ന​ടു​റോ​ഡി​ലെ വ​ഴ​ക്കി​ൽ ബം​​ഗ​ളൂ​രു ടോ​പ് ​ഗി​യ​റി​ൽ

ബം​​ഗ​ളൂ​രു: ന​​ഗ​ര​ത്തി​ൽ ന​ടു​റോ​ഡി​ൽ വാ​ഹ​ന​മോ​ടി​ക്കു​ന്ന​വ​ർ ത​മ്മി​ൽ വ​ഴ​ക്കി​ടു​ന്ന​ത് കൂ​ടു​ന്നു. ന​​ഗ​ര​ത്തി​​ന്റെ വി​വി​ധ​യി​ട​ങ്ങ​ളി​ലാ​യി രാ​ത്രി​യെ​ന്നോ പ​ക​ലെ​ന്നോ വ്യ​ത്യാ​സ​മി​ല്ലാ​തെ നി​ര​വ​ധി സം​ഭ​വ​ങ്ങ​ളാ​ണ് ഈ​യ​ടു​ത്ത കാ​ല​ങ്ങ​ളി​ൽ റി​പ്പോ​ർ​ട്ട് ചെ​യ്തി​ട്ടു​ള്ള​ത്.

ക​ഴി​ഞ്ഞ ദി​വ​സം ഇ​ല​ക്ട്രോ​ണി​ക് സി​റ്റി​ക്ക​ടു​ത്ത് വെ​ച്ച് കാ​റി​ൽ സ​ഞ്ച​രി​ച്ചി​രു​ന്ന ആ​റം​​ഗ സം​ഘം സ്കൂ​ൾ ബ​സ് ത​ട​യു​ക​യും ബ​സി​ന് കേ​ടു​പാ​ടു​ക​ൾ വ​രു​ത്തു​ക​യും ചെ​യ്തി​രു​ന്നു. സം​ഭ​വ​വു​മാ​യി ബ​ന്ധ​പ്പെ​ട്ട് ഹെ​ബ്ബ​​ഗൊ​ഡി പൊ​ലീ​സ് കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണ​മാ​രം​ഭി​ച്ചി​ട്ടു​ണ്ട്. സ്കൂ​ൾ കു​ട്ടി​ക​ളു​ള്ള വാ​ഹ​ന​ത്തെ ആ​ക്ര​മി​ച്ച​ത് ര​ക്ഷി​താ​ക്ക​ൾ​ക്കി​ട​യി​ൽ ആ​ശ​ങ്ക​ക്കി​ട​യാ​ക്കി​യി​ട്ടു​ണ്ട്. ക​ഴി​ഞ്ഞ ചൊ​വ്വാ​ഴ്ച രാ​ത്രി മ​റ്റൊ​രു സം​ഭ​വ​ത്തി​ൽ എം.​ജി റോ​ഡി​ൽ ന​ടു​റോ​ഡി​ൽ ബൈ​ക്ക് യാ​ത്രി​ക​ൻ ബി.​എം.​ടി.​സി​യു​ടെ എ​യ​ർ​പോ​ർ​ട്ടി​ലേ​ക്കു​ള്ള വാ​യു​വ​ജ്ര ബ​സ് ത​ട​ഞ്ഞി​രു​ന്നു.

ബൈ​ക്ക് യാ​ത്രി​ക​ൻ ന​ടു​റോ​ഡി​ൽ നി​ർ​ത്തി ബ​സ് ഡ്രൈ​വ​റു​മാ​യി വ​ഴ​ക്കി​ടു​ക​യും തു​ട​ർ​ന്ന് ബ​സി​നു മു​ന്നി​ൽ ബൈ​ക്ക് നി​ർ​ത്തു​ക​യു​മാ​യി​രു​ന്നു. സം​ഭ​വ​ത്തി​​ന്റെ ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ വ്യാ​പ​ക​മാ​യി പ്ര​ച​രി​ച്ചി​രു​ന്നു. റോ​ഡി​ലെ വ​ഴ​ക്കി​നെ​ത്തു​ട​ർ​ന്ന് വാ​ഹ​ന​മോ​ടി​ച്ചി​രു​ന്ന സ്ത്രീ​ക്കെ​തി​രെ ബ​ലാ​ത്സം​ഗ ഭീ​ഷ​ണി മു​ഴ​ക്കി​യ കേ​സു​ക​ൾ വ​രെ റി​പ്പോ​ർ​ട്ട് ചെ​യ്തി​ട്ടു​ണ്ട്.

