ് മ​ത്താ​യി​യു​ടെ അ​പ്പ​ൻ വ​ർ​ഗീ​സ് മാ​പ്പി​ള ഹൈ​റേ​ഞ്ച് ക​ണ്ടി​ട്ട് വ​ന്ന​ത്. അ​ച്ചാ​യ​ന് വ​ട്ടാ​യോ എ​ന്ന് പ​ടി​ഞ്ഞാ​റേ​തി​ലെ മ​റി​യ​പ്പെ​ണ്ണ് ചോ​ദി​ച്ച​തി​ന്റെ അ​ന്ന് രാ​ത്രി​യി​ൽ വ​ർ​ഗീ​സ് മാ​പ്പി​ള​യു​ടെ ക​ണ്ണീ​ർ മെ​ഴു​കു​തി​രി കാ​ലി​ലോ​ട്ട് ഒ​ഴു​കി​യി​റ​ങ്ങി.

‘‘ക​ർ​ത്താ​വാ​യി​ട്ട് ഒ​രു​വ​ഴി കാ​ണി​ച്ച് ത​രാ​തി​രി​ക്കി​ല്ല. അ​ല്ലേ​ൽ ന​മ്മ​ളെ​ല്ലാം കി​ഴ​ക്ക​ൻ മ​ലേ​ൽ കെ​ട​ന്ന് ചാ​ക​ത്തി​ല്ലാ​യി​രു​ന്നോ?’’​ഏ​ലി​ക്കു​ട്ടി​യു​ടെ മാ​റി​ട​ത്തി​ന്റെ ചൂ​ട് പ​റ്റി​ക്കി​ട​ന്ന​തി​ന്റെ പി​റ്റേ​ന്ന് തേ​ങ്ങാ​ക്ക​ച്ച​വ​ട​ക്കാ​ര​ൻ ഔ​സേ​പ്പി​ന്റെ കൂ​ടെ​യാ​ണ് വ​ർ​ഗീ​സ് മാ​പ്പി​ള പാ​റേ​പ്പ​ള്ളി മാ​താ​വി​ന് മു​ത്തു​ക്കു​ട കൊ​ടു​ത്ത് വ​ണ​ങ്ങാ​ൻ പോ​യ​ത്. അ​ര​മ​ന​ക്ക് തെ​ക്ക് കി​ഴ​ക്ക് പോ​കു​ന്ന വ​ഴി​യി​ലൂ​ടെ പൊ​ന്ത​ൻ​പു​ഴ ബ​സി​ന് പെ​ർ​മി​റ്റ് കൊ​ടു​ത്തി​ട്ടി​ല്ല. കു​ന്നും​പു​റ​ത്തെ ഹ​നു​മാ​ൻ ക​യ​റ്റം വ​ലി​ക്കാ​നു​ള്ള ത്രാ​ണി​യൊ​ട്ട് ഔ​സേ​പ്പ​ച്ച​ന്റെ കാ​ള​ക​ൾ​ക്കി​ല്ലാ​യി​രു​ന്നു.

ഇ​നി എ​ങ്ങ​നാ?

താ​ൻ പൈ​ക്ക​ൾ​ക്ക് വെ​ള്ളോം കു​ടി​പ്പി​ച്ചി​ട്ട് വി​ട്ടോ!

കൊ​ക്കോ​ട്ടു ചി​റ ക​യ​റ്റ​വും വാ​ശി​പ്പ​ള്ളി മു​ക്കി​ലെ ഇ​റ​ക്ക​വും പി​ന്നി​ട്ട വ​ർ​ഗീ​സ് മാ​പ്പി​ള ന​ട​പ്പ് നി​ർ​ത്തി​യ​ത് മാ​ന്താ​ന​ത്താ​ണ്. അ​ണ്ട​ർ​വെ​യ​റി​ന്റെ പോ​ക്ക​റ്റി​ൽ മ​ഞ്ഞ​ക്ക​ട​ലാ​സു​കൊ​ണ്ട് പൊ​തി​ഞ്ഞ കെ​ട്ട​ഴി​ച്ച് കു​റ​ച്ചെ​ണ്ണം ചേ​ല​കേ​രി പി​ള്ളേ​ച്ച​ന് കൊ​ടു​ത്തു.​ തി​രു​വ​ല്ലാ​യി​ൽ പോ​യി ആ​ധാ​രം ചാ​ർ​ത്തി.​ പെ​മ്പി​ള​യെ​യും പി​ള്ളാ​രെ​യും അ​ടു​ത്ത ആ​ഴ്ച കൂ​ട്ടി​ക്കൊ​ണ്ട് വ​ന്നു. മ​ല​മ്പാ​റ പ​ള്ളി​യി​ൽ ഇ​ട​വ​ക​ക്കാ​ര​നാ​യി. വ​ന്ന​തി​ന്റെ എ​ട്ടാം കൊ​ല്ലം അ​തി​യാ​നെ പ​ള്ളി​പ്പ​റ​മ്പി​ലേ​ക്ക് എ​ടു​ത്തെ​ങ്കി​ലും മൂ​ത്തമ​ക​ൻ മ​ത്താ​യി ആ​റ്റ് തേ​ക്ക് പോ​ല​ങ്ങ് പ​ട​ർ​ന്ന് പ​ന്ത​ലി​ച്ചു.

