ശിശുദിനാഘോഷം സംഘടിപ്പിച്ചു
text_fieldsകെ.എൻ.എസ്.എസ് ദാസറഹള്ളി കരയോഗം സംഘടിപ്പിച്ച ശിശുദിനാഘോഷത്തിൽനിന്ന്
ബംഗളൂരു: എച്ച്.ഡബ്ല്യൂ.എ ചാരിറ്റബ്ൾ ഫൗണ്ടേഷൻ മടിവാള ഏരിയയുടെ നേതൃത്വത്തിൽ തനിമ കലാസാഹിത്യവേദിയുടെ സഹായത്തോടെ ബേഗൂർ ഗവ. ഉർദു സ്കൂളിൽ ശിശു ദിനാഘോഷം സംഘടിപ്പിച്ചു. കുട്ടികൾക്കായി പേപ്പർ ക്രാഫ്റ്റ്, കാരി ബാഗ് നിർമാണം, ഫ്ലവർ മേക്കിങ് എന്നിവയിൽ ശിൽപശാല നടത്തി. സ്കൂളിൽ നിന്നും വിരമിക്കുന്ന അധ്യാപകന് യാത്രയയപ്പും സംഘടിപ്പിച്ചു. എച്ച്.ഡബ്ല്യൂ.എ സെക്രട്ടറി അനൂപ് അഹ്മദ് വിരമിക്കുന്ന അധ്യാപകനുള്ള ഉപഹാരം കൈമാറി. മടിവാള ഏരിയ രക്ഷാധികാരി ഷിനാദ്, എച്ച്.ഡബ്ല്യൂ.എ ഏരിയ കോഓഡിനേറ്റർമാരായ ഷഹീം, ഫബീന അബു, സാദിഖ്, സജ്ന, രഹ്ന, മുംതാസ്, മുഫാസിൽ, സൈഫുദ്ദീൻ എന്നിവർ നേതൃത്വം നൽകി.
എച്ച്.ഡബ്ല്യൂ.എ ചാരിറ്റബ്ൾ ഫൗണ്ടേഷൻ മടിവാള ഏരിയയുടെ നേതൃത്വത്തിൽ ബേഗൂർ ഗവ. ഉർദു സ്കൂളിൽ സംഘടിപ്പിച്ച ശിശു ദിനാഘോഷത്തിൽനിന്ന്
കർണാടക നായർ സർവിസ് സൊസൈറ്റിയുടെ വിവിധ കരയോഗങ്ങളിൽ ശിശുദിനം ആഘോഷിച്ചു. കളറിങ്, പെയിന്റിങ്, ഡ്രോയിങ് മത്സരങ്ങളും മറ്റ് കലാപരിപാടികളും സംഘടിപ്പിച്ചു. ദാസറഹള്ളി കരയോഗത്തിൽ ആഘോഷങ്ങൾക്ക് യുവജന വിഭാഗം ദൃശ്യം പ്രവർത്തകർ നേതൃത്വം നൽകി. ഇന്ദിരനഗർ കരയോഗത്തിൽ മഹിള വിഭാഗം മാതൃശക്തി ആഘോഷങ്ങൾക്ക് നേതൃത്വം നൽകി. തിപ്പസാന്ദ്ര സി.വി. രാമൻ നഗർ കരയോഗവും മഹിള വിഭാഗം പഞ്ചമിയുടെ പ്രവർത്തകരുടെ നേതൃത്വത്തിൽ ശിശുദിനം ആഘോഷിച്ചു. വിമാനപുര കരയോഗവും മഹിള വിഭാഗവും ചേർന്ന് ശിശുദിന ആഘോഷങ്ങൾക്ക് നേതൃത്വം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.