ചാന്ദ്രയാൻ -3 വിക്ഷേപണം 14ന്

ബം​ഗ​ളൂ​രു: ഐ.​എ​സ്.​ആ​ർ.​ഒ​യു​ടെ ചാ​ന്ദ്ര ദൗ​ത്യ​മാ​യ ചാ​ന്ദ്ര​യാ​ൻ -മൂ​ന്നി​ന്റെ വി​ക്ഷേ​പ​ണം ജൂ​ലൈ 14ന് ​ന​ട​ക്കും. ഉ​ച്ച​ക്ക് 2.35ന് ​ആ​ന്ധ്ര ശ്രീ​ഹ​രി​ക്കോ​ട്ട​യി​ലെ സ​തീ​ഷ് ധ​വാ​ൻ ബ​ഹി​രാ​കാ​ശ കേ​ന്ദ്ര​ത്തി​ലെ ര​ണ്ടാം വി​ക്ഷേ​പ​ണ​ത്ത​റ​യി​ൽ​നി​ന്ന് വി​ക്ഷേ​പ​ണ വാ​ഹ​ന​മാ​യ എ​ൽ.​വി.​എം-3 എം 4 ​കു​തി​ക്കും. ജൂ​ലൈ 13ന് ​വി​ക്ഷേ​പി​ക്കാ​നാ​യി​രു​ന്നു നേ​ര​ത്തേ തീ​രു​മാ​നി​ച്ചി​രു​ന്ന​തെ​ങ്കി​ലും ച​ന്ദ്ര​നി​ൽ പേ​ട​കം ഇ​റ​ങ്ങു​ന്ന​തി​ന് അ​നു​യോ​ജ്യ​മാ​യ ദി​വ​സം ആ​ഗ​സ്റ്റ് 24 ആ​ണെ​ന്ന് ക​ണ്ടെ​ത്തി​യ​തോ​ടെ അ​തി​ന​നു​സ​രി​ച്ച് വി​ക്ഷേ​പ​ണ തീ​യ​തി​യി​ലും മാ​റ്റം വ​രു​ത്തു​ക​യാ​യി​രു​ന്നു. വി​ക്ഷേ​പ​ണ​ത്തി​ന് മു​ന്നോ​ടി​യാ​യി ചാ​ന്ദ്ര​യാ​ൻ-3 ന്റെ ​ക്ര​യോ​ജ​നി​ക് ഘ​ട്ട​ങ്ങ​ൾ എ​ൽ.​വി.​എം-3 എം 4 ​ൽ സം​യോ​ജി​പ്പി​ച്ചു. വ്യാ​ഴാ​ഴ്ച രാ​വി​ലെ ഇ​വ വി​ക്ഷേ​പ​ണ​ത്ത​റ​യി​ലേ​ക്ക് മാ​റ്റി.

ച​ന്ദ്ര​നി​ൽ ക​റ​ങ്ങി ന​ട​ന്ന് പ​ര്യ​വേ​ക്ഷ​ണ​ത്തി​ന് സ​ഹാ​യി​ക്കു​ന്ന റോ​വ​ർ, റോ​വ​റി​നെ ച​ന്ദ്ര​നി​ലി​റ​ക്കാ​ൻ സ​ഹാ​യി​ക്കു​ന്ന ലാ​ൻ​ഡ​ർ, ലാ​ൻ​ഡ​റി​നെ ചാ​ന്ദ്ര ഭ്ര​മ​ണ​പ​ഥ​ത്തി​ലെ​ത്തി​ക്കു​ന്ന ​പ്രൊ​പ്പ​ൽ​ഷ​ൻ മൊ​ഡ്യൂ​ൾ എ​ന്നി​വ​യ​ട​ങ്ങു​ന്ന​താ​ണ് ചാ​ന്ദ്ര​യാ​ൻ -3 ദൗ​ത്യം. ചാ​ന്ദ്ര​യാ​ൻ -2 ലാ​ൻ​ഡ​ർ ച​ന്ദ്ര​നി​ൽ ഇ​ടി​ച്ചി​റ​ങ്ങി​യ​തി​നെ തു​ട​ർ​ന്ന് ദൗ​ത്യം പ​രാ​ജ​യ​പ്പെ​ട്ടെ​ങ്കി​ലും ഇ​തി​ന്റെ ഓ​ർ​ബി​റ്റ​ർ പ്ര​വ​ർ​ത്ത​ന​ക്ഷ​മ​മാ​ണ്. പു​തി​യ ദൗ​ത്യ​ത്തി​നും ഈ ​ഓ​ർ​ബി​റ്റ​റി​ന്റെ സേ​വ​നം ത​ന്നെ ഉ​പ​യോ​ഗ​പ്പെ​ടു​ത്തും. ക​ഴി​ഞ്ഞ ദൗ​ത്യ​ത്തി​ലെ വീ​ഴ്ച​ക​ൾ പ​രി​ഹ​രി​ച്ച​തി​നാ​ൽ ഇ​ത്ത​വ​ണ വി​ജ​യ​ക​ര​മാ​യി സോ​ഫ്റ്റ് ലാ​ൻ​ഡി​ങ് ന​ട​ത്താ​നാ​വു​മെ​ന്നാ​ണ് ഐ.​എ​സ്.​ആ​ർ.​ഒ​യു​ടെ പ്ര​തീ​ക്ഷ. ചാ​ന്ദ്ര​യാ​ൻ -2ന്റെ ​യാ​ത്രാ​പ​ഥ​ത്തി​ലൂ​ടെ ത​ന്നെ സ​ഞ്ച​രി​ച്ച് ച​ന്ദ്ര​ന്റെ ദ​ക്ഷി​ണ ധ്രു​വ​ത്തി​ൽ ലാ​ൻ​ഡ​റി​നെ ഇ​റ​ക്കു​ക​യാ​ണ് ല​ക്ഷ്യം. 3900 കി​ലോ​യാ​ണ് പേ​ട​ക​ത്തി​ന്റെ ആ​കെ ഭാ​രം.