ബ​സ് യാ​ത്ര​ക്കാ​ര​ന് തേ​ളി​ന്റെ കു​ത്തേ​റ്റു; ര​ക്ഷ​ക്കെ​ത്തി ഹോ​ട്ട​ലു​ട​മ

മം​ഗ​ളൂ​രു: ക​ർ​ണാ​ട​ക ആ​ർ.​ടി.​സി ബ​സ് യാ​ത്ര​ക്കാ​ർ​ക്ക് ആ​ഹാ​രം ക​ഴി​ക്കാ​ൻ നി​ർ​ത്തി​യ വേ​ള​യി​ൽ തേ​ളി​ന്റെ കു​ത്തേ​റ്റ​യാ​ൾ​ക്ക് ഹോ​ട്ട​ൽ ഉ​ട​മ​യു​ടെ പ്ര​ഥ​മ​ശു​ശ്രൂ​ഷ തു​ണ​യാ​യി. ദ​ക്ഷി​ണ ക​ന്ന​ട ജി​ല്ല​യി​ൽ സ​മ്പാ​ജെ​യി​ലെ ഇ​ന്ത്യ ഗേ​റ്റ് ഹോ​ട്ട​ൽ ഉ​ട​മ​യും എ​സ്.​കെ.​എ​സ്.​എ​സ്.​എ​ഫ് വി​ഖാ​യ വ​ള​ന്റി​യ​റു​മാ​യ താ​ജു​ദ്ദീ​ൻ ടാ​ർ​ലി ന​ട​ത്തി​യ ത​ത്സ​മ​യ ഇ​ട​പെ​ട​ലാ​ണ് ശി​വ​മൊ​ഗ്ഗ​യി​ലെ സോ​ഫ്റ്റ്‌​വെ​യ​ർ എ​ൻ​ജി​നീ​യ​ർ ബി.​എ​സ്. പ്ര​ദീ​പ് കു​മാ​റി​ന് ര​ക്ഷ​യാ​യ​ത്.

പു​ത്തൂ​രി​ൽ​നി​ന്ന് ബം​ഗ​ളൂ​രു​വി​ലേ​ക്കു​ള്ള ബ​സി​ൽ യാ​ത്ര​ക്കാ​ര​നാ​യി​രു​ന്ന ത​നി​ക്ക് ഈ ​മാ​സം ര​ണ്ടി​നു​ണ്ടാ​യ അ​നു​ഭ​വം മ​റ​ക്കാ​നാ​വി​ല്ലെ​ന്ന് പ്ര​ദീ​പ് കു​മാ​ർ പ​റ​ഞ്ഞു. തേ​ളി​ന്റെ കു​ത്തേ​റ്റ് പി​ട​ഞ്ഞ ആ ​നേ​രം പ്ര​ഥ​മ​ശു​ശ്രൂ​ഷ വ​ലി​യ ആ​ശ്വാ​സ​മാ​ണ് ന​ൽ​കി​യ​ത്. വി​ശ്ര​മം ക​ഴി​ഞ്ഞ് പ്ര​ദീ​പ് താ​ജു​ദ്ദീ​നെ ന​ന്ദി അ​റി​യി​ക്കാ​ൻ സ​മ്പാ​ജെ​യി​ൽ ഹോ​ട്ട​ലി​ൽ എ​ത്തി.

എ​സ്.​കെ.​എ​സ്.​എ​സ്.​എ​ഫ് ദ​ക്ഷി​ണ ക​ന്ന​ഡ ജി​ല്ല ക​മ്മി​റ്റി​യു​ടെ നേ​തൃ​ത്വ​ത്തി​ൽ ല​ഭി​ച്ച പ്ര​ത്യേ​ക പ​രി​ശീ​ല​ന​മാ​ണ് പ്ര​ദീ​പി​ന് പ്ര​ഥ​മ ശു​ശ്രൂ​ഷ ന​ൽ​കാ​ൻ സ​ഹാ​യ​ക​മാ​യ​തെ​ന്ന് താ​ജു​ദ്ദീ​ൻ ‘മാ​ധ്യ​മ’​ത്തോ​ട് പ​റ​ഞ്ഞു. ത​ന്റെ ഹോ​ട്ട​ലി​ന് മു​ന്നി​ലാ​ണ് ബ​സ് നി​ർ​ത്തി​യ​ത്. തേ​ള് കു​ത്തി​യ​ത​റി​ഞ്ഞ​യു​ട​ൻ സ​ന്ന​ദ്ധ പ്ര​വ​ർ​ത്ത​ന ഭാ​ഗ​മാ​യി പ്ര​ഥ​മ ശു​ശ്രൂ​ഷ ന​ൽ​കു​ക​യാ​യി​രു​ന്നു. ശേ​ഷം ഹോ​ട്ട​ൽ ജീ​വ​ന​ക്കാ​ര​ൻ ഇ​ർ​ഫാ​ന്റെ ബൈ​ക്കി​ൽ പ്ര​ദീ​പ​നെ അ​ടു​ത്ത പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ​ത്തി​ച്ചു.

മ​ടി​ക്കേ​രി ജി​ല്ല ആ​ശു​പ​ത്രി​യി​ൽ തു​ട​ർ​ചി​കി​ത്സ ന​ൽ​കാം എ​ന്നാ​ണ് ബ​സ് ഡ്രൈ​വ​ർ നി​ർ​ദേ​ശി​ച്ച​തെ​ങ്കി​ലും താ​ൻ ആം​ബു​ല​ൻ​സ് ഏ​ർ​പ്പാ​ട് ചെ​യ്ത് എ​ത്ര​യും വേ​ഗം സു​ള്ള്യ ഗ​വ. ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു. പ്ര​ഥ​മ​ശു​ശ്രൂ​ഷ​യി​ൽ വി​ഷം ഇ​റ​ങ്ങി​യ​താ​യി ഡോ​ക്ട​ർ​മാ​ർ പ്ര​ദീ​പ് കു​മാ​റി​നെ അ​റി​യി​ച്ചു.

24 മ​ണി​ക്കൂ​ർ അ​വി​ടെ ഐ.​സി.​യു​വി​ൽ നി​രീ​ക്ഷ​ണ​ത്തി​ൽ ക​ഴി​ഞ്ഞ ശേ​ഷം ആ​ശു​പ​ത്രി വി​ട്ടു. പ്ര​ദീ​പ് കു​മാ​ർ പൂ​ർ​ണ ആ​രോ​ഗ്യ​വാ​നാ​ണെ​ന്ന് ബ​ന്ധു​ക്ക​ളാ​യ ഡോ​ക്ട​ർ​മാ​രും അ​റി​യി​ച്ച​തി​നെ​ത്തു​ട​ർ​ന്നാ​ണ് സ​ന്തോ​ഷം പ​ങ്കി​ടാ​ൻ താ​ജു​ദ്ദീ​നെ തേ​ടി എ​ത്തി​യ​ത്.