അ​മേ​രി​ക്ക ബ​ഹി​രാ​കാ​ശ​ത്തേ​ക്ക് വി​ട്ട പേ​ട​ക​ങ്ങ​ളി​ലൊ​ന്ന് ദി​ശ​തെ​റ്റി കേ​ര​ളതീ​ര​ത്ത് വീ​ഴു​മെ​ന്ന് ഭ​യ​ന്ന സ​ന്ധ്യ​യി​ൽ കോ​ള​നി​ക്കാ​ർ ഒ​ത്തു​കൂ​ടി​യ​ത് മ​ന്ദി​ര​ത്തി​ലാ​ണ്. കൊ​ട്ട​ക​ത്തി​ലി​ട്ട് പു​ഴു​ങ്ങി​യ ചെ​ണ്ടു​മു​റി​യ​ൻ ക​പ്പ​ക്ക് കൂ​ട്ടാ​നാ​യി കാ​ന്താ​രി മു​ള​കും ഉ​ള്ളി​യും ച​ത​ക്കു​ന്ന​തി​നി​ടെ​യാ​ണ് അ​ച്ചാ​ച്ച​നെ മ​ത്താ​യി സാ​റി​ന്റെ വീ​ട്ടി​ലെ പ​ണി​ക്കാ​രാ​രോ വി​ളി​ച്ചോ​ണ്ട് പോ​യ​ത്. തി​രി​ച്ചു വ​ന്ന​പ്പോ​ൾ അ​ച്ചാ​ച്ച​ന്റെ ക​ണ്ണു​ക​ൾ​ക്ക് വ​ല്ലാ​ത്ത തി​ള​ക്ക​മാ​യി​രു​ന്നു. മ​ത്താ​യി സാ​ർ കെ​ട്ടി​ക്കൊ​ടു​ത്ത പ​ഴ​യ ഫോ​റി​ൻ വാ​ച്ച് എ​ല്ലാ​വ​രെ​യും ഉ​യ​ർ​ത്തി​ക്കാ​ണി​ച്ചു.

കോ​ള​ടി​ച്ച​ല്ലോ! റേ​ഷ​ൻ​ക​ട​യി​ൽ​നി​ന്ന് മ​ണ്ണെ​ണ്ണ മേ​ടി​ച്ചോ​ണ്ട് വ​ന്ന കു​ഞ്ഞ​ന്നാ​മ്മ പ​റ​ഞ്ഞ​ത് കേ​ട്ട​പ്പോ​ഴാ​ണ് വാ​ച്ച് ഒ​രു വ​ലി​യ സം​ഭ​വ​മാ​ണെ​ന്ന് ആ​ണ്ട​വ​ന് തോ​ന്നി​യ​ത്.

ഇ​രു​ണ്ട് മൂ​ടി​ക്കി​ട​ന്ന ആ​കാ​ശ​ത്തി​ൽ​നി​ന്ന് മ​ഴ പെ​യ്തി​റ​ങ്ങി​യ​പ്പോ​ൾ അ​വ​ർ മ​ന്ദി​ര​ത്തി​ന്റെ വ​രാ​ന്ത​യി​ലാ​യി​രു​ന്നു. അ​വ​രെ​ന്ന് പ​റ​ഞ്ഞാ​ൽ ആ​ണ്ട​വ​ൻ, മ​ധു, മ​ണി, രാ​മ​ച​ന്ദ്ര​ൻ, സു​ശീ​ല​ൻ... അ​ങ്ങ​നെ മു​ക്ക​ട​യി​ലെ കു​ഞ്ഞു​കു​ട്ടി പ​രാ​ധീ​നം. മം​ഗ​ല​ത്തു​കാ​രു​ടെ പ​റ​മ്പി​ൽ ഇ​ടി​വെ​ട്ടി​യ​പ്പോ​ൾ ചി​ന്ന​മ്മ കേ​ളു കൊ​ച്ചാ​ട്ട​ന്റെ മ​ക​ൾ ശാ​ന്തി​യെ കെ​ട്ടി​പ്പി​ടി​ച്ച് ക​ര​ഞ്ഞു. മു​ക​ളി​ൽ​നി​ന്ന് മി​ന്നി​ച്ച ടോ​ർ​ച്ച് വെ​ട്ടം​പോ​ലെ കൊ​ള്ളി​യാ​ൻ മി​ന്നു​ന്ന​തി​നി​ടെ മൂ​ന്നു നാ​ലു​പേ​ർ മ​ഴ​യ​ത്ത് ഓ​ടു​ന്ന​ത് ക​ണ്ടു. മ​ന്ദി​ര​ത്തി​ന്റെ വ​ട​ക്ക് ഭാ​ഗ​ത്ത് ഇ​ടി വെ​ട്ടി​യ​പ്പോ​ൾ കോ​ള​നി​യി​ൽ കൂ​ട്ട നി​ല​വി​ളി ഉ​യ​ർ​ന്നു.

നി​ർ​ത്തി​നെ​ടാ പ​ട്ടി​ക​ളെ. പ​റാ​ൽ വ​ർ​ക്കീ​ടെ അ​ല​ർ​ച്ച മ​ന്ദി​ര​ത്തെ നി​ശ്ശ​ബ്ദ​മാ​ക്കി.

കെ​ട​ന്ന് തൊ​ള്ള കീ​റാ​ൻ വ​ല്ലോ​ത്തി​നേം കാ​ല​ൻ കൊ​ണ്ടു​പോ​യോ? മ​ഴേം കാ​റ്റും അ​ട​ങ്ങു​മ്പോ​ൾ ചൂ​ട്ടും വെ​ള​ക്കും എ​ടു​ത്തോ​ണ്ട് എ​ല്ലാം പൊ​ക്കോ​ണം. അ​ങ്ങോ​ട്ട് മാ​റി നി​ൽ​ക്കെ​ടാ എ​ല്ലാം. പ​ഴ​യ പ​ത്ര​ത്താ​ൾ നി​ര​ത്തി കൈ​ലി മു​ണ്ടു​രി​ഞ്ഞ് പു​ത​ച്ച് അ​യാ​ൾ കി​ട​ന്നു.

