റോ​ഡി​ൽ വ​ഴു​തി​ വീ​ഴ​ൽ; യാ​ത്ര​ക്കാ​ർ ജാ​​ഗ്ര​തൈ!

ബം​​ഗ​ളൂ​രു: ന​​ഗ​ര​ത്തി​ൽ വേ​ന​ൽ മ​ഴ​യെ​ത്തു​ട​ർ​ന്ന് യാ​ത്ര​ക്കാ​ർ​ക്ക് മു​ന്ന​റി​യി​പ്പു​മാ​യി പൊ​ലീ​സും ബൃ​ഹ​ത് ബം​ഗ​ളൂ​രു മ​ഹാ​ന​ഗ​ര പാ​ലി​കെ​യും. മ​ഴ​യെ​ത്തു​ട​ർ​ന്ന് ന​​ഗ​ര​ത്തി​​ന്റെ വി​വി​ധ ഭാ​​ഗ​ങ്ങ​ളി​ൽ തു​ട​ർ​ച്ച​യാ​യി നി​ര​വ​ധി കേ​സു​ക​ളാ​ണ് ഇ​രു​ച​ക്ര​വാ​ഹ​ന​ങ്ങ​ൾ വ​ഴു​തി വീ​ഴു​ന്ന​തു​മാ​യി ബ​ന്ധ​പ്പെ​ട്ട് റി​പ്പോ​ർ​ട്ട് ചെ​യ്തി​ട്ടു​ള്ള​ത്. ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട് ബി.​ഡി.​എ ഫ്ലൈ​ഓ​വ​റി​ന​ടു​ത്ത് 25ല​ധി​കം വാ​ഹ​ന​ങ്ങ​ളാ​ണ് വ​ഴു​തി​വീ​ണ​ത്. ഇ​തേ​തു​ട​ർ​ന്ന് ​ഗ​താ​​ഗ​ത​ക്കു​രു​ക്കും രൂ​പ​പ്പെ​ട്ടി​രു​ന്നു.

വൈ​കീ​ട്ട് അ​ഞ്ച് മ​ണി​ക്കും ഏ​ഴ് മ​ണി​ക്കു​മി​ട​യി​ലാ​ണ് കൂ​ടു​ത​ൽ അ​പ​ക​ട​ങ്ങ​ൾ ന​ട​ക്കു​ന്ന​ത്. ചൂ​ടു​ള്ള കാ​ലാ​വ​സ്ഥ​യി​ൽ വാ​ഹ​ന​ങ്ങ​ൾ റോ​ഡു​ക​ളി​ലൂ​ടെ സ​ഞ്ച​രി​ക്കു​മ്പോ​ൾ ടാ​ർ, റ​ബ​ർ, ഓ​യി​ൽ എ​ന്നി​വ​യു​ടെ ചെ​റി​യ ക​ണ​ങ്ങ​ൾ റോ​ഡി​ൽ അ​ടി​ഞ്ഞു​കൂ​ടു​ന്ന​തും മ​ര​ങ്ങ​ളി​ൽ​നി​ന്നു​ള്ള കാ​യ​ക​ൾ റോ​ഡി​ൽ വീ​ഴു​ന്ന​തും വ​ഴു​വ​ഴു​പ്പു​ള്ള പ്ര​ത​ല​ങ്ങ​ൾ രൂ​പ​പ്പെ​ടാ​ൻ കാ​ര​ണ​മാ​കു​ന്നു. ആ​ദ്യ​മ​ഴ പെ​യ്യു​ന്ന​തോ​ടെ ഇ​ത് റോ​ഡി​ൽ എ​ണ്ണ​മ​യം രൂ​പ​പ്പെ​ടു​ന്ന​തി​ലേ​ക്ക് ന​യി​ക്കു​ന്നു. ഇ​തു മൂ​ല​മാ​ണ് ഇ​രു​ച​ക്ര വാ​ഹ​ന​ങ്ങ​ൾ തെ​ന്നി വീ​ഴു​ന്ന​തെ​ന്നും ബി.​ബി.​എം.​പി എ​ൻ​ജി​നീ​യ​ർ ബി.​എ​സ്. പ്ര​ഹ്ലാ​ദ് പ​റ​ഞ്ഞു. പൊ​ലീ​സും ബി.​ബി.​എം.​പി​യും ബി.​ഡ​ബ്ലൂ.​എ​സ്.​എ​സ്.​ബി​യും ചേ​ർ​ന്ന് ഉ​യ​ർ​ന്ന സ​മ്മ​ർ​ദ​മു​ള്ള പ​മ്പു​ക​ളു​പ​യോ​​ഗി​ച്ച് വെ​ള്ള​മ​ടി​ച്ച് റോ​ഡി​ലെ വ​ഴു​ക്ക​ൽ ക​ള​യാ​നു​ള്ള ശ്ര​മ​ങ്ങ​ൾ ന​ട​ത്തു​ന്നു​ണ്ട്.