ബം​ഗ​ളൂ​രു-​മം​ഗ​ളൂ​രു റൂ​ട്ടി​ൽ ട്രെ​യി​ൻ ഗ​താ​ഗ​തം ഭാ​ഗി​ക​മാ​യി പു​ന​രാ​രം​ഭി​ച്ചു

മം​ഗ​ളൂ​രു: ക​ണ്ണൂ​രി​ൽ​നി​ന്ന് മം​ഗ​ളൂ​രു വ​ഴി ബം​ഗ​ളൂ​രു​വി​ലേ​ക്കു​ള്ള ട്രെ​യി​ൻ (16511) സ​ർ​വി​സ് വെ​ള്ളി​യാ​ഴ്ച പു​ന​രാ​രം​ഭി​ക്കു​മെ​ന്ന് ദ​ക്ഷി​ണ-​പ​ശ്ചി​മ റെ​യി​ൽ​വേ അ​ധി​കൃ​ത​ർ അ​റി​യി​ച്ചു. തി​രി​ച്ചു​ള്ള ട്രെ​യി​നും (16512) സ​ർ​വി​സ് ന​ട​ത്തും. ക​ഴി​ഞ്ഞ മാ​സം 26ന് ​മം​ഗ​ളൂ​രു-​ബം​ഗ​ളൂ​രു റൂ​ട്ടി​ൽ എ​ട​കു​മേ​രി​ക്കും ക​ഡ​ഗ​ര​വാ​ലി​ക്കു​മി​ട​യി​ൽ റെ​യി​ൽ​പാ​ള​ത്തി​ൽ മ​ണ്ണി​ടി​ഞ്ഞു വീ​ണ​തി​നെ​ത്തു​ട​ർ​ന്ന് മു​ട​ങ്ങി​യ ബം​ഗ​ളൂ​രു-​മം​ഗ​ളൂ​രു ട്രെ​യി​ൻ സ​ർ​വി​സ് പ​തി​നാ​ലാം ദി​വ​സ​മാ​യ വ്യാ​ഴാ​ഴ്ച ഭാ​ഗി​ക​മാ​യി പു​ന​രാ​രം​ഭി​ച്ചു. യ​ശ്വ​ന്ത്പൂ​ർ-​മം​ഗ​ളൂ​രു ജ​ങ്ഷ​ൻ ഗോ​മാ​തേ​ശ്വ​ര എ​ക്സ്പ്ര​സാ​ണ് (16575) ആ​ദ്യ​മാ​യി ക​ട​ന്നു​പോ​യ​ത്. മ​ണ്ണി​ടി​ഞ്ഞ മേ​ഖ​ല​യി​ൽ വേ​ഗം മ​ണി​ക്കൂ​റി​ൽ 15 കി​ലോ​മീ​റ്റ​റാ​യി ക്ര​മീ​ക​രി​ച്ചി​ട്ടു​ണ്ടെ​ന്ന് ദ​ക്ഷി​ണ -പ​ശ്ചി​മ റെ​യി​ൽ​വേ ഡി​വി​ഷ​ൻ മാ​നേ​ജ​ർ ശി​ൽ​പി അ​ഗ​ർ​വാ​ൾ പ​റ​ഞ്ഞു. ക​ണ്ണൂ​രി​ലേ​ക്കു​ള്ള​ത് ഉ​ൾ​പ്പെ​ടെ 12 ട്രെ​യി​നു​ക​ളാ​ണ് മു​ട​ങ്ങി​ക്കി​ട​ന്ന​ത്.

ട​ൺ ക​ണ​ക്കി​ന് മ​ണ്ണി​നൊ​പ്പ​മു​ള്ള മ​ല​വെ​ള്ള​പ്പാ​ച്ചി​ലി​ൽ ഒ​ഴു​കി​പ്പോ​യ പാ​ള​വും അ​നു​ബ​ന്ധ സം​വി​ധാ​ന​ങ്ങ​ളും പു​നഃ​സ്ഥാ​പി​ക്കു​ന്ന പ്ര​വൃ​ത്തി​ക​ൾ ഏ​റെ ശ്ര​മ​ക​ര​മാ​യാ​ണ് പൂ​ർ​ത്തി​യാ​ക്കി​യ​ത്. 430 റെ​യി​ൽ​വേ ജീ​വ​ന​ക്കാ​ർ മ​ണ്ണി​ടി​ഞ്ഞ ദി​വ​സം മു​ത​ൽ മൂ​ന്ന് ഷി​ഫ്റ്റു​ക​ളി​ലാ​യി മ​ണ്ണു​നീ​ക്ക​ൽ ജോ​ലി​യി​ലാ​യി​രു​ന്നു. 200 പേ​ർ പ​ക​ലും 120 പേ​ർ രാ​ത്രി​യും 110 പേ​ർ അ​ത്യാ​വ​ശ്യ ഘ​ട്ട​ത്തി​ലു​മാ​യാ​ണ് ജോ​ലി​യി​ലേ​ർ​പ്പെ​ട്ടി​രു​ന്ന​ത്.