പി​റ്റേ​ന്ന് സ്കൂ​ളി​ൽ പോ​യി​ട്ട് വ​ന്ന​പ്പോ​ൾ ദൂ​രെ നി​ന്നേ അ​മ്മ​ച്ചി​യു​ടെ അ​ല​ർ​ച്ച കേ​ട്ടു. വെ​ളു​മ്പ​ൻ വ​ല്യ​ച്ഛ​ൻ ഒ​ന്നും മി​ണ്ടാ​തെ മു​റ്റ​ത്ത് കു​ത്തി​യി​രു​ന്നു. രാ​മ​ച​ന്ദ്ര​നാ​ണ് അ​ച്ഛാ​ച്ച​നെ ഇ​ന്ന​ലെ രാ​ത്രി മു​ത​ൽ കാ​ണാ​നി​ല്ലെ​ന്ന വി​വ​രം പ​റ​ഞ്ഞ​ത്.

ആ​ണ്ട​വാ... എ​ടാ ആ​ണ്ട​വാ... ന​ല്ല പ​രി​ച​യ​മു​ള്ള ആ​രോ വി​ളി​ക്കു​ന്ന​ല്ലോ. ഇ​നി തോ​ന്ന​ലാ​ണോ? അ​വ​ൻ സം​ശ​യി​ച്ച് നി​ന്നു.

എ​ന്താ​ടാ ക്ഷീ​ണി​ച്ച് പോ​യോ? മെ​മ്പ​ർ നോ​ട്ടീ​സു​കെ​ട്ടു​കൊ​ണ്ട് പു​റ​ത്ത് തോ​ണ്ടി.

മെ​മ്പ​റേ, ഈ ​കോ​പ്പ് കെ​ട്ടി​യി​ട്ട് കൊ​ല്ലം 26 ആ​യി. ഇ​ന്നേ​വ​രെ ഒ​രു ക​മ്പി​ക്ക​ഷ​ണം മു​റി​ക്കാ​ൻ ന​മു​ക്ക് പ​റ്റീ​ട്ടി​ല്ല. ന​മ്മ​ളെ​ക്കൊ​ണ്ട് ക​ഴ​ക​ത്തി​ല്ലെ​ന്ന് നാ​ട്ടു​കാ​ര് പ​റ​യാ​തെ നോ​ക്ക​ണം. കൊ​റ​ച്ച് പി​ക്കാ​സും കൈ​ക്കോ​ട്ടും കി​ട്ടി​യാ​ൽ പി​ള്ളാ​ര് കേ​റി വെ​ട്ടി നെ​ര​ത്തി​ക്കോ​ളും. മ​ത്താ​യീ​ടെ ക​ള്ള് മോ​ന്താ​തെ മെ​മ്പ​ർ ഒ​പ്പം നി​ൽ​ക്കു​മോ? മ​ണി ചോ​ദി​ച്ചു.

വാ​സു​വി​ന്റെ നാ​ക്ക് ത​രി​ച്ചു. മ​ണി​യേ... നി​ന്റെ ത​ന്ത ശ​വ​ക്കോ​ട്ട ത​ങ്ക​ൻ എ​ങ്ങ​നെ​യാ​ണ് ച​ത്ത​തെ​ന്ന് അ​റി​യാ​മ​ല്ലോ?

അ​വ​ൻ ബ​ദ്ധ​പ്പെ​ട്ട് ത​ല​യാ​ട്ടി.

ദാ, ​ആ മാ​വി​ന്റെ കീ​ഴേ​ലാ​ണ് കു​ത്തു​കൊ​ണ്ട് കെ​ട​ന്ന​ത്. അ​ല​ർ​ച്ച കേ​ട്ട് ഓ​ടി​ച്ചെ​ല്ലാ​നും ഒ​രി​റ്റ് വെ​ള്ളം കൊ​ടു​ക്കാ​നും ഞാ​നേ ഒ​ണ്ടാ​യി​രു​ന്നൊ​ള്ളൂ. കേ​സി​ന് പോ​കാ​മെ​ന്ന് പ​റ​ഞ്ഞ​പ്പോ​ൾ സ​മ്മ​തി​ക്കാ​ഞ്ഞ​ത് നി​ന്റെ ത​ള്ള​യാ​ണ്. അ​വ​ർ​ക്ക് മ​ത്താ​യീ​ടെ 2000 ഉ​ലു​വ മ​തി​യാ​യി​രു​ന്നു. കൂ​ടു​ത​ലൊ​ന്നും പ​റ​യു​ന്നി​ല്ല. അ​യാ​ൾ ചു​മ​ച്ച് തു​പ്പി.

വ​ഴി ത​ട​സ്സ​പ്പെ​ടു​ത്തി ത​ല​ങ്ങും വി​ല​ങ്ങും പോ​യ വേ​രി​ൽ കാ​ല് ത​ട്ടാ​തി​രി​ക്കാ​ൻ മൂ​ന്നു​പേ​രും കു​റെ ബു​ദ്ധി​മു​ട്ടി. കൊ​തു​ക് ക​ടീം കൊ​ണ്ട് കോ​ള​നി​പ്പ​ടി ജ​ങ്ഷ​നി​ൽ എ​ത്തു​ന്ന​തു​വ​രെ ആ​രും ഒ​ന്നും മി​ണ്ടി​യി​ല്ല.