വി​ദ്യ​രാ​യ​ന​പു​ര​യി​ൽ വ​ഴ​ക്കി​നെ​ത്തു​ട​ർ​ന്ന് ബൈ​ക്കി​നെ പി​ന്തു​ട​ർ​ന്ന കാ​റി​ടി​ച്ച് ബൈ​ക്ക് യാ​ത്രി​ക​ൻ കൊ​ല്ല​പ്പെ​ട്ട​ത് ക​ഴി​ഞ്ഞ​യാ​ഴ്ച​യാ​യി​രു​ന്നു. മ​നു​ഷ്യ​രു​ടെ വ്യ​ക്തി​​പ​ര​മാ​യ കാ​ര​ണ​ങ്ങ​ൾ​ക്കൊ​പ്പം ട്രാ​ഫി​ക്, ശ​ബ്ദ മ​ലി​നീ​ക​ര​ണം, കാ​ലാ​വ​സ്ഥ, കോ​വി​ഡാ​ന​ന്ത​ര കാ​ല​ത്തെ മ​നു​ഷ്യ​രു​ടെ മാ​ന​സി​ക നി​ല, ജോ​ലി ഭാ​രം തു​ട​ങ്ങി​യ കാ​ര​ണ​ങ്ങ​ളാ​ണ് വ​ർ​ധി​ച്ചു വ​രു​ന്ന ഇ​ത്ത​രം പ്ര​ശ്ന​ങ്ങ​ൾ​ക്ക് കാ​ര​ണ​മാ​യി മ​നഃ​ശാ​സ്ത്ര​ഞ്ജ​ർ ചൂ​ണ്ടി​ക്കാ​ട്ടു​ന്ന​ത്. ഇ​ത്ത​രം സം​ഭ​വ​ങ്ങ​ൾ മ​നു​ഷ്യ​രു​ടെ ശാ​രീ​രി​കാ​രോ​​ഗ്യ​ത്തെ​യും മാ​ന​സി​കാ​രോ​​ഗ്യ​ത്തെ​യും പ​ല​ത​ര​ത്തി​ൽ ​ഗു​രു​ത​ര​മാ​യി ബാ​ധി​ക്കു​മെ​ന്നും അ​വ​ർ മു​ന്ന​റി​യി​പ്പ് ന​ൽ​കു​ന്നു.

എ​ന്തെ​ങ്കി​ലും പ്ര​ശ്ന​മു​ണ്ടാ​വു​ക​യാ​ണെ​ങ്കി​ൽ വാ​ഹ​ന​ത്തി​​ന്റെ ന​മ്പ​ർ ശ്ര​ദ്ധി​ക്കു​ക​യും ന​മ്മ ഹെ​ൽ​പ് ലൈ​ൻ ന​മ്പ​റാ​യ 112ൽ ​വി​ളി​ച്ചോ 112 എ​ന്ന ആ​പ്പി​ലൂ​ടെ​യോ പൊ​ലീ​സി​നെ അ​റി​യി​ക്കു​ക​യും പൊ​ലീ​സെ​ത്തി​യ​തി​ന് ശേ​ഷം വി​വ​ര​ങ്ങ​ൾ ന​ൽ​കു​ക​യു​മാ​ണ് വേ​ണ്ട​തെ​ന്ന് പൊ​ലീ​സ് പ​റ​യു​ന്നു.