ബസ്​ ജീവനക്കാരുടെ ജീവിതം ‘ബ്രേക്ക്​ ഡൗണിലേക്ക്’​

കോ​​ട്ട​​യം: സർവിസ് പുനരാരംഭിച്ച സ്വകാര്യബസുകൾ ഓരോ ദിനവും വരുമാനം കുറഞ്ഞ് നഷ്​ടത്തിലേക്ക് കൂപ്പുകുത്തുന്നു. ലോക്ഡൗൺ ഇളവുണ്ടായതോടെ  ജില്ലയിൽ 300ൽ അധികം ബസുകൾ സർവിസ് നടത്തിയിരുന്നിടത്ത് ഇപ്പോൾ നൂറിനടുത്തായി. കനത്ത നഷ്​ടം തുടരുന്നതിനാൽ അടുത്ത ദിവസങ്ങളിൽ സർവിസുകൾ നിലക്കുന്ന സാഹചര്യമാണ് ഉള്ളതെന്ന് ബസുടമകൾ പറയുന്നു. കിഴക്കൻ മേഖലകളിൽ കോവിഡ് വ്യാപനമുണ്ടാവുകയും ലോക്ഡൗൺ നിയന്ത്രണങ്ങൾ കർശനമാക്കുകയും ചെയ്തതതോടെ ഈ മേഖലയിൽ യാത്രക്കാരില്ലാത്ത സ്ഥിതിയാണ്.

ഏ​​റെ​​പ്പേ​​രും ബസ് യാ​​ത്ര ഒ​​ഴി​​വാ​​ക്കു​​ക​​യോ സ്വ​​കാ​​ര്യ വാ​​ഹ​​ന​​ങ്ങ​​ളെ ആ​​ശ്ര​​യി​​ക്കു​​ക​​യോ ചെ​​യ്യു​​കയാണ്. 1200ഓളം സ്വ​​കാ​​ര്യ ബ​​സു​​ക​​ളു​​ള്ള  ജി​​ല്ല​​യി​​ൽ തിങ്കളാഴ്ച 150ൽ താഴെ മാ​​ത്ര​​മാ​​ണ് സ​​ർ​​വി​​സ് ന​​ട​​ത്തി​​യ​​ത്. ന​​ട​​ത്തു​​ന്ന​​വ ഏ​​റെ​​യും ട്രി​​പ്പു​​ക​​ൾ വെ​​ട്ടിക്കു​​റ​​ക്കാ​​നും നി​​ർ​​ബ​​ന്ധി​​ത​​രാ​​കു​​ന്നു. 200 സ്വ​​കാ​​ര്യ ബ​​സു​​ക​​ളു​​ള്ള കെ.​​കെ റോ​​ഡി​​ൽ 25 എണ്ണമാണ് ഓ​​ടി​​യ​​ത്. കോ​​ട്ട​​യം​​-വൈ​​ക്കം, കോ​​ട്ട​​യം-​ചേ​​ർ​​ത്ത​​ല റൂ​​ട്ടി​​ൽ സ​​ർ​​വിസ് ഏ​​റെ​​ക്കു​​റെ നി​​ല​​ച്ചു. ശ​​രാ​​ശ​​രി 6000 രൂ​​പ വ​​രു​​മാ​​നം ല​​ഭി​​ച്ചാ​​ൽ മാ​​ത്ര​​മേ നി​​ല​​വി​​ൽ സ​​ർ​​വിസ് ന​​ട​​ത്താ​​നാ​​കൂ​​വെ​​ന്ന് പ്രൈ​​വ​​റ്റ് ബ​​സ് ഓ​​പറേ​​റ്റേ​​ഴ്സ് അ​​സോ​​സി​​യേ​​ഷ​​ൻ ജി​​ല്ല സെ​​ക്ര​​ട്ട​​റി കെ.​​എ​​സ്. സു​​രേ​​ഷ് പ​​റ​​ഞ്ഞു.

മി​​ക്ക സ്വ​​കാ​​ര്യ ബ​​സു​​ക​​ൾ​​ക്കും 2000 രൂ​​പ​​യി​​ലും താഴെയാണ് ദി​​വ​​സ​​വരുമാനം. ട്രി​​പ്പു​​ക​​ൾ കു​​റ​​ച്ച് ഓ​​ടു​​മ്പോ​​ഴും ദി​​വ​​സം കു​​റ​​ഞ്ഞ​​ത് 50 ലി​​റ്റ​​ർ ഡീ​​സ​​ൽ വേ​​ണം. ഇ​​തി​​ന് നാ​​ലാ​​യി​​ര​​ത്തോ​​ളം രൂ​​പ ചെ​​ല​​വുവ​​രും. ജീ​​വ​​ന​​ക്കാ​​രു​​ടെ ദി​​വ​​സവേ​​ത​​ന​​വും റോ​​ഡ് നികുതിയും ഇ​​ൻ​​ഷു​​റ​​ൻ​​സും ബാ​​ങ്ക് പ​​ലി​​ശ​​യും വ​​ർ​​ക്​ഷോ​​പ് ചെ​​ല​​വു​​ക​​ളും ഉ​​ൾ​​പ്പെ​​ടെ വ​​ലി​​യ സാ​​മ്പത്തി​​ക ബാ​​ധ്യ​​ത​​യാ​​ണ് ഉ​​ട​​മ​​ക​​ൾ​​ക്കു​​ണ്ടാ​​കു​​ന്ന​​ത്.