കളി കാര്യമായി; മൂന്നര വയസ്സുകാരിയുടെ തലയിൽ പാത്രം കുടുങ്ങി

മാനന്തവാടി: കളിക്കുന്നതിനിടെ മൂന്നര വയസ്സുകാരിയുടെ തലയിൽ അലുമിനിയം പാത്രം കുടുങ്ങി. ഒടുവിൽ അഗ്​നി ശമന സേനയാണ് രക്ഷകരായെത്തിയത്.

എടവക പാലമൊക്ക് മൂടമ്പത്ത് യൂസഫി​​െൻറ മകൾ നെഹ്​ല ഫാത്തിമയുടെ തലയിലാണ് പാത്രം കുടുങ്ങിയത്. ചൊവ്വാഴ്ച ഉച്ചക്ക് രണ്ടോടെയാണ് സംഭവം. പാത്രം തലയിൽ കുടുങ്ങിയതോടെ കുട്ടിയെ അര മണിക്കൂർ കൊണ്ട് വള്ളിയൂർക്കാവിലെ അഗ്​നി ശമന യൂനിറ്റിൽ എത്തിക്കുകയായിരുന്നു.

മൂന്ന് മിനിറ്റുകൊണ്ട് പാത്രം മുറിച്ചുമാറ്റി. സ്​റ്റേഷൻ ഓഫിസർ സി.ടി. ഗിരീശൻ, ലീഡിങ് ഫയർ ഓഫിസർ എൻ.വി. ഷാജി, ഫയർമാൻമാരായ എൻ.ആർ. ചന്ദ്രൻ, വി.പി. വിനോദ്, എം.പി. ബിനു, ഇ.ജെ. മത്തായി എന്നിവർ ചേർന്നാണ് മുറിച്ചുനീക്കിയത്.