ഠ​ഠ​ഠ

പ​റാ​ൽ വ​ർ​ക്കി​യു​ടെ വീ​ടി​ന്റെ മേ​ൽ​വ​ശം. ക​റു​ത്ത് ഇ​രു​ണ്ട് പാ​യ​ൽ പ​റ്റി​പ്പി​ടി​ച്ച പാ​റ​ക്കൂ​ട്ട​മാ​ണ് ചു​റ്റു​പാ​ടും. അ​വ​ന്മാ​രെ കാ​ണു​ന്നി​ല്ല​ല്ലോ. വ​യ​റും ത​ട​വി കി​ട​ന്ന സാം​കു​ട്ടി എ​ഴു​ന്നേ​റ്റ് ച​മ്രം​പ​ട​ിഞ്ഞി​രു​ന്നു. മ​ടി​ക്കു​ത്തി​ലി​രു​ന്ന ബീ​ഡി​യെ​ടു​ത്ത് പാ​തി ചു​ക്ക ക​ള​ഞ്ഞു. ചു​രു​ട്ടി​ക്കൂ​ട്ടി​യി​ട്ട ഷ​ർ​ട്ടി​ന്റെ പോ​ക്ക​റ്റി​ൽ കി​ട​ന്ന പൊ​തി​യി​ൽനി​ന്ന് 5-6 ത​രി​യെ​ടു​ത്ത് തി​രു​കി ക​യ​റ്റി. മ​ണി 7.50. സ്കൂ​ളി​ന്റെ ഗേ​റ്റി​ന് താ​ഴെ ഏ​തോ വ​ണ്ടി വ​ന്നെ​ന്ന് തോ​ന്നു​ന്നു. അ​യാ​ൾ എ​ഴു​ന്നേ​റ്റ് നോ​ക്കി. ആ​രൊ​ക്കെ​യാ​ണ് വ​രു​ന്ന​തെ​ന്ന് അ​റി​യി​ല്ല.

ബ​ദാം ചോ​ട്ടി​ലെ കു​ത്തു​ക​ല്ല് ക​യ​റു​ന്ന​തി​നി​ടെ ആ​ണ്ട​വ​ൻ നീ​ട്ടി​വി​ളി​ച്ചു. കൂ​യി... കൂ​യി...

വെ​റു​തെ തൊ​ള്ള തൊ​റ​ന്ന് നാ​ട്ടു​കാ​രെ വി​ളി​ച്ച് കൂ​ട്ടാ​തെ​ടാ. പാ​റ​ക്കെ​ട്ടി​ലേ​ക്ക് ഏ​ന്തി​വ​ലി​ഞ്ഞ് ക​യ​റു​ന്ന​തി​നി​ടെ മ​ണി ശാ​സി​ച്ചു.

‘‘ആ​രു​ടെ വെ​ല്ല്യേ​മ്മേ കെ​ട്ടി​ക്കാ​ൻ പോ​യ​താ​ടാ നി​ങ്ങ​ള്.’’

എ​ന്റെ അ​ച്ചാ​യാ സാ​ധ​നം കി​ട്ടേ​ണ്ടേ? നി​ങ്ങ​ൾ​ക്ക് ലി​ക്ക​റ് വേ​ണ്ട ക​ള്ള് ത​ന്നെ വേ​ണോ​ന്ന് ത​റ​പ്പി​ച്ച് പ​റ​ഞ്ഞാ​ൽ ന​മ്മ​ള് എ​വി​ടെ ചെ​ന്ന് പൊ​ക്കാ​നാ. മു​ണ്ടു​ക​ണ്ട​ത്തി​ലി​ല്ല. കീ​ഴ​ടി ചെ​ന്ന​പ്പോ​ൾ ഒ​രു തു​ള്ളി​യി​ല്ലാ​തെ തീ​ർ​ന്നു. ലാ​സ്റ്റ് വെ​ങ്കോ​ട്ടെ​ന്ന് പൊ​ക്കീ​ട്ടു​ണ്ട്. ഇ​ത​ങ്ങോ​ട്ട് നോ​ക്കി​ക്കേ. മ​ണി മൂ​ന്ന് ലി​റ്റ​റി​ന്റെ വെ​ള്ള​ക്ക​ന്നാ​സ് തു​റ​ന്ന് സാം​കു​ട്ടി​യു​ടെ മൂ​ക്കി​ൻ തു​മ്പി​ലേ​ക്ക് അ​ടു​പ്പി​ച്ചു.

നാ​ലു​പേ​രും പാ​റ​മു​ക​ളി​ൽ വ​ട്ട​ത്തി​ലി​രു​ന്നു. സാം​കു​ട്ടി നി​ര​ത്തി​യ ഗ്ലാ​സു​ക​ളി​ലേ​ക്ക് മ​ണി ക​ള്ളൊ​ഴി​ച്ചു. ഒ​രി​റ​ക്ക് അ​ണ്ണാ​ക്കി​ലേ​ക്ക് ത​ള്ളി​യ​പ്പോ​ൾ ആ​ണ്ട​വ​ന് ചെ​റി​യ ക​യ്പ് തോ​ന്നി. വീ​ണ്ടും ചു​ണ്ടോ​ട് അ​ടു​പ്പി​ച്ച​പ്പോ​ൾ ഓ​ക്കാ​നം വ​ന്നു. എ​ന്തോ​ന്നാ​ടാ. വ​യ​റ്റി​ൽ വ​ല്ല​തു​മൊ​ണ്ടോ? മെ​മ്പ​റു​ടെ ചോ​ദ്യ​ത്തി​ൽ കു​ടി​യ​ന്മാ​ർ കു​ലു​ങ്ങി​ച്ചി​രി​ച്ചു.

