ബംഗളൂരു ക്യൂ.എസ്.സി ഖുർആൻ സംഗമം ഇന്ന്

ബംഗളൂരു: ഖുർആൻ സ്റ്റഡി സെന്റർ ബംഗളൂരുവിന്റെ ആഭിമുഖ്യത്തിൽ ഒരുമാസമായി നടന്നുവരുന്ന 'ഖുർആന്റെ തണലിൽ ഹൃദയങ്ങളിലേക്കുള്ള യാത്ര' ഖുർആൻ കാമ്പയിന്റെ സമാപന കൺവെൻഷൻ ഞായറാഴ്ച നടക്കും.എച്ച്.ബി.ആർ ലേ ഔട്ടിലെ അഫ്സൺ കൺവെൻഷൻ സെന്ററിൽ രാവിലെ 10ന് ആരംഭിക്കുന്ന ഖുർആൻ കോൺഫറൻസ് ജമാഅത്തെ ഇസ്‌ലാമി അഖിലേന്ത്യ ജനറൽ സെക്രട്ടറി ടി. ആരിഫലി ഉദ്ഘാടനം ചെയ്യും.

കേരള സംസ്ഥാന സമിതി അംഗം സഫിയ ശറഫിയ മുഖ്യപ്രഭാഷണം നടത്തും. ക്വിസ് ഗ്രാൻഡ് ഫിനാലെ ബാവ ചേന്നര നേതൃത്വം നൽകും.ഖുർആൻ സയൻസ് എക്സിബിഷൻ, ഖുർആൻ ക്വിസ് ഗ്രാൻഡ് ഫിനാലെ, പഠനാർഹമായ പ്രഭാഷണങ്ങൾ, ഐ.പി.എച്ച് പുറത്തിറക്കിയ ഖുർആൻ വിവർത്തനങ്ങൾ അടങ്ങുന്ന ഇസ്‍ലാമിക സാഹിത്യങ്ങളുടെ വിപുലമായ ശേഖരം എന്നിവ ഒരുക്കും. കൂടുതൽ വിവരങ്ങൾക്ക്: 98440 60455, 99869 07363.