വിമാനത്താവളത്തിന്‍റെ ടെർമിനൽ രണ്ട് ഉ​ദ്​​ഘാ​ട​നം വെ​ള്ളി​യാ​ഴ്ച: ഉ​ദ്​​ഘാ​ട​ന​ ശേഷം പ്ര​ധാ​ന​മ​ന്ത്രി പൊ​തു​സ​മ്മേ​ള​ന​ത്തി​ലും പ​​ങ്കെ​ടു​ക്കും

ബം​ഗ​ളൂ​രു: കെം​പെ​ഗൗ​ഡ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന്‍റെ ടെ​ർ​മി​ന​ൽ ര​ണ്ട്​ (ടി2) ​ഉ​ദ്​​ഘാ​ട​ന​ത്തി​ന്​ സ​ജ്ജ​മാ​യി. അ​തി​മ​നോ​ഹ​ര​മാ​യി അ​ത്യാ​ധു​നി​ക സൗ​ക​ര്യ​ത്തോ​ടെ​യാ​ണ്​ ​ഈ ​ടെ​ർ​മി​ന​ൽ പൂ​ർ​ത്തി​യാ​ക്കി​യി​രി​ക്കു​ന്ന​ത്. ന​വം​ബ​ർ 11ന്​ ​വെ​ള്ളി​യാ​ഴ്ച പ്ര​ധാ​ന​മ​ന്ത്രി ന​രേ​ന്ദ്ര​മോ​ദി ഉ​ദ്​​ഘാ​ട​നം ചെ​യ്യും. ടെ​ർ​മി​ന​ൽ ര​ണ്ട്​ പ്ര​വ​ർ​ത്ത​നം തു​ട​ങ്ങു​ന്ന​തോ​ടെ അ​ധി​കൃ​ത​ർ​ക്ക് യാ​ത്ര​ക്കാ​രെ ​കൈ​കാ​ര്യം ചെ​യ്യ​ൽ, യാ​ത്ര​ക്കാ​ർ​ക്ക് എ​ത്തി​ച്ചേ​ര​ൽ, യാ​ത്ര അ​യ​ക്ക​ൽ തു​ട​ങ്ങി​യ സൗ​ക​ര്യ​ങ്ങ​ൾ ഇ​ര​ട്ടി​യാ​കും.

നി​ല​വി​ൽ വ​ർ​ഷം 2.5 കോ​ടി യാ​ത്ര​ക്കാ​രെ ഉ​ൾ​ക്കൊ​ള്ളാ​നു​ള്ള ശേ​ഷി​യാ​ണ്​ വി​മാ​ന​ത്താ​വ​ള​ത്തി​നു​ള്ള​ത്. ഇ​നി അ​ത്​ അ​ഞ്ചു​മു​ത​ൽ ആ​റ്​ കോ​ടി​യാ​കും. 5,000 കോ​ടി രൂ​പ ചെ​ല​വി​ട്ടാ​ണ്​ ടെ​ർ​മി​ന​ൽ ര​ണ്ട്​ നി​ർ​മി​ച്ചി​രി​ക്കു​ന്ന​ത്. ബം​ഗ​ളൂ​രു​വി​ന്‍റെ ഗാ​ർ​ഡ​ൻ സി​റ്റി എ​ന്ന വി​ശേ​ഷ​ണ​ത്തോ​ട്​ ചേ​ർ​ന്ന്​ നി​ൽ​ക്കു​ന്ന​താ​ണ്​ ടെ​ർ​മി​ന​ൽ ര​ണ്ടി​ന്‍റെ രൂ​പ​രേ​ഖ. ഒ​രു പൂ​ന്തോ​ട്ട​ത്തി​ലൂ​​ടെ ന​ട​ക്കു​ന്ന പ്ര​തീ​തി​യാ​ണ്​ ഇ​വി​ടം. പ​തി​നാ​യി​രം ച​തു​ര​ശ്ര മീ​റ്റ​ർ ദൂ​രം യാ​ത്ര​ക്കാ​ർ​ക്ക്​ പൂ​ന്തോ​ട്ട​ത്തി​ലൂ​ടെ ന​ട​ക്കാം.

ബം​ഗ​ളൂ​രു ന​ഗ​ര​ത്തി​ന്‍റെ സ്ഥാ​പ​ക​ൻ നാ​ട​പ്ര​ഭു കെം​പ​ഗൗ​ഡ​യു​ടെ 108 അ​ടി ഉ​യ​ര​മു​ള്ള വെ​ങ്ക​ല​പ്ര​തി​മ​യും ദേ​വ​ന​ഹ​ള്ളി​യി​ലെ വി​മാ​ന​ത്താ​വ​ള പ​രി​സ​ര​ത്ത്​ വെ​ള്ളി​യാ​ഴ്ച പ്ര​ധാ​ന​മ​ന്ത്രി അ​നാ​ച്ഛാ​ദ​നം ചെ​യ്യും. ബം​ഗ​ളൂ​രു​വി​ൽ പ്ര​ധാ​ന​മ​ന്ത്രി പൊ​തു​സ​മ്മേ​ള​ന​ത്തി​ലും പ​​ങ്കെ​ടു​ക്കും.