ദാ​സ​പ്പ​ന്റെ ക​ടേ​ന്ന് മേ​ടി​ച്ച ഇ​റ​ച്ചി​ക്ക​റി​യി​ൽ​നി​ന്ന് ഒ​രു ചെ​റി​യ ക​ഷ്ണ​മെ​ടു​ത്ത് വാ​യി​ലേ​ക്കി​ട്ടു.

ഇ​തൊ​രു​മാ​തി​രി വ​ണ്ടി​ക്കാ​ളേ​ടെ എ​റ​ച്ചി​യാ​ണ​ല്ലേ​ാടാ. അ​ല്ലെ​ങ്കി​ൽ ന​ല്ല മൊ​രു​മൊ​രാ​ന്ന് ഇ​രു​ന്നേ​നേ. ച​ങ്ങ​നാ​ശ്ശേ​രി റാ​ണി ഹോ​ട്ട​ലി​ൽ 18 കൊ​ല്ലം പാ​ച​ക​ക്കാ​ര​ൻ ആ​യി​രു​ന്ന സാം​കു​ട്ടി പ​റ​ഞ്ഞു.

അ​തി​ന് ന​ല്ല എ​റ​ച്ചി വേ​ണേ​ൽ തെ​ങ്ങ​ണേ​ലോ ഞാ​ലി​യാ​കു​ഴി​യി​ലോ പോ​ക​ണം.

അ​തെ​ന്നാ വ​ർ​ത്ത​മാ​ന​മാ മെ​മ്പ​റേ. ജോ​ർ​ജ് വെ​ട്ടു​ന്ന എ​റ​ച്ചി​ക്കെ​ന്നാ കൊ​ഴ​പ്പം.

അ​വ​നി​പ്പം അ​റ​പ്പ​ല്ല. ത​ടി​പ്പീ​രാ​ണ​ല്ലോ പ​ണി.

സാം​കു​ട്ടി ഗ്ലാ​സ് താ​ഴെ​വെ​ച്ച് മെ​മ്പ​റെ ചോ​ദ്യ​ഭാ​വ​ത്തി​ൽ നോ​ക്കി.

അ​ങ്ങേ​രാ സ്റ്റേ​ഷ​ന​റി ക​ട​ക്കാ​ര​ൻ ശി​വ​ൻ പി​ള്ളേ​ടെ മോ​ളേംകൊ​ണ്ട് പോ​യെ​ന്ന്.

ഒ​ളി​ച്ചോ​ട്ട​മോ? സാം​കു​ട്ടി​ക്ക് അ​ത്ര വി​ശ്വാ​സം വ​ന്നി​ല്ല.

നേ​രാ​ന്നേ. മെ​മ്പ​ർ പ​റ​ഞ്ഞുവെ​ച്ച​ത് മ​ണി പൂ​രി​പ്പി​ച്ചു. രാ​വി​ലെ മി​ൽ​മ ബാ​ല​ന്റെ ക​ടേ​ല് വ​ന്ന​വ​ര് പ​റ​ഞ്ഞ​ത​ല്ല​യോ.

എ​ന്തി​ന്റെ കേ​ടാ​യി​രു​ന്നു അ​വ​ൾ​ക്ക്. അ​ല്ല. അ​വ​ൻ മു​ര​ണീ​ന്ന് കെ​ട്ടി ര​ണ്ടു പി​ള്ളേ​രു​മൊ​ള്ള മൊ​ത​ല​ല്ലേ. ട​ച്ചി​ങ്ങ്സി​ൽ തൊ​ട്ടുന​ക്കി​ക്കൊ​ണ്ട് ആ​ണ്ട​വ​ൻ ചോ​ദി​ച്ചു.

അ​വ​രെ​വി​ടെ വേ​ണേ​ൽ പോ​ട്ടെ. ഒ​രു​ത്ത​നും അ​വ​ടെ പേ​റ്റെ​ടു​ക്കാ​ൻ പോ​കേ​ണ്ട. ഈ ​നാ​ട്ടി​ൽ ആ​ർ​ക്കാ​ടാ അ​ത്ര കു​ത്തി​ക്ക​ഴ​പ്പ്. സാം​കു​ട്ടി പ​റ​ഞ്ഞ് നി​ർ​ത്തി​യ​പ്പോ​ൾ എ​ല്ലാ​വ​രു​ടേ​യും നാ​വി​റ​ങ്ങി​പ്പോ​യി.

ഏ​ഹ്... എ​ഹ്... ആ​ണ്ട​വ​ൻ കു​ത്തി​യി​രു​ന്ന് വാ​ളു​വെ​ച്ചു. നീ​യെ​ന്താ​ടാ ഒ​രു ചെ​റു​ത് വീ​ശി​യ​പ്പോ​ഴേ വാ​റാ​യോ. സാം​കു​ട്ടി ഈ​ർ​ഷ്യ​യോ​ടെ നോ​ക്കി.

ആ​ണ്ട​വ​ൻ യു​വ​ജ​ന പ്ര​സ്ഥാ​ന​ത്തി​ന്റെ നേ​താ​വാ​യി​രി​ക്കെ സാം​കു​ട്ടി ജോ​ലി​ചെ​യ്ത ഹോ​ട്ട​ലി​ലെ മ​ദ്യ​ക്ക​ച്ച​വ​ട​ത്തി​നെ​തി​രെ സ​മ​രം ന​ട​ത്തി​യി​രു​ന്നു. തു​ട​ർ​ന്ന് എ​ക്സൈ​സ് ന​ട​ത്തി​യ പ​രി​ശോ​ധ​ന​യെ തു​ട​ർ​ന്നാ​ണ് ഹോ​ട്ട​ൽ പൂ​ട്ടി​ച്ച​ത്. ആ ​ചൊ​രു​ക്ക് ഇ​പ്പോ​ഴും അ​യാ​ൾ​ക്കു​ണ്ട്.

