Begin typing your search above and press return to search.
exit_to_app
exit_to_app
Posted On
date_range 2 March 2018 5:14 AM GMT Updated On
date_range 2 March 2018 5:14 AM GMTസൗഹൃദവിരുന്ന് മതസൗഹാർദ വേദിയായി
text_fieldsbookmark_border
ഫറോക്ക്: പരസ്പര സ്നേഹത്തിെൻറയും സൗഹാർദത്തിെൻറയും അമൂല്യസന്ദർഭങ്ങൾ കാത്തു സൂക്ഷിച്ചുകൊണ്ട് ഹൈന്ദവ ക്ഷേത്രത്തിലെ സമൂഹസദ്യക്ക് മുസ്ലിംപള്ളിയിലെ പണ്ഡിതന്മാരും കമ്മിറ്റി ഭാരവാഹികളും പങ്കാളികളായത് വേറിട്ട അനുഭവമായി.ഫറോക്ക് കള്ളിക്കൂടം ശ്രീ തുളിശ്ശേരി അയ്യപ്പ ക്ഷേത്രത്തിെൻറ പ്രതിഷ്ഠാദിന മഹോത്സവത്തോടനുബന്ധിച്ച സമൂഹസദ്യയിലാണ് ക്ഷേത്രത്തിനഭിമുഖമായി സ്ഥിതിചെയ്യുന്ന ഖലീൽ മസ്ജിദിലെ പണ്ഡിതന്മാരും പള്ളി-മദ്റസ നടത്തിപ്പ് വഹിക്കുന്ന മുഈനുൽ ഇസ്ലാംസംഘം ഭാരവാഹികളും പങ്കെടുത്തത്. ക്ഷേത്രം ഭാരവാഹികൾ കൂട്ടത്തോടെ പള്ളിയിൽവന്നാണ് സൗഹൃദവിരുന്നിലേക്ക് മുസ്ലിംകളെ ക്ഷണിച്ചത്. വിരുന്നിെൻറ ദിവസമായ വ്യാഴാഴ്ച ഉച്ച നമസ്കാരത്തിനുശേഷം വി.ടി.ഉമർ ഫൈസി, ഉമറുൽ ഫാറൂഖ് ബാഖവി, പി.വി.ഷാഹുൽ ഹമീദ്, മൊറോളി അബൂബക്കർ ഹാജി, പി.ഇ.ഹസ്സൻ ഹാജി, കാട്ടുങ്ങൽ സഫറുല്ല, പി.എ.ഷാഫി എന്നിവരുടെ നേതൃത്വത്തിൽ നിരവധിപേർ സദ്യയിൽ പങ്കുകൊണ്ടു. കെ. രാധാകൃഷ്ണൻ, എം.പി.ശങ്കരനാരായണൻ, പാറപ്പുറത്ത് രവീന്ദ്രൻ, മോത്തിയിൽ മുനേഷ്, പി. സുരേഷ് ബാബു, സി. ശിവദാസൻ എന്നിവരുടെ നേതൃത്വത്തിൽ ക്ഷേത്രം ഭാരവാഹികൾ ഇവർക്ക് സ്നേഹോഷ്മള സ്വീകരണം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story