വായന പക്ഷാചരണം

പടന്ന: ഉദിനൂർ സെൻട്രൽ എ.യു.പി സ്കൂളിൽ അംബികാസുതൻ മാങ്ങാട് ഉദ്ഘാടനം ചെയ്തു. സി. സുരേശൻ മാസ്റ്റർ അധ്യക്ഷത വഹിച്ചു. വരുംദിവസങ്ങളിൽ ഇ.പി. രാജഗോപാലൻ, ഡോ. എം. ബാലൻ, ഹരിദാസ് കരിവെള്ളൂർ, സുരേന്ദ്രൻ കാടങ്കോട്, അജേഷ് കടന്നപ്പള്ളി, സി.എം. വിനയചന്ദ്രൻ, സി.പി. ശുഭ, വിനോദ് ആലന്തട്ട, ഡോ. ഇ. സന്ധ്യ, രാധിക സനോജ് തുടങ്ങിയവർ കുട്ടികളുമായി വായനാനുഭവങ്ങൾ പങ്കിടും. സാഹിത്യ ക്വിസ്, വായനക്കുറിപ്പ് രചന തുടങ്ങിയ മത്സരങ്ങളും ഒരുക്കിയിട്ടുണ്ട്.