‘‘നെ​ന​ക്ക് ഗ്രാ​മ​സ​ഭ​യി​ൽ പ്ര​സം​ഗി​ക്കാ​നും ഹോ​ട്ട​ല് പൂ​ട്ടി​ക്കാ​നു​മൊ​ക്കെ ന​ല്ല ചൊ​ണ​യാ​ണ​ല്ലോ? ആ ​മി​ടു​ക്കു ക​ള്ളു​കു​ടി​ക്കാ​നും കാ​ണി​ക്കെ​ടാ നാ​റീ...’’

മ​ണി​യും മെ​മ്പ​റും അ​മ്പ​ര​ന്നു. ചു​മ്മാ​തി​രി​യെ​ടോ. മെ​മ്പ​ർ സാം​കു​ട്ടി​യു​ടെ വാ ​പൊ​ത്താ​ൻ നോ​ക്കി.

ഈ ​നാ​റി​യാ എ​ന്റെ തൊ​ഴി​ൽ ക​ള​ഞ്ഞ​ത് അ​റി​യാ​മോ മെ​മ്പ​റേ. സാം​കു​ട്ടി ചീ​റി. നീ ​ആ വൈ​ര​മ​ല മ​ത്താ​യി​യു​ടെ ചോ​ര​യ​ല്ലേ​ടാ... നീ ​അ​ത​ല്ല. അ​തി​ന​പ്പു​റ​ത്തെ ചെ​റ്റ​ത്ത​രം കാ​ണി​ക്കും.

ത​ന്ത​യി​ല്ലാ​യ്മ പ​റ​യു​ന്നോ​ടാ നാ​റി... ചാ​ടി​യെ​ഴു​ന്നേ​റ്റ ആ​ണ്ട​വ​ൻ സാം​കു​ട്ടി​യു​ടെ മു​ഖ​മ​ട​ച്ചൊ​ന്ന് കൊ​ടു​ത്തു. അ​ടി​യു​ടെ ആ​ക്ക​ത്തി​ൽ വേ​ച്ചു​പോ​യ അ​യാ​ൾ പാ​തി​യാ​യ ക​ള്ളും ക​ന്നാ​സെ​ടു​ത്ത് വീ​ശി.

നി​ന്റെ ത​ള്ളേ​ട് പോ​യി ചോ​ദി​ക്കെ​ടാ നാ​യേ. അ​പ്പ​നാ​രാ​ന്ന്.​ സാം​കു​ട്ടി തു​ള്ളി​വി​റ​ച്ചു. കാ​ല് മ​ട​ക്കി ഒ​രു തൊ​ഴി കൊ​ടു​ത്തു.​ അ​ടിനാ​വി പൊ​ത്തി ആ​ണ്ട​വ​ൻ കു​നി​ഞ്ഞി​രു​ന്നു. ക​ണ്ണി​ൽ ഇ​രു​ട്ട് ക​യ​റു​ന്ന​തു​പോ​ലെ തോ​ന്നി. ഞ​ര​മ്പു​ക​ൾ വ​ലി​ഞ്ഞ് മു​റു​കി. ക​ന്നാ​സി​ൽ ബാ​ക്കി​യു​ണ്ടാ​യി​രു​ന്ന ക​ള്ള് ച​വി​ട്ടി​ത്തെ​റി​പ്പി​ച്ചു. കൂ​ട്ട പൊ​രി​ച്ചി​ലി​നി​ടെ പൊ​ട്ടി​യ റ​ബ​ർ ചെ​രി​പ്പ് താ​ഴേ​ക്ക് വ​ലി​ച്ചെ​റി​ഞ്ഞ് ഇ​ട​റി​യ കാ​ലു​മാ​യി ചെ​മ്മ​ൺ​പാ​ത ക​ട​ന്ന് ടാ​ർ റോ​ഡി​ലേ​ക്ക് ക​യ​റി​യ​പ്പോ​ൾ എ​വി​ടെ​യൊ​ക്കെ​യോ കാ​ൽ​പാ​ദ​ങ്ങ​ൾ ത​ട്ടി.​ ത​ള്ള​വി​ര​ലി​ന്റെ അ​റ്റം നീ​റി​യ​പ്പോ​ൾ ചെ​റു​വി​ര​ൽ ചേ​ർ​ത്ത് വെ​ച്ചു.

അ​മ്മ​ച്ചി​യും ജെ​സി​യും പി​ള്ളേ​രും നേ​ര​ത്തേ കി​ട​ന്നു. പാ​ത​ക​ത്തി​ൽ ചോ​റും പു​ളി​ശ്ശേ​രി​യും ഉ​ണ​ക്ക ന​ങ്ക് വ​റു​ത്ത​തും ഭ​ദ്ര​മാ​യി അ​ട​ച്ചു​വെ​ച്ചി​ട്ടു​ണ്ട്. കൈ​ലി​മു​ണ്ട് വ​ലി​ച്ചെ​റി​ഞ്ഞ് അ​യ​യി​ൽ കി​ട​ന്ന തോ​ർ​ത്തെ​ടു​ത്ത് അ​ര​യി​ൽ ചു​റ്റി. ഒ​രു തൊ​ട്ടി വെ​ള്ളം കോ​രി ഉ​ച്ചി​യി​ലേ​ക്ക് ഒ​ഴി​ച്ച​പ്പോ​ൾ കു​ളി​ര് തോ​ന്നി.

