ബാംഗ്ലൂർ മെട്രോ ടിക്കറ്റുകൾ ഇനി വാട്സ്ആപ്പിലൂടെയും
text_fieldsബംഗളൂരു: വാട്സ്ആപ്പിലൂടെ മെട്രോ ടിക്കറ്റ് സേവനങ്ങൾ ലഭ്യമാക്കുന്ന പദ്ധതിയുമായി ബി.എം.ആർ.സി.എൽ. ആഗോളതലത്തിൽതന്നെ വാട്സ്ആപ്പിലൂടെ ഇത്തരത്തിൽ മെട്രോ ടിക്കറ്റ് സേവനം ആദ്യമായി ലഭ്യമാക്കുന്നത് ബി.എം.ആർ.സി.എൽ ആണെന്ന് അധികൃതർ അറിയിച്ചു.
'നമ്മ മെട്രോ'യുടെ വാട്സ്ആപ് ചാറ്റ്ബോട്ട് അധിഷ്ഠിത ക്യു.ആർ ടിക്കറ്റ് സേവനമാണിത്. 'യൂനിഫൈഡ് പേമെന്റ്സ് ഇന്റർഫേസ്' -യു.പി.ഐയിലൂടെയാണ് ഈ സേവനം ലഭ്യമാകുക. ഇതിലൂടെ മെട്രോ യാത്രക്കാർക്ക് വാട്സ്ആപ്പിൽനിന്നുതന്നെ ടിക്കറ്റുകൾ വാങ്ങാനും യാത്ര കാർഡുകൾ റീചാർജ് ചെയ്യാനുമാകും.
'നമ്മ മെട്രോ'യുടെ എല്ലാ യാത്രക്കാർക്കും ഇംഗ്ലീഷിലും കന്നടയിലും ഇതിനായി വാട്സ്ആപ് ചാറ്റ്ബോട്ട് ലഭ്യമാക്കും. ഈ സേവനം ലഭ്യമാകാൻ ബി.എം.ആർ.സി.എല്ലിന്റെ ഔദ്യോഗിക വാട്സ്ആപ് നമ്പറായ +918105556677ലേക്ക് 'Hi' എന്ന് അയക്കുകയാണ് വേണ്ടത്. തുടർന്ന് ഒറ്റത്തവണ ടിക്കറ്റ് വാങ്ങൽ, യാത്രകാർഡ് റീചാർജ് ചെയ്യൽ എന്നിവയിൽ ആവശ്യമുള്ളത് തിരഞ്ഞെടുത്ത് വാട്സ്ആപ്പിലൂടെ തന്നെ പണമടക്കാം. പണമടക്കാൻ യു.പി.ഐ പിൻ ആണ് ഉപയോഗിക്കേണ്ടത്.
ഏറെ എളുപ്പത്തിൽ ഈ ടിക്കറ്റ് സേവനങ്ങൾ ഉപയോഗിക്കാം. കൗണ്ടറിൽ വരിനിന്ന് പണം കൊടുത്ത് ടിക്കറ്റ് എടുക്കുമ്പോഴുള്ള ബുദ്ധിമുട്ടും സമയനഷ്ടവും ഇതിലൂടെ ഒഴിവാക്കാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.