രാ​ത്രി പ​ന്ത്ര​ണ്ടാംമ​ണി നേ​ര​ത്ത് അ​വ​നൊ​രു പൂ​തി തോ​ന്നി. പ​ണി​ക്ക​ർ വ​ഴി​യി​ലൂ​ടെ ഒ​ന്നു​കൂ​ടി പോ​ക​ണം. മേ​ശ​പ്പു​റ​ത്തി​രു​ന്ന ടോ​ർ​ച്ചും ഇ​റ​യ​ത്ത് മു​മ്പ് എ​പ്പോ​ഴോ പാ​മ്പി​നെ ത​ല്ലാ​ൻ വെ​ച്ച ചൂ​ര​ലും ധൈ​ര്യ​ത്തി​ന് എ​ടു​ത്തു.

കോ​ള​നി​പ്പ​ടീ​ന്ന് മു​ക്ക​ട​ക്ക് ന​ട​ക്കു​മ്പോ​ൾ പ​ക​ല​ത്തേ​തി​ന്റെ അ​ത്ര ആ​യാ​സ​പ്പെ​ടേ​ണ്ടി വ​ന്നി​ല്ലെ​ങ്കി​ലും ചെ​വി തു​ള​ച്ച് ക​യ​റി​യ ന​ര​ിച്ചീ​റു​ക​ളു​ടെ ശ​ബ്ദം അ​വ​നെ ച​കി​ത​നാ​ക്കി. മു​ന്നോ​ട്ടും പി​ന്നോ​ട്ടും ടോ​ർ​ച്ച​ടി​ച്ചു. വെ​ട്ടം ക​ണ്ടി​ട്ടാ​കും പ​ട്ടി​ക​ൾ കു​ര​ക്കു​ന്ന​തെ​ന്ന് തോ​ന്നി. പാ​ല​മ​ര​ച്ചു​വ​ട് ആ​യ​പ്പോ​ൾ വൈ​ര​മ​ല ബം​ഗ്ലാ​വ് ക​ണ്ടു. മ​ത്താ​യി സാ​റി​ന്റെ മു​റി​യി​ലാ​കും ലൈ​റ്റെ​ന്ന് ഊ​ഹി​ച്ചു. കി​ള​വ​ൻ കോ​ട്ട​യ​ത്ത് പോ​യി ഡി​റ്റ​ക്ടീ​വ് പു​സ്ത​ക​ങ്ങ​ൾ വാ​ങ്ങാ​റു​ണ്ടെ​ന്ന് കേ​ട്ടി​ട്ടു​ണ്ട്. പാ​തി​രാ​ക്ക് വ​ല്ല പു​സ്ത​ക​വും വാ​യി​ച്ചി​രി​ക്കു​വാ​കും.

മൂ​ന്നാ​മ​ത്തെ വ​ള​വ് തി​രി​ഞ്ഞ് വൈ​ര​മ​ല​ക്കാ​രു​ടെ മ​തി​ലി​ന് അ​ടു​ത്ത് എ​ത്തി​യ​പ്പോ​ൾ എ​ന്തോ ഒ​ന്ന് കാ​ലി​ൽ ത​ട​ഞ്ഞു. ടോ​ർ​ച്ച് മി​ന്നി​ച്ചു. അ​യ്യോ പാ​മ്പ്. കാ​ല് വ​ലി​ച്ച് കു​ട​ഞ്ഞു. പി​ന്നെ സ്ഥ​ല​കാ​ലബോ​ധം ന​ഷ്ട​പ്പെ​ട്ടു. വെ​പ്രാ​ള​ത്തി​നി​ടെ ഒ​രു ക​രി​ങ്ക​ൽ​ച്ചീ​ളി​ൽ കാ​ല് വെ​ച്ച​തേ ഓ​ർ​മ​യൊ​ള്ളൂ. ആ​രോ താ​ഴോ​ട്ട് കൊ​ളു​ത്തി​പ്പി​ടി​ച്ചു. മു​ക​ളി​ലേ​ക്ക് ഉ​യ​ർ​ത്താ​ൻ നോ​ക്കി​യി​ട്ടും വ​ല​തു​കാ​ൽ പൊ​ങ്ങി​യി​ല്ല.​ ശ​രീ​രം മു​ഴു​വ​ൻ മ​ര​വി​ച്ച​ത് പോ​ലെ. ചെ​ളി ക​ല​ർ​ന്ന മ​ണ്ണാ​ണ് ചു​റ്റും. എ​ല്ലു​പൊ​ടി​യു​ടെ ഗ​ന്ധം മൂ​ക്കി​ൽ ത​ട്ടി. ഇ​ട​ത് കാ​ലി​ൽ ഊ​ന്നി മു​ക​ളി​ലേ​ക്ക് ക​യ​റാ​ൻ നോ​ക്കി. മു​ന്നി​ലൊ​രു ചു​വ​പ്പ് സ്തൂ​പം. സൂ​ക്ഷി​ച്ച് നോ​ക്കി​യ​പ്പോ​ൾ അ​ത് അ​ഞ്ച​ൽ പെ​ട്ടി​യാ​ണെ​ന്ന് മ​ന​സ്സി​ലാ​യി. അ​തി​ന്റെ പി​ന്നി​ലെ ഇ​രു​മ്പ് വ​ള​യ​ത്തി​ൽ കൈ​യെ​ത്തി പി​ടി​ച്ച് മു​ക​ളി​ലേ​ക്ക് ബ​ദ്ധ​പ്പെ​ട്ട് ക​യ​റി.

നി​ലാ​വ് വെ​ളി​ച്ച​ത്തി​ൽ ടോ​ർ​ച്ചും ചൂ​ര​ൽ​ക്ക​മ്പും ത​പ്പി​പ്പി​ടി​ച്ചു.​ അ​ഞ്ച​ൽ​പ്പെ​ട്ടി​ക്ക് പി​ന്നി​ലെ കു​ഴി ക​ല്ലും മ​ണ്ണും ഇ​ള​കി കു​ഴ​ഞ്ഞ് മ​റി​ഞ്ഞ് കി​ട​ക്കു​ക​യാ​ണ്. കു​ഴി​യി​ലേ​ക്ക് വെ​ട്ട​മ​ടി​ച്ചു.​ വെ​ള്ള​പ്പാ​ട് പോ​ലെ ക​ണ്ട ഭാ​ഗ​ത്തെ മ​ണ്ണ് ക​മ്പി​ട്ട് കു​ത്തി ഇ​ള​ക്കി. അ​വി​ട​വി​ടെ​യാ​യി എ​ല്ലും ക​ഷ്‍ണ​ങ്ങ​ൾ. അ​വ​ന്‍റെ നെ​ഞ്ചി​ടി​ച്ചു. ക​മ്പ് വ​ലി​ച്ച​പ്പോ​ൾ ക​റു​ത്ത് ഇ​രു​ണ്ട് വ​ള പോ​ലൊ​രു സാ​ധ​നം ക​മ്പി​ൽ ചു​റ്റി.​സൂ​ക്ഷി​ച്ച് നോ​ക്കി​യ​പ്പോ​ൾ നെ​ഞ്ചി​ടി​ച്ചു. മൂ​ന്ന​ര പ​തി​റ്റാ​ണ്ട് മു​മ്പ് ഇ​ടി​വെ​ട്ടി​യ രാ​വി​ൽ അ​ച്ചാ​ച്ച​ന്‍റെ ​ൈക​യി​ൽ ക​ണ്ട സ്‍ട്രാ​പ്.​ അ​വ​ൻ ത​രി​ച്ചി​രു​ന്നു.

ആ​രെ​ടാ അ​വി​ടെ... ആ​ണ്ട​വ​ൻ ഞെ​ട്ടി. അ​ത്ര പ​രി​ച​യ​മി​ല്ലാ​ത്ത ശ​ബ്ദം.

ആ​രാ​ന്നാ ചോ​ദി​ച്ച​ത്...

അ​വ​ൻ മി​ണ്ടി​യി​ല്ല.

നി​ന​ക്കെ​ന്നാ നാ​വി​ല്ലേ​ടാ. ഇ​റ​ങ്ങെ​ടാ പ​റ​മ്പീ​ന്ന്. അ​യാ​ൾ അ​ല​റി.

ഇ​തെ​ങ്ങ​നാ​ടോ ത​ന്‍റെ പ​റ​മ്പാ​കു​ന്ന​ത്. ഇ​റ​ങ്ങി​യി​ല്ലേ​ൽ എ​ന്നാ ചെ​യ്യു​മെ​ടോ? എ​വി​ടെ​നി​ന്നോ കി​ട്ടി​യ ധൈ​ര്യ​ത്തി​ൽ ആ​ണ്ട​വ​ൻ ചോ​ദി​ച്ചു.

വ​ല്ല​തും മോ​ട്ടി​ക്കാ​ൻ വ​ന്ന​താ​ണോ​ടാ നീ... ​ആ​ക്രോ​ശി​ച്ചുകൊ​ണ്ട് അ​യാ​ൾ വാ​ക്കി​ങ് സ്റ്റി​ക്ക് ഓ​ങ്ങി. കി​ള​വ​ൻ പി​ന്നെ എ​ന്തോ പ​റ​ഞ്ഞെ​ങ്കി​ലും അ​വ​ൻ കേ​ട്ടി​ല്ല. ആ​ണ്ട​വ​ൻ അ​യാ​ളു​ടെ ത​ല​മ​ണ്ട നോ​ക്കി കീ​റി. മൂ​ന്നാ​മ​ത്തെ അ​ടി​ക്ക് അ​യാ​ളു​ടെ ത​ല​യി​ൽ​നി​ന്ന് തെ​റി​ച്ച ചോ​ര അ​വ​ന്‍റെ നെ​റ്റി​യി​ലൂ​ടെ ഒ​ലി​ച്ച് താ​ഴേ​ക്കി​റ​ങ്ങി.

വൈ​ര​മ​ല മ​ത്താ​യി. പു​ല്ല​ൻ. ആ​ണ്ട​വ​ൻ കാ​ർ​ക്കി​ച്ച് തു​പ്പി.

പി​റ്റേ​ന്ന് രാ​വി​ലെ പ​തി​വി​ല്ലാ​തെ​യു​ള്ള മ​ണി​യു​ടെ ഫോ​ണാ​ണ് ആ​ണ്ട​വ​നെ ഉ​ണ​ർ​ത്തി​യ​ത്. വ​ഴി വെ​ട്ടാ​ൻ അ​മ​രേ​ന്ന് പി​ള്ളാ​ര് വ​രും. ഗ​ണേ​ശ​ന്‍റെ ക​ടേ​ന്ന് കൈ​ക്കോ​ട്ടും പി​ക്കാ​സും റെ‍ഡി​യാ​ക്കി​യേ​ക്ക്.

അ​തു വേ​ണ്ടെ​ടാ. ഞാ​ൻ വെ​ട്ടി.

മ​ണി​ക്ക് വി​ശ്വാ​സം വ​ന്നി​ല്ല. ഹ​ലോ... ഹ​ലോ... ആ​ണ്ട​വ​ൻ ഫോ​ൺ ക​ട്ട് ചെ​യ്‍തി​ട്ട് പു​ത​പ്പെ​ടു​ത്ത് ത​ല​വ​ഴി മൂ​ടി.

(ചിത്രീകരണം: നാ​സ​ർ ബ​ഷീ​ർ)